الكلية الاسترالية ولا Gust ولا الجامعه الامريكية؟ من فيهم الاحسن؟ ضروري جاوبوني

[nanda]

بنات الحضور فى هذى الجامعات إلزامى طب اللى تشتغل وتبى تدرس وين تروح وتضبط عمرهاماكو غير العربيه المفتوحه صج ولا اكو شي ثانى ساعدونا يا اهل الخير

 

[ام الشيخه]

جم تكاليف كورس الانجليزي يالأمريكيه؟؟

وشلون طريقة الأقساط ؟؟

 

[للهيبه عنوان]

بنات الحضور فى هذى الجامعات إلزامى طب اللى تشتغل وتبى تدرس وين تروح وتضبط عمرهاماكو غير العربيه المفتوحه صج ولا اكو شي ثانى ساعدونا يا اهل الخير

نفس السؤاااال

 

[ام الشيخه]

؟؟؟؟؟؟

 

[^^ROSE^^]

إي بس جنـه بعد ياخذون عدد معيـن من الطلبـة والأولويـة للي نسبهم أعلى مـو ؟

اذا هي منحة داخلية هذا اللي بيصير
بس اذا على حسابها اعتقد اذا معدلها زين ياخذونها لان هم طالبين المعدل 3 وشي حق اللي بيكمل بكالريوس عندهم
بس قلتلج الاسترالية عندهم اتفاقية مع الامريكية خل تكمل عندهم وتقدر تدفع لهم بالاقساط وهم شهادتها بتكون من الجامعه الامريكية مو شوية

 

[^^ROSE^^]

جامعة الشرق الأوسط عجييييبة ماتتخيلون شكثر قاعد يروحون يسجلون فيها وترة فيها بعثات داخلية وباب البعثات الداخلية يسكر تاريخ 10 _ 7 وانصحج تروحين تشوفين ترة جامعة ممتازة وايد يهتمون بالشخص وبطموحه ومستقبله اكثر من المادة والفلوس عرفتي !!
وايد اعرف بنات راحوا شوفوا واستانسوا منها انتي روحي وماراح تخسرين شي بالعكس راح انا متأكدة أنها ارح تعجبج وهذي التخصصات واي شي تبين انا حاضرة

شوفي اهوه بالنسبة للثانوية العامة يبون للعلمي 70% وللأدبي 80%
والمقررات الأدبي 3.00 والعلمي 2.50
وإذا متخرجة من من ثانوية امريكية لازم يكون معدلج مو أقل من 2.50

ويبون منج اختبار التوفل يكون 5 نقاط على الأقل
ويسوون لج اختبار إنجليزي خاص بالجامعة .. ويسوون لج مقابلة شخصية بعد ..
وبصراحة لا تضيعين وقتج وروحي سجلي بالجامعة لأنها جد على مستوى .. وحتى طرق الدفع كل شي ميسر

وتخصصاتها :: بكالريوس علوم تخصص محاسبة
:: بكالريوس علوم إدارية بالتخصصات التالية :
1. تخصص إدارة موارد بشرية
2. تخصص تسويق
3 . تخصص إدارة نظم معلومات
:: بكالريوس أداب تخصص اللغة الإنجليزية

وإذا تبين أي شي زيادة هذا موقعهم .. www.aum.edu.kw

هلا والله حبيبتي
ماشاء الله وايد مسوية دعاية للجامعه شكلج تشتغلين sales هناك :eh_s(15):

عاد تدرين انا طالبة بنيوهورايزن وواكبت افتتاح الجامعه من طأطأ لي سلامو عليكو
الله يا انا احنا حقدنا يوم طلعونا من المبنى وودونا دسمان هههههههه

مشكله ال AUM بالنسبة لي تتلخص بالتالي
الموقع بعيد
صج ان الدرب خط واحد وماشي بس انا ما افكر بس بالروحة والردة ادري سهاله ان شاء الله
بس تخيلي لو صار عندي فراغ سعتين مثلا عشان اوصل بيتنا نص ساعه وعشان ارجع الجامعه هم نص ساعه
بقت ساعه شسوي فيها!! وتخيلي بالحر ولا بالشتا اذا الجو مطر او ضباب او غيره :cxxxp:
صعبة علي وايد غير لما اكون بالسالمية او مشرف
10 دقايق ولا ربع ساعه بالكثير الا انا واصله

وغير جذي هم طالبين للأدبي 80% وانا نسبتي 74% وشهادتي قديمه من10 سنين تخيلي
حتى قالولي ان ممكن يسوولي اختبار مثل ماقلتي اذا قدمت فيه زين اقدر اسجل عندهم بس هم في موضوع الطريج وموضوع ثاني بعد

انا عندي مواد ماخذتهم من جامعه الكويت لما كنت ادرس هناك وبيعادلونهم لي الامريكية او قست وبجذي اكون طفت شوط وبديت بسنه ثانية تقريبا
وبهالجامعتين المواد حق كل المستويات موجودة
بس جامعه الشرق الاوسط توها فاتحة وبيفتحون مواد حسب احتياج وعدد الطلبة
ماراح يفتحون مادة مالت سنه ثانية حقي بروحي وهم توهم بادين بسنه اولى
معناته اني بضطر انطر الدفعه كلها تنتقل لي سنه ثانية عشان يصير في مواد اخذها
لان موادي الاختيارية كلها مجتازتها مع بعض مواد الانجليزي والبزنس وهالمواد بيعادلونهم لي الامريكية وقست بس بالشرق الاوسط حتى لو عادلوهم شنو بدرس؟ بنطر الدفعه كلها تخلص السنه الاولى عشان يكتمل العدد بحيث يفتحون كلاسات اقدر ادرسها
وانا مابي اتأخر :bbbiu:
انا عصبت يوم دريت ان قست بيكون عندهم صيفي واحد مو صيفيين و 6 وحدات بالصيفي
بس الحمدلله تأكدت من الرابطة ان في تحركات جادة لتعديل هالوضع
وحتى زيادة اسعار الوحدات ما اقروها والرابطة ماراح تسكت اذا صارت بيكونون ضد القرار وان شاء الله مايصير
لان الجامعه عاجبتني ودام بيحلون هالمشكلتين ماكو سبب يمنعني اني التحق فيها ان شاء الله :friends:


وياليت اختي دام عندج خبرة بجامعة الشرق الاوسط لو تسألين عن نظام الصيفي هل بيكون كورس واحد ولا اكثر من كورس؟ وجم وحدة بالكورس؟ :bye22:

 

[^^ROSE^^]

بنات الحضور فى هذى الجامعات إلزامى طب اللى تشتغل وتبى تدرس وين تروح وتضبط عمرهاماكو غير العربيه المفتوحه صج ولا اكو شي ثانى ساعدونا يا اهل الخير

هلا حبيبتي
انا سألت عن هالموضوع بالامريكية وبقست قالولي ان عندهم محاضرات لغاية الساعه 8 بالليل
يعني انتي لا سجلتي تقدرين تاخذين محاضرات بعد دوامج حسب الوقت اللي يناسبج
وانا شفت جداول المواد مالت الكورس الياي تقريبا كل المواد نازلين بأوقات صباحية ومسائية
وبقست لما تسوين تقديم الطلب بيكون فيه خانه حق الموظفين يكتبون دوامهم من جم لي جم عشان يتساهلون معاهم بمواعيد الامتحانات اذا كان الامتحان بوقت الدوام او شي يغيرونه لج

 

[^^ROSE^^]

جم تكاليف كورس الانجليزي يالأمريكيه؟؟

وشلون طريقة الأقساط ؟؟

نفس السؤاااال

اذا قصدكم دورة الانجليزي اللي يسوونها الامريكية تكون كورس كامل تقريبا 1700 دينار
والاقساط مادري عنها استفسروا منهم احسن

 

[dr.sara]

لأني واايد حابة الجامعة وأبيكم كلكم تستفيدون حبيباتي .. والله وأنا اختج إذا الواحد يبي الشي الزين يتعناله حتى لو وين اهم شي أن تكونين مرتاحة بدراستج والنظام يكون اوكي انا رفيجاتي مسجلين هناك اسألج وقولج عن الصيفي

 

[dr.sara]

بالنسبة للوحدات الي بالصيفي ماعندي خبر بس التكلفة 615 دينار هذا بالنسبة للكلية مو الجامعة عرفتي .. واي شي ثاني بالخدمة

 

[^^ROSE^^]

لأني واايد حابة الجامعة وأبيكم كلكم تستفيدون حبيباتي .. والله وأنا اختج إذا الواحد يبي الشي الزين يتعناله حتى لو وين اهم شي أن تكونين مرتاحة بدراستج والنظام يكون اوكي انا رفيجاتي مسجلين هناك اسألج وقولج عن الصيفي

مشكورة حبيبتي والله يهني الجامعه فيج
بس اللييبي الزين يتعناله اذا يقدر مو ينتف روحه بالطريج رايح راد اخر الدنيا!
وانا صراحة شفت ان الزين مايقتصر على aum
حتى الامريكية والخليج وايد مستواهم عالي ومعروف وماعليهم كلام
يبقى عاد كل واحد والانسب له

 

[dr.sara]

اي اكيد كل إنسان يشوف الي يناسبه والواحد اذا يبي يعارف سنو الأنسب يقارن وانا يبت هالكلام مو من عندي بس لأنه وايد اعرف بنات بالجامعتين عرفتي ؟؟
بس انا اريد وانت تريد والله يفعل مايريد "" الله يوفق الكل

 

[^^ROSE^^]

صاجة حبيبتي
وحياج الله

 

[^^ROSE^^]

باركولي قدمت بقست وعندي امتحان قدرات انجليزي ورياضيات بتاريخ 20/7
ادعولي انجح بالرياضيات
ولا الانجليزي ان شاء الله ما احاتيه

 

[للهيبه عنوان]

باركولي قدمت بقست وعندي امتحان قدرات انجليزي ورياضيات بتاريخ 20/7
ادعولي انجح بالرياضيات
ولا الانجليزي ان شاء الله ما احاتيه

ماشاءالله تبارك الرحمن الله يوفقج وينجحج وعقبال الدكتوراااه ان شاءالله

 

[newq8ia]

Gust

 

[roro]

ماشاء الله الحوار جدا ساخن
انزين اخت ^^rose^^
بما انج متحيزة لgust والauk قولي لي شنو اللي يميزهم ويأمن لي مستقبل ممتاز بالاضافة وأهم شي ان القى اهتمام من هيئة التدريس ومرشدين و يسمعون راي واقتراحاتي ولي صار ماصار علي ينبهوني لان هذا شي مو شوية ان تلقين اهتمام فيج كطالبة كفاية الثانوية اللي كلنا يالله 200 طالبة خريجة ومحد يدري عنا فما بالج في جامعة فيها الاف مألفة ؟؟؟؟؟

يالله ^^rose^^
لج المايكروفون

 

[^^ROSE^^]

ماشاء الله الحوار جدا ساخن
انزين اخت ^^rose^^
بما انج متحيزة لgust والauk قولي لي شنو اللي يميزهم ويأمن لي مستقبل ممتاز بالاضافة وأهم شي ان القى اهتمام من هيئة التدريس ومرشدين و يسمعون راي واقتراحاتي ولي صار ماصار علي ينبهوني لان هذا شي مو شوية ان تلقين اهتمام فيج كطالبة كفاية الثانوية اللي كلنا يالله 200 طالبة خريجة ومحد يدري عنا فما بالج في جامعة فيها الاف مألفة ؟؟؟؟؟

يالله ^^rose^^
لج المايكروفون

السلام عليكم ورحمة الله وبركاته
اخواني واخواتي الطلبة والطالبات<<<صدقت سالفة الميكرفون لووووووووووول

حبيبتي ما اقص عليج انا اخترت وحدة من هالجامعتين لسبب اساسي وهو تخصص المحاسبة
لانه هالتخصص مو موجود بأي جامعه او كلية خاصة بالكويت غيرهم
طبعا جامعه الشرق الاوسط فيها بس انا من البداية مستبعدتها لاسباب ذكرتها بالسابق

بعدها نيي لمسألة المستوى
الثنتين مستواهم عالي
الامريكية تتميز بتخصصات الهندسة
والخليج بتخصصات البزنس وراح يفتحون هندسة
الدكاترة بالامريكية اغلبهم اجانب
وقست اغلبهم عرب
لكن الثنتين جامعات امريكية بمستوى عالي جدا
الصعوبة مافكرت فيها لان حتى جامعه الكويت ان مادرستي ماراح تنجحين هذا شي بديهي
فاللي يقول الامريكية اصعب والخليج اصعب ما اسمع كلامه
اللي داش بيجابل ويدرس ماراح يواجه صعوبة
واللي ماله خلق خل يروح مصر يشتري شهادة ويرجع احسن له

الاهتمام بالطلبة شنو تقصدين فيه؟
انتي اذا محتاجة شي بتسعين له بنفسج محد راح يخدمج بشي
قوانين الجامعتين صارمة بالحضور والغياب والاوقات المحددة للدفع
ماكو دكتور يظلم من كيفه الا الطالب مسوي شي
او ان صار في تظلم ترفعينه للادارة ياخذونه على محمل الجد لان سمعتهم تهمهم وايد

وبالنهاية كل مكان له سلبيات وايجابيات بس انا انظر للسلبيات نظرة مختلفه
هل هالشي السالبي بيأثر علي بدرجة كبيرة وماقدر امشي بدراستي بوجود هالخلل؟
ولا انا ابي العالم مثالي حواليني وكل شي يمشي بالقلم والمسطرة؟
بالنهاية هذي جامعه خاصة ويهمها الربح مستحيل احد ينكر هالشي
وبكل مكان بتحسين بهالاحساس انهم بيربحون من وراج بس اهم شي ان هالامور ماتأثر على دراستي ولله الحمد ماشوف في شي للحين سمعته او شفته عن احد اشتكى من سلبيات بوحدة من هالجامعتين وخلته يطلع منها
عدا عن ان الشخص مايمشي بالانجليزي وهالشي كل واحد لازم يقيم نفسه قبل لا يتخذ قرار الدراسة بجامعه اجنبية
او ان الشخص حاط بباله دام داش بفلوسه بينجح هم هذولي يطلعون
او ان الشخص اختار تخصص مايناسبه وما مشى فيه وتحسف وطلع

اذا انتي ماعندج مشكله بأي من هالامور اقولج اختاري الجامعه اللي تناسب ميزانيتج
انا اخترت قست لان رسومهم اقل ومبناهم اكبر ومواقفهم اكثر
الامريكية مافيها عيب شفته او سمعته بس رسومها اكثر ومبناهم مجكنم صج بيغيرونه بس مادري متى
وانا لاني بدرس على حسابي فأتأثر بكل فلس يزيد
وقست قايلين بيرفعون اسعارهم نفس الامريكية بدال 450 للمادة بتصير 525 بس لحد الحين ماكو قرار رسمي فبستفيد من الوقت واخذ مواد بالسعر القديم قبل لا يزيد
وهم الجامعه بينها وبين بيتنا 10 دقايق على خط المغرب فالروحه والرده بتكون سهله باذن الله

اتمنى اني اكون جاوبت على اسئلتج وان شاء الله اي سؤال ثاني عندج انا على استعداد اني اجاوبه
وادعيلي اتوفق باختبارات القدرات الاحد الياي

 

[^^ROSE^^]

ماشاءالله تبارك الرحمن الله يوفقج وينجحج وعقبال الدكتوراااه ان شاءالله

يابعد قلبي يزاج الله خير وعسى الله يعطيج على قد نيتج الطيبه

 

[oM.iLKuRLY]

an97ech bGUST
l2ana ana b3d 7a6t'ha fi bali
ou ilmw`9o3 feh wayed m3lomat ou akthr shaiy ymd7on GUST
laish ma tdkhlen gust bb3tha dakhliya bint khalti dasha bi3tha mako ai mshakil