القهوة العربيه على اصولها .... ويريت طريقة البدو!

[هامورة]

السلام

بنات ابي طريقة القهوة العربيه عدل مدل!! ويريت خواتنا البدويات يعلموني طريقتهم؟؟لانه سمعت انهم يسوونها بالبيت وتكوووووووون احلى_03ba:_03ba:​

 

[فلونه]

يمااااااااااااا

توني بغيت اكتب هلموضووووع


امانة بنات ابي قههوه سنعة بليز بلملي

 

[جارة القمر]

شوفي هالموضوع

http://q8yat.net/showthread.php?t=7896

 

[كوكاكولا]

المهم بالقهوه العربية البن النيباري ؟.......


انا اشتريها من شارع التمور بالشويخ

اخذي نص فاتح ونص غامج

والهيل جامبو امريكي الكيلو ب 6.5 عشان تعرفينة

تجيبين الغوري الوسط وتحطين ماي لى تحت فتحة الغوري لمي يصير حار ( مو مغلي ) تحطين فنجال ونص قهوه

لمي تبدا تغلي قصري عل النار وخليها دقبقتين وطفي النار
انطري شو ي علشان تركد القهوه وجيبي مشخال صغير خاص للقهوه لاتستخدمينة لشي ثاني
وصفي القهوه فية بالدلة

وبالدلة فنجال هيل وشو ي زعفران وكوفي ميت .......

المقادير مو مضبوطة على حسب حجم الدلة والغوري ( انتي جربي هالمقادير أول مره بعدين عدلي عليها )

مثلا أذا طلعت غامجة زيدي الكوفي ميت

اذا طلعت خفيفة زيدي القهوه

اذا طلعت ثقيلة زيدي الماي أو ققلي القهوه

يبيلج جم مره تسوينها علشان تضبط .....معاج

انا عطيتج الأساسيات .......

[COLOR="Red"]ملاحظة هامة جدا : يتم حفظ القهوه في برطمان زجاجي نظيف وتحطينها بمكان مافية بهارات لأنها تلقط الريحة انا حاطتها بروحها بكبت القلاصات [/COLOR]

 

[وائليه]

انا اشتريها نيباريه من اي مطحنه واحمسها اخليها شقره ... وأحطها بعلبه قزاز وبعيد عن المطبخ علشان ماتشتم ريحة الطبخ .. واطحنها بنفس الوقت اللي بسوي فيه القهوه حسب مقداري علشان الطعم مايتغير

وبعد مايغلي الماي احط فنجان واحد واخليها شوي على نار هاديه .. والدله يكون فيها ملعقة هيل وزعفران وشوية حليب >> حسب الرغبه وفي بعد بهارات خاصه للقهوه اشتريها من المطاحن اللي بالكوت وهم عندهم بن اسمه هريري عجيب يجيبونه من السعوديه محموسه ومطحونه وخالصه .​

 

[شيهانه]

مشكووورين خووش معلوماات


اللحين البن الي بالتمور احسن من البن الي ينباع بالرفاعي والعميد ؟؟؟ من تجريتكم وشنو الفرق ؟؟

 

[ياشايل الظبى]

البن حلاته تاخذينه توه محموس ... ولا انتى تحمسينه ... يعنى توه طاااااااااااااازج

 

[غلاي غير]

فرق شاسع بالقهوه الي بالمطاحن العاديه وبين الي متخصصين في بالشويخ الصناعيه بشارع التمور اسمه اعتقد البركه اخذي خلط بين الشقره والغامجه وانا ما احب الكوفي ميت بالقهوه بس احط معاها هيل وزعفران

ونفس طريقة البنات

 

[النوالنو]

اخذي القهوه المحوجه من الحفر بالسعوديه مطحنة الزهره وتلقينه بستراحة الكويت للي بالموكز وادعيلي

 

[زيـنـه]

بن العميد اخذي منه القهوه العربيه
و يخلط لج مع البن هيل

و فوحي ماي (لتر واحد) و حطي معاه 4 قفاش اكل قهوه .. و قفشه صغيره هيل .. و مسمار (2-3 حبات)--->و هذا سر الطعم

و تالي لا طبخت طفي النار .. ونطريها تهدى .. و شخليها بالمطاره .. و تكونين حاطه هيل بالمطاره

و بس

عمرنا ما جربناها مع الكوفي ميت .. احس الاوليين ماعندهم هالسوالف
و ساعات ممكن تحطين معاها زعفران .. حسب الرغبه .
و سر اختلاف الطعم نوع البن .. و طريقة حمسته .. اذا بني او اشقر .

 

[سعودية قلبها كويتي]

يابنات اطيب انواع القهوة النوع (الهيراري) وخاصة النوع الفاتح ..

 

[جوزاء]

مثل ماقالواا البنات

 

[بنت عز وما تنهز]

في قهوه جاهزه ومخلطه اسمها

قهوه محوجه في منها اسمها قهوه الزهره كانت امي اتجيبها من الحفر والحين موجوده بمحلات التمور

وفي هم قهوه محوجه اسمها شاعر المليون هم عجيبه

وبس

 

[هامورة]

يعطيكم العافية بنات وماقصرتوا

 

[وسمة-العبره]

انا اسويها بعدة طرق حسب المزاج اللي اكون فيه ونوع البن طبعا انا اشتري قهوتي محموسه من التويجري اللي بخيطان البريه او النيباريه او الشعير او ساعات نشتريها من سوق السلاح وتمسها خدامتنا
في القهوه البريه تكون حلوه اذا خلطتيها بشويه من قهوة الشعير

وقهوة الشعير حلوة بعد تسوينها مثل القهوة العادية وممكن تزيدينها شويه قهوة تعطيها طعم وهي صحية بنفس الوقت

والقهوة النيباريه طبعا للعزايم والضيوف وبكل وقت مثل ما الخوات تفضلوا بطريقتها ( هيل - مسمار - زعفران - حليب كوفي ميت او شويه ابو قوس السائل )

اما اذا تبين تبهرينها عندي خلطه حلوه خصوصا وقت الدوره الشهريه والنفاس وبأي وقت حلوه :

شوية شنا ( تلقينه عند الحواج ) - م ك كمون حب - م ك نونخه : تحمصينهم بالمقلاة شويييه على النار
ثم تطحنينهم مع تقريبا 5-6 مسمار - 10 حبات هيل - شويه زعفران - ملعقة شاي او اقل دارسين ناعم

وممكن بعدين تزيدين الهيل بمطارتج اذا تحبين القهوه مهيله زياده
وممكن تحطين بس شنا مطحون بالقهوه مع الهيل والمسمار والزعفران يعطيها نكهه
وبالعافيـــــــــــــــــــــــه

 

[ام عبدالله الشمري]

يعطيكم العافية يا بنات

 

[جرح الليالي]

يسلموووو

 

[هفيطل]

نفس المقادير اللي قالوا عنها البنات و هذا رقم مطحنة النيباري عندهم خدمة توصيل22660682
و احنا بعد نستخدم قهوة الزهرة قبل نجيبها من الحفر الحين موجودة بالكويت

 

[ياقوتة الامارات]

والله الموضوع عيبني واااايد,, وحبيت ارفعه مرة ثانيه..والبنات ما قصرن,,, بس نحن فالامارات قهوتنا ما نحط بها كوفي ميت
انا بقولج كيف انسويها
أول شي تاخذين قهوه سيلانيه مطحونه بس مب ناعمة نفس البودرة,, وصي البايع لا يطحنها لحد البودره
حطي الابريج (الغوري) ع النار وفيه الماي,, ومن اتشوفين انه بدا ايفور حطي خاشوغتين اكل (ملعقتين) من القهوه لمدة دقيقة
وبعدين صفي القهوة بالدلة,, والدله لازم اتكون جاهزة من قبل وايكون بها شوية هيل وزعفران.. والوالدة تاخذ الزعفران من عطورات اجمل وااايد اوكيه
ويالله شيلوا هالقهوه وزيدوها هيل.........واسقوها للناشاما ع ظهور الخيل
قهوتنا للأجوادي اول بادي

 

[حلوة الروح]

خوش مو ضوع عاد انا اموت عالقهوة