الكرش.. بعد الـ40 يوم.. وبعد الشد اكيد.. يروح وله لاء؟؟

[Catwa]

السلام عليكم...

انا بجريه و قاعده أحاتي كرشي و خايفه من الصدمه لما اشوف كرشي طايح مثل الخرجه ههههههههه

بس بغيت اعرف... كافي 40 يوم مع الشد بالجماغ او اي نوع من الكورسيهات يروح الكرش ويرد البطن طبيعي او عالاقل شكله ما يخرع؟؟؟

والله قاعده احاتي لما زوجي يشوف جسمي بعد الاربعين... راح ينصدم واله لاء؟؟؟ لووول

انا اللي اعرفه انه الوحده لازم تظل تربط بطنها 6 اشهر لان بس تهدين الكورسيه راح يرد يطلع كرش.. بس اكيد وقت النوم لازم اقط الكورسيه... بس بعرف لما اقط الكورسيه بعد الاربعين شلون شكل بطني بصير؟؟

اختي قالتلي لا تحاتين 40 يوم راح يروح كرشج كله وراح يصير خصرج مو صج... انتو شرايكم؟؟ اللي والده من قبل تفيدنا بليييز...

وناطره ردووووووووووووودكم على احر من الجمر

 

[SaD FaCe]

انا ودي اعرف بعد

لان بجريه

 

[Catwa]

ويـــــــــــــــــــــــــــــنكم بنــــــــــــــــات
18 مشاهده وماكو بس رد واحد
شكلكم كلكم بجريات نفسي انا و sad face
يللللللللله ناطرييييين جواب السؤال الخطييييييييييييييييير

 

[في بحرهم عذبوني]

مي تو بجريه

 

[betty_]

آتا بعد بجر وياكم بعرف

 

[Good Enough]

انا ربطت بطني اول شي بـ شماغ و داخله عزكم الله نعال هذي مالت البيت الخام يابسه شوي عرفتي
لمدة اسبوعين يمكن .. و عقبها ، يوم يات الرداده اربطته نفس الشي مرة ثانيه و حطت بعد حزام اللي يلزق تعرفونه ما يحتاي

و يوم طلعت من النفاس والله جسمي شحلوه ماشالله ، و الكرش راح ما بقى الا نتتتتتتفه و راحت لأن ظليت اربط بطني لمدة 3 شهور عقب النفاس تقريبا

*اهتموا بالرضاعه من البداية اهي اللي ترد الجسم

 

[Good Enough]

* اي نسيت اقولكم كنت اخلي الربطة على بطني و ما افصخه الا لما اتسبح .. و لا طوووول الفترة مربوط حتى و انا نايمه و لا اكل يعني دايم مربووووط عشان لا يطلع .

 

[Catwa]

* اي نسيت اقولكم كنت اخلي الربطة على بطني و ما افصخه الا لما اتسبح .. و لا طوووول الفترة مربوط حتى و انا نايمه و لا اكل يعني دايم مربووووط عشان لا يطلع .

قالولي لازم اقطه بوقت النوم يقولون مو زين واللي تقول يسوي افتاق... مادري اشبسوي لول

 

[sweet barbi]

مادري بس الجسم يبيله ست اشهر علي مايرد طبيعي بعد تسع تشهر البطن متمقط يبيله وقت

 

[هاديهـ&مطيعهـ]

الكرش تروح وترجع نفس قبل الحمل بعد 6 شهور من الولاده بس اذا لبستي كورسيه وشديتيها ترد قبل هالوقت بس مو بعد الأربعين على طول

 

[Good Enough]

* لا والله مو عقب 6 شهور يرد بالعكس ، بس ان انتي من اساس تكونين ضعيفه او جسمج رشيق قبل لا تحملين ، و ورا الـ 40 يوم والله الجسم نفسه اللي قبل لا احمل.

 

[Good Enough]

قالولي لازم اقطه بوقت النوم يقولون مو زين واللي تقول يسوي افتاق... مادري اشبسوي لول

والله مادري بس انا كنت اخليه اهم شي ما يطلع الكرش لووول

سئلي شوفي المعلومة صح و لا لأ

 

[shaikhat al-zain]

متى ابتدي اربط بطني
عقب الولاده على طول والا عقب 10 ايام؟

اخاف مو زين على العضلات

 

[malekaa]

حبوبة انا يايبه 2 وماكنت اربط ولا شي وبطني لازق بظهري بس اهم شي تسوين تمارين البطن عشان العظلات تشد اذا العضلات ارتخت وما شدت مصيبه

 

[new^mom]

انا كرشي ما رااااااااااااااااااح معني والده وصارلي 6 شهور ويتلي رداده بس فقت بطني اشويه

 

[ام احلى خلودى]

مايروح ولا شىانا ربطت بشماغ وكورسيه وماكو فايدة

 

[هاديهـ&مطيعهـ]

حبيبتي البطن ترجع مثل أول بس يبيلها استمرار بالرياضه ولبس المشد وتقدرين تلبسين المشد بعد 10 أيام من الولاده مو زين قبل لأن يسبب هبوط الرحم

 

[Espinoza]

انا بعد توني والدة وبجر.. ليلحيني بالاربعين

بس المهم واللي اعرفه انه تلبسين الحزام او المشد بس اذا ليلحين تكرمون ينزل عليج دم .. لبسيه طول الوقت بس وقت النوم شيليه .. مو زين 24 ساعة .. واذا انتي لابسته على طول شفطي بطنج لي داخل لا تعتمدين على الكورسيه او المشد .. وعقب ال40 بلشي تمارين للبطن


كلنا نحاتي هالكروش والله يسهل وتروح

 

[miss_uk]

انا والدة مرتين وما عانيت من الكرش يعتمد على اكلج والرضاعه وزيادة الحمل

 

[Catwa]

انا ليلحيني بالتاسع وزايده 19كيلو بحمالي ليلحين
ما ادري هالكثر مبدعه بأكلي وله كل هذا ماي لان كل شي فيني تتفخ حتي اصابعي وساقي كلي وارمه ههههههههه
انشالله يكون اغلب هالكيلوات ماااااااااااي
و انا قزمه طولي 154
و كرشي مو طبيعي لول
الله يسهل