( الفتاة الهاربة ) قصة واقعيه عن بنت كويتية هربت من الدنيا الى الشارع

[ReRez]

انا باااااكييييييييييت :ada:

توووني خلصت الغدا الحمدلله الذي اطعمني وسقاني وجعلني من المسلمين لوول _03BA: يللا الحين انزل باارت

 

[ReRez]

ana 9j mtab3a b9mt oo m7d yrd 3ly bs yalla 3ade loooooooooool
rerez a7biiiiiiiiiiiiiiiiiiiiiiiiiiiiiich Nbeeeeeeeeeee PaaaaaaaaaaaaaaaaaaRT

فدييييتج وفديت متابعتج افا علييج اذا مارديت فيعني وااايد بنات ماشاءالله عليكم قاعده ارد عليكم بالجمع بدون اسماء بس
تأكدي انتي منهم :eh_s(15):

 

[ReRez]

يعطيج العافيه خيتووو على القصه الرائعه

بصراحه عشت دور ( علي ) لووووووووووول

تقبلي تحياتي
الشاهين82

عشت دور علي ؟؟

:gr4uu: اخاف هذا دخيل ؟؟؟

 

[B!g Sm!le]

ReReZ حيااااااااتي انتي
مو مقصره معانا وكل شوي تحطين لنا باارت فدييييييتج :*
بس انا زعلانه عليج لان القصه بتخلص .. بعدين راح يضيق خلقي وماعندي احد يسليني

 

[ReRez]

** البارت السادس والعشرون **
// ما أحلل اي احد ينقل قصتي ومايكتب اسمي ReRez من منتدى كويتيات واللي ينقلها ومايذكر اسمي ربي ماراح يوفقه واهو يبوق تعب وافكار غيره//

فهد : خلاص ناطرج .. مع السلامه عالية
عالية : ( تبتسم و اهي منحرجه ) مع السلامه فهد
( سكرت التلفون ورجعته مكانه ويت انسدحت واهي تفكر فيه وقلبها يرقع من الارتباك )
------
الصبح فزت منار على صوت قوي كانت الغرفه ظلمه وفيها شوية نور من الدريشه
منار : ( تقعد علي ) علي قوم في صوت قوي جنه شي انفجر
علي : ( يقلب ويعطيها ظهر ) ماكو شي حلم حلم نامي
منار : والله فيه توني سمعـ..
( رجع الصوت قوي مره ثانيه جان يقوم علي ومنار تمت ماسكه شعر ايده )
علي : زين هديني شلعتي شعري
( قام علي وطل من الدريشه وظحك )
علي : ( يظحك ) فديت حبيبتي الخوافه .. أول مره تسمعين صوت الرعد ؟
منار : بس تو الناس عالمطر
علي : لا شنو تو الناس بس خلاص احنا بشهر 12 اصلا المفروض نازل آخر 11
علي : ( واقف عند الدريشه ويطالعها قاعده عالسرير ) خفتي ؟
منار : اي والله عبالي الغاز انفجر
علي : ( يظحك ويروح يبطل الليت ) والله انتي فلم
منار : خلاص عاد لا تتطنز اشدراني خفت
علي : زين انا بروح اسبح وانتي جهزيلنا احلى ريوق
منار : عيل خلني ادش قبلك اغسل وبعدين اسبح
علي : زين يللا روحي
---------
ام علي : عاليوو قومي يللا ابوج ناطرج بنتريق
عالية : يمه خليني انام مابي آكل
ام علي : يللا قومي شنو مابي آكل عثمان مسافر و ابوج مايعرف ياكل ومحد قاعد
عالية : ( قامت ) اففففف
ام علي : ( طقتها على راسها ) شنو اف ؟؟ عيب انا امج
عالية : ( قامت ) زين خلاااص قمت
( بعد شوي انزلت واقعدو اهي وام علي وابو علي يتريقون )
عالية : يبه ؟؟
ابو علي : نعم يبه ؟
عالية : ( تطالع الخبزه اللي بيدها ومتوتره )
ابو علي : تكلمي حبيبتي اشفيج ؟
عالية : يبه ليش كل الناس اللي كبري عندهم تلفون ؟ يعني حتى خلود وندى عندهم
ام علي : وانتي اشتبين فيه عندج تلفون البيت متى ماتبينهم كلميهم
عالية : ( ساكته وتطالع الخبزه )
ابو علي : زين انتي محتاجته بشنو يعني ؟
عالية : يعني ابي اكلم البنات.. اعطيه رفيجاتي انا ما اكلم الا خلود والسبه ماقدر أستخدم تلفون البيت على راحتي كل شوي ياي عثمان وماخذه مني والصراحه انحرج اقول حق البنات ماعندي نقال
ابو علي : يا غالي والطلب ارخيص .. اليوم التلفون والخط يكون عندج
عالية : ( قامت وباست خد ابوها ) مشكوور يا احلى واطيب ابو .. بس يبه قول حق عثمان لا يتحرش فيني انت يبته لي اهو لا يتدخل
ابو علي : مايصير اقول حق اخوج لا تتدخل باختك .. بس انا راح اكلمه والتلفون بالليل يتسكر ويستحسن تخلينه عند امج
عالية : ( تبتسم وتاكل ) اوكي
ام علي : الله يخليك لنا يا جاسم ويطول بعمرك
ابو علي : ويخليكم ان شاءالله
-----
منار وعلي قاعدين يتريقون ويسولفون جان يصير رعد قوي
علي : ( ظحك ) ها خفتي ؟
منار : لا ماخفت وبسك اطنازه
علي : يبيله على هالمطر نتمشى بالشارع ونمسك مظله
منار : ( تظحك ) ونتعلم شوية حركات ونرقص ونسوي فلم هندي
علي : ( يطالعها ويبتسم ) فديت ظحكتج يا بعد روحي
منار : ( استحت ) ذوق خلطة الكيري والطماط والله لذيذ
علي : اي ادري كل شي تسوينه لذيذ ( ياكل )
علي : اليوم بنروح نشتري ملابس حق لشتى خلاص والله بيوم وليله راح ينقلب الجو ويصير ثلج
منار : خلها باجر اليوم قاعده تمطر
علي : ويعني ؟؟ عادي وناسه الجو بالمطر
منار : زين متى انروح ؟
علي : بعد شوي .. وبالمره نتغدى بره
------
عالية اقعدت بالصاله يم التلفون وامها وابوها قاعدين بالصاله الثانية
عالية : ( دقت رقم فهد واهي خايفه ) الو ؟
فهد : صباح الخير على احلى وارق بنت بالدنيا
عالية : ( منحرجه ) اشلونج
فهد : انا زينه
عالية : ( تظحك )
فهد : في احد يمج ؟
عالية : لا بس يمكن اييون
فهد : عيل سكري الحين عشان لا يسمعونج وتصيرلج مشكله
عالية : اوكي مع السلامه
فهد : الله معاج ديري بالج على نفسج واكلي تره انتي ظعيفه وايد
عالية : ( تظحك ) ان شاءالله .. باي
( سكرت الخط واقعدت اتفكر في وباسلوبه )
عالية : ( بقلبها ) يحليله يخاف علي
-----
منار وعلي بالسوق يختارون ملابس وبوتات
منار : ( تظحك وتفصخ الكبوس ) لا مابي وايد كبير.. اشفيني اطلع جذي جني حاطه على راسي شمسيه
علي : بالعكس وايد حلو عليج
منار : لا مابي ماحب
علي : كيفج اشتريه حق حبيبتي هديل اللي بالمطعم
منار : ( اتخزه ) انت للحين تكلمها
علي : لا والله اتغشمر معاج
منار : اي دير بالك
علي : ( يظحك ) هالجاكيت حلو اخذيه
منار : اي وايد حلو
علي : عموما ملابس الشتى وايد احلى من ملابس الصيف حتى لنا احنى الشباب
منار : اي تخليكم رزه
علي : يعني بالصيف انا مو رزه ؟
منار : ( تظحك ) بلى بس بالشتى رزه اكثر
( كملو تسوق وتمشو بعدين تغدو بره و وصلها العصر الشقه وخله مصطفى يصعد الأغراض معاها واهو راح حق ربعه )
----
علي راح حق ربعه العبو جنجفه و يسولفون ومشغلين التلفزيون كان فلم حق جينيفر لوبيز
واحد من الشباب : اخييييه على هالممثله تذبح
علي : ( رفع راسه يطالع وابتسم ماقال شي ورد يطالع الاوراق اللي بيده )
محمد : هااا عليوي المدام مهددتك تقطع عنك المصروف اذا طالعت بنات حتى لو بالتلفزيون؟
علي : ( يظحك ) إلعب وانت ساكت
صلاح : يعني تنصحني اتزوج ؟؟
علي : اي تزوج احسن من الفراره بالشوارع
محمد : شكلك مرتاح عالآخر
علي : تزوج وقولي رايك
محمد : الزواج بس اول شهرين حلو وماودك تطلع من البيت .. بس بعدين خلاص اتمل
( علي ابتسم وقعد يفكر بمنار وان للحين ماحس بطعم الزواج عدل )
علي : شباب تأخر الوقت انا بمشي
محمد : اييي روح قبل لا تقفل الباب
الشباب : ( كلهم اظحكو )
علي : ( ظحك ) اييلك يووم يا بو جاسم.. يللا مع السلامه
( اول ما وصل الشقه دش الغرفه لقاها نايمه بدل ملابسه ولبس شورت وانسدح وراها )
علي : ( باس جتفها ) منور ؟؟
منار : ( لفت عليه وبطلت عينها ) هلا علي الساعه جم
علي : 11 بالليل تأخرت عليج ؟؟
منار : لا بس لأن جهزتلك العشى خل اقوم احطه
علي : ( قعد يلمس خدها ويبتسم ) لا مابي هالعشى
منار : ( قلبها بدى يرقع )
علي : ( باس خشمها ) أحبج
( منار ويهها صار احمر وماقالت شي )
----
عالية : ( تتكلم بالتلفون شوي شوي ) اي اليوم ابوي يابه لي
فهد : كل هذا عشاني فديت عمرج
عالية : ( انحرجت ) بس ماقدر اطول بوديه عند امي بعد شوي
فهد : لا اول سولفيلي عنج وعن اهلج
عالية : شنو تبي تعرف ؟
فهد : يعني .. انتو جم واحد بالبيت و شنو ترتيبج بين اخوانج وخواتج .. جذي يعني
عالية : انا ماعندي خوات وكله اتملل بس قاعده بين 3 صبيان
فهد : من اليوم بصير اختج واخوج و زوجج ان شاءالله
عالية : ( استحت واسكتت )
فهد : فديت اللي يستحون .. يللا كملي شنو ترتيبج بينهم
عالية : أول شي اخوي علي اكبر واحد .. بعدين عثمان .. بعدين انا وآخر شي عمور عمره 3 سنين ونص
فهد : يحليله صغير .. يعني يصير تقريبا كبر اعيال اخوج اذا تزوج
عالية : اي اخوي علي متزوج توه يعني لو مرته يابت ياهل بيصير رفيج عمور
فهد : اكيد كنتي احلى وحده بالعرس
عالية : لا وين .. ماسوينه عرس تزوج فجأه
فهد : ليش؟
عالية : ( اسكتت فتره ) اشدراني عنه
فهد : يعني اهو مايبي عرس ولا الزواج صار بسرعه بسرعه ؟
عالية : اي في سبب خلاه يتزوج بسرعه من غير عرس بس انا مالي شغل فيهم ومابي اتكلم عن الموضوع
فهد : ليش عاد ؟؟ خلينا ناخذ ونعطي افتحيلي قلبج وانا بقولج كل شي عني وعن اهلي واحد واحد
عالية : بس مادري احس ان لازم ما اقول
فهد : لا مافي شي اسمه ما اقول .. انا ابيج تصيرين كتاب مفتوح وانا بعد بفتحلج قلبي وبقولج كل شي
عالية : آنا سمعت امي وابوي يتهاوشون يقولون ان غلط مع البنت عشان جذي خذاها بسرعه
فهد : ( ساكت )
عالية : الو ؟؟ فهد ؟
فهد : معاج معاج
عالية : وين رحت ؟
فهد : مارحت مكان قاعد اسمعج .. بس ابوي ينادي لازم اروح .. يللا نامي نوم العوافي
عالية : اوكي مع السلامه ( سكرت الخط )
( اقفلت الجهاز وودته حق امها وردت نامت )

 

[B!g Sm!le]

واااااااااااااي حقييييييير فهد
وعاليه غبيه وتبط الجبد :eh_s(14):

ودي اكفخهم وابرد قلبي >> لووول متأثره بالقصه

 

[baby johnson]

وييييييييييييعه على غباااء بعض البنات
قطييييييييييييييييعه
كل شي يقوولون اووووووووووف
وحقير هالفهد
تكفين لاتطولين علينا ريري

 

[ReRez]

اي والله البنات كل شي يقولون مايدرون ان الكويت صغيره
اشكثر اعرف ناس يسولفون عن كل شي وآخر شي كلوها

تسلموون بنااات الملتقى بالليل من 9 - 10 ان شاءالله

 

[fatma]

والله خايفة على عالية الله يستر

 

[Ms.dndona]

3aaaaaaaaaaaaaalya yaa '3byaaaaaaaaaaaaaaaaaaaaaaaaaaaaaaaaaa


OOOOOOOOOOOOOOOFFFF


way alla ystr

 

[داريني]

كملي ابليييييييييييييييييييييز

حقير فهد خايسه عاليه دثويه

 

[HYoOoN:*]

لاا حرام شكله ما يبي عاليه من سالفه اخوها اهيء ناطرينج

 

[ReRez]

انا من المتابعين بصمت اول شي بعطيج العافية على الابداع ابي اسال القصه حقيقه والا من تاليفج ناطربنج لاطولين علينا

قلت اكثر من مره بس ولاااا يهمممممج اعيد لعيوونج .. اهي فكرتها صارت حق وحده اعرفها يعني الفكره الاساسيه
انها انحاشت لأن ماقدرت تقعد عند مرت ابوها واخوانها بس باقي الاشياء انا اللي الفتها وسويتها قصه مختلفه بس ان نابعه
من نفس المشكله الاساسيه .. ومشكووره عالمتابعه

الله يباركلج على هالقصة
والله ما اقدر اوصفلج شلون تعلقت بمنار وعلي
قمت افكر فيهم ويدشون بحياتي كل يوم
عسى ما اغلط بإسم ريلي
ياحسرتي

لوووووووول اي والله ديري بالج ^_^

 

[بنت الكويت 15]

مينونة موصاحية هالبنية يعني اي واحد من الشارع يقولها احبج اتخر الأولي والتالي حقه
صراحة موصاحية والله يستر من الياي

 

[ReRez]

لاا حرام شكله ما يبي عاليه من سالفه اخوها اهيء ناطرينج

يعني اهو الحين كلش كلمها عشان سواد عيونها :eh_s(14):

بعد مبين بيسحب منها الحجي و بيحر قلب علي وعليااا علييييه

 

[ReRez]

مينونة موصاحية هالبنية يعني اي واحد من الشارع يقولها احبج اتخر الأولي والتالي حقه
صراحة موصاحية والله يستر من الياي

اهي صج هبله بس عاد ماتدري بس اول واحد يحسسها ان مهتم فيها وقالها فتحيلي قلبج فاقعدت اتسولفله
الله كريييييييم :eh_s(15):

 

[sindrella]

أمبيه عاليووو مال طق

 

[مشــآإآإعـــر آنثىآ]

نآإآطريييييييييييييييننج

حيآإآتووو والله هالفهد يخرع وين قآعدين تروووح تكلمهـ بيوووم وليلة

ويت يوو

 

[W.GLAM]

واااااااي في بنات غبيااااات مولازم اقول كللللل شي لا لا لاااااا مايصير حرتني عاليه ومسكينه شدراها عن سوالف الشباب مصدقه نفسها انه يحبها ويبيها ومستانسه على كلامه واهتمامه <<<<< متأثره حيل عبالي صج لوووووووووول وقاعده افكر واحط نفسي مكانها لو انا بعمرها ومثل شخصيتها هههههههههههههههه
الله يستر من اللي راح يصير هيء هيء هيء هيء <<<<يعني ابجي وخايفه لوووووووووول

لا لا لا قصتج خبلت فينا هههههههههههههه ابداااااااع حياتي ريريز

 

[MC ANFAL]

الصراحه القصه رووعه بس الصرااحه عاليوو قاهرتني مال طق و تكفخ