الفرق بين الحامل الاجنبية والحامل الخليجية...^__^

[قـلـب طـفـلـة]

الحامل الأجنبية:​

الكل يعرف إنها حملت من أول ما تحلل عند الطبيب


وبعد فتره لما تقولها صاحبتها: ألف مبروك حبيبتي

إنتي بأي شهر ...؟؟

تقول أنا بالرابع وحجيب ولد و راح اسميه جون ..

وتولد وكل صاحباتها يزورونها و يسألوها عن الولادة

تقول: لا اطمنوا أخذت إبرة ظهر وكانت ولادة سهله ..

تطلع من المستشفى وترتاح كم يوم و تأكل أكل صحي ..

وبعدين ترجع لحياتها الطبيعية ودوامها ..​

نجي لأخواتنا الخليجيات الله يحرسهم ..

طبعا محد يعرف إنها حامل إلا لما يكبر البطن ..
وتحاول تلبس وسيع عشان توصل للسادس مادروا عنها​

ولما يسألوها بأي شهر ؟؟
تقول: و الله مدري أنا حاسبه والدكتوره حاسبه والله أعلم مين الصح ..

و إذا سألوها وش بتجيبين ؟؟
تقول: مسكر رجوله الله يصلحه مايبين ..

طيب وش ودك يجيك ؟؟
ترد: اللي يجي من الله حياه الله

طيب وش تقضيتي أي لون ؟؟
تقول: لون محايد ..

وفي الشهر التاسع لما يسألونها .. وش بتجيبين ؟؟
ترد: اللي عندي رافض إني أسأل يبيها مفاجأة >>> ايه هين ..
طيب من اللي عندك ؟؟ ابوك و إلا أخوك .. وإلا السواق مثلا .. ماله اسم اللي عندك ..

و بعد الولادة إذا سألوها .. هاه تعبتي ؟؟

تقول: بغيت أمووووووووووووووت .....

وتطلع عند أهلها شهر نفاس وحلبه و مره و كل شي مخيس عند العطار بتآكله ..
و شهر فيها ضيقه .. وشهر تتصنفر وتتزين ..
ولما تطلع من النفاس .. ولدها تعبان و فيه صفار ..

وهي اللهم يا كافي لاعبه بعمرها ..
الشعر الأصفر والعدسات الرمادي وقصة الأناناس .....​

هههههههههههههههههههه​

 

[Diva-Q8]

أديمه بس حلوه

 

[Q6RYA]

هـاهـاي مادري متى تنفج هالعقد

 

[ملكه الحطب]

ايي والله ليش جذي
خخخخخخخخخخخخخخخخ

 

[فديت حمودي 2010]

حلوة

 

[عنود المهـــا]

للأسف هذا حال اغلب الحريم بمجتمعنا

 

[قـلـب طـفـلـة]

Diva-Q8

افااااا طلعت قديمه أهئ أهئ

<== جديده وتبي منكم حماااااس

على العموم حضورش الأحلى ​

 

[عالمي المجنون]

لووووول

لان مجتمعات الغرب ما عندهم حسد وعين

عكس الي عندي لو دروا انج حامل يقولون بسم الله توج متزوجة@@

وه\ا الي صار معاي ولا ازيدج موقف فرش صارلي من اسبوع

كنت بالدوام والحين بطني مبين شافتني موظفة يديدة جان تشهق شهقة قوية وقالت بصوت عالي ه\ي حااااااااااامل

<< انا طبعا انصفق ويهي شنو اول مرة تشوف وحدة حامل

شفتي اشلون مجتمعنا يخرع؟؟

والا وحدة تقولي انتي حامل بس ماتتعبين الله وكيلج من يومها وانا كله بفراشي

 

[om_saleem]

ليش بعض الحريم يعتقدون انه فترة الانفاس اهي فتره مرض وكئابه

بالعكس النفاس اهي فرة نقاهه مثل لما الواحد يسافر بره ديرته علشان النقاهه هذي اهي نفس الشي

واذا على الشهر الي نقعده فبيت اهلنا انا بالنسبه لي بس نحتاجه بالولاده الاولى لان ما راح اكون متعوده على البيبي وفي احد يساعدني عليه

بس ثاني ولاده انصحها فبيتها تقعد خاصه لما تكون عندها ام ريلها اهي تطبخ لها او امها تكون قريبه

واذا كانت تعبانه مثل قيصريه انصحها بعشرة ايام بس وترد بيتها

وعلى سالفت انه ما اقول حق احد انا حامل

انا نفس الوقت الي عرفت فيه قلت حق امي وخواتي وام ريلي وخوات ريلي ورفيجاتي

بس في ناس ما اظن انه لهم داعي يعرفون مثل حريم حمواني او حتى خالتي وعماتي واهل ريلي الباجي

لان راح يتفلسفون وكل وحده وتقول معاناتها ويحسبونها لج بالوحده

واصلا اهم مالهم شغل حامل ولا عقيم ولا راح يفرحون ولا يتضايقون على حمالي

 

[كويتيه مذهله 87]

واصلني واتساب نقدر نقول هذا نص الحريم بمجتمعنا

 

[_ظل الياسمين _]

اهى صارت عادات متوارثه من امهاتنا ...........
بس حلوة ....وحياج حبيبتى.

 

[قـلـب طـفـلـة]

q6rya

هذا طبع الحريم الي يخافون من العين

مشكووورة يالغلا على الحضور ​

 

[قـلـب طـفـلـة]

مسحورة

مشكورة حبووبه على الحضوووور​

 

[قـلـب طـفـلـة]

فديت حمودي ..

انتي الاحلى يالغاليه ​

 

[قـلـب طـفـلـة]

عنود المها ..

مشكوورة حبوووبه على الحضور ​

 

[قـلـب طـفـلـة]

عالمي المجنون ..

اسم الله عليش من التعب وتلاقينها بعد حاسب موعد ولادتش هههههههههههه

الله يتمم حملش على خير ..

مشكووورة عسووله على التواجد​

 

[قـلـب طـفـلـة]

ام سالم الله يهديش شبهتي النفاااس بفترة النقاااهه والله بنفااااسي

مااذووق النووووم ولا الراحه والنفسيه زباااااااااااااااااااااااله يمكن لاني بروحي

وعمتي ام زوجي ماقصرت بس الوحدة تفقد اهلها

<== كويته ومتزوجه سعودي وعايشه بالمملكه الحبيبه ^_^



انا عن نفسي بشرت امي وخواتي وعمتي ام زوجي اني حاامل

ومع الايام الكل عرف <= اكيد بيعرفون لما يشفون الكرشه هههههههههههه



مشكووورة يالغلا على تواجد والتعليق​

 

[قـلـب طـفـلـة]

كويتيه مذهله ..

عاادي تحدث في ارقى العائلات ههههههههه

مشكوورة على الحضووور ​

 

[قـلـب طـفـلـة]

ظل الياسمين ..

خلاص صرتي خويتي هههههههههه لانش رحبتي فيني ^_^

صديقنا مصطفى هوني <= مدري ليه تذكرتها هههههههههههههههه



على العموم مشكوورة على الحضووور ياعسووووله​

 

[المكسيكيه]

ههههههههههههههههههههههههههههههههههههه