القرقيـــــــــــــــــــــــــعان ( تم دمج جميع المواضيع المتعلقة بالقرقيعان )

[<<لمار>>]

رد: ابي افكاركم حق لبس القرقيعان للصبيان

انا بلبسهم بنجابى هندى

 

[meen_ana]

رد: ابي افكاركم حق لبس القرقيعان للصبيان

مين انا بليز وين معرضها ابي حق بنتي بعد والله ابتلشت انا ماكو شي يدش الخاطر

حبوبه طرشت لج العنوان على الخاص

 

[جوري الكويت]

بنات لا يطوفكم معرض قرطبه

ب صاله سالم العلي

عندهم ملابس قرقيعان حلوه للبنات

و اسعارهم حلوه مو نفس باقي المعارض

شرت من وحده اسمها ام شملان

دراعه و فوقها تور ور مطرز و معاها جنطه القرقيعان و ربطه تصير مثل الباند

ب 10 دنانير

و في وحده ثانيه اسمها لولوه ما ادري شنو اسمها الثاني طاوله رقم 11

هم عندها بدل قرقيعان مطرزه و على الطريقه الهنديه ب 15 دينار

 

[om_3azoz]

بنات انا توهقت قلت اول شي مابي اسوي قرقيعان لان ماكنت بروح بيت يد ريلي الحين ريلي خلاني
فمادري شنوو اسوي اليوم رحت بياع الورد ورحت ابها الملكي اللي بحولي ماكو شي

بنات انتوو من وين شريتوو الله يخليكم قولولي مابقى شي

 

[ورد وردي]

والله انا كنت بسوي بس قالولي سألي شيخ وسألت النجدي مفتي معروف قال ((( القرقيعان عيد مبتدع))) وهونت فالأحسن انكم تسألون اذا مو متأكدين من كلامي بهالشهر الكريم

وادعولي

 

[tmtmt]

بنت عممتي دينه ومتنقبه ما كانت تسوي ... بعدين سمعت فتوى من بن باز

قال انها مو بدعه

والله اعلم

 

[om_3azoz]

بنات عفيه دلوني وين ففي حق القرقيعاان حدي حدي متوهقه والله ,,

وابي من وين اشتري دراعه حق القرقيعاان ؟؟ ساعدوني الله يخليكم

 

[بنات حواء2]

انا خذيت قرقيعان من وحده وايد فخم و حلو و عجبني مسويه نموذج واحد و تسويلج اذا عجبج شغلها وايد حلو عباره عن فخار بطول وفيه شغل غش و ورد مجقق و مثبته فيه ورده صغيره فخار و حاطته بعلب شفافه و سوتلياه مع الككاو و حاطه فيه ككاو كشخه و شغلات غريبه و اشكالها تينن و قاطه فيه ككاوه مثل البيضه بين الغش
خذيت منها 25 حبه ب 70
و قالتلي اذا تبين تسوين 50 جبه احسبه لج 120 يعني منزلتلي 20 دينار بس شسوي بخمسين حبه وايد
شغلها وايد حلو

 

[froha83]

بنات عفيه دلوني وين ففي حق القرقيعاان حدي حدي متوهقه والله ,,

وابي من وين اشتري دراعه حق القرقيعاان ؟؟ ساعدوني الله يخليكم

روحي معرض صالة الزبن بالروضة
اول ما تدشين من الباب امشي سيدة اول طاولة عاليمين عندها شغلات حلوة واسعارها زينة
تبينه عادي؟
حق اليهال ولا حق الامهات؟؟
وجم حبة
يمكن اقدر اساعدج:tek:

 

[الدلوعه2008]

حبيبتي للي تبي علب او كياس قرقيعان او غيرها روحي سوق المباركيه واجد فيه توهم نزلوهم وشفتهم بعيوني واخذت لبنت اختي شكل والوان الدرزن بدينار ونص وانا راح اعبيهم حلويات يا بلاش ما لقيت نفسهم كلش وفي نفس للي عند التاجرات بالدرزن يبيعون

روحو ما انتو خسارانين ام بدله القرقيعان والله اهم للي بيجيبون لبنت اختي واحنا ما شرينا لها فيكون احسن ان عمتها تجيب لها

 

[om_3azoz]

froha83
هلا حبيبتي
انا ابي حق الامهات لان خالتي مسويه حق اليهال ,, وتقريباا 10


الدلوعه
وين ايي صوب المباركيه ؟؟

 

[sara999]

رد: ابي افكاركم حق لبس القرقيعان للصبيان

والله انا خذيت حق سليمانو دشداشه قديمه الي فيها غوله عارفينها
وعليها سديري مال الشياب الي يكون مبكر خفيييييييييييييف يدوب تلاحضينه ومديله السديري الرسمي مال بدله
يعني شايب
ونطارات قاعة بطل مدورين واي فلم لي لبسهم
ومسباح بني مال شايب
وساعه مدوره فيها سلسله يحطها بجيب السديري
وعقال مال قبل الهالمتن و غتره مبكره وخامها طايح

وعصاة خشب عكازه

والجيسه عباره عن طبل مفتوح بس الطبل من الخام ومكتوب علي قرقيعان وقرقيعان
يعني بو طبيله
واااي شكله فلم فلم
بس من يلبسه اموووت اغشي من الضحك
لوووووووووووووووووووووووووووووول مبدعه فيييه حياتي

 

[أم جوري]

رد: ابي افكاركم حق لبس القرقيعان للصبيان

شوفوا الرابط في توقيعي موديلات للصبيان ان شاء الله تعجبكم

 

[أنيسه]

صباح الخير

مابقى شي عالقرقيعان واللي مامداها
تتفضل معرض صالة الزبن بالروضة وااايد أشياء حلوة هناك

 

[froha83]

شوفوا قرقيعان سارونه

 

[froha83]

تجديد للموضوع
حياكم الله
القرقيعان ما بقاله شي
تعالوا نلملم الافكار الحلوة

 

[love love]

وااااااااااي بدينا بالحوسه

نبي افكار للبنات والاصبيان

 

[tmtmt]

من الحيييين !
لي الحين ما يانا رمضان !

 

[love love]

تمتم ماانسوي افكار بسسسسسسسسسس

انا وحده احب اخلص شغلي قبل رمضان باسبوع

واتفرق للعباده

 

[Q8tya_GirL]

اي والله بنات نبي افكار من الحين