ذكرتيني بايام الثانويه
كنت علمي كان عندي طموح وابوي كان يتامل ان بنته تدش كليه الطب او الهندسه لان ربعه يفتخرون ببناتهم اللي ماشاء الله دكتوره واللي مصوره مع ابوها بالجريده متفوقه بالثانويه العامه قلت ماني مخليتها بنفس ابوي دخلت العلمي والشله كلهم ادبي اول يوم الف يمين شمال البنات اشكالهم تحفه نظارات من كثر القرايه وشادين الحجاب حيل وما في احد يسولف وياج بالحصه الكل منتبه والمدرسات بدو يشرحون ويدخلون بالمنهج (عكس الادبي اللي كانت الحصص الاولى للتعارف ) واغلب البنات مصريات !!!!!!!
والشله العزيزه (الادبي ) يمرون علي يغنون ويسلمون بين الحصص وحرضوني عالنحشه من الحصه ما قدرت اتحمل و ماكملت الاسبوع على طول حولت ادبي وابوي مادرى الا اخر السنه .
