( الفتاة الهاربة ) قصة واقعيه عن بنت كويتية هربت من الدنيا الى الشارع

[دانه الاكوله]

حبيبتى اقولج شى انا اول مارجع من ادوام بسرعه قبل لايرجعون توم وجيرى وهم عيالى فديت عمرهم ادش اقرا فى شى جديد مافيه بسرعه المغرب لم اخلص من توم وجيرى بسرعه ادش واشوف فى شى مره يفتح ومرات مايفتح ومرات اصبح بعد مايطلعون اشوف عشان تعرفين ان تعبج ان اشاالله مايضيع ويعطيج الف عافيه ويسر امورج دنيا واخره:hearting::hearting:

 

[ReRez]

بنات فدييييتكم وتسلمون عالنطره .. ومشكووره دانه ربي يخليلج توم وجيري لوول

بنات مالي خلق آكل اكل بيت اشرايكم نكشت بالقصه ونتريق بره خخخخخخخخخ :dddds:

 

[zooz92]

السلاااااااام
حبيبتي ReRez لو مو قصتج مب حلوة ومبدعة جان محد نقلها بس ميخالف ماعليج منهم قصتج وااايد حلوة وابداااع الصراحة وخلهم عنج اله نقلو روايتج ما عندهم امانة
ناااااااااطرينج وناطرين البارت على احر من جمر _03BA:​

 

[مشتاقة الى الله]

لا يوقف
لااااا يوقف
لاااااااا يوقف

كملي تكفين​

 

[P!NKia]

كفييييين كملى كملى كملى كملى كملى

 

[P!NKia]

اقصد تكفيييين واى من الحماس كتبت غلط لوووول

 

[امبراطورية ميم]

علقتينا كملي قصتج وايد حلوه

 

[ReRez]

بنات بعد عمري انتو .. انا توني قاعده لازم اصحصح واتريق بعدين اكتب .. عالساعه 9 ونص اتوقع البارت جاهز

 

[& شرطان الذهب &]

الله يعطيج العافيه انا كنت اتابعج بس ولا مره كتبت لج رد بس غثوني
بتصرفهم الله يوفقج ريريز

 

[ReRez]

الله يعطيج العافيه انا كنت اتابعج بس ولا مره كتبت لج رد بس غثوني
بتصرفهم الله يوفقج ريريز

تسلمين حبووبه والله حيل يشرفني ان في بنات سجلو بالمنتدى عشان يردون على قصتي وان شاءالله المتابعين بصمت
بعد يدشون وينوروني بالردود

 

[ام احمد_26]

والله انه قصتج واااااااااااايد حلووووووووه انا عايششششششه دورشكراشكرا

 

[عــــــــــذوب]

يالله ريري نبي التكمله

والله تعبت كثر ما انطر

 

[ma3boocha]

ههههههههههههههههههههههههههههههههههههههههه
هههههههههههههههههههههههههههههههههههههههه
هههههههههههههههههههههههههههههههههههههههه


واااااااااااااي يا حلوووكم بنات .. فدييييييييييييتكم....

صج احنا البنات اذا عصبنا نشور بالواحد....

بس والله عجبتني فزعتكم حق ريريز... والله صج ما تستاهل حبيبتي...

يعني كل بارت يبين انها تعبانه فيه مو كاتبته أي كلام... فحرام عليهم ياخذون تعبها بارده مبرده .....


الله ياخذلج حقج منهم.


و احنا مالنا ذنب والله ... ليش ما تكملين القصه ؟؟

صدقيني اقعد أبجي اذا ما كملتيها

كمليييييييييييهاااااااااااااااا

 

[داريني]

واااي قصتج رووعه اتشششششششد وامس علق المنتدى مت من القهرررررر
والله اني شيشت خواتي وبنات خالتي يقرون القصه
حتى امي قالت لي طبيعها لي خل اقراها

بليييز كمليها

 

[داريني]

بنات فدييييتكم وتسلمون عالنطره .. ومشكووره دانه ربي يخليلج توم وجيري لوول

بنات مالي خلق آكل اكل بيت اشرايكم نكشت بالقصه ونتريق بره خخخخخخخخخ :dddds:

اقول تعوذي من ابليس و رني وقعدي كتبي لنا بارت :rgewrg:ولما تخلصين القصه انا راح اعزمج على الريوق

 

[ReRez]

لوووووووووووووول بنات والله ظحكتوووني فديتكم يللا الحين انزل البارت

 

[lojel]

ماعليج يالغلا ربي بيأخذ حقج منهم
والله يهداهم بس صج صج شغله تنرفز شهل الناس والله صدمتني السالفه مايحسون ترا والله حرام
ولو يالغلا تستاهلين وانا ماقلت الا الصج واتمني مثل ماقالوا البنات تسووين لنا مسلسلات من ااناملج الذهبيه يارب وتنورينا علي التلفزيون
بدال هذيل اللي نشوفهم بس صج راح تطلعين طلعه فيها اخذيها مني
بليييييييييييييييييييييييييييييييز نبي باتتتتتتتتتتتتتتتتتتتتتتتت
بااااااااااااااااااااااااااااااااااااااااااااااااارت والله نبي باررررررررررررررررررررررت
ننتظرج علي احر من الجمر يالغلا وتلاقينا داشين طالعين لوووووووووووووووول

 

[همــسه غراام]

مرحبا امانه لا تقطعين علينا القصه
تكفيين اكسبي فينا اجر
وبعدين لما تخلصين البارت الياي
اكلى عليج بستيين الف عاااافيه
امانه انطر الرد
بس بسالج :. متى تنزلين البارت الجاي يعني علشان اشبك ؟

 

[W.GLAM]

حبيبتي عسى الله يوفقج ويسعدج والله اني احتريت معااج من اللي ينقلون القصه بدون لايذكرون اسمج

بس ماعليج ولا تحترين حبيبتي ربي ياجرج

وقصتج رووووووعه وكملي البارتات عفيه كل يوم ادش عشان القصه وامس حلماااااااااااانه فيها:nocommint: ان جنه منار صار عندها بيبي وعلي خلاهااااا :eh_s(2): ضااق خلقي عفيه طمني قلبي وكمليهاااا

 

[ReRez]

** البارت العشرون **
//ما أحلل اي احد ينقل قصتي دون ذكر المصدر الكاتبه ReRez منتدى كويتيات .. واللي ينقل ومايذكر اسمي ربي ياخذ حقي منه//
منار : ( قربت منه صارت وراه على طول ) علي ؟؟
علي : منار والله دايخ بنام
منار : علي انا آسفه
علي : عادي ماصار شي
منار ردت مكانها وعطته ظهر وقاعده تحاول تنام
( بعد ساعتين بطلت عينها لقته للحين نايم بس كان ويهه عليها اقعدت اتطالعه واهو نايم حست باحساس غريب مثل حراره تمشي بجسمها .. قامت غسلت واقعدت بالصاله اتشوف تلفزيون بس حست انها تعبانه و بطنها كل شوي يطلع اصوات لأنها مو ماكله شي من الصبح )
منار : ( بقلبها ) بروح اقعده عشان ياكل معاي

( راحت انسدحت يمه واقعدت اتطالعه مده .. ترددت شوي بس بعدين مدت ايدها بشعره واقعدت تمشطه باصابعها وقلبها يرقع )
منار : علي؟؟
علي فتح عينه جان توخر ايدها
منار : زعلان مني؟
علي : لا
منار : والله اني يوعانه حيل قوم اكل معاي
علي : منار انا تعبان وبنام روحي اكلي بروحج
منار : ماحب
علي : تعلمي ( غمض عينه )
منار : علي تحبني؟
علي : ( فتح عينه وقعد يطالعها وماتكلم لأن من اغلطت باسم احمد واهو موقادر ينسى انها كانت بيد واحد قبله )
منار : ( ترددت شوي بس بعدين تجرأت وباست راسه ) نوم العوافي
( قامت بتطلع من الغرفه )
علي : حسبي احسابي باكل وارد انام
منار : ( ابتسمت ) اوكي
( افرشت سفره بالصاله وحطت الاكل وراحت اتناديه دشت الدار لقته رد نام اقعدت يمه عالسرير )
منار : علي؟ قوم عاد الله يخليك اكل معاي والله ميته يوع
علي : ( مغمض ) اوكي اوكي روحي لاحقج
منار : لا مابي قوم الحين ادري لو خليتك بترد تنام
علي : ( فتح عينه ) يللا قمت
( راح معاها وقعدو ياكلون )
منار : ها ؟؟ حلو؟
علي : اي والله .. تسلم ايدج
منار: الله يسلمك .. بالعافيه
( علي قاعد ياكل واهو ساكت ماقال شي واهي لاحظت ان تغير وايد تضايقت و ودها يرد علي الأولي )
منار : اشرايك اذا نمت اقعدك بعد 3 ساعات وانروح السينما؟
علي : ( سكت شوي ) اوكي
( راح علي نام ومنار اقعدت بالصاله بروحها تقلب بالقنوات وصار المغرب راحت قعدته والبسو وراحو السينما لقو الفلم اللي يبدي بعد نص ساعه فلم اجنبي مايدرون شنو موضوعه بس دشوه )
منار : علي ؟ مو جنه الفلم بايخ ؟ للحين مافيه حدث مهم كله قرقه
علي : اي صح بس نطري نعطيه فرصه يمكن المؤلف شاد حيله بآخر نص ساعه من الفلم
منار : ( تظحك وتاكل بوب كورن كاراميل )
---------
عالية ( تكلم خلود بالتلفون ) : خلود والله اني خايفه يوم رديت من المدرسه طلع لاحقني للبيت وبعدين مشى
خلود : عادي يمكن بيدل بيتكم عشان يخطب صج
عالية : لا مادري خفت .. لو يشوفه عثمان عادي يطقه ويطقني معاه وانا مالي شغل
خلود : اي كلمي علي عالاقل كبير وفاهم
عالية : علي وينه ووينه تزوج وطلع
خلود : تزوج ؟؟ متى وليش ماقلتيلي
عالية : احنا زين درينا .. خلي هالسالفه اقولها لج بعدين المهم انا الحين شسوي
خلود : قولي حق امج
عالية : امي اللي فيها مكفيها كل يوم تبجي من موضوع علي
عثمان : انتي للحين شاغله الخط ؟؟
عالية : ( اختبصت ) اكلم خلود
عثمان : زين سديه ابيه
عالية : خلود اكلمج بعدين باي
----------
بالسينما علي قاعد يطالع منار واهي تاكل البوب كورن كانت عينها عالشاشه بس حست ان قاعد يطالعها
منار : ( طالعت علي ) اشفيك؟
علي : مافيني شي اشفيني؟
منار : ( تبتسم ) مخلي الفلم واتطالعني
علي : الفلم مو عاجبني
منار : قلتلك انه بايخ انت تبي تكمله
علي : زين امشي نرجع البيت
( قامو اطلعو من الفلم وتمشو شوي بالفنار جان يلقون جدامهم ناصر معاه بنت )
( منار شافته و حست ان الدنيا كلها تفتر فيها جان تمسك ايد علي وصارت وراه )
علي : اشفيج ؟؟
منار : ( غصب اطلعت الكلمة من السانها ) ناصر
علي : ( طالع جدامه لقى واحد قاعد يخزه ويمه بنت مو فاهمه شالسالفه ) مالج شغل امشي انروح من الصوب الثاني
ناصر : ( قرب منهم لين وقف بويه علي ) انت منو بعد ؟
علي : شنو يعني انا منو ؟ انا ريل اختك
منار : ( ريلها ماتشيلها من الخرعه تتكلم بصوت يالله ينسمع ) علي بطيح
ناصر : ( يطالع منار ) وانتي كل شوي منحاشه مع واحد غير ؟
علي : ( مسك ناصر من ملابسه وسنده عالطوف ) هيي انت احترم نفسك وثمن كلامك
ناصر : ( دز ايد علي ) شيل ايدك يالخ...... ( كلمة عيب تخص الشباب ) انت لو فيك ذرة رجوله ماخذت وحده ...... كل يومين مع واحد ( كلمة عيب تخص البنات )
( علي لاشعوريا طق ناصر بكس على ويهه و ناصر ردله البكس على بطنه )
منار شافتهم يتهاوشون جان تحس بدوخه و اقعدت عالارض ماشاتها ريلها والبنت اللي مع ناصر راحت نادت السكيوريتي ( الامن اللي بالمجمع )
الناس فاككت بينهم والسكيوريتي هددوهم ان يقطونهم بره المجمع وناصر خذا البنت واطلعو .. علي لف ويهه لقى منار قاعده عالارض ودموعها على خدودها وكان يمها حريم يساعدونها تقوم
علي النار شابه بصدره راح صوب منار
علي : ( باسلوب ناشف ) تقدرين تمشين؟
منار : تعبانه
علي : ( معصب ) تقدرين تمشين ولا لأ؟؟؟
وحده من الحريم : ياوليدي شوي شوي عليها ماتشوفها غصب توقف
علي : ( مسك منار وخذاها قعدها على كرسي يمهم وكلم المره ) شوي بس ممكن تقعدين يمها بروح اييب لها شي تشربه
منار : ( تبجي وتمسك ايد علي ) مابي شي بس لاتروح راح يرجع ناصر
علي : ( بنفسيه وحده معصب ) ماراح يرجع طلع من المجمع بكبره انا رايح شوي وراد .. ( لف عالمره ) خليج معاها
المره : ان شاءالله بس لاتطول
( علي راح ثواني ياب لها عصير ورجع والمره راحت واهو قعد يم منار )
علي : هاج شربي عشان نمشي
منار : ( تبجي وتاخذ العصير )
علي : بسج بجي خلاص شربي خل نمشي صرنا فرجه
منار : ( امسحت دموعها و اشربت هدت شوي )
علي : ( مسك ايدها ) يللا نمشي
( بالسياره علي ومنار طول الطريج ساكتين اول مادشو الشقه منار راحت الغرفه وانسدحت بالجوتي اللي عليها – عزكم الله – و علي دش وماقالها شي بس بدل ولبس شورت وخذا فوطته ودش الحمام يسبح )
منار منسدحه و ميته بجي و أول ما اسمعت صوت باب الحمام يتبطل امسحت ادموعها وتمت منسدحه وويهها عالطوف علي دش لاف عليه فوطه بدل ملابسه و لبس جينز وبدي
( منار لفت عليه لقته قاعد يلبس جوتيه – عزكم الله – ماقدرت تخليه يروح قبل لا يتكلمون عن اللي صار )
منار : بتطلع ؟
علي : اي
منار : خلك معاي والله متضايقه
علي : ( مارد عليها )
منار : ( دموعها بعيونها ) قلتلك انك ماراح ترتاح
علي : شنو؟
منار : قلتلك لو وافقت وتزوجتك مشاكلي بتلحقنا وماراح ترتاح
علي : ( سكت )
منار : ويمكن هذي بس البدايه .. ( بجت وعلت صوتها ) قلتلك اني اعرف اخواني وحتى غير اخواني في اشياء وايد بتأثر وانت فاهم شقصد
علي : خلاص منار انا بطلع شوي عشان اريح اعصابي مابي انتكلم بهالموضوع احسن
منار : انت كنت تدري وماخشيت عليك وقلتلك كل اللي صار معاي ليش الحين جذي تعاملني؟؟
علي : ( قام ) لاتنطريني انا بسهر عند ربعي ( طلع وخلاها )
منار : ( تبجي عالسرير ) من اول مشكله صار يعاملني بهالطريقة خايفه اذا ولدت تكبر المشاكل .. شسوي.. يارب تغفرلي وترحمني ( تمت تبجي لين نامت )
-----
علي بالطريج رايح دوانية ربعه وقاعد يفكر
علي : ( بقلبه ) اهي مالها ذنب بس كلامه ذبحني وحسيت فيه اقوى من الطق ( يتذكر )
ناصر : انت لو فيك ذرة رجوله ماخذت وحده ...... كل يومين مع واحد
( رن تلفون علي )
علي : ( طالع الرقم لقاه جابر رفيجه رد عليه ) الو
جابر : اهلييين بالمعرس توني سمعت من الشباب يقولون معرّس عالسكيتي .. الله فكك منه ولا لو كنت مسوي عرس والله مانرحمك وانت بالبشت
علي : اي ادري فيكم عشان جذي ماسويت عرس
جابر : زين متى تشرفنا بطلتك البهيه؟
علي : كاني رايح دوانية محمد تعال اهناك وشوف طلتي
جابر : يللا يايين انا وغانم وعبدالله
علي : اوكي سلم عليهم .. مع السلامه
تكملة البارت اليوم بس للأمانه مادري متى لأن عندي معهد العصر وارجع بالليل