الفلفل اللذيذ..سويه وتنطعي فيه..بالعااافيه حبيبتي.

[تبيني آرضى عليك]

يعطيج العاااااااااااااااااافيه

 

[سحر العطور]

تسلم الايادي ... هذا اسمه السمبل الاندونيسي

 

[ضحكة الدنيا]

خطييييير

تسلم الايادي

 

[أم*سلمان]

تسلم الاياادي

 

["العهد"]

السلام عليكم ورحمة الله وبركاته​

*الحمدلله الذي اطعمني هذا الطعام ورزقنيه من غير حول مني ولا قوة*​

بناات ..جربوا هالفلفل اللذيذ والسهل
راح تدمنون عليه...
تقدرون تاكلونه مثل الحمسه
أو تاكلونه مثل الفلفل مع العيش​

اول شي نبي فلفل مثل هذاا
ترى طعمه بارد بس يختلف عن المدور البارد​

​

مكوناتنا الي نحتاجها
بصلتين مفرومات ناعم+ ثوم كميه كبيره ناعم+ طماطتين من الحجم الكبير أو ثلا ث مقصصين + 3 حبات الفلفل الطويل البارد مقصص+ قرنين فلفل حار واذا حبيتيه حار اكثر زيدي من الفلفل+ ملعقة اكل فلفل اسود+ ملح حسب الرغبه.​

​

أول شي بزيت نحمس البصل المفروم ليما يتشوقر​

​

ونضيف الفلفل ونحمس علشان يذبل الفلفل​

​

ونضيف الثوم ونحرك عدل وبسرعه علشان لايحترق الثوم​

​

وعقب نضيف الطماط ونحمس عدل​

​

ونحرك ونضيف ملعقتين معجون طماط وملعقة فلفل اسود والفلفل الصغير الحار والملح​

​

ونحرك ونضيف قلاص ماي ونسكر المقلاة ونخليها حوالي عشر دقايق ليما تتمازج المكونات مع بعض ​

وتفضلوااا ..أحلى فلفل ان بغيتيه مع خبز...عجييب:rerrerek:​

​

​

​

​

وان بغيتي تاكلين هالفلفل مع العيش​

تحطينه بالخلاط وتضيفين عليه نص ليمونه​

​

وتشغلين الخلاط عالخفيف وتتحكمين بسرعته..انا احبه تكون فيه بعض قطع الفلفل والطماط واضحه
وانتي حسب ذوقج ان بغيتيه ناعم حيل طولي عليه بالخلاط​

​

وعقب ماتطلعينه حطيه بغرشه نظيفه وزيديه شوية زيت زيتون ..يحفظه ويعطيه طعم حلوو​

​

​

وكل ما اشتهيتيه إكليه مع العيش على الغدا... ولا غمسي فيه مع الخبز​

​

​

​

وهني وعافيه على قلووبكم،،،:aha:​

حسافه الصور مو طالعه عندي قصدج الفلف نفس شكل الحار بس يكون كبير شوي وبارد ؟

باين ع الوصفه انها حلوه بجربها ..ويعطيج العافيه

 

[دولنغا]

اول شي مشكووووره وتسلم ايدج على هالطبق اللذيذ الناطع يا حلوة ومملوحة الكويت ومو غريبة عليج ماشاء الله هالاطباق السنعه

وعندي سؤال انتي قلتي اذا خلطناه وحطيناه بالغرشه لازم نزيد عليه زيت زيتون يحفظه

وسؤالي الزيت يغطي الحمسه ؟؟؟ وكل مره نزيد زيت اذا اخذنا من الحمسه والا بس اول مره ؟؟؟

 

[وقت العمل]

تسلم الأيادي......الله يعطيك العافية...

 

[ام زوغه]

تسلم ايدج
لذيذ مشكوووره

 

[ذات الهمة العالية]

خووووش شىء يعنى يصير دقوس

لأن قاعدة ادور دقوس عجيب مع العيش

وكم مدة احطه بالثلاجة

 

[مــســك]

خووش حمسه يعطيج العاااااااافيه ..

 

[مهره بلا خيال]

أموووووت على الفلفل وماكل بدوووووونه لازم اضيفه وافدتينا بهالطريقه اللي بتزيد الكيله الله يعيييين


مشكووووره والله يحرم يدينش على النار يارب

 

[ام دانه ورنا]

ماشاء الله روووووووووعه

 

[كوينه]

مشالله الله يعطيج العافية

 

[صمتي عذابي:(]

شكلوههه اليم تسلم هاليد