( الفتاة الهاربة ) قصة واقعيه عن بنت كويتية هربت من الدنيا الى الشارع

[استبرق أم علاوي]

قصتج عجيبه

مشكوره على القصه من اناملج الروعه

 

[بنوته22]

واااااااااااااااااااااي تدرين اني من الساااعه 5 الفير الي الحين السعه 10 الصباااح وانا على القصه

ما قدرت انام الا الين اكمله وااي بروح اقراء القصه الثاانيه ما ادري متى بناام

اسولوبج واي حلو ننتظر بعد قصص حلوه


مشكوووره

 

[FOR_-_EVER]

kmly 2by 23rf elnh2yh

 

[al.hblh :$]

لسآني يعجر عن شكرج يآ ححلوه :$

كنت متابعه بصمت للقصصه

وهذا انا طلعت من صمتي لشكرج :$

القصه روعه و الاروع انها من آناملج يآ بنوته :$

و ششكرآ لكي مجددآ

 

[7nayen]

ابي اعرف ليش بس البارت واحد
ابيها كامله شلون







السلام عليكم اشلونكم بنات؟؟ ان شاءالله كلكم تماام؟؟

هذي اول رواية لي واتمنى اشوف ردودكم الحلوه على البارتات واتمنى تعجبكم

اهي قصه فكرتها صارت صج حق وحده اعرفها.. بس تفاصيل القصه والحوارات فهي من مخيلتي :eh_s(6):
--------
نبدي

***البارت الأول***

الوقت ليل حوالي الساعة وحده ونص .. شاب اسمه علي عمره 27 يسوق اكس فايف اسود دايس ويدور سي دي راشد 2009 بين السيديات اللي عنده..
علي : ( يتحلطم ) وين راح السي دي منو ماخذه اكيد صلوح الكلب بايقة جنه مايدري ..
رفع راسه عالطريج وفجأه شاف بنت جدامه تركض بتعبر الشارع .. داس بريك بكل قوته وقف قبل لا يحوشها بأقل من سانتي واحد ..
طالعته البنت منصدمه واهو نفس الشي منصدم وماتحرك من مكانه الا يوم شافها اغمى عليها..
نزل من السياره معصب وخايف وقعد يسبها : الحيوانه مادري من وين اطلعت بهالليل ماكو ابو يمسكها ناقص بلاوي البنات آنا..

قعد يطالعها طايحه عالشارع جدام سيارته بنت حلوه بيضه تقريبا عمرها اول العشرينات شعرها لي نهاية ارقبتها ولابسه جينز وبلوزه سوده ..
تلفت يمين يسار ماكو اي احد بالشارع .. قعد يدور اذا مجروحة أو متعوره مالقى اي اثر لدم او رضوض ..
شالها وحطها وره وركب سيارته ومشى ..

قعد يقول بقلبه .. ياربي اشهالبلوة خل اوديها حق اقرب مستشفى اقطها وامشي والله انا شكو فيها اقعد ابتلش .. ومالقت اتطيح غشيانه الا جدام سيارتي ..
فجأه سمع صوت البنت : أحمد .. أحمد ليش ؟؟ أحمد ..
طالعها بمنظرة السياره لقاها للحين مغمى عليها بس شكلها تحلم ..
ولا اتقوم : انا وين؟؟ انت منو؟؟ وشتبي فيني؟؟ وين موديني؟؟
علي ( بقلبه ) : هذي اللي برفسها بالشارع الحين ..
علي : يبه انتي طالعتلي بهالليل اتقول خفاش وراكضه بالشارع وماحلالج اتطيحين الا جدام سيارتي ..
البنت انزلت ادموعها وماتكلمت ..
علي : في شي يعورج؟؟ اوديج المستشفى؟؟
البنت : هزت راسها (لا) واقعدت تبجي ..
علي: اشفيج خايفه مني؟؟ تره ما آكل انا .. وين بيتكم عشان اوصلج..
البنت : لا مابي اروح البيت خلاص نزلني اهني ..
علي : وين اهني؟؟ تره احنى الحين بالدايري السادس يعني اسفط وانزلج اهني وين بالله؟؟ عطيني مكان محدد وانا اوديج ..
البنت : زادت بجي .. مادري مادري ماعندي مكان (تبجي)
علي : هاج اكلينكس وبسج بجي وكلميني .. فكري شوي وقوليلي وين تبين تروحين اكيد في مكان معين .. انتي كنتي تركضين وين بتروحين مثلا؟؟ عندج سياره اوصلج لها؟؟
البنت : ساكته ماترد بس تبجي
علي : ياصبر ايوب .. اشلون يعني اسفط يمين وانطرج تكملين بجي وتفكرين تردين علي؟؟
البنت : تبجي وتعلي صوتها عليه .. خلاص لاتزف ماعندي مكان اروحله وماعندي سياره ..
علي : يبه انا مو قاعد ازفج بس ابي اعرف وين اوديج مايصير نفتر بالسياره بدون هدف ..
البنت : خلاص والله نزلني ماعندي مكان معين ..
علي : عيل امشي انروح كوفي بين او ستار بكس تشربين قهوه تريحين اعصابج ونفكر مع بعض وين تروحين.. احسن من ان يوقفلج ولد مو متربي ويأذيج .. اوكي جذي؟؟
البنت : ( تمسح دموعها ) اوكي..
علي : ( يبتسم ) تسمعين حق راشد؟؟
البنت : اي عادي ..
علي : شنو عادي .. تسمعين له او لأ؟؟
البنت : اي اسمع
علي : شنو تحبين تسمعيله اي اغنية
البنت : مادي والله
علي : اووو تره حدي ماحب كلمة مادري مافي شي بالدنيا اسمه مادري عطيني اسم اغنية تسمعينها حق راشد يللا فكري ..
البنت : ( فيها بجية بس ماسكتها غصب ) اغنية اللي لقى احبابه
علي : حتى انا احبها .. تبين تسمعينها؟
البنت : لا
علي : لو عندي جان حطيتها اعناد بس حسافه السي دي عند الحيوان صلاح
البنت : ساكته و اتطالع الشارع .
اوصلوا كوفي بين سفط السياره ونزل .. اهي بطلت باب السياره بس مانزلت
علي راح لي بابها وقعد (القرفصاء) اللي مايعرفها يعني قعد جنه عزكم الله بحمام عربي ههههه طاع التشبيه ..
المهم نرجع للقصه .. قعد يم بابها وطالعها (أول مره يشوفها عدل) حس ان ويهها في براءة وحلوه وايد .. عيونها كبار ورمشوها وخدودها مبللة من الدموع .. خشمها احمر من البجي .. وحلجها صغير وطامر (مرسوم)
علي : يللا نزلي ماكو شي يستاهل كل مشكلة ولها حل ..
البنت : (ساكته) وانزلت ..

اتمنى يعجبكم البارت الأول
[/SIZE][/COLOR][/QUOTE]

 

[نياار]

واااااو وااااو جد روعه :hjy5jewf:

جد حيييييييييييييييل تاثرت وربي :eh_s(11)::eh_s(11):
ما قصرتي وموفقه ياارب :yaaaaaarb:
وناطرين القصه اليديده :eh_s::eh_s:

 

[miss.3bi6a]

يعطيج ألف ألف عافيه

الصراحه انا من زمان كله ادش المنتدى بس سجلت فيه بسبب رواياتج

 

[Killer^Girl]

وااااااااااااي قصتج عجيبه عجيبه
انا قريتها كلها بيوم واحد ماقدرت اوقف
ماشالله عليج مبدعه

 

[بعيون مغليك]

المشاركة الأصلية كتبت بواسطة ريمــاس

مرحبا حبيبتي


امبيه شقول وشخلي

قصتج الفتاه الهاربة من اسمها اشمئزيت منها يا ربي ومدري شفت وايد بنات يمدحونج قلت عيل بقرالج قصه واخترت اول روايه عشان ادري انها كامله <<<< طفارتي النطره

بس والله عندج ابداع يعني ما توقعت نهايه القصه شلون شبكتي كل الاطراف بموقف وانتهت

وربي عجيييييييييييييييييبه شوي عليها


والله كثري من هالقصص لان البنات ودهم دايما بالنهايات السعيده ولا تقولين المجتمع لازم نسوي حزينه خليهم على طرف


احنا لما نبي نقرا قصه نبي نستاااااااااااانس مانبي نضيق خلقنا كللش شبعنا من الدنيا والي فيها


كثري من هالقصص وناسه والله وربي روعه

والله قريت 30 بارت بيوم واحد وراء بعض وبيبني وبينج قبل اخر جم بارت رحت اصلي استغفر الله قاعده اقول روووووعه بداله التشهد خخخخخخ استغفر الله


بس حيل حيل اعجبتني <<<< مو صاحيه عادي



انا ببدي اقرا كل رواياتج واعتبريني المعجبه الاوللللللللللللى

بكمل قرايه وتكفين لا توقفين خلصي من روايه فكري بالثانيه لووووووول على طول


امبيه حدي تاثرت وياهم اضحك بالصاله جني خبله اذا علي ضحك منار وابجي اذا زعلت واااي مؤثر جدا

تسلم ايدج

هذي رسالتي الخاصة للكاتبه حطيتها عشان تستانس = )

 

[g76aniya]

ولو انها يات مني متاخره .. بس توني قريت هالقصه ,,
رووووووووعه .. تسلم لم لي يمناج على هالابدااااااااااااااع ..
ننتظر يديدج حبوووبه ..

 

[Miss Demi]

رد : ( الفتاة الهاربة ) قصة واقعيه عن بنت كويتية هربت من الدنيا الى الشارع

الصراااااااحه روايتج هاذي عجيييييييبه

لدرجة اني حييييل انمجت فيها حيل حيل حبيييتها صج

و يعطييييج الف الف عااافيه حبيبتي

 

[طيــــف]

الله الرواية حدها حلوه

 

[Tkanh]

روعه والله من امس اقرآ ماشالله واااااااااااااايد حلوه الروايه

منهآ للآعلى

 

[TAFATEFYTA]

احم احم طبعا انا من الفئه الصامته قريت الروايه الرابعه بعدين الثالثه بعدين الثانيه بعدين الاولى

طبعا ابداع ماله اول من اخر وااااو كلمة واااو شوية عليج اتمنى انج ما تحرمينا من رواياتج العجيبه

بس قلت لااااازم اعلق لان راح اظلمج اذا ما علقت على رواياتج العجيبه و ولو انها يت متأخر بس احسن من الصمت الدائم

تسلم ايدج ايدج و يعطيج العافيه

شكرا عفوا

 

[nanna_25]

رد : ( الفتاة الهاربة ) قصة واقعيه عن بنت كويتية هربت من الدنيا الى الشارع

وااااااااي القصه مو صج والله حدي اندمجت فيها
يعطيج العافيه

 

[حساوية كيووت]

تسلمين ع القصه
بصراحه لاحظت تسلسل الاحداث وفي خر بارت صار اكشن بالقصه
بس ياليتك كملتي الرواية على ماكانت عليه اضن كانت بتصير اروع والاحداث شيقة اكثر
يعني انتي قلتي يمكن الرواية ماكانت نهايتها كذا سعيدة بس كنتي خايفة من ردة فعل البنات لمن تختمين القصه بنهاية مأساويه
وانا اقول حتى في حياتنا الخاصه مو كل شي نتمناه يصير ومو اي شي بالدنيا نهايته سعيدة
اتمنى تتقبلين كلامي بصدر رحب عزيزتي
اما غير كذا فالرواية حلوة مثلك

 

[mss.86oo6a]

رد : ( الفتاة الهاربة ) قصة واقعيه عن بنت كويتية هربت من الدنيا الى الشارع

وااااااااااااااااااااااااااااااااااااااااااااااااااااو القصة صج صج صج صج حلوووووووووووووووووه
الله يعطيج العافيه ياريتني قريتها من اول مانزليتها بس توني قريتها وعجبتني وايد وعجبني اسلوبج الي وايد وايد حلو قمة الروعه
واللحين بقرا قصتج قرين فجر وبعد قصتين واااااااااااااي صج صج حلوه
مشكووووووووووووره وايد

 

[فديت ReRez]

رد : ( الفتاة الهاربة ) قصة واقعيه عن بنت كويتية هربت من الدنيا الى الشارع

يسعد مسآآك/صبأأحك
كل عاام وانتـم بخير وشهر مباارك يا غلاتي
.........................
انا سجلت بهالمنتدى بس عشان اهني اختــي ReRez على ابدآأآأآأآأعهـــا
الاكثر من رائئئئع وربي ان رواايتك روعه فوووووق الخيااااال
احلــى من اي روااايه قريتها من قبل وحبيت اقولك يالغلا ياليت
تواصلين ابدااعك حراام تحرمييينا من ابداااعااتك
والى الامااام يالغاليــه
اكرر تهنئتي لك وتسلم ايديييينك
وانا راح نقل رويااتك وبكتب ان كاتبتها / ReRez
من منتديات كويتياااااات واوعدك ماراح انسـى اسمك قبل ما احط هالروايه بمنتدااي
اختـــــك/فديت ReRez

 

[مزيونة الشيخات]

واااي القصه اتيـنن .. والله مــآيــطـق بـعصـآ .. يمهل ولا يهمل يـآ أحـمد تستاهل اللي اييك واكثر ..
والله يوووفقج ياا منــووور مع علـي وتعيشوون بسعااده يارب

حبيبتي ريرز انا اتابع رواياتج .. الله يخليييييج عالاسلووب والروايات الحلووووه اللي تطلع منج
فديييييييييييييييييتج ولا تقااااطعييين .. نبي طلتج الحلوووه دايمه .. إن شاء الله

مشكوووووره حبيبتي وبانتظار يديدج يالغاليه

 

[al.brnsesa]

يااي اتينن عجيييبه عجيييبه

عفيه لا تغيرين النهايه < اندمجت حدها

وااااصلي ابداعج وموفقه حبوبه ~.~