الكادر باثر رجعي يصرف شهر خمسه مبرووووك

[منورة الكويتية]

16 مالتتتتتتتت
بس شوفي النصب شلون مبيبنها بالجريده ٢٤٠ شحقه الصواريخ

 

[ArEEj]

يما منهم نصااابين يعني جدام العالم 240
وبالصج حدنا 100
حالنا حال اللي ماعندهم كادر

 

[ام نور العتيبى]

السلام عليكم خواتى الصراحه القرار والكادر حيل ظلم المعلمين والمعلمات نظرا لكميه الجهد الشاق الى نبذله طول اليوم الدراسى وهذا نص قرار الزياده كما اقرها مجلس الامه ونشرت فى جريده الوطن والى كان رافضها مجلس جمعية المعلمين

زيادة علاوة التدريس : بواقع 15 دينارا

كادر المعلمين: مكافآت الأعمال الممتازة إلى ألف دينار

المعلم المتخصص (أ) 105 ومعلم متخصص (ب) 95

المعلمون من (أ) إلى (هـ) من 80 دينارا إلى 45


القرار رقم 10 لسنة 2011 الذي عممه ديوان الخدمة المدنية امس كان بشأن زيادة بدلات ومكافآت اعضاء الهيئة التعليمية الكويتية بوزارة التربية وقد جاء كالتالي:
مادة (1): تزاد فئات مكافأة المستوى الوظيفي، والمكافأة التشجيعية، وبدل الاشراف لاعضاء الهيئة التعليمية بوزارة التربية المقررة وفقا للقرار رقم (1996/2) المعدل بالقرار رقم (2006/20) المشار اليهما على النحو الموضح بالجدول ارقام (1) و(2) و(3) المرافقة لهذا القرار.
مادة (2): تزداد فئات علاوة التدريس لاعضاء الهيئة التعليمية الكويتية بوزارة التربية – المقررة وفقا للقرار رقم (1996/2) المعدل بالقرار رقم (2006/20) المشار اليهما بواقع 15 دينارا شهريا.
مادة (3): تفوض وزارة التربية في منح المكافآت المالية مقابل الخدمات الممتازة التي يؤديها اعضاء الهيئة التعليمية الكويتيون المعينيون لديها – فئة 1000 دينار سنويا كحد اقصى – وذلك للاعضاء الذين تقل فئاتهم السنوية المقررة بالقرار رقم 2010/9 عن 1000 دينار، بشرط توافر الاعتماد المالي اللازم بميزانية وزارة التربية – الباب الاول – المرتبات الذي يسمح بالصرف.
مادة (4): يعمل بهذا القرار من 2011/4/1 وينشر في الجريدة الرسمية.

 

[بنت جنيف]



 

[كسرة عود]

يا لله الحمد لله

 

[اريج الجوري]

مالت عليهم وعلى كادرهم ,,,

والمصيبه رازينه بكل الجرايد 240 دينار جنه صج !!!

الوزاره الوحيده اللي تصنف الكوادر على كيفها ,,,

والوزاره الوحيده اللي فيها فئات ,,,

وياشماتة التجار فينا ياسعد ...

 

[اريج الجوري]

اول شي ادعوووولي استاااهل بعدين شوفو شنوالتربية: صرف كادر المعلمين مع راتب مايوhttp://alwatan.kuwait.tt/articledetails.aspx?id=104551

مشكوره حبوبه على نقلج للخبر ...

 

[كرز حالي.]

اي ناقلينه جذي علشان تفتح عيون الناس للحسد على الطل
الحمدلله على كل حال

 

[^^ام الزين^^]

يا بنات مو جذي السالفه مو كل وحده ودرجتها كاتبين كادر المعلمين 240 دينار
يعني احنا اول كان كادر المعلم 150 راح يزيدون كل معلم 90 دينار عشان يصير الكادر 240 دينار فهمتوا الحين يعني الكل سواء درجه أ او درجه د زياده 90 عالكادر عشان يصير 240
يعني الزياده 90 للكل

 

[توتي فروتـي]

........

بنات 90 دينار ولا 10 دنانير قولوا الحمدلله.,
عشان الله يبارك فيهم .,!!
لا تتذمرون ):

 

[كويتيه وافتتخر]

انا اللي فاهمته ان ال240 للمعلمين ... ماقالوا ع حسب الدرجه
اذا سامعين شئ ردوا لنا خبر .. انا تعين يديد .. جم راح اخذ اذا حجيكم صج ؟؟

 

[mo3lema2007]

هذا الجدول
https://twitter.com/#!/alkuwaitalyawm/status/59539899438739456

 

[درر النور]

يا بنات مو جذي السالفه مو كل وحده ودرجتها كاتبين كادر المعلمين 240 دينار
يعني احنا اول كان كادر المعلم 150 راح يزيدون كل معلم 90 دينار عشان يصير الكادر 240 دينار فهمتوا الحين يعني الكل سواء درجه أ او درجه د زياده 90 عالكادر عشان يصير 240
يعني الزياده 90 للكل

السلام عليكم حبيباتي .. والله انا ما يهمني الزيادة هذه بقدر ما تهمني الراحة النفسية والاحترام وأهم شئ الكرامة المدرسة .. تدرس وتناوب وتبيع بالمقصف ولا تطار د البزارين في الفرص وتأخذ ااحتياطات وتصلح امتحانات ودائما تتعرض لللقلق النفسي كم يساوي هذا .. اقل خل يستريحون ... و240 التوتل يعني .. احنا نصرف اكثر منها على المدرسة والوسائل والهدايا والدروس والورش والموطويات .. لا وياريت يعجب بعد .. لا حول ولا قوة الا بالله العلي العظيم استغفره واتوب اليه اقول حق الحسد بس .. انا راضية براتب 500 دينار واطلع من التربية الكادر هذا انا اصرف اكثر منه .. يعني حريتنا تعادل كم يا وزارة التربية والله يا بلاش 90 دينار يعني معاش السايق 120 دينار لا وبعد لما سمعت بالكادر يطلب زيادة كادر بدل خطر اقصد بدل خطر الطريق .. يعني معاش السايق .. 140 وباقي المبلغ خليه حق هدايا + وسائل تعليمية + قطيه البوفيه الخاص بالناظرة + مصاريف المطويات + الورش + الدروس الريادية .. يعني المجموع راح يطلع على المعلمة فوق 300 دينا طبعا من غير الكادر .. + قصط السيارة مع معاش السايق يطلع كم ؟ يعني الكادر بس فتح العيون وحق الحسد ولو ان الوزراة حولت التدريس مهنة شاقة واعطت المعلم قانون حماية المعلم افضل والسلالم ختام ..:rgewrg:

 

[أريام الكويت]

كل الوزارات حطت كادر موظفينها بدون تعقيداااااااااااااااات الا وزارة التربية لف ودوران والغاااااااااااااااز علي الفاضي والله قراراتها مبهمة وما ينعرف صجها من جذبها.

 

[mooomooo]

رفيجتي كلمت وحده تعرفها من الديوان تقول اي ٢٤٠ كامله حق كل المعلمين ولو اني مو وصدقه

 

[منور بنت الطنايا]

اها توني فهمت الزياد ه بس 90

 

[كويتيه وافتخر]

اتوقع الزياده على كادرنا يعني بس تسعين


الله يعين

انا ابي التقدير ماابي فلوسهم

ماابي اداره تطلع عيني ويدرون الزله

 

[MzMzq8]

مايضيع حق وراه مطالب

 

[قمر وخدودها عسل]

طيب بنات ما قالو عن اللي عندهم ماجستير بيزيدونهم ولا لا؟

 

[الجوهرة777]

والله ضعنا بالطووووووووووشة

ما ندري كم زيادتنا

لكن الحمد لله حمد الشاكرين

بس بنات انا اللي فهمته

ان الزيادة 90 على الكادر القديم اللي كان 150 << احلفي

يعني الكادر غييير عن الدرجة والمستوى الوظيفي اللي حطوا جداولها

وان شاء الله يكون اعتقادي في محله

يعني 90 للكل من غير زيادة الدرجة والمستوى الوظيفي

ان كان جذي ولا بس 90 قولوا الحمد لله

(بالشكر تزيد النعم )

وعسى الله يبارك لنا فيها ويكفينا شر كل حاسد

اهم شي البركة