القرقيـــــــــــــــــــــــــعان ( تم دمج جميع المواضيع المتعلقة بالقرقيعان )

[مخروووشة]

رد: تجهيزات القرقيعان

حبيبتي رحت المول ما لقيت شي ):

 

[أم بدير]

رد: تجهيزات القرقيعان

حبيبتي رحت المول ما لقيت شي ):

يمكن سويت فور ايفير تقصد قسم الهدايا والاشغال اليدويه
هناك في موضوعين مثبتين يعلمونج طرق التزيين

ومخروشه حبيبتي اذا تبين اي مساعده انا بالخدمه
اذا شاريه شغلات عاجبتج وموعارفه شلون تزينينهم
والا ببالج شي معين بس موعارفه شلون تطبقينه
او شايفه شغله وتبين تسوين مثلها
ترى نعين ونعاون

 

[همامة]

رد: تجهيزات القرقيعان

بنات افكار القرقيعان حق اولدي كانت حلوه حيل
سويتها عند منى اليتامى شغلها حلو حيل بس لا تاخذون الكاكاو منها تحط شويه يفشل
شي مميز
و حلو

 

[همامة]

رد: تجهيزات القرقيعان

بنات انا قلت لكم ره عن شكل هلال عنابي معلق على شجره ذهبية
حظكم حلو حصلت صورة الشجرةبس من غير صورة القرقيعان احاول انزلها لكم

 

[همامة]

رد: تجهيزات القرقيعان

بنات ماعرفت انزل الصورة
علموني شلون انزل صور اهني الصورة مو جوده على الجهاز عندي
:0bee2e8d89:

 

[ام بنتها]

رد: تجهيزات القرقيعان

صج خوش موضووع
لي رجعه

 

[صريحة النسب]

رد: تجهيزات القرقيعان

بنات ماعرفت انزل الصورة
علموني شلون انزل صور اهني الصورة مو جوده على الجهاز عندي
:0bee2e8d89:

حبيبتي .. اول شي الصوره لازم تكون موجوده في جهازج

ثانيا روحي اي موقع التحميل .. مثلا www.0zz0.com

وبعدين ضغطي على Browse وراح تطلع لج الصور اللي بجهازج .. واختاري الصوره

ولاتنسن تكتبين الارقام بالطريقه الصحيحه اللي فوق كلمة Browse

وبعدين حطي تحميل .. واذا خلص التحميل

سوي نسخ على الرابط مال المنتديات وحطيه بالمنتدى في موضوعج وسلامتج

 

[مخروووشة]

رد: تجهيزات القرقيعان

مشكورة ام بدير وما قصرتي

بس انا ابي اعرف اشلون اطلب من الامازون

 

[أوركيدا]

رد: تجهيزات القرقيعان

قرقيعان عروستي الأولى ميمي كان قممممممممممممممممممممممممه بالابداع
خذيت من البلوكات خام جاكار ذهبي مشير بورود اف وايت و خام ذهبي ساده وكلفة مناظر اف وايت
وديتهم لخياط هندي ولبسي ولبس بنتي من نفس الخامه
موديلي: الخام لمشير سويته دراعه مغربيه فيها فتحات طويله عالجوانب ومشيت أطرافه كلفه و تحته لقنز ذهبي وكبوس مغربي ولبست كف ذهب.
أما موديل بنتي: الخام لمشير فستان قصير وبكم ثلاثة أرباع ولقنز وبخنق من الخام الساده وأطرافهم كلفه وحنيت ايدها ولبستها سوار ذهب وسلسال.
خذيت 3 سلال بأشكال و أحجام مختلفه ولبستهم من نفس لبسي مشير وحطيت عليها فيونكات كبار من الخام الذهبي الساده.
أما القرقيعان:
للصغار --- خذيت اقماع ذهبيه من بياع الورد وتغليف سلوفان وشرايط
للكبار --- خذيت فوانيس كبيره ملونه من نفس المكان
الحلاو --- خذيته من مركز سلطان الجمله
وكل شغلي كلفني 300 وشوي بس كان روعه روعه روعه
وعقب ماجهزت شغلي كله دزيت مسجات الدعوه وحطيت ملاحظه دخول الكبار بلبس بنجابي وكانت الحركه روعه ولتزموا فيها و الكل أعجب بابداعي و التعب اللي بذلته لخاطر عيوووووووون بنتي (ميمي)

 

[Karezmatia]

رد: تجهيزات القرقيعان

مشكووووووووووووووووووووووووووووووره اختي عالموضوع ..

انا توني ام يديده

واول قرقيعان لي حق بنتي الله يحفظها ..

وكنت قاعده ادور افكار ووايد استفدت منكم ..

مشكووورين .. وبظل متابعه للموضوع ..

واذا بلشت اجهز حق القرقيعان بكون على تواصل معاكم ..

 

[إستبرق]

رد: تجهيزات القرقيعان

اوركيدا ماشاءالله حلوه طريقتج الله يخلي لج بنتج يارب ويحفظها لج
انا ناويه انشاءالله اني افصل انا وبنتي مثل بعض وحلوه فكرتج

 

[ام سويرة]

رد: تجهيزات القرقيعان

بنات تشوق سوالفكم بس متى رمضان تقريبا
عشلن نعرف نحسب حساب المدرسة في القرقيعان ولا لا؟

 

[همامة]

رد: تجهيزات القرقيعان

مرحبا بنات افكاركم حلوه حييييييييل
صريحة النسب مشكوره على الطريقه الحلوه لو انها معقدة شوي
احاول انزل الصوره باجر ان شاء الله





اللهم اغفر لنا و ارحمنا و عافنا و اعف عنا و تب علينا انك انت التواب الرحيم

 

[همامة]

رد: تجهيزات القرقيعان

استبرق اشلونج؟؟
و شلون الاميره الصغيرة
ما سمعنا اخر افكارج؟؟؟؟
والا تو الناس على القرقيعان




اللهم اغفر لنا و تب علينا انك انت التواب الرحيم

 

[إستبرق]

رد: تجهيزات القرقيعان

همامه ناطرين الصور

وانا الحمدالله بخير والاميره بعد الحمدالله بخير وعافيه
وبخصوص القرقيعان لا والله مو تو الناس بس قررت خلاص
مو انا راح اسويه في وحده اعرفها سوت توزيعات ولاده اختي وتخرج بنتها
انشاءالله هي راح تسويلي دقيت قلت لها انا ما ابي الحين ابي على الشهر الياي ولا الي وراها وقالت
خلاص راح اضبط شغلي واخلي لج مكان
بس بشوف شنو من افكار عندكم يمكن تعجبني فكره واقولها هي تطبقها
وقعدت ادور لكم بقوقل بس كل الصور فكر قديمه :0bee2e8d89:

 

[مرتاحه وآكل تفاحه]

رد: تجهيزات القرقيعان

وااااااااااااااااااااااااااااااااااااااااااااااااااو خووووووووووووش فكره
انا اول ولد وابي اسوي ابدااااااااااااااااااااااااااااااع

 

[إستبرق]

رد: تجهيزات القرقيعان

مرتاحه الله يخلي ولدج لج يارب

 

[SweeTa_4ever]

رد: تجهيزات القرقيعان

بنات تشوق سوالفكم بس متى رمضان تقريبا
عشلن نعرف نحسب حساب المدرسة في القرقيعان ولا لا؟

حبيبتي ارمضان 1-9 مع فتحة المدااارس

 

[صريحة النسب]

رد: تجهيزات القرقيعان

هااااي بنات شخباركم

تعالوا المدارس مو خلوها عقب العيد ؟؟؟

 

[همامة]

رد: تجهيزات القرقيعان

مرحبا بنات
شلونكم ؟؟؟
و شلون العيال؟؟
استبرق يا عمري
انا عندي صورة الشجرة اللي علقت عليها القرقيعان بس
حسافه مو مصوره العلب
بس راح انزلها لكم اذا رجعت بيتي
انا الحين في بيت اهلي ابونا مسافر
الله يردجعه لنا بالسلامة قولو اميييييييييييييين






اللهم استرنا فوق الارض و تحت الارض و يوم العرض
و ارزقنا شفاعة رسولك يا رب العالمين



أمييييييييييييييييييييييييييييييييين