القرقيـــــــــــــــــــــــــعان ( تم دمج جميع المواضيع المتعلقة بالقرقيعان )

[eechatterboxx]

رد: تجهيزات القرقيعان

من وين خام الجوخ

خام الجوخ من سوق الاقمشة يعني البلوكات بس في محلات اكلف اللي بره يكون ارخص ونفس النوع
في محل اسمه التسامح يبيع كلف تحصلين عنده الوان حلوة

 

[مشاوي]

رد: ابي اجهز حق القرقيعان

وانا بعد وياااكم بنتي الجر والمناااافسه قويه في بيت حمولتي بليييييييييييييييييييييييز ابي مساااعده

اللي تقول عن البالونات جم تكلف حبيبتي؟

 

[معشووقة السفر]

رد: ابي اجهز حق القرقيعان

بالونات مطبوع عليهم عساكم من عواده قرقيعان وقرقيعان طبعا بالونات هيليوم
ال 50 بالونه ب 35 تقريبا

 

[عواشه بنت بو حسين]

رد: ابي اجهز حق القرقيعان

وآنا بعد معاكم بتنافس البجريات
وين تاجراتنا يفيدونا

 

[mrs-yousef]

رد: ابي اجهز حق القرقيعان

وانا بعد وياكم ..لان السنه الي طافت سويت قرقيعان حق ولدي خربوووطه مع انه بجري واول قرقيعان له

فهالسنه ابي اعوض

ومنكم نستفيد

 

[mrs-yousef]

رد: تجهيزات القرقيعان

eechatterboxx

وااايد عجبني شغلج وحييل مرتب شلوون سويته ؟؟

 

[eechatterboxx]

رد: تجهيزات القرقيعان

eechatterboxx

وااايد عجبني شغلج وحييل مرتب شلوون سويته ؟؟

مشكوووووورة واييييد
قرقيعاني كان عبارة عن اصيصيات ماخذتهم من دايسو (بو نص) بس للاسف مالقيت الا اربع الوان اصفر وازرق ووردي واخضر
بعدين شريت كلف وايد وخام جوخ من سوق الاقمشة واكثر شي من محل اسمه التسامح يكون يم محل برادو واخترتهم على اساس الوان الاصيصات وبعدين هم شريت شوية اغراض من بياع الورد وعاد بعدين ابتدى الفن رحت البيت وقعدت الزق على الاصيصات من الاغراض اللي شريتهم
وهم طلعت صور من النت ورسمتهم على اوراق رسم بياني واقصهم وادبسهم على الخام الجوخ واقص الشكل ومرات اخيط واذا مالي خلق الزق بصمغ القماش من المكتبة
بس على ماسويت 40 اصيص اطلعت عيني وخذيتلي فيهم تقريبا شهر لاني بطيييييئة :RoadRunner:

 

[فيفالدي]

رد: تجهيزات القرقيعان

خوووووووووش شي صراحه انا قاعده افكر للقر قيعان تعرفون ماكو وقت رمضان عقب العطله مباشره

 

[Tangled]

رد: تجهيزات القرقيعان

في محل بحولي مقابل امبرس اسمه لين وايد وايد شغلهم روعة ومميز صاحبته اهي اللي تصمم واهي من قبل لا تفتح المحل تسوي شغلها روعة
عاد مادري مفكرة اسوي منها ولا انا ودي اسوي بيدي حق وليدي حبيبي وانا توني نيو مام على قولتهم فابي شي حلو مميز خندور والله كريم

 

[omdoodoo]

رد: ابي اجهز حق القرقيعان

انا احب اسوي حق عيالي بنفسي والحمدلله كل سنه اسوي شي الكل يعجبه

 

[love love]

رد: ابي اجهز حق القرقيعان

سنه الي طافت شريت عرايس بالسرداب وكان مثل جيس صوب بطنهم عبيت اجياس قرقيعان وحطييت دااخلهم

وسويت جياس ولزقت عليه العاب او ميداليه ووزعته


ياريت فدتكم

 

[Karezmatia]

رد: ابي اجهز حق القرقيعان

اشوه مو بس انا اللي شاده حيلي ومن الحين قاعده ادور حق قرقيعان بنتي

انا قلت بسوي من الحين وما راح انطر بياع الورد شنزل من ديزاينات لأن العام نطرت وما نزل شي واضطريت آخذ علب انا شايفتهم من زماااان عنده وركبت عليهم شرايط واشياء

وهاذي صورته

http://up3.m5zn.com/photo/2009/5/26/02/5fduwoc7y.jpg/jpg

 

[shajasha]

رد: ابي اجهز حق القرقيعان

حتي انا ابي اسوي ق عيالي قرقيعان
السنه اللي طافت حطيت علبه زبيل فيها القرقيعان
وهالسنه ما ادري ومنكم نستفيد

 

[opera]

رد: ابي اجهز حق القرقيعان

من وين تشترون اشياء حق القرقيعان

يعني اذا بروح ادور وين اروح ؟؟؟ مابي بياع الورد

ابي علب خشب من وين احصل ؟

 

[Karezmatia]

رد: ابي اجهز حق القرقيعان

عندج بياع الورد تحصلين عنده علب خشب وعندج محلات الشايع في سرداب المباركيه

 

[opera]

رد: ابي اجهز حق القرقيعان

يا ريت ايرد القرقيعان مثل ايام قبل نلبس بخنق ونفتر بالفريج وناخذ حلاو وكاكاو مخلط محزر ...........

والله سالفه صايره لازم نجهز و لازم شي يديد


من وين اطلعتلنا هالسالفه

 

[منى قلبها ابيض]

رد: ابي اجهز حق القرقيعان

نفس الحاله !!!!


انا هم بجهز حق ولدي

 

[al7noona]

رد: ابي اجهز حق القرقيعان

انا عندي القرقيعان يهوووون تلاقين بكل مكان بس لبس البنات حق القرقيعان من ويييييييييييين؟؟؟؟

كل سنه من وين تشترون حق بناتكم؟


انا اول سنه شريت لها من معرض وثاني مره شريت من مجمع الاوقاف بس هالمره ماادري وين اروح ووين القى ساعدوني؟

 

[Karezmatia]

رد: ابي اجهز حق القرقيعان

رفيجتي قالتلي في معرض بجنوب السره يسوون بدل حق اليهال حق القرقيعان

كل سنه تمدحلي شغلهم

بس العام ما مداني اروح لهم فشريت لها من المحل اللي بالاوقاف اللي يسوي حق اليهال ونفس بدلته بنتج تلقين بدله كبرج يعني انتي وبنتج نفس البدله

بس هالسنه انشالله ناويه اروح المعرض اللي قالت عنه صديقتي ..

 

[redfrawlah]

رد: ابي اجهز حق القرقيعان

انا العام سويت حق ولدي دب وربطت بظهره كيس فيه القرقيعان وعلى بطن الدب لزقت صورة ولدي وانشا الله انزلكم صورة القرقيعان عن قرييب وابي افكاركم حق هالسنه لان ابي اخلص من الحين بس ماعندي فكرة ... يا الله يا كويتيات لاتبخلون علينه بالافكار