الفقع...... نبي وصفاتكم

[jolie_q8]

مشاركة: الفقع...... نبي وصفاتكم

فروحة توحة

بالنسبه لي انا اقشره بصراحه

والناس اللي خبره بالفقع ..يقولون التقشر..يخرب طعمه (انا ما يفرق عندي)

شسوون !!

ينقعونه من ساعه الى ثلاث ساعات

بعدين ايبون فرشه اسنان جديده ... أو اي شي ثاني مثل طرف السجين.... ويفركون فيها الفقع عن

التراب ... ويغسلون عدل مدل ويفحونه مع ماي

وملح

وسلامتج

 

[فروحة توحة]

مشاركة: الفقع...... نبي وصفاتكم

اهاااااااااااااا جولي كل الطرق تؤدي الى البطن هههههههههه
تسلمين حبوبة

 

[al7reyaa]

مشاركة: الفقع...... نبي وصفاتكم

فروحه
لازم اتقشرينه بس مو تقشرينه جنه بطاطه نقعيه وحطيحي الرمل والتراب وحكيه حك بالسجين لين ينظف

 

[^^دموع الكويت^^]

مشاركة: الفقع...... نبي وصفاتكم

مجبوس اللحم مع الفقع من دموع الكويت بالخطوات المصورة

 

[حبنا الله عليه]

مشاركة: الفقع...... نبي وصفاتكم

والله امي تسويه يهبل

طبعا يتشقر خفيف ويتنقع بماء ويتبدل لين ينظف وعقب ينفاح

- ناكله مفيوح ونشرب مايه يممم يممم

- يحمس مع دهن عدانــــي وكثر ماتبين منه تضيفينه مع العيش ويتسخن

- يحمس مع الفلفل البارد والبصل والطماط وينوكل مع الخبز الإيراني ....... بس انا ما افضل الحمسه تضيع طعم الفقع اصلا

- ينجبس مع اللحم والعيش

- ولا مع اللحم بروح



وعن فوائــــــــــده :-


قَالَ النَّبِىَّ صلى الله عليه وسلم « الْكَمْأَةُ مِنَ الْمَنِّ وَمَاؤُهَا شِفَاءٌ لِلْعَيْنِ ».

وقال أيضاً « الْكَمْأَةُ مِنَ الْمَنِّ الَّذِى أَنْزَلَ اللَّهُ عَزَّ وَجَلَّ عَلَى بَنِى إِسْرَائِيلَ وَمَاؤُهَا شِفَاءٌ لِلْعَيْنِ ».

محتوياته :

9% بروتين -
13% سكاكر -
1% دهون -

- وكذلك يحتوي على نفس المعادن التي يحويها جسم الإنسان وهذا أمر غريب جدا .


- كذلك يحتوي على الفسفور و الصوديوم والكالسيوم والبوتاسيوم .

- فتامين (ب1) و (ب2 ) + أحماض مساعدة للجهاز الهضمي .


الفوائد :

- مطهر للعين .. وعلاج لها .. وقد أجريت التجارب على مصابين بالتراخوما وثبت مفعولها .. ويشفي بإذن الله .. كما ذكر الرسول الكريم .


-قشرة الفقع يقال أنها مفيدة لإزالة الحروق وذلك بعد تجفيف القشرة لمدة عشرة أيام في الشمس ومن ثم وضعها على الحرق يوميا .


-علاج مقوٍ للأظافر ومنع سرعة التكسرها أو تقصفها وعلاج لتشقق الشفتين واضطراب الرؤية.


- مقوٍ للجنس وذلك بعد التجفيف والسحق ( طحن) وقبل ذلك غسلها جيدا وتنظيفها .


** يجب غسل الفقع بشكل جيد ودقيق وإزالة الأتربة العالقة بها بحكم وجوده في بطن الأرض ونموه فيها وعدم أكلها نيئة <<<<< مجربتها لاتسووونها .. عوار موطبيعي .

 

[pink*paradise]

مشاركة: الفقع...... نبي وصفاتكم

انا الله يسلمكم ما اكل لحم بس احب الفقع
قامت امي تسويلي:
قبوط داخله حمسة فقع لذيييييييييييييييييييييييييذ
كبة فقع عجييييييييييييييييييييييييبة
مجبوس دجاج محشى بفقع معاه حشو فقع
وجدي الله يرحمه كان يشتري الفقع الكبار(زبيدي) ويشويه
سبرنج رول فقع
وعليكم بالعافية

 

[jolie_q8]

مشاركة: الفقع...... نبي وصفاتكم

^^دموع الكويت^^

مشكوره على الوصفه ..عجيبه


حبنا الله عليه

تسلمين على المعلومات المفيده

بس صج الاوللين عندهم مثل بما معنا اذا جاء الفقع زهب الدوا واذا جاء الجراد خش دواك << بهذلت ابو المثل

ان كثرته مو زينه للجسم واللي تعرف المثل... تقوله لي


pink_paradaise

خوش طريقه والله .. وتسلمين على المرور

 

[جارة القمر]

مشاركة: الفقع...... نبي وصفاتكم

jolie_q8

مشكوووووووووووووووووره حبيبتي علي الموضوع


أمس ناس يايبين للأهلي كوسا محشي ومع الحشوة داخل حاطييييييييييييين فقع

طبعا أنا ما أحبه ولا أواطن ريحته


بس صج متعب غسيله وتنظيفه

وبعد لم تطبخينه يطلع معاج رمل

وأنا اسوي نفس دموع مجبوس لحم

وساعاتحمسة

وسلامتج

 

[jolie_q8]

مشاركة: الفقع...... نبي وصفاتكم

جارة القمر

مشكوره حبيبتي على المشاركه الحلوه

 

[جارة القمر]

مشاركة: الفقع...... نبي وصفاتكم

jolie_q8


العفو يا عمري

وتسلمييييييييييييييييييين

 

[jolie_q8]

مشاركة: الفقع...... نبي وصفاتكم

عرفت المثل

اذا جاء الجراد فانثر الدوا واذا طلع الفقع فصر الدوا


وشكرا

 

[الزين كويتي والدلع جهراوي]

مشاركة: الفقع...... نبي وصفاتكم

مشكورين بنات على هالوصفات الحلوه

بس بقولكم طريقة الوالده بتنظيف الفقع

تجيبين اسفنجة المواعين لازم تكون جديده طبعا

وتحطين طاسة ماي وتاخذين وحده وحده وتفركينها بالاسفنجه والماي لين تنظف من التراب

ترا حلاة الفقع مايتقشرررر

وبصراحه نسويه على حسب مرات مجبوس فقع ومرات نهرس الفقع ونحط معاه خبز ايراني نقطعه صغار ونحط عليه دهن سمن واذا تحبين شوية بصل او بدونه والطعم يجنن

واي شهيتوني

مع اني شبعت فقع هالسنه بس ترا كثرته مو زينه يابنات

وبالعافيه عليكم

وكل فقع وانتو بخير

 

[jolie_q8]

مشاركة: الفقع...... نبي وصفاتكم

الزين كويتي والدلع جهراوي

تسلمين يا عمري

على الطريقه

 

[bambena]

مشاركة: الفقع...... نبي وصفاتكم

بنات في واحد بصباح السالم يبيع فقع سعودي اينن الصندوق فيه كيلو ونص ب 5 دنانير !
انا قالولي عنه وامس رحت شريت منه بس الفقع صج لذيذ الجزائري مو حلو لين

واحنا نسويه مع المجبوس وحمسه ومع القبوط

 

[ظلال القرآن]

مشاركة: الفقع...... نبي وصفاتكم

الفقع يهبل مع الجابيس

ووينن مع القبووووط

 

[jolie_q8]

مشاركة: الفقع...... نبي وصفاتكم

يعطيكم العافيه

 

[al7reyaa]

السلام عليكم
رجع موسم الفقع
قلت اذكركم بمواضيعه

 

[الغاليه نونو]

ريحة مووضووعكم واصله اخر الفريج الفقع عندي اغلي من الالماس وموووووووتي وعذاابي هااالفقع لوووبيدي جان سميت ولدي العود فقع ينادوووني ام فقع من كثر حبي له هههههههههههههههههههه


اقووول يابناات مافكرتوا تسووون الفقع مع دبس ولحم لشاورما؟؟؟؟؟ حق العشا شي مووطبيعي والله


وتسوون صفايح وتحطون فيها حمسة الفقع

وتقدرون تسوون مقلووبة الديااااي وتحطون عالويه وقت النجاب حمسة الفقع

يعني تقدرين تتفننين بطريقتج المهم يكووووون الفقع لمناسب بالمكان المناسب ههههههه

 

[جورية كويتية]

والله انا ما عندي وصفات بالفقع
كنت قاريه طريقة سلطه بالفقع بس ما ادري وينها
عاد والله مشتهيه فقع
اذا شريت ان شاء الله بشوف وصفاتكم
ماشاءالله البنات عندهم وايد اشياء حلوه

يعطيكم العافيه

:eh_s(18): :eh_s(7): :eh_s(18):
​

 

[foofo]

الله اشتهيييييييييييييييييييت فقع
يبيله فقع