الفلبينيات شلون يعرفون جنس الجنين (يمه يخرعون)؟؟

[*TOTO*]

بنات منو شافتها فلبينيه وقالت لها نوع الجنين؟؟. وابي اعرف شلون يعرفون

بنت عمتي جابت فلبينيه وقالت لها انتي فيج ولد
وقالت لمرت اخوي فيج بنت قبل لانعرف وتو سوت سونار وتأكد انها بنت
وقالت لرفيجه بنت عمتي فيج ولد
وطبعا كلهم صح
وقلنا يمكن تخربط ويصدف معها بس سألناها عن اختي مو حامل بس عندها كروشه كبيره
قلنا لها هذي حامل شنو فيها ولد ولا بنت قالت لا هذي بطنها فاضي!!!

والصدمه الاكبر سالت بنت عمتي انتي دخلتي شهرج التاسع قالت لها ايه يعني اخر 12 ولادتي
قالت لا جهزي نفسج ولادتج اخر الاسبوع اللي اهو الاسبوع اللي طاف وقعدنا نضحك عليها
نقول تو الناس ماصارلج يومين داشه شهرج
والصدمه
انها ولدت اخر الاسبوع صج والله العظيم. وجابت ولد

اموت واعرف شلون شلون مو بس عرفت النوع لا عرفت موعد الولاده
وعرفت ان اختي موحامل!!

وانا اول الشهور البيبي ساجد وشاكين انه ولد بس اخر سونار فتح شوي وقالي لا شكلها بنت
والفلبينيه تقولي واهي تضحك والله لو يقولون لج 10 دكاتره بنت انتي ماراح تجيبين الا. الولد
لا وتقول لا اتعبين عمرج وتشترين بنكي اشتري بلو

يمممممممممممه صرت اخاف منها وماودي اصدقها

بس فيه احد مرت عليه نفس هالنوعيه من الخدامات؟؟

 

[++MesK++]

والله الفلبينيات يخرعون من جميع النواحي

انا شافتني وحده فلسطينيه قبل لا اسوي سونار جان تقولي فيج ولد 100%

و خدامتي فلبينيه تقولي انتي فيج بنت


سويت سونار قالولي احتمال ولد


و العلم عند الله

 

[ابدا يالغالي مانساك]

كاااااااااااك لوووووول
هذي ساحره ولا شنو

 

[*TOTO*]

اي والله ساحره

انا صرت اخاف لما اشوفها

لا اللي ذابحني انها مسيحيه واقولها شلون تعرفين تقول الله يعلمني واعرف من عيون الوحده
يعني مو من شكل البطن لان مرت اخوي مالها بطن وقالت لها فيج بنت ولما سوت سونار طلع صح

 

[بنتي نور عيني]

يمه يخرعون هالفليبنيات انا بصراحه ماصادفني هالموقف
بس متمنيه وحده تشوفني تقول انتي حامل وحللي اهني صج بنصدم

ودي اعرف شلون يعرفون

 

[زعنوفه]

هههههههههههههه هذي سونار مو مره هههههه
عندجياها ساليها ؟؟؟ وعلمينا عاد​

الله يهون عليج ويقومج بالسلامه حبيبتي ويرزقج بالذريه الصالحه​

 

[Eng.Kokoro]

هههههههههههه يمههههههه ماااصاادفني جذي 

 

[الحــــــلا كله]

انا بحمالي الي قبل كل الفلبينيات بالاسواق الشعبيه قالولي بنت ههههههه

 

[ام ساره 4]

أنا مره كنت حامل بالخامس وماكنت أدري شنو فيني جان تقولي صالونه هنديه إنتي كم لج قلتلها خمس شهور جان تقولي فيج بنت قلتلها مو شرط يمكن ولد جان تقولي لا فيج بنت وسبحان الله جبت بنت

 

[غــ Q8 ــزلان]

صج يخرعون ،، كانت عندي نيبالية بعد كل ماشافت وحده من حمواتي حامل قالت هذي بنت وهذي ولد
وسبحان الله طلع نفس ماقالت بس ماكنت اعطيها ويه ،، ينخاف منهم هذيلا ،،

 

[*TOTO*]

خلاص بنات بافتح سونار عندنا والدخله ب5 دنانير هههههههههه

 

[ليالى الحنين]

ههههههههه

 

[دلوعة صلوح]

خليها تشوفنى يمكن اطلع حاااااااامل >>> يارب

 

[*TOTO*]

انا اخر سونار قالي بنت بس اهي مصره انه ولد وتقول لو10 دكاتره يقولون بنت فيج ولد
لا وتقولي لي هديه اذا جبتي ولد لاني ما اجذب والدكاتره يجذبون وتعطونهم فلوس

اذا صج طلع فيني ولد والدكتور قالي بنت اخر مره يممممممممه صدمه قويه

راح افتح لها عياده هههههههه

 

[*TOTO*]

دلوعه صلوح انشاءالله يارب يرزقج بالذريه الصالحه ويفرح قلبج
امين

 

[kukuwa]

ازيدج من الشعر بيت
اختي مسكتها الفلبينية بالمطعم وقالت لها
فيج ولد صح؟ وصج اختي فيها ولد وسألتها شلون جذي عرفتي
سكتت شوي جان تقول من العيون والخشم

 

[أم توته]

اي والله ساحره

انا صرت اخاف لما اشوفها

لا اللي ذابحني انها مسيحيه واقولها شلون تعرفين تقول الله يعلمني واعرف من عيون الوحده
يعني مو من شكل البطن لان مرت اخوي مالها بطن وقالت لها فيج بنت ولما سوت سونار طلع صح

عم ريلي يعرف من العيون اذا الحامل فيها ولد ولا بنت

 

[أم توته]

بس ترى مو فلبيني خخخخخخخخخخخخخخ

 

[أإلع ـشق دلع ـهـأإ]

نفس خداامت خالتي الاندنوسيه تعرف تقول اعرف من رسمة البطن

 

["*آآآنؤؤؤقهـ*"]

هلا وغلا توتا

انا لمن كنت حامل فبنتي الله يحفظها لي

كنت بصالون احف واللي تحفني فلبينيه وقتها
كنت بالرابع الخامس يعني البطن مو ذاك الزود واضح

قالت انتي حامل صح قلت اشلون عرفتي يمكن كرش

قالت لالا وتبحلق اعيونها هههههه انا خفت

قالت حامل وفي بنت

وصح يخرعون صراحه




الله يحفظنااا ......