القرقيـــــــــــــــــــــــــعان ( تم دمج جميع المواضيع المتعلقة بالقرقيعان )

[nazek_q8]

رد: تجهيزات القرقيعان

شفت بسوق بميه اجياس عليها رسومات قرقيعان 50 جيس بدينار قلت باخذ حق االيهال لان براي اليهال يبون الحلاو والكاكاو اللي داخل الجيس وما يهتمون بالشكل الخارجي له وبجذي اوفرلي

اما الكبار فعندي فكرتين وقاعده اشتغل فيها لان اهم اللي بحكمون على القرقيعان فلازم يكون شي متعوب عليه

 

[amani]

رد: تجهيزات القرقيعان

أنا سويت عند مطبعه بالديره علب بلاستيك ومطبوع عليهم اسامي عيالي وملبس الغطاء قماش والصبيان الصراحه ملينا من السديري والبوالطو ملوت القرقيعان فكرت البسهم دشاديش وقبعات الجماغ شاريتهم خالتي من الإمارات شكلهم مثل لفة الإمارتيين للغتره بس هذوله على شماغ احمر وبنتي سويت لها دراعه ناعمه وبسيطه شريت القماش من التراث الهندي القسم العلوي إلي فوق في خصم على القماش يعني إلي بعشر دنانير صار على دينار ونص وبعد في ارخص من جذي

 

[toyo]

رد: تجهيزات القرقيعان

انا مسوية علب وملابس للقرقيعان مميزة للبنات

ودشاديش شد للأولاد


الي تحب ترسل لي على الخاص

 

[nazek_q8]

رد: تجهيزات القرقيعان

دشاديش الشد تر منهم بسوق المباركيه كامل مع القبعه والجيس والزديري على 3.5 توني شاريه سكري والشد ذهبي



شفت نفس الفكره بس مو شد دشداشه وزديري لونه بني والمخابي خام غتره ومركب على الزديري والقبعه حجر بليارد (لعبه كويتيه قديمه) شكله وايد حلووووو

 

[داريني]

رد: تجهيزات القرقيعان

انا هالسنه بسوي قرقيعاان بسييييييط بسييييط بسيييييييط=========الله يستر من هالبسيط
لاني بقط على لبس عيالي حق القرقيعان والعيد
وانا طلبت من وحده اهني علب حلوه وشكلها كيوت بعشره
وبس وكان الله غفور الرحيم

 

[nazek_q8]

رد: تجهيزات القرقيعان

شوفو هالصور حق القرقيعان

وتحصلونهم بقصر الهدايا بالفروانيه قبال مجمع الصيفي بلاس

 

[nazek_q8]

رد: تجهيزات القرقيعان

تفضلوا

 

[غاليه الاثمان]

رد: تجهيزات القرقيعان

شوفو هالصور حق القرقيعان

وتحصلونهم بقصر الهدايا بالفروانيه قبال مجمع الصيفي بلاس

مشكووووووووووره :tek:

 

[nazek_q8]

رد: تجهيزات القرقيعان

العفو حبيبتي

 

[^kloOot^]

رد: تجهيزات القرقيعان

بنات ابي افكار حق بنتى حق القرقيعان يعنى ودي البسها كله ورد جوري وودي اسوى قرقيعانها على ورد جوري

ابي افكاركم بليييييييييييييييييييييييييييييييييييز ساعدونى

 

[Q8Lady]

رد: تجهيزات القرقيعان

بنات شنو طريقتكم بيوم القرقيعان يعني شنو تلبسون وشنو تلبسون اليهال وشلون تستقبلين الأوادم ؟ يعني انتي تستقبلين بالبيت ولا توزعين وتوصلين لي البيوت لان اكو ناس تسوي جذي ؟ ومتى تسوون قرقيعان حق عيالكم من أي عمر ؟؟؟ وسلامتكم

 

[أحلى الجياكر]

رد: تجهيزات القرقيعان

بنات موضوعكم وايد مفيد ..و أفكاركم وايد حلوة ...

عجبتنى فكرة الفنانة مالت البزل ...تصلح حق يهال الحضانة الروضة ...

انا اول طفلين تعبت عليهم و سويت الهوايل لهم ..تالى شفت السالفة مصخت مصاريف و آخر شى بس يبون الحلاو ...قمت بس اسوى حق المدرسة ...و من الشويخ أشترى جياس سبايدر مان و فلة و كان الله غفورا رحيما
بس كاكاوى يكون نوعية زينة و ما اشترى أشياء فيها الوان صناعية او جلى ..ما أدانيهم ...بس علوج و كاكاو زين ..
العام سويت حق بنتى ثيم صينى ..شفت عند بو 100 السالمية جناط مستطيلة لها علاق خفيف و بوسطهم طبعة صينية و ألوانهم وايد حلوة .. كانوا موجودين من الصيف و بكميات كبيرة ...قمت و شريت حوالى 70 جنطة ...قلت 24 حق المدرسة و الباجى حق الاهل ..و صدف انه عندها نفنوف جاينيز فصار طقم بالصدفة ... إن شاء الله احط لكم صورهم

 

[أم بدير]

رد: تجهيزات القرقيعان

انا العام وقفت اسوي حق عيالي عشان عيالي كبروا الله يخليهم لي انشالله وصار فشله اسويلهم
خخخخخخخخخخخخخخخخخخخخخخ
الحين بس اسوي طلبات قرقيعان مو حق عيالي
المهم بنات انا منزله موضوع للي تبي فكره او مساعده بالقرقيعان على هالرابط
http://q8yat.net/showthread.php?t=206676

يمكن يكون مفيد للموضوع

 

[NoOoN]

رد: تجهيزات القرقيعان

امممممممممممممممممممممممم
انا صراحه بلشت شغلي قاعده ادور حركات اسويها عالعلب
وسويت 4 اشكال!! بس ديزاين القواقع للحين ماركبته!!
خل اخلص جم علبه واوريكم اياهم عشان تقولولي رايكم!!

 

[omdoodoo]

رد: تجهيزات القرقيعان

يلا ورينا شغلج

 

[&رعبوووبه&]

رد: تجهيزات القرقيعان

بصراااحه اشتري جاهز من الفيصل او مركز سلطان

وافك عمري

والملابس من معرض القادسيه او بيت ديفا

 

[مهندسة طموحة]

رد: تجهيزات القرقيعان

لا يوقف
نبي افكار اكثر

 

[Pissy Missy]

رد: تجهيزات القرقيعان

انا بنوتي اسمها دانه والسنه الي طافت كان اول قرقيعان لها

شريت من الفروانيه من محل يبيع عطور عربيه عطر مع لوشن اسمه دانه وشريت من معرض كانوا مسوينه في ارض المعارض مثل المطبقه الحديد الي يستخدمونها في هيل وزعفران و شريت حلويات كويتيه مثل قرص العقيلي والغريبه وهل سوالف وحطيتهم بالمطبقه

ولصقت على غطى المطبقه من فوق لولوه صغيره مع هلال مكتوب عليه عباره حق القرقيعان نسيت شنو بالضبط

وغلفتها بتور عنابي مع شرايط ذهبيه على لون دراعتها

وشريت مثل السله الخوص وكيس في سوالف صدف و محار و نجمة البحر وكيس ثاني صغير في لولو (من بياع الورد) وخذيت محارتين كبار ولزقت داخلهم لولوه وحطيت يمهم الصدف ونجمة البحر وثبتهم بالسله على كتر على الجنب وحطيت فيها شويه قش عنابي وذهبي وحطيت العطر مع اللوشن الي على اسمها مع المطبقه الصغيره يمهم وغلفته كله بسلوفان وربطه ابشرايط عنابي وذهبي

كان شكله وايد راقي و تعبت عليه

كل اغراضي خذيتهم من بياع الورد ما عدا المطبقه الصغيره و العطر و اللوشن

هذا كان حق الكبار والصغار وزعت عليهم علب على snow white و cindrella والصبيان على spider man

كانوا علب بلاستك يايبتهم من بره

والكاكاو شريته من الجمعيه

 

[84 Miss Chocolate]

رد: تجهيزات القرقيعان

http://www.rullart.com/index.asp
تقصدين هذا ؟

تاموووووقع عجييييب بس اشلللون اطلب منه

 

[ذهبيه مرصعه بألماس]

رد: تجهيزات القرقيعان

ماشالله أفكاركم جهنميه ....

بس ما عندي مقاقه إني أسوي شي بنفسي ..

الله يخلي الجاهز...