الفوط والكومفورت؟؟

[سمسميه]

السلام عليكم
بنات ابي اسالكم اشكثر تحطون كومفورت للمناشف(الفوط) لان الي عندي صايرين كانهم منشار !!! بسبب الغسيل
شنو تحطون لهم علشان يصيرون ناعمين وجم كمية الكومفورت؟؟

 

[Dancing^Queen]

مشاركة: الفوط والكومفورت؟؟

اي طبعا

 

[سمسميه]

مشاركة: الفوط والكومفورت؟؟

كوين ...شنو اي طبعا؟! ما جاوبتي على السؤال؟

 

[رفرف]

مشاركة: الفوط والكومفورت؟؟

والله انا احطهم بالغسالة عادي واصب تقريبا اقل بشوية من الغطا مال الكمفرت يعني ثلاثة ارباعه اصبه بالمكان ماله ... وهم احسهم ايبسون شوي بس مو وايد ..

 

[ms_darkdream]

مشاركة: الفوط والكومفورت؟؟

هلا سمسمه
يا ريت كنت اجدر افيدج
لان انا اوديهم الدراي كلين

 

[سمسميه]

مشاركة: الفوط والكومفورت؟؟

رفرف احنا نحط الكب كامل وماكو فايده احسهم ناشفين حيل
ام شهوده مشكوره للمرور حبيبتي

 

[فروحة توحة]

مشاركة: الفوط والكومفورت؟؟

سمسم غيري الصابون ممكن اهوا يكون قوي على الملابس

 

[xxx]

مشاركة: الفوط والكومفورت؟؟

انا احط الغطا كامل

 

[Dancing^Queen]

مشاركة: الفوط والكومفورت؟؟

انا غسالتي فيها تقدير للكمفرت فاحط التقدير مالها وتطلع ناشفين لي استخدمت صابون قوي او لي كثرت الصابون او لي حطيت صابون فيه مبيض

 

[DooNy]

مشاركة: الفوط والكومفورت؟؟

أكيد إنج تشرينهم بالشمس


بعد ما تغسلينهم عصريهم وحطيهم بالنشافه والله يطلعون حرير
وإذا ما عندج نشافه شريهم بليل مو بالنهار وشيليهم قبل طلعة الشمس لآن الشمس إهي إلي تخشنهم

 

[توتو الحلوة]

مشاركة: الفوط والكومفورت؟؟

يمكن يصيرون خشنين من الصابون

وكميه الكامفورت غطا وعلى حسب كميه الفوط اللى عندج

 

[الديار]

مشاركة: الفوط والكومفورت؟؟

لا انتوا ما وصلتوا للسبب اللي يخليهم منشار على قولة سمسمية

السبب هو انج ما تغسلينهم عدل من الصابون يعني نظفيهم كذا مرة بالماي

 

[سمسميه]

مشاركة: الفوط والكومفورت؟؟

والله يا بنات ماكو فايده هالخدامات ذا بحينا! نشتري كومفورت وكل شي وماكو فايده!

 

[خبيرة اعشاب]

مشاركة: الفوط والكومفورت؟؟

انا استعمل لانس ارخص و نفس الكمفرت

 

[ظلال القرآن]

مشاركة: الفوط والكومفورت؟؟

انا اعاني من نفس المشكله

 

[سمسميه]

مشاركة: الفوط والكومفورت؟؟

انحلت المشكله عندي
قمت اخليهم ينقعون الفوط مده اكبر بالكومفورت وصاروا ناعمين وريحتهم اتينن

 

[الفرحه]

مشاركة: الفوط والكومفورت؟؟

والله انا استعمل نوع اسمه لانسي وايد حلو
وانا حق الغسله الوحده مقطات العلبه مالت الانسي


احس ان واايد احسن من كومفورت

 

[آخر ذكرياتي]

مشاركة: الفوط والكومفورت؟؟

انا استخدم دواني لينور اللي غطاه ازرق وااااااااااااااايد حلو وريحته اتينن

وصج مثل ماقالو البنات لازم تنظيفنهم من الصابون بالشفط بعدين الفوط ماتبين صابون وايد لأنه اهو اللي يخليه تيبس

 

[الشيهانة]

مشاركة: الفوط والكومفورت؟؟

السلام الفوط الخشنه نقعيها فتره طويله بالداونى او الكومفرت.... بس تجربتى اللى صج عجيبه فى داونى بمركز سلطان مثل علبه الحليب صناعه امريكيه مركز اكثر عجيييييب جربيه وراح تدعين لى

 

[أم جوري]

مشاركة: الفوط والكومفورت؟؟

اشطفيها من الصابون عدل ونقعيها في الملطف فترة اطول
في منعم اسمه سيزون عجيب وريخته تهبل