القبوط تكفوووووووووووووون

[ونه]

السلام عليكم


شلونكم ياقلبي انتو
تكفون علموني شلون القبووط تسوونه
ودي اتعلم له ... اللي تعرفله وبطريقه حلوه حيييييل
لاتبخل علي

ام غزلان

 

[أنا وين ؟؟]

رد : القبوط تكفوووووووووووووون

هلا ونه ...

حبيبتي انا ولا مره سويته بس باحاول اسأل امي واقولج ... بس من الحين اقولج ترى امي ما تعترف بالمقادير تعطي الطريقه جذي وانتي لازم تفهمينها هههههههههههههههه

 

[^^دموع الكويت^^]

رد : القبوط تكفوووووووووووووون

عاد انا اموت على شي اسمه قبوط


ومستانسة اني اختي والدة عشان اكل معاها ههههههههههههههه


المهم ترى القبوط طريقته سهلة انا جربت اسويه كذا مره بس من زمان اسأل امي وارد عليج

 

[حبنا الله عليه]

رد : القبوط تكفوووووووووووووون

انا ما اعرف بس نقلت لج الطريقة

( طريقة أول في صنع القبوط )

ربع كيلو لحم غنم بالعظم – بصلة كبيرة مفرومة ناعمة – علبة من معجون الطماطم – 200 غرام طماطم – ملعقة صغيرة ثوم مدقوق ناعم – ملعقة كبيرة كل من ملح + بهارات .

الحشو : -
3 بصلات كبيرة – ملعقة صغيرة ملح – 250 غرام لحم مفروم – نصف كوب زبيب – ملعقة كبيرة بهار – رأس ثوم .

مقادير العجين : -
4 أكواب طحين أسمر- كوب ماء – ملعقة سمن
طريقة العجين : -
ينخل الطحين ويضاف له الماء تدريجياً حتى نحصل على عجينه متماسكة ثم نتركها جانباً .

المرق : -
- في قدر واسع يقطع اللحم ويضاف له البصل والملح والبهارات ويترك على نار هادئة حتى يتشرب الماء .
- يقلب جيداً ويضاف له قطع الطماطم ومعجون الطماطم مع التقليب المستمر يضاف له ماء كافي ويترك حتى يغلي .
الحشوة : - ينقع الزبيب في ماء حار .
- يفرم البصل ناعماً ويدق الثوم يضاف البهار والكشمش بعد تصفيته من الماء ويخلط مع اللحم والبصل وقليل من الملح .
- نأخذ من العجينة قطعه بحجم الجوز بعد أن ندهن اليد بقليل من السمن ونفردها براحة اليد ونملأ الوسط بالحشوة ثم تغلق وتبطط باليد .
- تلقى العجينة بالمرق وهو يغلي حتى تنتهي العجينة .
- يغلق القدر وتخفض الحرارة حتى النضج .

 

[^^دموع الكويت^^]

رد : القبوط تكفوووووووووووووون

مشكورة حبنا الله عليه ما قصرتي نفس طريقتنا تقريباً بس احنا العجينة ما نحط فيها سمن

 

[ونه]

رد : القبوط تكفوووووووووووووون

السلام عليكم

انا وين ؟
هلا وغلا ياقلبي وانا بنتظار وصفة امج الله يخليها لج وعادي جيبيها وانا افهم هههههههههههه

دموع الكويت
ياهلالالالا بالابداع كله نورررتي والله وياليت والله تعلميني الطريقه لاني احب طبخاتج
وتعجبني طرقج بالطبخ .. انتي وبعض البنات بهالمنتدى ... مااااتقصرين وبانتظارج

حبنا الله عليه
هلا والله ألف يااا نور المنتدى وماقصرتي وربي كفيتي ووفيتي وانا كتبت الطريقه
وبحاول اجربها ويارب تضبط معااااااااي .. الف شكرررررررررررر

 

[دندره]

رد : القبوط تكفوووووووووووووون



قوه ياحلوين شلونكم وشخباركم ؟؟ عساكم بعافيه يارب .. ها بشروني شخباركم مع الطباخ وعسى تارسين بطون ريايلكم اللي ماتنترس حتى بنساف رمل ..اليوم بنسوي القبوط بطلب من وحده من بناتي .. دزتلي ايميل وتقول يايمه ابي اتعلم القبوط لان ريلي يحب القبوط وذبحني وهو يحن على راسي .. قلت تامرين امر يابنيتي الغاليه الظاهر ريلج يتنسى ..القبوط اكله كويتيه قديمه ودايم يسونها للبنت اللي بالنفاس . وييييييييييييي يعلكم تعيلون وتشوفونهم يكبرون ويناقزون فوق روسكم وتزوجونهم وتنفسون بناتكم بعد .. يالله خلونا نبلش

بسم الله بدينا وعلى المصطفى صلينا .. القبوط سهل وبسيط ومايبيله شي بس كل وحده تفتحلي دماغها وتربط شعرها اليعد وتفسر جموم دراعتها .. وين ياخلاف انتوا ماتلبسون دراريع ادري فيكم .. المهم نحتاج للقبوط .. لحم غنم وفيه عظم .. بصلتين ولميات .. 4 فصوص ثوم .. 3 حبات لومي سحاري .. قفشة صغيره مالت الحوس ومثلها كمون ودارسين مطحون و ومثلها بهار مخلوط .. حبتين طماط .. قوطي معجون طماط .. هذا اللي نحتاجه للمرقه .. طبعا تسون المرقه عادي مثل مادزيتلكم الطريقه من قبل وبقولها بشكل سريع للي ماشافت الطريقه .. تقصين البصله والطماط وتحمسين الطماط قبل البصله عشان يذوب وبعدها تحطين البصل وفوقه البهارات والثوم وتقطين اللحم فوقهم وتحمسين شوي وبعدين تخلين الجدر على نار هاديه عشان يعرق اللحم ويشترب الخلطه وبعدها تحطين ماي راهي شوي وتخلين اللحم يقلب لمدة ساعه وبعدها تحطين الملح فوقه والمعجون .. وتقدرين تحطين المعجون قبل مع الخلطه يعني عادي مايفرق .. المهم الحين بنسوي الحشو مال القبوط والعييينه ..

اول شي نحتاج 3 قلاصات طيحين اسمر وقلاص طحين ابيض .. ونحتاج .. ربع قلاص نخي مفلوق عرفتوا؟؟ النخي مال الحشو .. ونحتاج ربع قلاص كشمش.. بصله..وقفشة حوس لومي سحاري .. وفلفل اسود وبهار مخلوط وملح .

الحين تفوحين النخي لمدة ربع ساعه او اكثر شوي على حسب نوعه وبعدني تخلينه على كتر .. وتنقعين الكشمش .. وبعدين تخلطين الطحين وتنخلينه عشان لاينقص عليج وبعدها تحطين عليه قلاص ماي وتحركين الطحين لما يصير عجييينه ولاحظي ان العجييينه لابد تكون شوي رخوه مو وايد؟؟ شوي فهموا عاد قلنا شوي .. وبعدين تسوين الخلطه .. تخلطين الكشمش مع النخي مع البهارات مع البصل وتاخذين العجيينه وتسوينها مثل كره صغيره وتفرشينها على راحت ايدج اذا كانت تتلزق بللي ايدج بالماي وبعدين تحشينها بالخلطه .. وعقبها تكورينها وتبطينها من صوبين عشان تتشرب المرقه عدل . وتقطينها بالجدر مال المرق وقبلها لازم تتاكدين ان المرقه فيها ماي بكميه زينه وطبعا الجدر لازم يكون على نار هاديه مفهوووووووم .. مو باجر تقولين يمه انبطت الكره ادري فيكم المخ مصدي اللهم ياكافي ..وشوي شوي على هل طريقه لما تخلصين العجيينه كلها وبعدين ديريبالج لاتحركين المرقه ترى تنبط العجييينه داخل ... ولابد يكون حجم الكره صغير لانها راح تتشرب من المرق وتكبر بالجدر ..وعليكم بالعافيه


ملاحظات امكم العوده : شوفوا يابنات ... تقدرون تحطون بطاط وفلفل اخضر وخضار مع المرقه يعني على هواكم .. ولا تنسون ترى الماي اللي بالجدر لابد يكون راهي وحسبوا حساب العينه راح تشرب الماي مفهووووووووووم مو تخلون الماي يصير كلش ماي مايوووو لا حسبوا حساب بعدين وقت الاكل القبوط لازم يكون خاصر يعني حطي ماي راهي ومن تشوفينه قصر زيدي الماي وعلى هل حال .. ادري تهزون الراس بس جذي .. ماعلي منكم انتوا الخسرانين وريايلكم راح يكفخونكم تكفخ .. وطبعا الملح على حسب هواكم

واللي امها تقول شي ياويلها مني وعطوها هذا شسموونه



ويالله جدامي كل وحده تربط شعرها اليعد وتروح مطبخها

ولاتنسون شعارنا

كونوا معنا في حملتنا ضد الرجال ومحاربتهم من خلال كروشهم .. والزفره وقايه

خليتكم بعافيه

امكم العوده دندونه

 

[أنا وين ؟؟]

رد : القبوط تكفوووووووووووووون

وييييييييي ونه آسفه حبيبتي ... لما شفت الموضوع مره ثانيه جان اتذكر ...

انا خذيت الطريقه من امي ... وكتبتها ... بس لما قارنتها مع ردود البنات كانت تقريبا نفس الشي