الف مبروك لخريجات رابعة ثانوي مسائي - منازل - ومنها للاعلى يارب ( تعالو شوي )

[__amool]

السلام عليكم ورحمه الله وبركاته

اول شي الف مبروك للخريجات ومنها للاعلى يارب


بنات الدراسه صعبة والا سهلة ؟ وشلون المدرسات معاكم متعاونات والالا ؟



انا باذن الله مو السنه هذي اللي وراها بعيدها لاني طالبه بالتطبيقي وباجي لي كورس واتخرج
انا متخرجة من سنتين من الثانوي نظام موحد
ونسبتي بعاشر و11 موزينة اخاف اشد حيلي ب12 عشان اييب نسبة ومايبها عشان 10 و11 :eh_s(11):



انتوا كنتوا نظام موحد والا النظام القديم نظام بس رابعه ثانوي والا مقررات؟


وعلمي والا ادبي؟



انا مسائي بدرس شنو نصايحكم شنو اللي احاول اسويه واللي ما اسويه انا ادبي ورفيجتي علمي ابي اقنعها تكمل معاي <- هالسوال للمنازل والمسائي

كل وحده تقول اهي كانت مسائي والا منازل

عسى ربي يوفقكم وتدخلون التخصص اللي تبونه :yaaaaaarb:شجعوني :eh_s(22):​

 

[NaYoob]

وعليكم السلام حبيبتي والله يبارك فيج

اذا عندج طموح كملي
انا تابعه لمنطقة حولي عندنا وايد يشددون
اكثر من المراكز الباجيه بالحضور والغياب والانذار
بس الحمدالله ابلاتنا كانوا يشرحون بضمير وكان
في واجبات ودفاتر وامتحانات قصيره بس اول لما
ادشين تحسين نفسج ضايعه بس تتعودين انا كنت
اكثر شي مازمني الدوام لانا انا موظفة الصبح
واخلص دوامي ٢ اله ربع ولما ارد البيت ما يمديني
انام والساعه ٤ اكون بالمدرسه يعني هلاك بس الحمدالله
علي امتحانات الفاينل قبلها خذيت اجازه وشدية حيلي
ويبت نسبة الجامعه انا كنت متخرجة من الثانوية عامة ادبي
وعندي شهادة دبلوم تجاري بس انتوا نظامكم غير الموحد تيمعون
نقاط فروحي احسن لج سالي المنطقة التعليمية اللي تابعه لها قبل
لا تسوين اي شي واتمنى اني فدتج

 

[ام مشعل المطيري]

هلا امووول صراحة خنقتني العبرة ذكرتيني بالمسائي والله يعتمد ع مدرستج تفسها انا تبع الرابعة وكنت بالاندلس حواء اول الكورس استذبحت وتعبت لاني موظفة بس بعدين قمت اطنش واغيب واجيب طبيات والدراسة مو صعبة بس مو سهله والمسائي يساعدون بالشفوي حيل وكانو معاي بنات بالتجاري الصبح والعصر يداومون وعادي ماشية الا مور
الله يوفقج واذا تبين اي مساعدة من عيوني

 

[!! شوق !!]

هلااا حبيبتي

السموحه تو اشوف الموضوع


انا كنت بالرابيه

مدرساتنا يهبلون والحضور والغياب متساهلين معانا

بالاول بتحسين نفسج ضايعه وبتندمين انج دخلتيها لانه نوعا ما راح يتغير روتين حياتج

لكن تالي تتعودين وتتاقلمين

وبالنسبه للنظام انا كنت قديم

مابي احبطج بس

بنات النظام الموحد تاثرت نسبهم '' فكري زين قبل لاتقدمين ع هالخطوه

واذا جاده وعندج رغبه بالتغير توكلي ع الله

 

[زبدة ككاو]

هــلآ حبيبتي
آنــآ كنت بفــآرعه بصباح السالم المدرسات حبوبات والإدارة تهبل والشفوي يعطونج كــآمل بس إذا كنتي اداومين طبعا موشرط يومي بس المهم الأبلات يعرفونج
آنــآ أدبي كنت متخرجه من مقررات
إنسي المنازل لأن صعب حيييييل ماينفع للي تبي نسبة ، كل إللي أعرفهم هالسنه بالمنازل السنه الياية بيحولوون
بس حبيبتي بقوولج شغله إللي نظام موحد متخرجين بعد 2008 يحسبون لهم عاشر و 11
يعني لازم تشدين حيلج لأن 12 عليها 60%
إنتي حاولي ماراح تخسرين شي ​

 

[عـطـر شـرقـي]

الله يبارك فيج
انا كنت 12 ادبي بمنطقة هديه
والابلات والاداره حيل حبوبات ومتعاونات
ويقدرون
وطبعا الاحسن النظام القديم
ومناازل لااا يحووشك حيل صعبه بس تعتمد على فاينل اللي اهو اخر السنه وبسس

 

[__amool]

مشكورين وايد وايد حبايبي الله يوفقكم ويسخر لكم عبادة ومنها للاعلى يارب

ام مشعل لاخلا وعدم ياقلبي


بنات انتوا أدبي والا علمي ؟


اللي عندها كتب ودفاتر الادبي أبيهم

 

[** مفاهيم الخجل **]

هلا حبيبتي

انا مسائي علمي الحمد لله الدراسه مو واااايد سهله ولا حيل صعبه خصوصا العلمي يعتمد حيل على المدرسات وانا وحده الصراحه مدرسات كلهم زينين بس الكورس الثاني راحة ابلتنا الكيمياء لانها مسويه عمليه وصج ضعنا خلصت الفتره الثالثه واحنا حييييييل متأخرين وجابولنا ابله مو ذاك الزووود

وابلة الرياضيات كانت حيل سريعه بالشرح بشكل مو طبيعي كلمناها بس ماكو فايده طبعنا جبنا مدرسة خصوصيه الان الرياضيات اساس العلمي والحمد لله كان الامتحان سهل

ونجحنا وتخرجنا

وحاولي تشدين حيلج لانج متخرجه لا يحقلج اعادة السنه الا مره وحده بس

 

[__amool]

جزاج الله خير حبيبتي وعسى الله يوفقج

 

[!! شوق !!]

امول انا عندي كتبي ومراجعات صج تعبانه فيهم للحين ماقطيتهم

اذا حابه نتفاهم بالخاص

انا ادبي ومابي منج الا الدعاء

 

[طموحي انجلش]

حبيبتي الله يوفقج يمكن مااقدر افيدج من ناحية النظام الموحد وجذي لأني قديمة وكنت نظام المعهد الديني ويوم عدت المسائي عدت المعهد الديني والحمدلله
طبعا مركز قرطبة كانوا حيل متشددين بالحضور والغياب
وأنا أحس المعهد الديني مواده أسهل من العامة فيه 3 مواد سهلة تقدرين ترفعين معدلج فيهم ( تفسير وحديث وقرآن) سهلين بدرجة فظيعة
ومادة القراءة إذا درستيها تييبين فيها العلامة الكاملة باذن
وماأنصحج تدشين منازل .سجلي بالمسائي افضل لأنج راح تدرسين نظام فصلين يعني الي تمتحنين فيه بالكورس الاول ماتمتحنين فيه بالثاني
والله يوفقج

 

[__amool]

امول انا عندي كتبي ومراجعات صج تعبانه فيهم للحين ماقطيتهم

اذا حابه نتفاهم بالخاص

انا ادبي ومابي منج الا الدعاء

جزاج الله خير والله يوفقج حبيبتي كلمتج عالخاص:eh_s(7):

 

[__amool]

طموحي انجلش

مشكورة وايد حياتي الله يوفقج يارب

 

[ҒŸoŋқA]

اب اب اب
اب اب

 

[بنفسجيه_Q8]

اب

اب




اب

 

[Mjnont '3lay]

حبيبتي اذا انتي من النوع اللي تاكلين الكتاب اكل وعندج استعداد طوووول السنه تجيبين مدرسين او تروحين طول السنه معهد
دشي منازل
غير جذي رح تغرزيييييييييين بالمنازل لانه حيل صعبه واخر السنه تدرسين كتاابين الفصل الاول والثاني
وماعندج امتحانات قصيره ولا شفوي ولا عمات عين
كل شي يعتمد على امتحان اخر السنه وبس

اما المسائي انا السنه اللي فاتت كنت فيها حلوه
واول سنه النظام ماشي اوووك والابلات واجد متساهلين معانا ومخلينا على راحتنا واكثرهم يعطون الشفوي كامل
بس بنص الكورس الاول الطامه الكبرى انه الوكيله بلغتنا انه امتحانات الشهريه انلغت حق المسائي ومافي قصير
بس امتحان الفتره الثانيه وامتحان الفتره الرابعه وبس
عشان جذي واجد بنات اسحبو اوراقهم من المسائي
وبعدين على نص الكورس الثاني يعني عالفاينل ردو الدرجات والامتحانات مثل النظام القديم
طبعا بعد ماغرزنا بالكورس الاول واكثرنا سقووووط بالشهايد
بس انا انصحج بالمسائي دامهم ردو النظام القديم وانا السنه الجايه مسائي ان شاءالله
وترى سهالات رح تنجحين على تركيزج بالحصه وبس حتى لو من النوع اللي ماتدرسين واجد اهم شي ركزي عدل بالحصه وبس ووقت الامتحانات راجعي وخلاص تنجحين ان شاءالله

 

[انثى الكويت]

بنات ابي كتب علمي ١٢ بليييز

مع الدفاتر احاتي والله

كل يوم لي راي مرات اقول ودي اعيدها ومرات لاء شسوي خايفه حييييييل

افشل نفسي ولا اييب مجموع


بليز ساعدوني

 

[حرم حبيبها]

منو عندها كتب رابعه ادبي

ابيهم ضروري

 

[عذبة الأطبااع]

مرحباااا

انا للأسف متقدرة اكمل بحكم الحمل والولادة

داومت شهرين بس

ولكن مبدئيا كانت الدراسة سهلة للي بتركز مع المدرسة

خاصة لما يعطونج الاشياء المهمة تخططينها وتحفظينها

بس للأسف طلعت لاني كنت أخذ مثبتات للبيبي الحمدلله على كل حال

هالسنة بإذن الله ناوية اكمل

وربي اوفقنا واوفقكم

 

[kanoosha]

انا نظام القديم ادبي ومتخرجه من التطبيقي وحدي خايفه اعيد ومرات اتشجع من اشوف كلام البنات وبنات عايلتنا يابو نسب بالهبل الله يوفقهم وحلمي اكون مدرسه ..وافكر عندي اعيال اثنين وبيت وريل ماااادري ياربي وماعرف ادرس العربي كلش كلش ولا انجليزي كلش ماعرف لهم ومتخرجه 2007/2008 نظام قديم ونسبتي تفشل 51