الكل قام يدور مكياج بو 10 و15 .... (شاركينا خبرتج)

[الأميرة نوره]

Up >>> صالونات الجهرا و الرقعي و خيطان و المسيله مكتسحيين الموضوع
اشدعوه و ين صالونات الفحيحيل و المنقف والفنطاس والمهبوله ؟؟ مانبي نبعد !!

 

[قطوووة]

المنقف فن المكياج رووووووووووووووووووعة

 

[يالبا روحي]

مرحبااااااااااا قطوه تكفين تنصحيني بفن المكياج لان عندي عرس اخوي مادري وين اروح تكفووووون ساعدوني ابي تسريحه حلوهومكياج حلو بالمنطقه العاشره:0bee2e8d89:

 

[جمولة مزيونة]

السلام عليكم

و الله انا من البحرين و بقول تجاربي للي حابة تعرف عن شغل البحرين سبحان الله يمكن تصير عندكم مناسبة هني

اولا جربت صالون لولو في المحرق للميك اب و الشعر ,, تسريحاتها الكل يقول عنها حلوة لما اسوي عندهم و الكل يسئل وين مسوية شعرج ,, و الميك اب نفس الشي ,, بس انا شخصيا ما كنت مرتاحة لشغلهم !!!

اولا الميك اب مالهم حلو وايد و الدمج عجييييييييييييييب و هي صج فنانة ( طبعا اللي تمكيج هي صاحبة الصالون اسمها نجاة العبدالله ) و تحب تحط لي ميك اب ناعم و تحسين شغلها يفرق على وجهي عن باقي الزباين ,, يعني مكياجها يطلع حلو حسب القالب!!

يعني اذا القالب مو حلو يطلع ميك ابها دفش ,, و اذا ارتاحت على الوجه اللي تمكيجه يطلع الميك اب رووووووعة ,,

بالنسبة لي هي تحب وجهي و ملامحي و كله تقول وجهك ناعم و اي شي احطه لج يطلع حلو فتبدع في مكياجي لكن لما تشوفين شغلها على شخص ثاني تقولين مو حلو !!

الخلاصة : الايجابيات : دمج و الوان و رسمة تهبل
السلبيات : 1. مكياجها نفس الطريقة و نفس الرسمة على كل الوجيه يعتمد على وجهك انتي كيف يطلع الميك اب !!
2. تستخدم بودرة سمر كيك !! و هذي موب زينة و وايد شيب !! و في المقابل مكياجها غالي يعني حوالي 25 الى 30 دينار بحريني !!

بالنسبة للشعر : الايجابيات : تسريحة معقدة و صعبة يسوونها باحتراف عندها ثنتين فلبينيات خوات روعة فنانات في التساريح انا لما اروح اقول لهم ابي هذول الثنتين مابي غيرهم !!

السلبيات : يحطون سبري واجد و انا ما احب السبري !! استشوارهم قاسي على الشعر تحسينه يحرقه لج !!


طبعا انا و خواتي و امي نطلع من عندها دافعين حوالي 200 دينار بحريني شعر و مكياج !!


ثاني صالون جربته هو صالون خولة بوحجي ,,

خولة ما شاء الله صيتها واصل على مستوى دول الخليج مطلوبة في قطر و السعودية ,, هي خبيرة تجميل دارسة تجميل في امريكا و فعلا بروفشنال و عارفة شغلها زين ,,

تختلف عن صالون لولو ,, انها تعرف كل وجه وش يناسبة من الوان و رسمات ,, تحاول تبرز العيون بتدرجات فضيعة و دمج و لا اروع فعلا فنانة ,, انا لما تمكيجت عندها مع انها كانت يومها مريضة و تعبانة و لكنها بدعت في مكياجي !!

حسيت عيوني بارزة التدرج ناعم مو صارخ !! نفس ميك اب هيفاء وهبي اللي تجيك تدرجات من نفس اللون !!

و سويت تسريحة بعد عندهم كانت حلوة و طبيعية لكن المشكلة مو ثابته في كم خصلة انفلت لكن عند لولو مستحيل اي خصلة تنفل

الايجابيات : مكياج راقي ,, فاونديشن حلو ,, ماركة المكياج اللي تستخدمها معروفة و زينة بس نسيت اسمها لووول ,, التعامل مع خولة مريح يعني تقعد تسولف معاج و هي تمكيجج و تستمتعين بالميك اب معاها و توريج كل شوي المكياج بالمنظرة عشان تتاكد ان انتي مرتاحة

السلبيات : الآي شدو بعد فترة تشوفينه يتساقط على خدج مو ثابت !! بس مو كثير شوي !!!
و التسريحة انفلت خصلتين منها

و سعرها نفس لولو حوالي 30 دينار بحريني للمكياج و الشعر ما اذكر بالضبط بس يعني انا تقريبا طلعت من عندها دافعة 60 او 80 دينار بحريني لي بس !! بس حلو شغلها تستاهل !!

و طلعت من عندها مسويتني عروس ما شاء الله

ثالثا صالون جاك ديسانج : استشوارهم و قصهم حلو لكن ما انصح اي وحدة تروح لميك اب و شعر حق عرس !!

اذا مناسبة عادية اوكي بس عروس لا لا لا !!

مكياجهم اروبي طبعا جدا هادئ بس مو مميز ,, و الشعر تساريحهم فاشلة موب حلوة كلش !!

رابعا : مكياج سيفورا ,, عندهم خبيرة تجميل بس ميك ابها مو مميز و كلش عادي !!

خامسا : حاليا انا تجيني بنت البيت تمكيجني انا و امي ,, شقول و شخلي عنها ما شاء الله ميك ابها فوق الرائع !!

هي بنت كانت تشتغل في ماك و الحين في باتشي لوتشي !!

تجيني الببت و معاها عدتها و كل شي تستخدمة من ماك الا الفاونديشن تجيبه من لبنان و الفاونديشن روعة هو بالاساس كونسيلر لكن هي تستخدمه كفاونديشن !!

روعة فنانة موهبة فذة شقول عنها ,, المميز في شغلها انها محترفة لما تحط الآي شادو تحسين لون عدسة عينج شاب كانج لابسة عدسة و لكن في الحقيقة انا ما كنت لابسة عدسة و لا شي !!! لكن سبحان الله طريقتها تخلي لون العيون بارز و شااااااب !!!

مكيجتني مرتبين مرة سوت لي السموكي البني طريقتها جديدة علي و طلة مختلفة جدا ,, و مرة ثانية سوت لي مكياج بدوي يجنن يهبل يهوس ما شاء الله حددت عيني بطريقة ولا اروع ,, فعلا البنت هذي محترفة محترفة محترفة !!

و الوان الروجات اللي عندها يا بنات تهوس الوان بنوتية حيل بس للاسف ما عرفت وشهي ماركتها هي كانت كريمية و رحت لماك شفت عندهم بس روجين كريمي و مو هم اللي شفتهم عندها مدري من وين جايبتهم !!

و تحديدها للحواجب فنان ترسمهم رسم لا صار و لا استوى !! هي ترسم حق امي لان امي حواجبها خفاف انا تظللهم شوي لان حواجبي عراض بس فعلا شغل حلو و مرتب اتعب و انا اقول حلو !!

طبعا هي بعد توريني خطوة بخطوة وش تسوي لما تشوفين نفسج الو شي تتخرعين لانها تبدي بميك اب العيون قبل الفاونديشن و تحت عينج متناثر الشدو فشكلي كان مرعب و هي تضحك علي تقول لي بليز لا تشوفين تحت عينج لاني للحين ما نظفت بتخافين اذا شفتي نفسج ,, لكن بعد ما تنظف و تحط الفاونديشن ما شاء الله شغل متقن طريقتها وايد بروفشنال !!

طبعا هي ما تتكلم عربي بس انجليزي مع انها بحرينية و امها ايرانية بس هي تربت في ايران و بعدين لما جت البحرين دخلوها مدرسة هندية و بعدها تخرجت راحت على طول تدرس تجميل في لندن يعني ما مداها تتعلم عربي لووول

طبعا ميك ابها مافيه اي عيوب ما شاء الله روعة ما عليه كلام و لا سلبيات ,,

انا و امي تمكيجنا 120 دينار بحريني ,, و احنا نزيدها بعد لانها روعة ما شاء الله !!

و بس هذا كل اللي جربته

 

["اسطورة العشق"]

الي اعرفه عن مكياج بو 15 _03BA: ...

ان كريم الاساس عباره عن صبغ طوووووووووفه ابيض و يحطون طبقات مو طبقة وحده عشان تبين البنت جنها لابسه قناع :tomato2:

و بعدين الشدوووو عباره عن سبع الوان ( قوس قزح ) و لازم لازم لازم يكون من بينها لا صفر و الفوشي و الاخضر ..

و خطــــــــــــة الاي لاينر تبدي من قمة الخشم و تنتهي عند عظمة الاذن

:nocommint:


:krkrkr::krkrkr::krkrkr:




و تستغرق عملية تنظيف هذا المكياج خمس ايام متواصله او 14 يوم متفرقه :dfgl:

 

[lazaward]

بناااات اكو صالون زهرة شيك يم فندق رمادا بالرقعي نفس مستوى مس فرساي بالتساريح والمكياج
ماشالله تساريحهم روووووووووووعه ومكياجهم حلو وايييد
وشغلهم وايد حلو ونفسهم حلوة واييييد
ومكياج وتسريحه رفع كامل 20 واذا تبين مكياج مع سشوار سيده ب 10 بس واذا رفع من جدام 12 وكريم جسم دينارين
بس والله يابنات انا ما اعرفهم بس وايد حبيتهم واللي تحط مكياج اتينن اسمها سميره


انا حطيت عندهم بعرس ولد خالتي والله من غير مبالغه كل العرس يطالعني وبنات خالتي رايحين حنان دشتي بس انا تسريحتي كانت قمه

 

[مراسي الشوق]

رفففففففففففففففففففففففففففففففففففففففففففففع انا جربت عند جوهره مادري جواهر بلس الي بالرقعي اخربط بينهم لوووووووووول عند وحده عراقيه اسمها احلااام والله اتحط عالطلب وشكلي طلع اهبل بس جنه سمعت ان تزوجت وبطلت تشتغل بالصالون ..وعندها اختها اسمها سعاد هم تشتغل بنفس الصالون عاد هاذي ماجربت عندها ولا مره!!

 

[قمر^خالد]

آنه أذا عرس رفيجتي أحط ميك أبي بنفسي ......

أما أذا واايد قراااب ..... جربت رشا حلووو ........ وجربت شارمل أبحولي عند مجمع العثمان أينن وحده روسيه حطتلي ....

 

[عطر البوادي]

شالمانع لو الصالون نظيف وكريم الأساس ما يخرب ويهي وحط المكياج حلو بس هذا هو المطلوب
وأنا كنت أحط بالشرقية بس ألحين أعتزلت روحت الصالونات لأني أعرف على ويهي وشنو الأحلى علي وإذا كانت المناسبه من أهلي فأحط عند نادية الشطي

 

[أم ربيع]

أنا وحدة افضل دورة المكياج تفيدني اكثر من تهول الصالونات الحمدللة خلصت دورة مكياج عند هبه ب35 دينار بس وحدها كانت عجيبة وتعلمت وايد أشياء ماكنت اعرفها كلش رقمها 67601366

 

[MacIaToOo]

الصراحه انا اتعامل مع وحده كويتيه مكياجها رهيييييييييب وستاااااااااايل وتبرز ملامح الويه عدل فنانه شوى عليها وعندها دورات وايد بهالمجال ومكياجها كله ماركات ( ماك - ميك اب فورايفر - كريولان - بن ناي )
اتمني تجربونها وتدعون لى
رقمها : 97433770
السعر 35 وتحطلج الرموش فررررى من عندها

 

[Toulin RTN]

مشكوووووووورة على الافادة

 

[مراسي الشوق]

رففففففففففففففففففففففففففففففففففففففع يله بناااااااااااااااااات نبي تجاربكم اكثر بصالونات بوو10 سواااء بالرقعي او المنطقه العاشره او الجهرااااا رففففففففففففففففففففففففففففففففففع

 

[تختووخه]

ومنكم نستفيد

 

[عمشه جآكسون~]

انا صراحه ما ارتاح لابو 10 و 15 و20 و25 لان الكريم مالهم معروف طحين طحين او نيبو بيج اصفر والرموش الي تخرع الكبيره انا طقيت فره وشفت ناس من اهلنا حاطين عند جواهر بلس وييييييييييع حده اوفر وكلهم احس الشدو ميبس ع عيونهم والبريستيجات مبينه حيل

شفت ست الكل كلش ماعجبني لاطريقة صالونهم ولا مكياجهم ولا كريمهم !

شفت ذكرى بصراااااااااحه صالون فاضي وماعجبني كلش ماضبطت لأختي الرموش وحده رافعتها وحده منزلتها وتقول حطو لها كريم بالمكان الي يسوون فيه شعر بس حاطين لها ستاره صغيره والشعر كان كلش مو حلو


شفت فن المكياج الرقعي ابيييييييييييض او وردي والتساريح يبالغون فيها

وزهرة شيك كلهم بني وذهبي والكريم مو حلو

مااالقيت صالون يحط ذرب وناعم وكريمه حلو

مادري حتى بالعروس الي بعيد عنا اروح احط ب80 و90 لان مالقيت نفس المستوى




اب اب

​

 

[ضماي هو وهناي]

امبييه ذكرتيني بتجربه فااااااااااااااااااااااااشله جداجدا حدهاااااااااااااااااااااااااااااااااااااااااااااااااااااااجدا
الا وهي تجربتي بلمسة فن الرقعي رحت له الله يهداها مرت اخوي رشحته قالت لي حلو وغيري لووك حطي خطه غير خطتج بطلاعتي الاربعيين ...
رحت وطلبت احسن وحده يعني ... عندهم لا وورتني صورها مع الفنانات
المهم ... اتفقت معها وبليله الاربعين رحت لها ومن حسن حظي او بالاصح من سوء حظي انه بيومها الاداريات موجودين ..
حتى كان فيه وحده ملقوفه يعني اهي اللي تشرف على الدور اسمها ..... منيره ملقوفه حدها حدها والفقيره حسبالها اهي دبلوماسيه وهي ولا تعرف بالدبلوماسيه شي تعامل الكل كانهم يايين ياخذون منها ببلاش او من صالون لمسه فن .....
الاسلوب هيلقي حده اشتبين ؟؟!! يلااااااااروحي دورج .......... يعني اسلوب .... الحمدلله والشكر وكانت بنتي معاي الا تقول لها روحي برا غرفة المكياج لا تلعبين فيه او يتلوث ... لما قلت لها شنو قالت المكياج شوفي كله كله ماركات ... سكت عنها قلت شاقول ان قلت صرت مثلها هيلقيه طبعا المكياج مع كل احترامي للي يستعملون هالنوع كله من الهنود منه اللي مكسور غطاه ومنهم اللي طاير عليه اللون اللي يمه ... انا احترم الكل والله فرق بين انج تستعملينه لويهج بس بروحج وبين انه كذا بشره تمر عليها ...بس ما خليت بنتي تطلع سويت نفسي باطلعها وانا رحت للاداره وقلت لهم وين اخليها برا اخاف عليها وبنتي مؤدبه وايد وايد وماقصروا والله وخلوها . هذا من حسن حظي ...
ومن سووووووء حظي بوجودهم انه اللي تحطلي كانت متنرفزه من وجودهم ومومركزه ورسمتلي حواجب كأني معصبه وحطت لي جص اقصد بودره بيضااااااااا وتقول لي انت بيضا عشان جذي طلعت فاقعه قلت يعني شنو حطي لون طبيعي مو هاليص اللي حاطته والاداريبه تقول وااااااااو عجيب .... قلت واااااو ؟؟؟؟؟؟ يخرع قالت انت طالبه بو عشره ((( طلع الصج )))) قلت لا من قال انا دافعه 35 واللي حوليني بو عشره وفوق العشره بس انا وكم وحده 35 وكلنا نفس نفس الشي ماعدى اليهاااااااال......
بطبعي مااحب اتخانق ولا شي ...خاصه بمكان عام
رحت البيت قبل لا يشوفني ريلي للحمام وسبااااااااااااااااااااااااحه من يد ويديد واستشوار وعبااااااله ...
تجربه لن ولا ويستحيل وكل ادواة النفي تتكرر .......... امبيه تذكرت شكلي بيومها مو انا وين حواجبي وعيوني اشفيهم تتفخوا وصارت التجاعيد تحتهم وااااااااااااااي اشوى انه بيومها ريلي مو بالبيت والا كان صورني وخرع عياله عشان ينامون الظهاري ......
طبعا امي ياقلبي كنت مخليه ولدي عندها لما اخذت ولدي شافتني قالت يمه شهالتهلق روحي غسلي ويهج وحطيلج حمره حمرا وكحله وبس ....

الزبده لا بوعشره ولا بو عشرين ولا غيره احسن شي حطوا ببيوتكم واذا ماتعرفون عاد الله يعين .....

 

[بشوررة]

انا رحت اصالة بالرقعي وايد حلو
رفيجتي تمدح صالون فجر العهود طبعا موابو 10 30وما فوق بالرقعي
رحت جواهر بلا س مرة وحدة حلفت بعد ما روحلها لانه زحمة ولوية:sfg:

 

[Perfect J]

ممم .. ما جربت بصراحة أروح عند أحد بهالأسعار ..

بس فيه صالون اسمه فيفي ستاايل .. امبيييييييه موووووووووو صجج ما شاء الله عليها رووعة .. اللي تشتغل هناك مصرية
بس شغلها صدمني .. شغل كويتية ولبنانية ..
كل مكياجها شارمل .. الفاونديشن كان فظيع .. طبيعي حيل وما يدهن ولا يبقع ..
والآي شادو لو بحكي عليه للصبح ما بوفيه حقه .. لأن شارمل ألوانهم ثابتة وقوية ..

ومدري شلون طلعت لي خدودي منفوخين اخخ .. الميك أب كان على 45 تقريبا ..
والشعر مدري يمكن 30 او 25 ما اذكر ..

والميك أب بدون رموش

يسلمو

 

[Perfect J]

امبييه ذكرتيني بتجربه فااااااااااااااااااااااااشله جداجدا حدهاااااااااااااااااااااااااااااااااااااااااااااااااااااااجدا
الا وهي تجربتي بلمسة فن الرقعي رحت له الله يهداها مرت اخوي رشحته قالت لي حلو وغيري لووك حطي خطه غير خطتج بطلاعتي الاربعيين ...
رحت وطلبت احسن وحده يعني ... عندهم لا وورتني صورها مع الفنانات
المهم ... اتفقت معها وبليله الاربعين رحت لها ومن حسن حظي او بالاصح من سوء حظي انه بيومها الاداريات موجودين ..
حتى كان فيه وحده ملقوفه يعني اهي اللي تشرف على الدور اسمها ..... منيره ملقوفه حدها حدها والفقيره حسبالها اهي دبلوماسيه وهي ولا تعرف بالدبلوماسيه شي تعامل الكل كانهم يايين ياخذون منها ببلاش او من صالون لمسه فن .....
الاسلوب هيلقي حده اشتبين ؟؟!! يلااااااااروحي دورج .......... يعني اسلوب .... الحمدلله والشكر وكانت بنتي معاي الا تقول لها روحي برا غرفة المكياج لا تلعبين فيه او يتلوث ... لما قلت لها شنو قالت المكياج شوفي كله كله ماركات ... سكت عنها قلت شاقول ان قلت صرت مثلها هيلقيه طبعا المكياج مع كل احترامي للي يستعملون هالنوع كله من الهنود منه اللي مكسور غطاه ومنهم اللي طاير عليه اللون اللي يمه ... انا احترم الكل والله فرق بين انج تستعملينه لويهج بس بروحج وبين انه كذا بشره تمر عليها ...بس ما خليت بنتي تطلع سويت نفسي باطلعها وانا رحت للاداره وقلت لهم وين اخليها برا اخاف عليها وبنتي مؤدبه وايد وايد وماقصروا والله وخلوها . هذا من حسن حظي ...
ومن سووووووء حظي بوجودهم انه اللي تحطلي كانت متنرفزه من وجودهم ومومركزه ورسمتلي حواجب كأني معصبه وحطت لي جص اقصد بودره بيضااااااااا وتقول لي انت بيضا عشان جذي طلعت فاقعه قلت يعني شنو حطي لون طبيعي مو هاليص اللي حاطته والاداريبه تقول وااااااااو عجيب .... قلت واااااو ؟؟؟؟؟؟ يخرع قالت انت طالبه بو عشره ((( طلع الصج )))) قلت لا من قال انا دافعه 35 واللي حوليني بو عشره وفوق العشره بس انا وكم وحده 35 وكلنا نفس نفس الشي ماعدى اليهاااااااال......
بطبعي مااحب اتخانق ولا شي ...خاصه بمكان عام
رحت البيت قبل لا يشوفني ريلي للحمام وسبااااااااااااااااااااااااحه من يد ويديد واستشوار وعبااااااله ...
تجربه لن ولا ويستحيل وكل ادواة النفي تتكرر .......... امبيه تذكرت شكلي بيومها مو انا وين حواجبي وعيوني اشفيهم تتفخوا وصارت التجاعيد تحتهم وااااااااااااااي اشوى انه بيومها ريلي مو بالبيت والا كان صورني وخرع عياله عشان ينامون الظهاري ......
طبعا امي ياقلبي كنت مخليه ولدي عندها لما اخذت ولدي شافتني قالت يمه شهالتهلق روحي غسلي ويهج وحطيلج حمره حمرا وكحله وبس ....

الزبده لا بوعشره ولا بو عشرين ولا غيره احسن شي حطوا ببيوتكم واذا ماتعرفون عاد الله يعين .....

ويي .. شهالاسلووب .. لا وتقوولج وااو مالت عليهااا ..
الله يعينج والله دمي احترق ..

انا لو منج اقولها تعيد الميك أب من أول ويديد .. شادو هنود وتقولج ماركات .. أيي شييي ..

وبصراااحة اي مكااان بالرقعي علييه اكس هالكبر .. يا اما يلطخووون يا اما ستايل النو ميك أب اللي زاايد عن حده
ما عندهم وسط ..

وصح كلامج .. الحمد لله الحين كلنا خبيراات واحترفنا كل الخطات اخخخخ ..

 

[Perfect J]

الي اعرفه عن مكياج بو 15 _03BA: ...

ان كريم الاساس عباره عن صبغ طوووووووووفه ابيض و يحطون طبقات مو طبقة وحده عشان تبين البنت جنها لابسه قناع :tomato2:

و بعدين الشدوووو عباره عن سبع الوان ( قوس قزح ) و لازم لازم لازم يكون من بينها لا صفر و الفوشي و الاخضر ..

و خطــــــــــــة الاي لاينر تبدي من قمة الخشم و تنتهي عند عظمة الاذن

:nocommint:


:krkrkr::krkrkr::krkrkr:




و تستغرق عملية تنظيف هذا المكياج خمس ايام متواصله او 14 يوم متفرقه :dfgl:

:krkrkr: :krkrkr: :krkrkr: :krkrkr: :krkrkr: :krkrkr:

لووووووووووووووووووووووووول .. ردج عجيييب متت ضحك ..

وانا ما اروح لهالصالونات بسبب هالشي .. تحسي الوحدة منهم تحلل الفلوس اللي تاخذها بطريقة زيادة الطبقات ..
واخفاء المعااالم ..