الفلبينيات شلون يعرفون جنس الجنين (يمه يخرعون)؟؟

[امواج الكويت]

اليوم صارت وياي بس مو فلبينيه لا تركيه

رحت الفروانيه اخيط لعرس اول مادخلت جان الخياطه تركيه تقول فيج ولد خليت امي تسالها شدراج جان تقول مبين ملامحها مو متغيره هم هم مع انها اول مره تشوفني

 

[قـلـب طـفـلـة]

خدامه بنت عمي اندونسيه وكانت تقول لبنت عمي ان معاي بنت

ولما سالتها شلون عرفت قالت انا يعرف وتقعد تضحك

والي يخوف زياده قالت لي ان بنتي عيونها كباااااااااااااااااار وراسها كبير

وسبحان الله جبت بنت وطلع شكلها نفس الوصف عيونهاااا كبااااااااار ووسااااااع اسم الله عليها

وراسها كان كبييييييير بس مع الايام انفش وصغر والحين طبيعي ولله الحمد ..

والله يخوفون هالاشكاااال بس على ماعتقد انهم يعرفون من شكل البطن اذا كان ناقز لقدام ولد

واذا البطن منفوخ بالعرض يعني بنت .. والله اعلم

وانا الحين حامل توني بشهوري الاولى والله يثبت حملي ويتممه على خير ..

موفقه يالغلا ..​

 

[*TOTO*]

قلب طفله والله خدامتكم على مستوى بعد هههههههههه
تعطي شكل الجنين بالوصف

يعني اللي عندنا سونار عادي
وخدامتكم سونار رباعي ادق يعطي الوصف هههههههههه

 

[متيمه بهواه]

أختي
توتو
ريحي بالك
ترى لاتعطينهم اهتمام اكثر من اللزوم
وربي يحفظ لك جنينك من كل شر يارب


أنا خمنت لي شغالة خالتي بحملي بولدي
وطلع صح كذا على السريع من دون تدقيق

وهم هلمره خمنت لي
على السريع وسالتها

كان تقول لي كذا من الوجه أعرف
وشرحت لي


الحامل بولد يصير وجهها مغبر كنها مو سابحه لها كم يوم ومافيه اي ملامح نعومه
او جمال باهت يعني

والحامل ببنت
لا تصير محلووه وفيه ملامح انوثه خصوصا بالوجه
ويكون منور ومشرق

واتذكر قبل 7 سنوات كنت رايحه اولد وكانت فيه نيرس بس مدري وش جنسيتها جان تقول
حق رجلي
مدام فيه جيب بنت
قلت لها وش دراج
جان تقول لي
مدام وجهك صاير حلوو كنه فيه مكياج خخخخخخخخخخخ

انا فاضيه فيني طلق احط مكياج
عاد هي تسألني تقول حاطه كريم اساس
قلت لها لالا
فاضيه لج أنا خخخخ



يعني هلحين بنشوف لما اولد بالسلامه شو بيطلع

 

[الهيــام]

يمه منهم يخرعون

في بنتي كنت بمطعم وكنت بالشهر الثامن
الا اللي ياخذ الطلبات فلبيني يقول لي فيج بنت
قلتله اي شلون عرفت يقول من بطنج

 

[meen_ana]

خووش سونار لي حملت بيي اشوف سونار خدامتكم

 

[بابريكا]

وناسة عجيبة هاذي الله يعافيها خل تقولي متى موعد ولادتي هيهيهيهيي
انا لاحظت ان كل الفلبن اللي شافوني سواء خدم أو يشتغلون بمطاعم او محلات قالولي نفس اللي طلع بالسونار ولا وحده فيهم اغلطت شكلهم يعلمونهم هناك بمدارسهم هيهيهيهي

 

[بعيدة الدار]

صج صح كلامج خدامة يدتي فلبينيه وكنت بالخامس وقالت لي فيج بنت وصج كان فيني بنت

 

[الـــغـــلآ]

فلللم رعب >_<

 

[معزوفه حنين]

يمه يخرعوووووون &#55357;&#56883;

 

[Aloe Vera]

دايما يقولونلي شي و يطلع شي ثاني

 

[الحربية ام زيد]

يمكن ساحرات عندنا فلبينية هم عليها سوالف ومعتقدات غريبة المهم من شكل البطن يبين اذا بنت او ولد

 

[سفرجل]

اي صح في وحده اتييلي تشتغل صالون عرفت اني حامل قبل لا احلل من النبض الي صوب ارقبتي
وسويت مساج حق ريلي قبل شهر قالتلي وحده بالصالون انه الياهل قاعد يتحرك في بطنج ووقتها ماكنت احس بحركة الياهل كلللللللش وقالت انه فيني بنوته ووقتها ماكنت اعرف شنو فيني

 

[حنووونه25]

حتى انا مره صادف ابصالون كنت اسوي بذكير ومنكير وتوني حامل بطني مو امبين قالتلي الي اتسويلي انتي حامل؟؟
قتلها اي اشدراج قامت تضحك اتقول من اصابعج اعرف
بعد مايندره عنها واشوي اسكتت وردت قالت فيج بنت بعد قتلها والله ماادري للحين مو امبين
وانا الحين بالتاسع واحتمال فيني بنت وانشالله بعد جم يوم واولد واعرف

 

[اخت خالتهم]

انا اعرف وحدة الطقاقه بالعرس قالتلها فيج ولد
قالت شلون عرفتي
قالت ربعي علموني ههههه سكنهم مساكنهم

 

[Omali835]

يمه يخرعووون

 

[Om-azooz]

حبيبتي يعرفوون من شكل البطن ووالحااامل يعررفونها من عيوونها
انا قبل لا احلل امي تشووف عيووني تقوولي انتي حامل من عيوووونج يصير لوونهم بااهت فيهم صفار ذبلانين وواكثر من ووحده اعررفها تعررف الحررمت حاامل من عيووونها

 

[غرام القمة]

اشكثر قالولي بالصاللونات وبالاسواق وين ما اروح وقبل لا احمل يقولون راح تحملين وتجيبين ولد واللي تقولي بتجيبين توم
ويا كثر خرابيطهم الله يستر تري اللي عندكم ساحرة ديروا بالكم منها

 

[مزيونه وشقره]

انا اعرف وحدة الطقاقه بالعرس قالتلها فيج ولد
قالت شلون عرفتي
قالت ربعي علموني ههههه سكنهم مساكنهم

يمااااااااااااااا اي صارت مع وحده تقولها الطقاقه فيج ولد فيج ولد جدام الناس قالتلها شدراج قالت الايواد علموني :eh_s(9):

يمااااااا :eh_s(16):

وصج فيها ولد





----------


انا بحمالتي اليايه بيي عندكم تقولولي جنس الجديد ومووعد ولادتي واوفر على روحي هههههههه

بس ترا وايد يعرفون يميزون من شكل البطن اذا طويل البطن والبطويل صاير وبارز ونازل اشوي يقولون ولد واذا البطن عريض ومرتفع يقولون بنت

 

[لهفة المشتاقه]

وناسه وين بيتكم بيكم بشوووف شنو بطني

وحده معاي بالمعهد جذي بس تحط ايدها علي البطن
قالت لي فيج بنت طلع صح كلامها وقالت لكل الحمل شنو بطنهم
ويطلع صح كلامها