الفحص الطبي قبل الزواج .. دمر أمالنا واحلامنا

[Tom ♥ Jerry]

.،


حبيبتي آهمه يسوون الفحص و اذا الريال رضا ياخذ وحده مريضه أوكي ،
بس الريال و آهله لآزم يدرون عن مرض هالبنيه .،
و بالـ نهايه من حقهم يوآفقون أو يرفضون (=

 

[فركيته]

صراحه احسن قرار الفحص الطبي ينقذ بنات واولاد بعضهم صج مايدرون بالي فيهم والبعض يصادف ما يتفق صحيا مع البنت فهذا لتجنب المشاكل بالمستقبل.

 

[نوراء]

اهي الوقاية خير من العلاج ..... بس صراحه الناس مو متثقف لكثير من الامراض وترفض بمجرد ان يقولون ان البنت او الولد فيه نقص الخميرة او حامل لامراض الدم الوراثية مع انه ما يمرض بس علشان ينجب اطفال اصحاء لازم ياخذ سليمة فاحس الناس يبي لها توعية اولا انسان حامل للمرض غير مصاب
يعني التهاب الكبد الوبائي اللي تقصده الطارحة للموضوع اعتقد انه علاجه بس يكون ان الزوج ياخذ ابر تطعيم كأنه كل ستة اشهر لمدة مادري جم وخلاص حياتهم طبيعية وحبيبتي رفيجتي والله مااكتشفت انه فيها هذا المرض الا من خلال الفحص واصره عليها المتقدم بس اهله ارفضو وبعدين رجع لها بس اهي ارفضته اتصدقين عقبه تزوجت والحين مشاء الله عندها ولد وعايشة حياتها الحمدلله

الانسان ما ياخذ الا رزقه اذا لها رزق بتاخذه

 

[اميره1980]

عيب عليج تتحسبين على اللي حطو قانون الفحص الطبي قبل الزواج
ترا الدعوه ترد عليج لان هالموضوع انقذ وايد ناس من انهم يجيبون ناس معاقين او فيهم مرض بالدم
انا موظفة بوزارة الصحة و اشتغل في مكان فيه فحوصات جذي و ياما شفت ناس احمدو ربهم ان الزواجه فلت قبل لا يتدبسون و اعرف منو اللي حط هالقانون و هي دكتورة فاضلة و تخاف الله لانها جربت الاعاقة بولدها علشان جذي حطو هالفحوصات و الله يهداج و يسامحج

 

[nora al]

لاا والله يعني تتزوج وتعديه ؟؟


حبيبتي انتي تعاطفتي مع رفيجتج


بس تخيلي اخووج يتزوج بنت مريضه بهالمرض ( وقبل الفحص ) وتعديه ؟؟ شنوو مووقفج


سواء بالفحص وغيييره هذااا مرض من الله مايتشمت فيييه ولاا بلى وفضيحه !! بس لاازم تقوول للخاطب بكل الحالات سواء بفحص او غيييره والخاطب يحدد يكمل او لاااا !!


انزين انتي ترضين تتزوجين مريض ؟؟ ( ممكن اجابتج اي وممكن لااا عدل ؟؟ ) بس لاازم يقووولج انه مريض عشان انتي تقررين تعيشين معاه او لااا !

 

[ScarletteO'Hara]

انتي من صجج؟؟
عيل تبينها تتزوج الريال و تعديه؟؟؟
تتوقعون ان الكبد الوبائي بكل انواعه مرض هين؟؟
شلون الفحص الطبي دمر احلامنا؟؟
اي أحلام تنيجتها نقل مرض للزوج؟؟
و مصايب مالها اول و لا تالي؟
لا تطالعين الموضوع من منظور رفيجتج
هذا الفحص فاد ناس وايد و كلنا ارتحنا لما سووه الزامي
عيل وناسة لما وحدة من معارفي تتزوج قبل إلزام الفحص و تكتشف ان ريلها ناقل لها مرض هربس
لا و الله الحمدلله انهم خلوه لازم
و انصح رفيجتج اذا تبي تتزوج تشوف لها صرفة بهذا المرض و لا تحاول تخدع الرياييل

 

[ELFAD3Ah]

يعني حبيبتي هذا زواج لازم تكون الامور واضحه للطرفين لان اذا فيها عله ربي يشافيها مايصير تخش عن الريال لان هذا غش

 

[يآسمينه]

آمالنا و أحلامنا ما لازم نبنيها على تعاسة و شقاء الآخرين

لو كان اهوه المريض و اهيه سليمه ما كانت بتوافق عليه !!

الله يشفيها و يشفي مرضى المسلمين​

 

[انوار87]

حبوبه المرض معدي ويسوي تليف بالكبد والتليف له بلاوي لا لها اول ولا اخر و ثاني شي هم ممكن الي عندها المرض تنقله حق عيالها حزه الولاده والياهل اذا حاشه المرض يتليف عنده الكبد بنسبه اكبر من الكبار
الصراحه انا ائيد هذا القرار و سبحان الله الزواج نصيب

 

[OM-TURKY]

ليش الانانيه ؟!؟!؟! يعني اتعادي عادي؟؟ لو العكس ترضى اهيا تاخذ واحد اعاديها بالعكس مافيه شي اهوا كا شخص او اهيا عسى الله يشافي الجميع. بس هذا منطق قبل الزواج لازم اكون في اتفااااق بكل شي مو بالغش الريال ما يدري او ينصدم او العكس ؟؟ هم محد يرضى

بعدين محد اوقف نصيب احد اذا الله كاتبلها اتزوج راح تتزوج لو شنو. الزواج قسمه او نصيب .

بعدين لا ننسى الفحص الطبي فااااد ناااس وايد من امراض خطيره مثل الايدز اعوذو بالله عسى الله يبعده عنا او عنكم وعن المسلمين كافه اللهم آميــــــن.

خليييها تدعي الله يشفيها ان شاءالله واتصارح الخطيب بدال لا كل مره اتروح وتسحب دم واتعب نفسها.

الله يوفقها ان شاءالله​

 

[كراميلا مرة]

بالعكس الفحص الطبي
قلل الاصابه بالامراض المعديه
والوراثيه

 

[دلع العتبان]

الزواج قسمه ونصيب بالعكس الفحص شي حيييل حلو

 

[أحلى من الخيال]

أسأل العظيم رب العرش العظيم أن يشفيها
ما أدري المرض مو تقولين المرض له علاج إن شاء الله
ليش ما اتعالج و ترتاح
الله يكتب اللي فيه الخير لها
و يرزقها إنسان صالح ​

 

[ام حمد 85]

عسى الله يشافيها يا رب ويشافي كل مريض

 

[dectora 7elwa]

كلامج غريب ومو بمحله
لو تقدم لج واحد
وبالفحص عرفتي ان فيت التهاب الكبد الوبائي بتوافقين عليه !!!!!

 

[love^angel]

امبيه من صجج؟؟ يعني تتزوجه و تحش عليه و يبتلش الريال ولا العيال!! غريب امرج.. اصلا بدون فحص حتى لو ماكان اجباري بس مايصير لازم بالخطبه يهرف الخاطب لنه يعتبر غش

 

[a7la-elbanat]

بالعكس حمدلله انهم عرفو هذا الشي قبل ماتتزوج وتجيب عيال وحرام يتضررون عيالهم

خل تصبر وتحتسب عند الله واكيد ربي بيعوضها اذا مو بالدنيا بالاخره

 

[مارياq8]

بالعكس احسن حطووه على شان الناس تغش ما تعلم عن الامراض اللي فيها ان كان الولد او البنت

وكل واحد يآخذ نصيبه بهالدنيـــــآ

 

[dectora 7elwa]

وبعدين الفحص يعطيج النتيجه بس ما يلزم الخطيبين انهم ما يتزوجون

 

[saro0ona]

عـيــل تتزوج و ما تقول حق الريل ؟؟؟

حبيبتي هذا اسمه غش ! و ما يجوز !!!

المفروض من اول لقاء بينهم كل واحد يقول حق الثاني كل شي ان كان فيه امراض لا قدر الله او اي اصابات


و هذي رفيجتج لوما وجود الفحص جان الحين اهي متزوجة و ريلها تعادى و ابتلش !

استغفر الله ناس مادري شلون تفكر !!!