القروض وقلة المادة هل لها تأثير على حياتج الزوجية؟؟؟

[المستبــده]

اي والله تعتبر مشكله كبيررره

وخاصه لاصار قسط القرض عوووود
لكن الصبر مفتاح الفررج

 

[ايمانو حلوة]

بأول حياتي الزوجية ... كنا نعاني من قل المادة بس كنت أتحمل
لإني كنت طالبة و زوجي على و على معاشه العادي
و سكنا إيجار و لحد ألحين إيجار
و مع أول بيبي حسينا شوي صج بقلة المادة ... حليب وحفاضات بروحهم لهم ميزانية ... و ماكان عندي خادمة (مــأســـاة )
غير المواجيب .. فلانة والدة و فلانه تزوجت و فلانه ...إلـــخ
غير المداحر مع هالحريم ...شوفي لبس فلانه و شوفي كشخة فلانة ..طالعي ساعتها و طالعي بدلتها وجنطتها
كان صج صج صج .. هالشغلات لعبت بأعصابي .... مرات أفكر!! وأقول ليش حياتي مو مثل فلانة ؟ إشمعنى تسافر بالسنة مرتين ... و لاصارت حفلة راحت لذاك الصالون و قطت 150 دينار ومطاعم وسهرات ووناسة ... ما كنت أحسدها ... بالعكس ... أنا الحمدلله عشت حياة خيالية فوق الوصف عند أهلي ... بس حسيت بالفرق ... و ماكان عندي خبرة ذيج الأيام

كانوا أهلي يصبروووني ... ودايما يقولون لي الحياة حلو و مر ... ولازم نتكيف مع الظروف ... و نرضى باللي قسمه رب العالمين لنا ... إحنا عايشين أحسن من غيرنا ... كافي رب العالمين منعم علينا بنعمة الأمان و الإستقرار ..

مرة قالت أمي : تخيلي نفسج مكان هالخدامة ؟؟؟ شنو بتسوين ؟؟

في مرة بجيت بجي بموووووت ... جهازي قديم و متكسر و شكله يفشل .. ووحدة الله يسامحها طبعها الطنازة و التفشل جدام البنات ... قالت إنتي إشلوون داومين بهالجهاز ؟؟؟
سكت و قلت لها عااااادي ... بعدين بشتري

قالت : متى عالمعااااش ؟؟؟ الله و المعااااش:eh_s(14):

عرفتي حسيت ودي أقوووم أذبحها ... ليش تقوووول جذي
رديت البيت ... و كنا أيام إعصاااار تسونامي ... شفت الأخبااار والناس تبجي .. ووحدة بالأخبار هي اللي غيرت حياتي

تدرين شلووون ؟؟؟

تقول خلت عيالها الثلاثة فوق شجرة وشافت من بعيد ياهل يغرق ... سبحت علشان تنقذه .. بلعه البحر .. ردت لعيالها ...مالقتهم ... بلعتهم الموجة ... و ماتوا

واااااي تخيلي ... الحمدلله على كل حااااااااااال .... إحنا مهما علينا قرووووووض الدنيا ... نظل عايشين بنعيم ... بس إحنا تغرنا المظاهر

الحمدلله أنا إنسانة واااااايد قنوووووعة ... مو شرط لبسي و لبس عيالي ماركات ...أهم شي الصحة والعافية

أدري أنا قرقت عليج وااااااايد ... تحمليني ... بس كنت بوضح لج وجهة نظري ... فــكتبتلج قصة حياتي:dddds:

انا جد استمعت وانا اقرا قصتج وفعلا القناعة كنز لايفنى وارضا بالقليل يأتيك الكثير وفعلا احنا احسن من غيرنا

واحنا لو نقعد نعد نعم الله سبحانه وتعالى علينا ماراح ننتهي كافي ان احنا نشوف ونسمع ونتكلم هذا ابسط شي وغيرنا محرووم منها والصبر زيييييييييين

بسم الله الرحمن الرحيم
(واصبروا ان الله مع الصابرين)

حكمتي دايما وابدا

 

[ايمانو حلوة]

اي والله تعتبر مشكله كبيررره

وخاصه لاصار قسط القرض عوووود
لكن الصبر مفتاح الفررج

مثل ماقلتي اختي الصبر مفتاح الفرج

وشاكرة لج ردج وعسى ربي يفتحها عليج

 

[ايمانو حلوة]

up

up

 

[kanoosha]

الامااكن انا نفسج..وايد اعاني بس الواحد يقول الحمدالله عنده بيت وراحة بال خلااص بس هم الواحد يبي..انا طالبه بمعهد وريلي موظف علي قده ومعاشه علي قده كل ماقلتله ابي شي قالي نطري المعاش مليت من هالسالفه ..لان انا اتعودت عند اهلي ماكو سالفه معاش كل ماقلنا شي حق الوالد مايقصر وماكنا نسمع بشي اسمه معااش
بس الحمدالله علي كل حال.الواحد يصبر وبالاخير يحصل

 

[بتبوتااا]

ماضاقت الا فرجت انا ما اشتغل وريلي عليه قروض واجار وخدامه بس الحمدلله اهم شي البيت مو محتاجه شي ولا عليناا ديون غير البنك احناا مرتاحين

 

[ارنوبه]

واااااااااااااااااي حطيتي ايدج على الجرح


والله تاثر الماده ووايد تاثر بعد


تخيلي عروووووووس واجي زوارة اهلي اخوي صغير يقوووووولي عندج فلوس عطيني على ماتجي امي .. اقوله ما عندي

يقولي اول مره اشووووووف عروووس مفلسه

امبيه قمه الاحرااااااج ..

وكل ما ارد القى امي تحطلي 10 ومرات 20 .. والله قعدت ابجي امي تحس فيني وانا ما تكلمت ولا قلت .. واهو مو راضي يحس

اوكي انا مقدرتك وما ابي اثقل عليك بس حس فيني شوي .. وبصراحه اللي خربط موازيني انا وريلي وتهاوشت معاه عشان الفلووس..

سالفه صارت ..

اكتشفت انه اخته الموظفه كل وقت معاااش عندها اجتمااااااع طبعا تبجي وتسوي قصه ويعطيها اللي يقدر عليه .. انزين انا اولى

من هاللي تعطيه اختك .. ولما كلمته قالي اهي مسكينه مايمشيلها من معاشها الا 150 <<-- عذر اقبح من ذنب انزين انا لاني موظفه ولاعندي شي

وما اقدر اخذ من احد حتى من اهلي عشااااانك مو حلوه بحقك اخذ من اهلي وانت موجود ..

وهم مره داقه عليه عندها اجتماع وتبجي انا راهنه الذهب والحين عليه 1000 دينار وقام بعلي العزيز وطق الصدر وسدده عنها ؟؟

وفوق هذا ماكان يشووف نفسه مقصر بحقي .. وكله اط بباله انه مقصر بحق اهله ؟؟؟؟؟؟؟؟؟؟؟ بغيت اموت من القهر..

واكتشتف ان الرياال لا تعذرينه بالفلوووووس ابدا .. اطلبي منه ويعطيج غصبن عليه .. وبالصراحه من عقب هالموقفين لو شنو

يسير ما اقدر ه لو يمووت اهم شي اموري وشغلاتي حتى لو ماعنده مو شغلي يدبر عمره ويجيب لي والحين يعطيني ومايقصر معاي

بشي وفوق هذا يقولي والله انا مقصر وان شالله الشهر الجاي اعووووووووضج .............

والله امرهم عجييييب هالرياييل والله ما يحبوون الا اللي نشف جيييييبهم يموتون فيها ويحسوون انهم مقصرين بحقها .. وقبل لما

كنت خوش بنيه وحااااااارمه نفسي من كل شي على شانه .. كان يشوف روحه مو مقصر .. ويعطي اخته وانا المسيجينه اللي ما اقوله

شي ...........


<<-- فضفضت من قلب لووووووووووووووووول


يسلموووووووو على الموضوع

 

[يمة يادلبي]

اللهي يعيييينكم
بس دام معاش رياييلكم مو قوي
ليش ما تشتغلون؟ وتشيلون عنهم الحمل شوي

 

[miss swan]

اييييييييييييي اكيد خصوصا انه صرفه على ماادري منو الله يسامحه اما اهي انشالله بطنها اتشوف حوبتي
وعيشنا بفقر ولا يعطيني مصرف وحق الجمعيه مره عنده ومره ماعنده والله انه فشلني خاصتا انه كان اختياري
هذا عقب ما كنا باحسن عيشه قلب حياتي فوق حدر

 

[عيناويه غير]

ربي يسهل علينا امور حياتنا و يوفجنا ^^

 

[داريني]

اي تاثر بالبدايه بس مع الايام الواحد لازم يتاقلم على وضع
خصوصا الي كانو متعودين على عيشه الترف وفجاه يصير قحط
وماكو احد ما يمر بالظروف هذي الا الي الله منعم عليه
الله ينعم علينا وعليكم انشالله

 

[ام سلومd]

ايمانوا فجيتي جرح عمييييييييق

انا يوم تزوجت قبل لا ايب ولدي الثاني الحبيب فكر انه ياخذ قرض و الله يا ايمانوا انا وقفت في ويهه و حاجيت عمي
و امه و اخو و لا حياه لمن تنادي عمج اسمج سمعي رد عمي حقي يقول اهو ريال و يعرف يتصرف
تصدقين جن احد طاقني اطارررررررراااااق
شنو منصجكم
المهم ماكو فايدة اخذ القرض و طبعا الفيزا و الماستر هذا طبعا الفيزا و الماستر تكيشوا بس القرض
و ما ادراك ما القرض
اذا فلس يقول لي عطيني سلفني اذا ما عطيته
و الله تنلب الدنيا فووق حدر و زعل و الله لا يوارج
و اذا قتله انته يمع لا تتسلف من احد تدرين شنو الرد يقول اذا طلت منج بعدين حاجيني
و الله و الله و الله الله يعلم اشلون حالتي
بس الحمد الله مشين الله كريييييييم

 

[om MaRyooM]

كويتي ومن غير قرض مايصير كويتي .. لوووووول

زوجي الله يهديه ويعينه بنفس الوقت عنده قرض كبير ماخذه لأهله قبل ماتزوجه .. وهالشي صراحة مأثر على احتياجاتي ووناستنا ..

بس شسوي .. الحمدلله على كل حال واهم شي اني اوقف معاه ماأتحلطم

 

[SaD FaCe]

انا ريلي عليه قرض كبير وياليت حقنا ولا مستفيدين منه .. بس امشين امورنا الحمدالله على النعمه ..

بس تصدقين ولا مره فكرنا ان نخش فلوسنا حق الحاجه ..!

وانا طالبه ليلحين ..

الله يعين .!

 

[om_3azoz]

ماكو كويتي ماعنده قرض والله ,,

انا ريلي قبل لا نتزوج كان ماخذ قرض حق اهله ,, ونص معاشه يروح على القرض ,, بس الحمدالله انا وحده عاايشه
صج اتي ايام ماعندناا فلوس ,, بس انا وحجه صبوره اصبر مثل مايقولون ( الصبر مفتاح الفرج ) وانا الحمدالله دام
ادري ريلي ماعنده مااطلب فوق طاقته ,,

انا مقدره ظرفه والحمدالله كاني عايشه معاه على الحلوه والمره ,, بس صج انه المصوف قام يزيد ويبي
الحين عندي ولد الله يخليه يبي حفاظات وحليب وهل سوالف والحمدالله يشترييله مايقصر بهل شي
انا قاعده احاول مااطلب منه عشان لايقصر على ولدي ويكون ماعنده ,,

انا ادرس يعني ماعندي معاش ,, وتوني هل سنه مسجله ,, وانشاءالله انا قايلتله ابي ادور شغل اشتغل عشان اساعدك
اهو موراضي يقولي لا ,, بس انا قتله شنو ماكو يعني عشان شويه يكون عندناا وقت اللي انت ماعندك
عاد قال زين بس اذا اشتغلتي معاشج حقج مااجيس منه شي قتله خلاص اوكي ,,

والحين بسووف وين يقبلون شهاده رابعه ثانويه لان سنه قعدت بالبيت حملت وجذي ماقدمت على مكان هل سنه انشاءالله
اداوم ,,

 

[@أحلاهم وأتحداهم@]

آآآآآآآآآآآآآآآآآآآآآآآآآآآآآآآآآآآآآآآآآآآآآآآآآخ من القروض قرض اير الثاني وانا موموضفه وراتب ريلي يدوب يكفينا اول الشهر
اصلن صار عندنا مناعه عادي تعودنا
اول زواجنه ريلي ماكان يشتغل وضل 4سنوات بدون وضيفه بس الحمدالله الحين وايد احسن وين كنه او وين صرنا

 

[عنايد]

اي اثرت حيييييييييييييل وباعدت بيني وبينه حيل حيل حيل

لاني اول ماتزوجته على طول اخذ قرض وترك دوامه وقعد وعلى ماتوظف وقعدنا نعاني بسبة هالقرض والمعاش الضعيف

للللللللللللللللللللي الحين بيصير 10 سنين وللحين اعاني طبعا انا مومسؤوله منه ابد ايام قبل لما كنت طالبه كان ابوي يصرف علي وبعدين

توظفت وشلت نفسي ومااعتمد عليه ابد ولا له اي دور ايجابي بحياتي وبالنسبه لعيالي انا اقوم فيهم غالبا وهم الخدامه وواتعاب ولاداتي

الحمدلله على كل حال بس صج صج الرجال المديون اللي معاشه ضعيف عااااااااااااااااااااله على زوجته بالذات اذا كان نفس زوجي

شين وقوات عين

 

[مرت الأيام...]

ايه...............شقول الا الله يسر امورنا انا ريلى ما خذ قرض كبير عشان شرينا بيت هذا غير الفيزا و الماستر و انا خذيت قرض صغير عشان مرينا بفترة حيل صعبة غير ان على معاشى سيارتين الله كريم و عندنا 3 اطفال الله يحفظهم يبون يلبسون و يطلعون غير الحليب و الحفاظات و ماجلة البيت و الخدامة اتصدقين صارلى اكثر من 10 شهور مو قاطه على روحى فلس و السبب انى مو ملحقة على مصاريف البيت و اليهال وريلى ما يزيد من معاشه شى انا اللى اصرف عالبيت معاشه كله رايح على قرض البيت والله نفسيتنا وايد تعبانة وبدا يطلع بشعرنا شيب مع ان تونا صغار بالعمر تونا بالعشرينات :0bee2e8d89:

و كل شى صاير غالى و تاخذينه بالحسرة و تفكرين الف مرة قبل لا تشترين شى بخاطرج تخافين تقصرين عالبيت
الحمدلله على كل حال و ان شاء الله اتعدل الاوضاع لان تعبنا وايد

 

[bint_looda]

الحمدالله على كل حال دام الواحد بصحته وعافيتيه واحبابه حول يقدر يصبر ويواجهه ظروفه الصعبه وماضاقت الا فرجت

 

[ام حلومي]

الحمدلله علي كل حال

استغفري والله يرزقج انشالله