انا بعد مثلج ,, لانه بسبب تربيتنا الاساسية وهو انه الوحده لين تكبر او تتزوج او تخلص من موسم معين تتحفظ على نفسها وما تزهى بالكشخه..
صدقيني هذا كله في الاعماق بس مدفون من زمان ,, حتى لو بفترات وسنين طويلة عمره ماكان , بس خبرج لما يطيح شي من الانسان يطلع الشي الدفين اللي فيه ..
ياليت كنا نحب روحنا مثل اللبنانيات ونحب عيالنا مثل البنانيات ,, حتى لو محتجبين وكبروا وعندهم عيال بس شنو يحبون الدقه في امورهم وما يخليهم اليأس انهم يهملون يوم واحد ..
الحين لازم تحطين لج ترتيب من البداية ,, اوله بالبيت ,, تعدلين مكانج حمامج ,, مطبخج مجلسج ,, الموجود عندج ,, اي قسم لج ,, عدلي لج انتي واهني تضمنين قعدتج مع حالج او مع الغير المهم انها قعدتج انتي ,, تكون قعدة نظيفه وفيها جمال
لاتحرمين شقتج او بيتج من البراويز الغريبة ,, الشموع ,, الاضاءات الله هذي شنو لها دور كبير في تغير المزاج ,, الصابون المبتكر بالحمام , السجاد الحلو , الستاير , الفراش ,,
طلعي اغراضج اللي ماعادت تناسبج ولا عاد بتلبسينها ,, خليها للمحتاجين بالصومال ,,
ومثل ماقلتلج اول شي البيت ,, وانتي بروحج على الاقل تشوفين بالمنتدى شقاعده يبيعون التاجرات ,, حتى على الحنفيه يحطون صنبور على ورده ,,
ومن اهني سدرج بيوسع ,, وبتحسين جنه حظج تغير .. شوي شوي وعلى حسب امكانياتج ..
وعقب رجعي على شكلج ,, متنتي ضعفي ,, ضعفتي متني .. سمرتي فتحي ,, وغيره من امور مو شرط تجميل لانه الحلوة حلوة ياعيني . مثل ماقلنا نانسي تجميل والهام الفضاله تجميل ,, ليش ماصارت الفضاله مثل بنت عجرم ..
شوفي من عقب الاهمال ماتقدرين تتحملين مكياج وصرعات ,, لانه خلاص تعودتي على الكسل ,, مالج خلق ..
شتسوين ,, عشان تكشخين ,, دللي روحج ,, يعني قصص من اطراف شعرج ,, عدلي صبغة شعرج .. اشتري شغلات قطن واشتري شغلات عملية تنلبس بشكل مريح ماتاذيج بس تكون على كشخه ..
كلش كلش ,, حطي لج قروب بنات تعرفي عليهم ,, ومن اهني توسعين سدرج معاهم بما يرضي الله ,, وتلبسين ويصير عندج برامج فيها تطلعين فنونج ..
والزوج لين شاف المرتب والناعم يتغير .
