الكل يتطنزويقط كلام لاني ماحملت

[ربي يفرج لي]

السلام بنات انا صارلي 12 شهر جربت من 6 شهور علاجات ادري انه تو الناس بس زوجي مايرحم يبي عيال العرايس كانو ويااي من جماعتنا 6 غيري وتقريبا كلنا تزوجنا بنفس المدة وكل لهم ياحمل بشهر 9 ويا ولدو وصارلهم 5 شهور فزوجي ماينلام محتر منهم واللي بعدي ولدو وحملوا انا تعبت ومليت سويت نتشيط واشعه الصبغة قالولي انه انبوبة من انابيب فالوب متصكره وحده زينة ورحت حق كذا دكتور ماكو فايده كل من يتطنز علي ويضحك علي وبكل مجلس الحريم مايخلوني كله طنازة وبسوي الشهر الجاي تلقيح صناعي بالهادي قولولي مدى نجاحها وشسوي مع النوعية الي تطنز ويقولون لي "لو نام رجلج مع السرير حمله " من هالكلام تكفون ابي رايكم

 

[TeAcHeR_BeZaRiN]

خليهم يولون ولا تهتمين لكلامهم ((((((((( وتأكدي انه هذا رزق من الرب العالمين متى ما اراد ربي حبيبي عطاج ومو متى ما بغو الناس))))))))))

اشتكي لرب العالمين وادعية وربي يسهل عليج ان اشاء لله ويرزقنا معاج بالذرية الصالحة

على فكرة بالنسبة لأنسداد مرة سمعت عن كذا طريقة تفتحة :
1- انج تنسدحين على بطنج _ واي احد ويدوس على مقعدتج وياخذ ايدج اليمين مع رجلج اليسار ويشدهم وبعدين العكس ايدج اليسار مع رجلج اليمين ويشدهم بس على الخفيف مو حيل بحيث انج ما تتألمين ... <<هذي الطريقة سوتلي اياها وحدة اتعالج بطلب العرب

2- ان تشربين العشبة اول وثاني يوم الدورة او ثاني وثالث يوم الدورة
تاخذينها من الحواج وتطحنينها وتشربين ملعقة كبيرة مع الحليب الدافي

وان شاء لله نسمع الاخبار الطيبة عن قريب

 

[الاسطورية]

الناس ماعندها غير الحجي صدقيني عطيهم طاف مهما يقولون اذن من طين اذن من عجين لاياثرون فيج
في حريم نوعهم يطولون بالحمل
رفيجاتي وحده حملت بعد سنه
وحده بعد 6 شهور

كل اثنين غير

توالناس عالعلاجات نطري عالاقل سنه واخذي فولكاسيد كل مره متزوجه تاكله ليما تحمل ومع الحمل بعد زين
الله يرزقج

 

[ياشايل الظبى]

عفيه حريم

انتى صارلج 12 شهر ... يبا انا صارلى 6 سنوات واللى تكلم احط اصابعى بعيونها .. لاتحترين ولاتحرقين اعصابج
قولى تو الناس ...
انا تونى عروس ..
مانى فاضيه لليهال ولويتهم ..
اذا شافوج متكدره .. قامو يزيدون ..
خو احنا ندور الضعيف ونتوطا ببطنه <<< انفعلت ههههههههههههههههههه

عيشى حياتج ... والرزاق بالسماااااااااااااااا

 

[Hello_kitty]

الله يصبرج ادري المعاناة صعبة والناااس ما ترحم الله يرزقج يااارب ويفرح قلبج وتحملين بدون عمليات ولا شي

 

[*سكون*]

صراحه اللي اتطنز هذي لا ذوق ولا أخلاق ولا ضمير .. شقول أكثر من جذي

قولي حسبي الله ونعم الوكيل وتوكلي على الله وعليج بالدعااااااااااااااء وان شا الله ربي بيرزقج بالذرية الصالحه

 

[سوسو الأموره]

يبا مالج شغل فيهم قولي لهم وأنتم شكووو

وبعدين هذا إللي الله كاتبه بتعترضون على كتبت الله

أنتي لو مجعمتهم جان ولا وحده فجت حلجها وإهم شكووو << تراها جد إنفعلت

وإذا بغيتي تعالجين لايدرون عنج خليها بينج وبين رجلج

وأنا أشوف إنكم توكم صغار أنا ترا ماحملت إلا بعد 6 شهور من عرسي وبعدي ثنتين تزوجو وإحملو وعادي عندي لأني عارفه إنه لو الله كاتب إني أحمل بحمل إنشااالله والحمدلله

بس تعالي أنا جني سمعت إنه إللي تعالج لازم تكون نفسيتها زينه لأنها ممكن تأثر يعني لاتحاتين ولاتفكرين بالموضوع إشغلي نفسج بأي شي وإذا تحجوا طنشيهم وجنج ولاسمعتي شي

والله يرزقج بالذريه الصالحه إللي تفرح قلبج وترزق كل محرومه

 

[bnt_kwt]

قولي لهم يالله عطوني العلاج على ايدكم ؟؟

استغفر الله على هالبشر ما يخلون احد بحاله

 

[ذكريات]

الحمدلله والشكر اللي تقول هالكلام ما تعرف ان كل شي بيد الله واااااااااااااااااي حرتني

بعدين لا تتضايقين و الله الناس ما ينعرفلها اذا حملتي بسرعة عيبوا و اذا تاخرتي عيبوا

و لا تخلينهم يحسون انهم ضايقوج علشان لا يزيدون و جعميهم خل يحسون انج قوية مو ضعيفة

ادري صعبة بس حاولي

 

[Dalo3a in Texas]

بالطقاااااق اللي يطقهم لا يهمج ووكلي امرج لله

 

[Cacawa]

كلام الناس مايخلص وخصوصا هالحريم ماعندهم غير الطنازة وسوالف الحش استغفر الله العظيم

عطيهم طاف واذا قالو لج ليش ماحملتي قوليلهم سالو ربكم راح ينجعمون

كل شي بيد رب العالمين

والله يرزق الجميع

 

[dana8]

لا تتضايقين ولا تهتمين اهم شي نفسيه للمقبله على الحمل اتكون مرتاحه وايد

واحنا الله ويانا لاتحاتين والله يصبر كل وحده تريد ذريه

 

[فوفه]

حبيبتي قطي كلام الناس ورى ظهرج لان بعض من الناس ما عندهم غير القرقه والكلام الفاضي

وتوكلي على الله وكثري من قراءة سورة البقره وكثري بعد الاستغفار وأدعي من كل قلبج ان الله يرزقج بالذريه الصالحه ... ولا تخلين كلام الناس يأثر فيج

الله كريم وانشاءالله يارب تحملين وينولج ربي اللي في بالج :yaaaaaarb:

 

[الغاليه نونو]

حبيبتي ماااكووو وحده احملت ويابت من شطارتها ولامن شطارة ريلها العياال بيد رب العالمين ماعليج منهم اللي يتحجون هذوله بيهبطون عزيمتج وبيحرونج كبري عقلج انتي واعيه ودارسه وفاهمه ان كل شى بيد الرحمن اللي عينه ماتنام
لاتروحين تحورفين بعمرج يمه خلي كل شى علي الله واللي ربج كاتبه يصير

 

[-Bello-]

امبيه الحمدالله والشكر مينن؟؟ ولا اشهل الجهل اللي فيهم ..الله يعينج حبيبتي ..انتي توج ماصارلج وايد وترى النفسيه تاثر على الحمال واااايد
الله يرزقج ويرزقنا اللهمامين

 

[هندااا]

:denya:والله هالناس ماتستحي ولا ترحم....عيل انا اليوم أبله معاي بالمدرسة شنو تتوقعون اتقولي؟؟


اتقول انا اول مرة اشوف وحدة مثلج ماعندها عيال وحنونة مع اليهال:nocommint:


انا اهني امبرصت وانربط الساني......صج صج احرجتني وحسيت اني عقيم:0bee2e8d89:






اهي يمكن قالتها من غير قصد بس والله والله والله اهما مو حاسين بلي انحسه وانشالله مايحسون فيه لان شي يذبح ويموت ويتعب النفسيه..........

 

[ملح بدويه]

تووووووو الناس لا تستعجلين وتوج عرووووس

حررري اللي يسالونج قوليلهم زوجي يقول تووو الناس تونا معاريس والله بيحترون

ولاحقه عالشقا وعالسهر والتعب

 

[Angel]

ويقولون لي "لو نام رجلج مع السرير حمله " من هالكلام تكفون ابي رايكم

صج وقاحة شهالحجي بالله هذا كلام ؟؟؟؟!!!!!! صج ناس ما تستحي ولا تخاف الله تبليها... استغفر الله العظيم ..ما عليج منهم اعطيهم طاف وتركي كل شي على رب العالمين وتوكلي على الله.

 

[قمر ضاوي33]

سبحان الله الرازق بالسما والحاسد بالأرض

يعني شنو الموضوع بيدك ولا بيد الدكتور الموضوع بيد رب العالمين واو ارحم الراحمين بعباده قولي يا رب يا رحيم وسبحانه بيرزقك ان شاء الله


وبعدين تو الناس على التلقيح الصناعي توك عروس

والله ارضاء الناس غاية لا تدرك حتى لو حملتي هم بيطاردونك بالأسئلة اشلون جملتي ؟ كم لك ؟ متى بتولدين ؟

ولا ولدتي يا الله شدي حيلك يبي اخت ولا اخو ....

انتي ولا يهمك ولا تخلين الموضوع وايد براسك علشان لا يأخر حملك زيادة

ادعي رب العالمين في كل صلاة ودام على قرآة سورة البقرة وان شاء الله نسمع خبر حملك عن قريب

 

[&زهرة اللوتس&]

لا حول ولا قوة الا بالله فى ناس هلون ماعليكى منهم خالهم يولون

انا الحين لى ثلاث سنين ربى مارزقني ما اقوللك ماكو احد علق لا لكن ما اعطيهم مجال

ولي من الله حياه الله كله بامر الرحمن

الله يرزقك الذرية الطيبة

ويعطيكى توام:ioljnmlk: يفرحو قلبك