هلا بالغالية نيبال الايمان
اسال الله العظيم انه يبدل الحال اللي انتي فيه من حال الحزن الى حال الفرح والتفاؤل
بصراحة البنات جزاهم الله خير كفو ووفوا
وعسى الله يرزقج الذرية اللي تسرج وعسى ان تكرهوا شيئا وهو خير لكم
ختي انا امس رديت من الدكتور قاللي شي عن علاجي وخيرني بين خيارين الخيار الأول ان اسوي طفل الانابيب بدون فحص لاستبعاد البيضات الغير سليمة مع احتمال الاجهاض اذا صار حمل وكل شي بيد الله سبحانه
او العميلة مع فحص لأجنة بس قبل العمليه لازم متخصص بالكروموزومات يتابع حالتي ويبيله و اقل من شهرين يعني يقول علاجج يبيل مو اقل من 6شهور وانتي مثل ما تعرفين الدولة سامحتلنا بس 6 شهور علاج ومع الاختيار الثاني مو معناته ان اذا صار حمل ما يصير اجهاض
والله اني طلعت وانا ابدا مو زعلان لان الحمدلله ثقتي بالله كبيرة دام جابني حق لندن وتغربت سبحانه راح يرزقني
والحمدلله على كل حال ولي الحين ما ادري اي اختيار اختاره صليت الاستخارة ولحد الحين ما بين معاي شي
اللهم امين يارب ويارب يارب يارب يتبدل حالنا كلنا هالسنة وما تمر الا واحنا كلنا حمل اللهم امين يارب يا ارحم الراحمين
وعساه يرزقج ياعمرى ويفرح قلبج بالذرية الصالحه البارة السليمة المافاة عاجلا غير اجلا اللهم امين يارب
الله يزيدج ايمان وثقة ياعمرى ويرزقج ويعطيج على قد نيتج يالغالية 000 وان شاء الله باذن واحد احد ما تردين الا وانتى شايلته بحضنج اللهم امين يارب 00
ياعمرى استخيرى واستخيرى واستخيرى لين يهديج ربى للطريق الصحيح بالنسبة لعلاجج وان شاء الله باذن واحد احد تبشرينا عن قريب بخبر حمالج 00
وعسى الله يرزقج ويرزقنى ويرزق كل محروم ومحرومه منهم اللهم امين يارب
