الكحه شنو علاجها

[حواء الكون]

انا لو ما حالتي ما لجأت لكم هني

اول شي حاشتني سخونه اسبوع والحين الاسبوع الثاني اكتمل كحه من الصدر تطلع الروح

رحت الطبيب مانفع والصيدليه وخذيت مضاد وفيتامين سي ودوا اثنين على فترات استخدمت كل الادويه ومااااااااااكو فايده

الكحه بوسط صدري عذاب مجرد ما اكح اموت تطلع روحي وترجع مره ثانيه

وساعات اختنق وانا نايمه فجأه اقعد اكح ليما اموت

اللي عندها علاج طبيعي تساعدني ارجوكم

 

[حواء الكون]

لو حتى وصفة دوا فعال بليييييييييييييييييييييييييييييييز

 

[mrs_sugar]

انا جربت المرة للكحة مو طبيعية اخذي كسرة و حطيها تحت لسانج لما تذوب ترى طعمها مو وايد شين بس فعالة عجييييبة

أدوية الطبيب كلها مو مضمونة صدقيني يمكن واحد ينفع غيرج و انتي لأ وعني انتي و حظج بس المرة مجربة و فعالة و ما منها مضرة

 

[أحلاهم]

حواء الكون...،،،سلامتج وما تشوفين شر..وبالنسبة للدواء الشعبي فيه علاج مجرب وهو:ملعقة متوسطة مرة+ملعقة متوسطةرشاد+ملعقة متوسطة زيت زيتون+ملعقة متوسطة عسل<<<<<< تاخذينه مرة الصبح او مرتين
باليوم وانشالله تشوفين العافية وسلامات




























































































































































































































































































































































د\ط

 

[وسامي]

حواء الكون والله هذا العلاج ماجربته بس رفيجتي تمدحه حيل واتمنى انه يناسبك ويخفف كحتك وهو انك تاخذين قهوه مطبوخه بس بدون اضافة هيل لها او زعفران يعنى بس قهوه مطبوخة تصبينها بفنجال وتضيفين لها شوي زبدة او شوي زيت زيتون وتشربينها باليوم مرتين او ثلاث وانشالله انها تناسبك وتشفين منها وهذا كله تخفيف ذنوب وموفقه انشالله

 

[الغاليه نونو]

شنو دال طاء ههههههههههههههههههه

المهم سمعيني يمه احسن دوا حق الكحه والبلغم الزنجبيل تاخذين قطعه صغيرونه وتحطين عليها نص ليمونه وتطبخينهم وتفوحينهم زين مازين وتالي شخلي الزنجبيل وشربي كوب الصبح وكوب بالليل وادعيلي
واذاااااااا شفتي مااااااااااااكوفايده تروحين مطحنة الكنوز الخضرااااء بالسالميه مجابل نادي السالميه بالظبط وتقوليلهم ابي دوااا البلغم والكحه يعطونج الدوا مع طريقة الاستعمال والله والله والله اناااااامجربته يهبل وحده اب وحده وسعره 11 دينار ونص عسا الله ينفعج فيه يارب وسلامات طهور انشاءالله

 

[ورق عنب]

سلامتج .. اللي اعرفه ادوية الكحه بيكتورال وسيلومات

 

[Filakawyia]

سويده و عسل . . . دوا يدتي

و اذا زلاعيمج تعور مالج الا التغمز

<=== صارت ماما عوده​

 

[ام دلوله]

تقومين بالسلاامه وما تشوفين شر

نصيحه روحي حق عدنان ابل

ما تتحسفين

عدنان ابل رحت له وانا بازمة ربو مختنقه كلش وكحه وصوتي ما يطلع

الحمدالله بفضل ثم هو انا بخير

بس لا يقل عن 80 دينار بجيبج

لان عنده ابر واختبار للتنفس والملف اول مره كله كله تقريبا سبعين وشي

والله يشافيج

 

[حواء الكون]

يعطيكم العافيه يارب ما انحرم منكم

بجرب كل اللي قلتوا عليه لو ماكو فايده بروح دكتور خاص

صج ملييييييييييييت

بس صج ماقصرتوا وتسلم الايادي وعيب اني اذكر اسامي

كلكم ماقصرتوا وعساكم عالقوه تسلمون حبايبي

 

[ii DareeN ii]

السنه ذبحتني الكحه الحساسيه واثار الفلو مادري شالحل والله ذبحتني

 

[rayaan]

شربي زيت زيتون

 

[mrs_sugar]

منقوع التين المجفف الصغار ) الإيراني المدور ) وايد يمدحونه
انا ما جربته بس حماتي تسوي حق عمي عنده حساسية و بلغم اشوفه يرتاح عليه

 

[:: عائشه بقلبي ::]

منقوع التين المجفف الصغار ) الإيراني المدور ) وايد يمدحونه
انا ما جربته بس حماتي تسوي حق عمي عنده حساسية و بلغم اشوفه يرتاح عليه

بليز عطينا الطريقة ؟