بارت (17)
وصايف محتاره ما تدري شتسوي
:الووو(بصوت نعسان)
وصايف:زيون امي و ابوي بالمستشفى
الزين : شنوووو @@
وصايف: توه دقوا علي
زيون بلييز مريني مو قادره اسوق
الزين : اوك اوك انا يايه
الزين بنت عم وصايف و رفيجتها .. يعرفون عن بعض
كل شي و ما يخشون على بعض شي.. الزين كانت امينه اسرار وصايف
تعرف البنات بس ما تحتك فيهم وايد ..
الزين : الوو .. انا تحت يلا تعالي
وصايف : اوك
رحنا المستشفى بس ياليتنا ما رحنا طبعا عمي و مرته وعياله واصلين
قبلنا
مالي غير هالعم و عندي عمه بس عايشه بره ما اشوفها الا من عيد
لما عيد ..
عمي كان ويه احمر و شكله باجي
الصبيان يتحاشوني و مرت عمي تبجي
عمي : عظم الله اجرج يبا ..
وصايف (عيونها متروسه دموع):لا لا انت تتغشمر صح
اهم قالو بعد يومين بيوون عشان بقدم عالجامعه و بصير محامية شركات ابوي .. و ارفع راسهم
الزين لمتني و بدت تبجي
انا انهرت كل اللي اذكره
فجاه الدنيا صارت بيضه
و لما صحيت بايدي درب .. و الزين فوق راسي ..
كانت لابسه اسود .. عمري ما شفت زيون بالاسود لانها تموت بالالوان
عمي ما شفتها باجيه جذي و ويها تعبان ..
الزين : الحمدلله عالسلامه
وصايف:انا وين
الزين : انتي بالطبيب ارتاحي
وصايف : منو فيهم امي و لا ابوي ؟؟(بنظره ترجي)
كنت ابيها تقول و لا واحد و اثنينهم يايين
الزين : ارتاحي الحين
وصايف (بصراخ): زيون جاوبيني بلا استهبال
الزين و اهي منزله راسها : اثنينهم (بصوت خفيف)
وصايف: تكفين قولي هذا مقلب.. بسامحكم بس قولي
الزين بدت تبجي و لمتني
وصايف: امشي البيت .. لازم اكون موجوده بالعزا
الزين : العزا خلص
وصايف: شنوو
الزين: انتي كنتي منهاره 3 ايام و كنتي عالمهدئات نايمه
وصايف كانت تبجي بهدوء
و لا تدش مرت عمي
اميمه : ها شلونج حبيبتي ؟
وصايف: زينه الحمدلله .. خالتي ممكن تقولين حق الدكتور
اطلع .. مابي اقعد هني
اميمه : من عيوني حبيبتي
و طلعت تكلم الدكتور
وصايف:زيون وين التلفون
الزين مدتلي التلفون
كنت بشوف اذا علي اتصل او دز شي
بس انصدمت ما لقيت شي
قلت معقوله .. علي اللي ما كانت تطوف دقيقه
الا و مكلمني..
طلعت من المستشفى بس ما رديت البيت .. زيون قالت بتنام عندي بس اول نمر ناخذ اغراضها
خل نروح حق علي
مزون : مبروك معرسنا .. شعليك باجر ملجتك
ويييييييي ما دقيت على وصايف
علي: لا لا تدقين عليها
مزون: هاو ليش ؟
علي : بس بدون ليش مابيها تدري
مزون : علي ليش ؟
علي قالها السالفه كامله
مزون: انت غلطان و المفروض ما تسوي جذي
علي: ما اقدر .. انتو مالكم ذنب.. انا الغلطان حبيتها
و ما خطبتها بسرعه
مزون : بس قلبك مو بايدك
علي: مزون سكري الموضوع الله يخليج
جنى : ههههههههه قلتلج حقي
روان : يمه منج انتي
مريم مكسور خاطرها على علي
جنى: ما اوصيكم باجر رقصوا و طلعوا كل اللي فيكم
بهالوقت ملجت ملاك و خذت اغراضها و بتسافر
مع مشعل .. ما يبون عرس و لا شي بس يبون بعض
وصايف وصلت البيت
كان بيتنا كئيب كل شي يذكرني فيهم
اثنينهم راحوا بيوم واحد .. كنت ابجي و امسح دموعي بسرعه
مابي احد يشوفهم ..
رناد كانت موجوده مع احمد و مشاري بالصاله
رناد كانت هم بتنام عندي و مشاري قال بيكون موجود بالدوانيه اذا احتجنا شي
توقعاتكم حبايبي ؟
