القاعده الحلبية !!

[عباير]

السلام عليكم ورحمة الله وبركاته


حبيباتي المعلمات والامهات

ابي منكم خدمه واتمنا ما تردوني :eh_s(8):


انشاء الله ولدي بيدخل اولي ابتدائي السنه الجايه :ggdw:

وقالولي عن برنامج القاعده الحلبيه لتدريس قبل المدرسه

يا ريت الي تعرف عنه شي تفيدني


ابي اهيا وليدي للمدرسه لان العربي صعب شوي


ولكم مني جزيل الشكر
:tek:

 

[وائليه]

يدرسون نفس طريقة الكتااااااب (الفون باؤن تاؤن وهكذا.......) بس نتايجها مضمونه حق الصغار لا تترددين روحي لهم يستقبلون بأي وقت

 

[غنوة ستايل]

اناعيال حماي في القاعده الحلبيه واحد 2 ابتددائي و الثاني 3

ما ادري صراحه عن دراستهم بس يقولون زينه

 

[ضحـاوي]

اسمع عنها زينه

بس ماعمري جربتها

جربت مراكز تأسيس

 

[قصــب سكــر]

انا دخلت ولدي لها قبل اولى ابتدائي تدريسهم حلوو وخفيف مثل طريقه دراسنا اول

احرف اول شي بعدين مدود بعدها كلمات يعني يبدون من الصعب للاسهل

وبنت اختي دخلتها بعد ما شاء الله قامت تقرى الجريده

انصحج دخليه قبل الابتدائي وقبل الدراسه الصجيه خل يتعود على مسكت القلم وعلى الكتابه

 

[عباير]

مشكورين علي المرور حبيباتي ما قصرتوا


وائليه اما الفون باون عجييييييبه

ههههه

 

[حبيبة الكويت]

نصيحة دخل ولدك أنا ولدي فيها ما كان يعرف شئ والحين ولله الحمد تقديره في المدرسة امتياز.

 

[قلبي ابيض]

أنا اللي شاكرتلج هالموضوع صراحة شجعتيني اودي عيالي

 

[عباير]

مشكورين وما قصرتوا

لا خلا ولا عدم

حبيبه الكويت تسلمين والله يباركلج بعيالج

وقلبي ابيض

الله يوفقهم يا رب

 

[بنت البحر]

انا وديت بنتي القاعده الشاميه الي بيان اهي نفس الحلبيه كل وحده ومستواها وكلهم بنفس الصف بس التدريس كل وحده بروحها ممتازيين لا تترددين

 

[منورة]

سمعت فيها وكثير يمدحونها اذا مثل ماتقولين نفس تدريسنا قبل هذا دليل ان تدريسنا الاولي اهو الصح ليش ما يرجعون نفس أول واللّة شي يبط الجبد ابتدائي واهاليهم يجيبون لهم مدرسين اذا بالثانوى شراح يسوون


وهم بالرياض يا ليت يرجعون نفس منهجنا القديم يطلع الطفل فاهم وصاجة دكتورتنا ايام الكلية توقعت ان هالنظام فاشل


يا ليت يرجعون المناهج نفس أول ونفس طريقة التدريس بعد






طلعت حرتي ^ـــ^ ثانكس ع الموضوع

 

[عباير]

بنت البحر مشكووووووره علي الرد


شوركم واهدايه الله لا هنتوا حبيباتي

 

[حبووبة 76]

عطووونا عنواانهم ...

أبي قريييب بالعااصمة

 

[غلاي غير]

اي عمر يستقبلون وكم رسومهم

انا اعرف بالاندلس

 

[برونزيه شقرا]

مشكورين وما قصرتوا

لا خلا ولا عدم

حبيبه الكويت تسلمين والله يباركلج بعيالج

وقلبي ابيض

الله يوفقهم يا رب

 

[dl3_wl3]

انا بعد وياكم ابي شي قريب علي انا بنتي اولى روضه الحين ومدرسه بريطانيه قلت احسن تتعلم الاحرف العربي على اسس وييريت تفيدوني

 

[بنت ناس وقلبها الماس]

ارقامهم
4467449 بالقصور
9273351 هذي يسمونها المطورة بس ما ادري وين جنها بالشامية
موادهم رياضيات وانجلش وعربي
والرسوم بالشهر 30
وطريقة التدريس فردية كل طالب بروح
الاولاد مفصولين عن البنات -ومن عمر 3 سنوات يستقبلون الي الابتدائي

 

[dl3_wl3]

يريت تقولون وين جربتوا القاعده الحلبيه

 

[nouna82]

روحوا حق حمزة الخيااط ممتاز

 

[dl3_wl3]

انا دقيت عليهم وقالو يستقبلون من عمر 4 سنوات والاحد راح يبدون ورسوم 30 بالقصور