الكلية الاسترالية ولا Gust ولا الجامعه الامريكية؟ من فيهم الاحسن؟ ضروري جاوبوني

[qa6wa_q8]

up up up

 

[colorful]

Gust la yo3la 3aliiha

 

[SwEeT aPpLe]

بنات ابي مساعده اي جامعة فيه دفع اقساط وابي اعرف اي منطقة الجامعة الامريكية

 

[ام الشيخه]

بنات انا عندي دبلوم محاسبه من التجاري من اربع سنين يقبلوني بالبعثات الداخليه ؟؟


اللي تعرف شروط قبول الدبلوم تفيدني بليييز ؟

 

[Cute_Girle]

بنات ابي مساعده اي جامعة فيه دفع اقساط وابي اعرف اي منطقة الجامعة الامريكية

هلا حبيتي..

جامعه الخليج تقدرين تدفعين بالاقساط بس لازم من المنار << مادري عن الجامعات الثانيه اذا يرضون بالاقساط

اما الجامعه الامريكيه بمنطقه السالميه

 

[SwEeT aPpLe]

هلا حبيتي..

جامعه الخليج تقدرين تدفعين بالاقساط بس لازم من المنار << مادري عن الجامعات الثانيه اذا يرضون بالاقساط

اما الجامعه الامريكيه بمنطقه السالميه

مشكورة حبيبتي بس ابسالج شلون طريقه المنار اهي شركة مو جذي .

 

[glow 'n' show]

مشكورة حبيبتي بس ابسالج شلون طريقه المنار اهي شركة مو جذي .

حتى الاستراليه اقساد

 

[@فافى@]

كل الجامعات نظام اقساط

 

[^^ROSE^^]

هلا بنات

انا كنت خلاص بدفع حق قست بس الحمدلله مادفعت
صراحة انصدمت من اشياء وايد اشوه اني عرفتها قبل لا ادفع واتوهق
اولا انا على بالي عندهم كورسين صيفي نفس الامريكية طلع ماكو الا صيفي واحد وحدج 6 وحدات يعني مادتين بعد ليش ناخذ صيفي مادري
والدكاترة واااايد يشتكون منهم الطلبة مو الكل بس وايد دكاترة عليهم مشاكل وحجي وميننين الطلبة
طبعا بتقولون كل الجامعات فيها بس قست اكثر من غيرها يعني وايد قالولي نفس الحجي وكلهم طلبه بقست
و نوعهم الدكاترة المصاروة لا تكلموا انجليزي: زس از يعني this is
لا يبه لايحوشك
وفوق كل هذا رفعوا الرسوم صاروا نفس الامريكية
بعد شبقى؟؟؟ اروح الامريكية عالاقل الصيفي عندهم كورسين وكل واحد 9 وحدات يعني ان خذيت الصيفيين 18 وحدة جني مخلصة كورس كامل
والرسوم نفس قست
والنظام امريكي بحت واغلب دكاترتهم اجانب
وفوق هذا قاعدين يسوون مبنى يديد بعد سنه او سنه ونص يخلص
انا صراحة مايهمني لا مبنى ولا شي يهمني مستوى الدكاترة والتعليم وان الصيفي يكون فيه مجال اخذ مواد وايد واتخرج بسرعه

 

[S.M.A]

السلامبنات بغيت اسئل بليز جاوبو علي اليوم ضروري انا ابي ادش جامعةauk بعثة داخلية ابي اعرف صج اهي صعبة او انا ادبي صج لازم اخذ اول سنة تمهيدي علوم او فيزيا او جلوجيا او كيميا او اهي اصعب من gustولا لأ
تكفون قولولي

 

[^^ROSE^^]

هلا حبيبتي سوري مارديت عليج قبل
عسى قدمتي عندهم؟ ترى الجامعات الخاصة كلها صعبة اذا ماراح تدرسين ولا تواظبين
اما اللي يجابل ويدرس اكيد بيمشي
حتى جامعة الكويت اللي مايجابل ويدرس مارده يسقط وينفصل
ماعليج من حجي فلان وعلان
الامريكية ممتازة وادارتها هي الاحسن وهذا شي مهم انهم يحطون مصلحة الطالب بالاول

بالنسبة للتمهيدي في اختبار مستوى رياضيات وانجليزي اذا اجتزتيهم ماتحتاجين تمهيدي اما اذا سقطتي فيهم تاخذين التمهيدي بس ماكو مواد علوم وكيميا وفيزيا تمهيدية

ودامج ادبي بس تحتاجين انجليزي اما الرياضيات تحتاجينه اذا بتتخصصين بزنس

 

[roro]

بنات لا يطوفكم اخر اسبوع بعثات داخلية حق الaum و الكلية الacm واي شي تبون انا حاضر جامعتهم حدها عجيبة واتينن

 

[^^ROSE^^]

انا ما افضل ادش جامعه يديدة ما اعرف عنها شي وما اعتمد على الدعاية اللي مسوينها
لازم يطوف عليها فترة ونعرف السلبيات والايجابيات تالي نقارن
لان هذي دراسة ومستقبل ما نخاطر فيهم
عشان جذي اخترت يا قست يا الامريكية اضمن
لان مثل مايقولون اللي تعرفه احسن من اللي ماتعرفه

 

[ArEEj]

اللى فهمته من كلامكم ان قست اهي نفسها جامعه الشرق الاوسط الامريكيه ؟؟؟
واضح انه الاغلب يمدحها
زين من يعرف عن تخصص الهندسه بالاستراليه محد تكلم عنه شلون دراسته صعبه ؟

 

[^^ROSE^^]

اللى فهمته من كلامكم ان قست اهي نفسها جامعه الشرق الاوسط الامريكيه ؟؟؟
واضح انه الاغلب يمدحها
زين من يعرف عن تخصص الهندسه بالاستراليه محد تكلم عنه شلون دراسته صعبه ؟

حبيبتي قست هي جامعه الخليج للعلوم والتكنولوجيا مكانهم بمشرف

اما جامعه الشرق الاوسط الامريكية هي aum بالعقيله بس حاليا التسجيل بشرق قبال دار العوضي

 

[нάγoηά cнεмίsтяγ]

رفيجتي اللي بالأستراليـة تخرجت
وتقول رفضـو اني اكمل بكالوريوس عندهم

 

[^^ROSE^^]

عيل اكيد معدلها نازل لان هم قايلين اللي بيكمل عندهم لازم معدل معين اما اللي اقل يكملون بالامريكية يعادلون لهم السنتين
هم الامريكية ترى حلوة انا الخميس بروحلهم عشان اشوف شيعادلون من موادي وهم ترى يعادلون اكثر من قست
وهم سمعت انهم بينتقلون مبنى يديد بعد سنه يمكن بس مادري وين اي منطقة ياليت اللي تعرف تقولنا
مو اسجل ويقطوني بالعقيله ولا الحدود ههههه

 

[нάγoηά cнεмίsтяγ]

إي بس جنـه بعد ياخذون عدد معيـن من الطلبـة والأولويـة للي نسبهم أعلى مـو ؟

 

[dr.sara]

جامعة الشرق الأوسط عجييييبة ماتتخيلون شكثر قاعد يروحون يسجلون فيها وترة فيها بعثات داخلية وباب البعثات الداخلية يسكر تاريخ 10 _ 7 وانصحج تروحين تشوفين ترة جامعة ممتازة وايد يهتمون بالشخص وبطموحه ومستقبله اكثر من المادة والفلوس عرفتي !!
وايد اعرف بنات راحوا شوفوا واستانسوا منها انتي روحي وماراح تخسرين شي بالعكس راح انا متأكدة أنها ارح تعجبج وهذي التخصصات واي شي تبين انا حاضرة

شوفي اهوه بالنسبة للثانوية العامة يبون للعلمي 70% وللأدبي 80%
والمقررات الأدبي 3.00 والعلمي 2.50
وإذا متخرجة من من ثانوية امريكية لازم يكون معدلج مو أقل من 2.50

ويبون منج اختبار التوفل يكون 5 نقاط على الأقل
ويسوون لج اختبار إنجليزي خاص بالجامعة .. ويسوون لج مقابلة شخصية بعد ..
وبصراحة لا تضيعين وقتج وروحي سجلي بالجامعة لأنها جد على مستوى .. وحتى طرق الدفع كل شي ميسر

وتخصصاتها :: بكالريوس علوم تخصص محاسبة
:: بكالريوس علوم إدارية بالتخصصات التالية :
1. تخصص إدارة موارد بشرية
2. تخصص تسويق
3 . تخصص إدارة نظم معلومات
:: بكالريوس أداب تخصص اللغة الإنجليزية

وإذا تبين أي شي زيادة هذا موقعهم .. www.aum.edu.kw

 

[dr.sara]

اي كل البعثات الداخلية ياخذون عدد معين هذا قرار من التعليم العالي !!
بس جامعة الشرق الأوسط الأمريكية الأولوية موبس للأعلى معدل همن يشوفون امتحان الإنجليزي ويشوفون شخصيتج وافكارج وطموحج وشكثر انتي تناسبين الجامعة ,,