( الفتاة الهاربة ) قصة واقعيه عن بنت كويتية هربت من الدنيا الى الشارع

[baby johnson]

غندوره كككككككككككككككك
جكيييييييييناج طلعتي صغيرونه شكلج ثنويه صح

انا بالجامعه لووول يعني عادي قمت متأخر جان اسحب عالدوام
وقلت خيره ادش المنتدى شووووي بس من المغرب مايددددددددددددش يلووع الجبد
واااي خل يشووفووله صررفه شنو هذااا



ريري ناطرينج حبيبتي

 

[HER MAJSTY]

هههههههههههههه اقوول بيبي جونسن سكتي لاتفضحيني اي والله انا ماطنشت بالمدرسه الا علشان المنتدى مايدش الا الصبح لايت حزة المغرب تجيه سكونه>>>خخ حلوه سكونه يقعد يعلق فقلت اغيب واقرا البارتات على راحتي على بو انه ريري بتنزل اليوم بارتين او جذي اخر شي مانزل شي اخخخخ قهر يوم غبت عشان اقرا على رااحتي طلع ماكو شي
ريري ناطرينج ترا واااااااااايد طولتي خلاص زعلت عليج

 

[baby johnson]

ههههههههههههههههههههههههههههه
فديتج واللللللللله
موحرام ضيعتي عليج يووم دراسي جميل وبالنهايه ماكو بارت لوووووول

واي المنتدى صاير من تظلم الدنيا يستعبط على راسنا

 

[3sal_ilq8]

wain leash mako part leaaaaash ana yait w reeeesa dshait rwasi bil lap w kil ma 3lag il montada a5za 3ashan yfta7 m3ai !!! mako part 5ab '9ni ;(

 

[Ms.dndona]

Looooool BnaaT ana b3d 9'3eera mo bs '3ndoooh loooooooooool
faa'97a nfse eb nfseee


weeench 7bebty rerez nby n3rf elpart bro7 adres yalla

 

[خـوخه]

وي امبي بنات لا يكون ريريز صايرلها شي >>>>>> ابعيد الشر عنها


بس اهيا مو بعادتها ماتنزل بارت الصبح ... والله قمت احاتيها

 

[بنت الكويت 15]

:eh_s(2):وين البارت؟

 

[Ms.dndona]

enshallah ma feha ellaa el3aaaFyaaaa

Bs 5l n9br shwyaaa

 

[ميسوره]

وي امبي بنات لا يكون ريريز صايرلها شي >>>>>> ابعيد الشر عنها


بس اهيا مو بعادتها ماتنزل بارت الصبح ... والله قمت احاتيها

ايه والله موعادتها انشاءالله المانع خير
ولا يمكن كبرت المخده :rgewrg: لووووووول

بس انشاءالله لما ترد من المعهد تكتب لنا بارت
ونطالب ببارت ثاني تعويض

 

[آخر حبيبة]

آنا بعد زعلت







لا أتغشمر معااااج يالله ناطرييينج ريري
يالله
يالله
يالله

 

[آخر حبيبة]

أووووف ليش المنتدى جذي يصير بطيء والصبح ما فيه شي
نرفزني

 

[naaanaa]

يالله ريري نبي باااارت احترقت اعصابي

 

[بنت الكويت 15]

نبي بارتين يعني الثاني تعويض

 

[ReRez]

بناااااااااااات اول شي سامحوووووووني لأني نمت لي الساعه 11 .. ويوم بغيت اشبك الوصله مو رااااضيه معاندتني
دقيت على الخدمه وزفيتهم ييلا قبل شوي افتحوها لي

وادري نطرتكم واايد وغندوره و بيبي جونسون ليش غايبين هاااا :eh_s(14):

ويي حسستوني اني عيوووز لوول انا تخرجت من الكلية والحين داشه معهد بس مو كل يوم لا تتخربطون
بس سبت اثنين واربعا يكون من العصر لي الليل ..

وبقول حق خووووووووخه تسلمييييييييين بعد عممممممري والله ونستيني بس انتي اللي قلتي لايكون صارلي شي
يعني لو ميته جان كلهم عبالهم اني كشت فيهم :eh_s(16):

 

[om-jssoom]

يا جماعة وينها ريري اليوم ما نزلت بارت؟؟ انا رادة من الكلية طيراااااااااان عشان لا تظلم الدنيا ويخرف المنتدى وما يبطل

 

[ReRez]

ومره بغيت اسوي حادث والله يوم عرفت اني بخير ومافيني شي قمت احاتيييكم قلت لو صايرلي شي جان اظلموووني
وصج كا اليوم ظلمتووني :eh_s(16):

<< رايحه ركض اتحط البارت لاتنزف :bbbiu:

 

[om-jssoom]

المهم ريري الحمدلله انه مافيج شي بس
متى بينزل البارت؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
نبي باااااااااااااارت

 

[ReRez]

** البارت الثاني والعشرون **
// ماراح احلل اي احد ينقل قصتي ومايذكر اسمي ReRez من منتدى كويتيات واللي ينقلها ومايذكر اسمي ربي ماراح يوفقه واهو يبوق تعب وافكار غيره //

في بيت ابو علي قاعدين يتغدون وعالية كانت سرحانه
ام علي : عالية ؟؟ تسمعيني ؟ قاعده اكلمج
ابو علي : اشفيها بنيتي سرحانه ؟
عالية : لا يبه ماكو شي ( ابتسمت واقعدت تاكل )
ام علي : اشلون ماكو شي وانتي من رديتي من المدرسه وانتي مو طبيعيه
عالية : اي اشلون اكون طبيعيه وانا واقفه ناطره اخوي 3 ساعات بروحي؟
عثمان : سكتي تره والله مالي خلق اتناجر معاج
ابو علي : انت اكيد رديت حق سوالف التقحص ولا اشفيه تايرك يديد شاللي فشه ؟
عثمان : يبه انت كله ظالمنا
ابو علي : انت ومنو تقصد ؟
ام علي : ( نزلت راسها ) يقصد علي .. يا بوعلي
ابو علي : ( هد الاكل وقعد يطالعهم ) وانتو كلكم اتشوفون ان اللي سويته بحق علي غلط ؟
محد رد عليه الا واحد
عمر : بابا ابي عليي
ابو علي : ( يطالع ام علي ) وانتي ترضين ان بنت مثلها اتدش اهني يم بنتج عالية ؟
ام علي : الشقه اللي فوق منزمان مسوينها حق علي عشان نفرح فيه .. واذا ماتبيها تنزل راح تبقى فوق تطلع معاه وترجع معاه بس اهم شي ولدي يكون اهني والله ماقمت اتحمل بعاده عني
ابو علي : بنطره اهو لين يحب راسي ويعتذر ويعترف بالغلط اللي سواه ساعتها افكر اقعده عندي .. وبس مابي نتكلم وايد بهالموضوع خلوني اتهنى بالغدى
---------
علي ومنار قاعدين يتغدون مجبوس دياي طالبينه من مطعم
علي : ( يطالع منار واهي تاكل بالقفشه ) اكلي مثلي بيدج احلى والله
منار : لا جذي احلى .. ماعرف اذا كليت بيدي اوصل العيش لي كوعي
علي : ( يظحك ) تصدقين اذكر اول مره كليت معاج عيش كليتي وقتها لقمتين وقلتي شبعت
منار : ( تبتسم ) اي صح .. كنت اول مره اكل معاك
علي : زين عيل الحين ابيج تاكلين عدل
منار : ( تظحك ) زين باكل عني وعنك وعن.. ( ماكملت الجمله )
علي : منور ؟؟ انا اشقلت ؟؟ اللي ببطنج ولدي والله يخليج لا تحسسيني بغير هالشي .. عشان لا اتضايق اوكي؟
منار : ( ساكته )
علي : يعني لو قعد يرافس داخل بطنج قوليلي تعال شوف ولدك ازعجني .. لو بجى وضايقج قطيه علي و قولي شوف ولدك وخلني ارتاح شوي
منار : ( تظحك وبنفس الوقت منحرجه منه ) اوكي
علي : عفيه جذي خليج خوش بنت وهاج اكلي هذي من ايدي ( يعطيها لقمه بيده )
منار : ( كلت وطاح نص العيش عالسفره )
علي : ( يظحك ) تونسين جنج ياهل ماتعرفين تاكلين
منار : انت ماعطيني لقمه اشكبرها
علي : منار انا فكرت اردج الجامعه اشرايج ؟
منار : ( اتطالعه مو مصدقه ) صج علي ؟؟ احلف ؟
علي : ( يبتسم ) اي والله صج ... انتي كنتي بكلية العلوم تخصص كمبيوتر عدل ؟
منار : ( مبتسمه حيل ) اي
علي : الحين هالكورس بيخلص وبتبدي عطلة الربيع عالكورس الياي انتي مداومه
منار : ( تبتسم وعينها دمعت ) علي انا .. والله مادري شقولك
علي : حبيبتي لا تقولين شي .. و اكلي
علي : الجو صاير حلو وبدى يبرد
منار : اي صح
علي : عيل اليوم بنتمشى اشرايج
منار : لا بقعد بالبيت
علي : ليش؟ والله الجو يهبل حرام نقعد بالبيت
منار : ميخالف مابي اطلع
علي : لاتخافين ماراح يصير شي
منار اسكتت وكملو اكلهم بعدين اقعدو يطالعون التلفزيون ومنار حاطه راسها على جتف علي واهو ماسكها من خصرها ومندمجين بالفلم
علي : اي هذا الفلم مو اللي امس
منار : اي والله بس قرقه عن السياسه .. عاد ما افهم شي بالسياسه ولا احبها
علي ظحك واقعدو يطالعون واهم ساكتين بس كل مايصير حدث حلو يعلقون عليه .. بعد الفلم علي دش يسبح واهي راحت تبدل عشان بيتمشون بره
منار البست وكانت اتدور اكسسوار لايق عالملابس .. جان علي يدش ولاف عليه الفوطه
منار : ( شافته جان وترد اتدور بالصندوق واهي منحرجه )
علي : ( ابتسم ) تبين تطلعين ولا ابدل ؟
منار : ( صار ويهها احمر وخذت أي شي طاحت ايدها عليه) لا بس كا لقيت اللي ابيه و بروح الحمام
علي : ( ظحك ) على راحتج
اطلعت منار من الغرفه واهي تقول بقلبها : الحين شيقول عني والله جني غبيه ماعرفت شقول شكو الاكسسوار بالحمام ..
-----
ناصر : امس تهاوشت مع اللي خذا منار
فهد : اشلون ؟
ناصر : شفتهم بالفنار ومسكته طقيته طق دميته
فهد : اشكثر فيني حره عليها واكثر شي يوم استغفلتني واطلعت وانا نايم .. جان طقيتها اهي بعد
ناصر : طقيتها طراق و دزني الحقير جان اكمل عليه .. بس السكيوريتي وخروني عنه
فهد : خلهم عنك ولو شفتهم طنش لا تروح لهم .. بسوي شي اخلي علي يموت من القهر
ناصر : اشبتسوي؟
فهد : خل تصير السالفه وراح تعرفها
--------
في بيت بو علي كان ابو سالم واعياله موجودين .. غلا وساره وسالم قاعدين يسولفون مع عثمان..
وندى وعالية قاعدين بروحهم على صوب
وابو سالم وام سالم قاعدين مع ابو علي وام علي وعمور قاعد يلعب بألعابه عالأرض
عثمان كان مايشيل عينه عن غلا وكل شوي تبتسم وتلف ويهها عنه بس ساره كان مبين عليها انها متضايقه
ساره : واهو جذي فجأه قال انا متزوج ؟ اشدعوه عليه كل هذا حب يخليه يهد اهله عشانها ؟
عثمان : ( يطالع غلا ) ايييه ومن الحب ماقتل
غلا : ( قام ويهها يقط الوان ) اي سلوم قوله عن الهوشه اللي صارت
عثمان : سلووم متهاوش وماناديتني عشان اطشرهم واحد واحد ؟

عالية قاعده مع ندى ويتكلمون بصوت واطي
ندى : زين اشوه ان كان موجود ودافع عنج .. لازم تقولين حق امج عشان تخلي عثمان يوصلج لي الباب مايصير جذي
عالية : ( تبتسم ) لا مابي اقولهم عندي حارس شخصي يساعدني اذا صار شي
ندى : عالية انتي من صجج ؟؟ امبيه يالهبله لازم تقولين لهم عن اللي صار
عالية : لا مابي اقول .. وخلاص ندوو لاتخليني اتحسف اني قلتلج
ندى : خلاص كيفج بالطقاق
عالية : ندى اشفيج شنو بالطقاق .. الشرهه علي اني قاعده اسولفلج خليني اسولف حق خلود وايد احسن
ندى : لا ويع تخسي انا بنت عمج مو اهي .. يالله كملي سولفي اسمعج
---------
علي ومنار قاعدين يتمشون عالبحر والجو كان يهبل بداية البراد
منار : علي والله بردت خل نرجع السياره
علي : تبين ادفيج ؟
منار : علي عاد جد امش نرجع والله بردانه
علي : ( يظحك ) يللا مشينا
اركبو السياره وتمو يفترون من مكان لي مكان لين صارت الساعه 9 بالليل
علي : ها تعبتي ؟ نرجع البيت ؟
منار : اي والله حدي تعبت
علي : باجر انروح نتطمن عالبيبي شكلي تعبته وايد اليوم
منار : ( تبتسم ) اي والله وايد تعبتنا
اوصلو الشقه ومنار راحت الحمام – عزكم الله – واهو دش وبدل ملابسه
منار دشت الغرفه لقته قاعد عالسرير بدون بلوزه بس شورت وقلبها بدى يرقع
علي : تبين عشى ؟
منار : لا مابقى شي ماكليناه ذره و شبس وعصير مافيه بعد مجال آكل
علي : ماراح تبدلين ؟
منار : ( منحرجه ) بلى بس ..
علي : تبيني اغمض ؟
منار : يستحسن
علي : ( يظحك وانسدح ولحف راسه ) يللا بدلي
منار : ( اقعدت اتبدل وعينها عليه ) تره قاعده اراقبك عشان ماتشوف اعرفك اشكثر غشاش
علي : ( من تحت الغطى ) لا والله ماشوف شي بس خلصيني
( منار البست شي حلو وراحت بطرف السرير ولحفت نفسها )
( علي وخر عنه الغطى وطالعها واهي متغطيه لي حنجها )
علي : ( يظحك ) يحليلها حبيبتي مينونه
منار : ( منحرجه ) بس عاد علي
علي : ( قام سكر الليت ورد انسدح وشرع ايده ) تعالي يمي وتره ماراح يصير شي
( منار استغربت ويت يمه )
علي : ( حوطها بيده وباس راسها ) احبج .. ويللا نامي نوم العوافي
منار : ( منسدحه على ايده وقلبها يرقع وبنفس الوقت حست انها متضايقه من تصرفه ) الله يعافيك تصبح على خير

 

[** مفاهيم الخجل **]

مشكوووووووووره يا حياتي تسلم ايدج على البارت من اليوم انطرج

 

[Sara.M]

اخيراااا دخل المنتدى انا اقول كملي بدون لا تختصرين شي من احداث القصه ... نآآآآطرين البآرت الياي