القاعده الحلبية !!

[dl3_wl3]

عفوا في بنات نصحوني اول شي القاعده الحلبيه وبعدين استاذ حمزه
جذي صح ولا لا لاني بدخل بنتي الاحد

 

[زهقاانه]

اهم شي التاسيس
اذا اسستي بنتج او اولدج من اول شي خلاص مااراح تلجأين للمدرسين

صراحه منهجنا شنو يعتمد عليه خاصه للغتين العربيه والانجليزيه القوااعد

اسيسي القواعد عنده خلاص

والرياضيات بحفظ جدول الضرب

وباقي الامور سهله

كاهو ولد اخوي ماشاءالله عليه دااخل القاعده الحلبيه شوفيه الحين 4ابتدائي وكله مااشاءالله امتياز

من الاواائل وامه وابوه مايعرفون يدرسونه وترى يقعد يصلح لهم اذا غلطو بالتدريس

لا وتتصل علي امه وتسألني ايهم الصح اقول اولدج الصح

مااشاءالله عليه تبارك الرحمن عليه

وانتي جربي القاعده الحلبيه اذا ماتنفع جربي استاذ حمز لا تكثرين عليها ترى تشتت افكاارها

 

[dl3_wl3]

اول وحده وابي ابدا صح عشان ما اتعب معاها

 

[أم سالـــم]

معاهم حق البنات تسااااعدج وتخلي الياهل حده يعرف يكتب ويقرا بعد لاتترددين

 

[أسرار الطبيعة]

معاهم حفظ قرآن كريم
واللي طافت عليهم سنين الروضة عادي يدخلون اللي خلصوا أولى وثاني ابتدائي؟
وكم ساعة يدرسون وأيامهم في الأسبوع كم يوم؟
شكرا لاهتمامكم

 

[الواثقه]

انا دخلت بنتي تاسيس اولى ابتدائي الحمدلله زينه بس بعدين بنتي تضايقت لان مكانهم مو شي صراحه بيت قديم ولوعه
تكرمين حتى الحمامات مالت بيوت الحكومه القديمه

انتي روحي وشوفي المكان واذا كان زين دخليه وتوكلي على الله

 

[رفرف]

الواثقة بأي منطقة مدخلة بنتج ؟؟


انا دقيت عليهم تلفون ..
قالوا الدراسة 4 ايام بالاسبوع ..
من عمر 4 سنوات ياخذون لي 12 سنة ..
البنات بروح والاولاد بروح ..
والتدريس فردي .. يعني يركزون ع الياهل ..

انشالله بحاول اروح هالاسبوع واسجل بنتي اذا عجبني المكان..

 

[Dancing^Queen]

خبري في بالروضه مدرسه صيفيه للقاعده الحلبيه علي الدائري الرابع

 

[>>روضـة الحسـن<<]

بنات وين مكانها وكم رقمهم

انا بالقرين يعني ابي مكان قريب
وهل فيها انجليزي ولا لا

شنو المواد غير العربي ؟
وجم الرسوم

 

[حرير]

بالنسبه الى الرميثيه وين اقرب منطقه فيها القاعده الحلبيه في الصيف

 

[مزاجية حدي]

انا كنت امدخل اعيالي قبل كم شهر البنات والاولاد مع بعض والمادة ساعةوبهالساعة تمسك كل طالب خمس دقايق و تردترجعلة يعني كل طالب ياخذ عشردقايق من الحصة وعلي حسب عدد الطلاب

 

[بحور الشوق1977]

والله حده فضيعة روحي وانت مغمضة انا بنتي بالمدرسة الباكستانية اول ما عطلوا على طول رحت سجلتها حدة روعة

 

[ro3ah]

ِوين اقرب شي حق الجابريه او قرطبه؟

 

[الجود طبعي]

يا جماعة الخير دقوا على هالرقم وهم يعطونكم اقرب مركز لمنطقتكم 7196690