( الفتاة الهاربة ) قصة واقعيه عن بنت كويتية هربت من الدنيا الى الشارع

[ReRez]

بسم الله الرحمن الرحيم ..

السلام عليكم اشلونكم بنات؟؟ ان شاءالله كلكم تماام؟؟

هذي اول رواية لي واتمنى اشوف ردودكم الحلوه على البارتات واتمنى تعجبكم

اهي قصه فكرتها صارت صج حق وحده اعرفها.. بس تفاصيل القصه والحوارات فهي من مخيلتي :eh_s(6):
--------
نبدي

***البارت الأول***

الوقت ليل حوالي الساعة وحده ونص .. شاب اسمه علي عمره 27 يسوق اكس فايف اسود دايس ويدور سي دي راشد 2009 بين السيديات اللي عنده..
علي : ( يتحلطم ) وين راح السي دي منو ماخذه اكيد صلوح الكلب بايقة جنه مايدري ..
رفع راسه عالطريج وفجأه شاف بنت جدامه تركض بتعبر الشارع .. داس بريك بكل قوته وقف قبل لا يحوشها بأقل من سانتي واحد ..
طالعته البنت منصدمه واهو نفس الشي منصدم وماتحرك من مكانه الا يوم شافها اغمى عليها..
نزل من السياره معصب وخايف وقعد يسبها : الحيوانه مادري من وين اطلعت بهالليل ماكو ابو يمسكها ناقص بلاوي البنات آنا..

قعد يطالعها طايحه عالشارع جدام سيارته بنت حلوه بيضه تقريبا عمرها اول العشرينات شعرها لي نهاية ارقبتها ولابسه جينز وبلوزه سوده ..
تلفت يمين يسار ماكو اي احد بالشارع .. قعد يدور اذا مجروحة أو متعوره مالقى اي اثر لدم او رضوض ..
شالها وحطها وره وركب سيارته ومشى ..

قعد يقول بقلبه .. ياربي اشهالبلوة خل اوديها حق اقرب مستشفى اقطها وامشي والله انا شكو فيها اقعد ابتلش .. ومالقت اتطيح غشيانه الا جدام سيارتي ..
فجأه سمع صوت البنت : أحمد .. أحمد ليش ؟؟ أحمد ..
طالعها بمنظرة السياره لقاها للحين مغمى عليها بس شكلها تحلم ..
ولا اتقوم : انا وين؟؟ انت منو؟؟ وشتبي فيني؟؟ وين موديني؟؟
علي ( بقلبه ) : هذي اللي برفسها بالشارع الحين ..
علي : يبه انتي طالعتلي بهالليل اتقول خفاش وراكضه بالشارع وماحلالج اتطيحين الا جدام سيارتي ..
البنت انزلت ادموعها وماتكلمت ..
علي : في شي يعورج؟؟ اوديج المستشفى؟؟
البنت : هزت راسها (لا) واقعدت تبجي ..
علي: اشفيج خايفه مني؟؟ تره ما آكل انا .. وين بيتكم عشان اوصلج..
البنت : لا مابي اروح البيت خلاص نزلني اهني ..
علي : وين اهني؟؟ تره احنى الحين بالدايري السادس يعني اسفط وانزلج اهني وين بالله؟؟ عطيني مكان محدد وانا اوديج ..
البنت : زادت بجي .. مادري مادري ماعندي مكان (تبجي)
علي : هاج اكلينكس وبسج بجي وكلميني .. فكري شوي وقوليلي وين تبين تروحين اكيد في مكان معين .. انتي كنتي تركضين وين بتروحين مثلا؟؟ عندج سياره اوصلج لها؟؟
البنت : ساكته ماترد بس تبجي
علي : ياصبر ايوب .. اشلون يعني اسفط يمين وانطرج تكملين بجي وتفكرين تردين علي؟؟
البنت : تبجي وتعلي صوتها عليه .. خلاص لاتزف ماعندي مكان اروحله وماعندي سياره ..
علي : يبه انا مو قاعد ازفج بس ابي اعرف وين اوديج مايصير نفتر بالسياره بدون هدف ..
البنت : خلاص والله نزلني ماعندي مكان معين ..
علي : عيل امشي انروح كوفي بين او ستار بكس تشربين قهوه تريحين اعصابج ونفكر مع بعض وين تروحين.. احسن من ان يوقفلج ولد مو متربي ويأذيج .. اوكي جذي؟؟
البنت : ( تمسح دموعها ) اوكي..
علي : ( يبتسم ) تسمعين حق راشد؟؟
البنت : اي عادي ..
علي : شنو عادي .. تسمعين له او لأ؟؟
البنت : اي اسمع
علي : شنو تحبين تسمعيله اي اغنية
البنت : مادي والله
علي : اووو تره حدي ماحب كلمة مادري مافي شي بالدنيا اسمه مادري عطيني اسم اغنية تسمعينها حق راشد يللا فكري ..
البنت : ( فيها بجية بس ماسكتها غصب ) اغنية اللي لقى احبابه
علي : حتى انا احبها .. تبين تسمعينها؟
البنت : لا
علي : لو عندي جان حطيتها اعناد بس حسافه السي دي عند الحيوان صلاح
البنت : ساكته و اتطالع الشارع .
اوصلوا كوفي بين سفط السياره ونزل .. اهي بطلت باب السياره بس مانزلت
علي راح لي بابها وقعد (القرفصاء) اللي مايعرفها يعني قعد جنه عزكم الله بحمام عربي ههههه طاع التشبيه ..
المهم نرجع للقصه .. قعد يم بابها وطالعها (أول مره يشوفها عدل) حس ان ويهها في براءة وحلوه وايد .. عيونها كبار ورمشوها وخدودها مبللة من الدموع .. خشمها احمر من البجي .. وحلجها صغير وطامر (مرسوم)
علي : يللا نزلي ماكو شي يستاهل كل مشكلة ولها حل ..
البنت : (ساكته) وانزلت ..

اتمنى يعجبكم البارت الأول

 

[فدييت روحي]

صرااااااااااااااااحه

القصه حدده امبييييييييييييييييييييييييييييه حللللللللللللللللللووو حييييييييييييييييييييييل
تسلمين والله منها المزيد

 

[PinKiSHo]

تصدقييييييييييييييييييييييييييين لما قريت العنوان حسيت القصه عادية مادري العنوان مو ماجذبني ذاك الزوود

بس لما دشيت قريت اسلوووبج والحوارات رووووووووووعة وخلتني اكمل لي اخر الباارت ويلا نزلي البارت الثااني لا ارفسج بالشارع لووووول لا اتغشمر حيااتي بس ضحكتني هالجملة لووووووووووووووووووووووووووووول

 

[امواج الكويت]

كملي حياتي شكلها تشوق

 

[a7la looola]

3fia kmleeeee plz
al-89aa shklha rw3aaaaaaa

 

[ma3boocha]

كملي بليز لا تعلقيننا....


انا ما قريتها بس ماراح اقراها الا لما تنزلين بعد بارت عشان ما أتعلق

 

[الفريده]

كملى يا حلوه من بدايتها حلوه بس لا توقفين وتعلقينا

 

[asrar mdfona]

شكلها تشوق

بلييييييييييييييييييييز كمليها

 

[b6ooo6a*_*]

يلا نااااطرييييييينج لا طوليين لا تعلقينا

 

[ReRez]

صرااااااااااااااااحه

القصه حدده امبييييييييييييييييييييييييييييه حللللللللللللللللللووو حييييييييييييييييييييييل
تسلمين والله منها المزيد

ونستيني حبيبتي تسلمين متابعه شيقة ان شاءالله ..

تصدقييييييييييييييييييييييييييين لما قريت العنوان حسيت القصه عادية مادري العنوان مو ماجذبني ذاك الزوود

بس لما دشيت قريت اسلوووبج والحوارات رووووووووووعة وخلتني اكمل لي اخر الباارت ويلا نزلي البارت الثااني لا ارفسج بالشارع لووووول لا اتغشمر حيااتي بس ضحكتني هالجملة لووووووووووووووووووووووووووووول

ههههه مادري ماحبيت احط اسمها فلان وفلانه .. او سخرية القدر او حب مادري شنو .. لوول احس مادري اشلون ...
ههههههههههه تسلمين عالمتابعه اعجبتج ارفسج بالشارع هاا لوول

كملي حياتي شكلها تشوق

تسلمييين حبيبتي عالمتابعه ..

 

[ReRez]

3fia kmleeeee plz
al-89aa shklha rw3aaaaaaa

تسلمين عالمتابعه

كملي بليز لا تعلقيننا....


انا ما قريتها بس ماراح اقراها الا لما تنزلين بعد بارت عشان ما أتعلق

اوكي ان شاءالله كل يوم الصبح انزل بارت ^_^

كملى يا حلوه من بدايتها حلوه بس لا توقفين وتعلقينا

لا ان شاءالله بكملها معاكم للآخر

شكلها تشوق

بلييييييييييييييييييييز كمليها

ان شااااءالله كل يوم الصبح انزل بارت

يلا نااااطرييييييينج لا طوليين لا تعلقينا

من عيوووني :eh_s(6):

 

[لشموخي رواية]

الرويه مررررررررررررره حلوه
تسلمين يالغلا تكفين كمليهااااا

 

[رفاعية19]

كملي كمليييييييييييييييي تكفييييييييييييييين كمليييييييييييييييييييييييييييييييييييييييييييييييييييييييييي

 

[XxSaruxX]

waiting ;D

 

[مشــآإآإعـــر آنثىآ]

كملي حبيبتي والله حلوووووووهـــ

 

[رفاعية19]

مدامج شابكة تكفيييييييين كملي حتى لو سطريييييييييييين!!!!!!!

 

[ReRez]

الرويه مررررررررررررره حلوه
تسلمين يالغلا تكفين كمليهااااا

تسلمون والله ونستوني وان شاءالله بكملها وماراح انساكم

كملي كمليييييييييييييييي تكفييييييييييييييين كمليييييييييييييييييييييييييييييييييييييييييييييييييييييييييي

اوكي بكمل بس كنت حاطه في بالي اني انزل بارت كل يوم الصبح خربتو علي الخطه

waiting ;d

ثانكس عالمتابعه

كملي حبيبتي والله حلوووووووهـــ

ان شاااءالله بكمل من عنوووني

 

[ReRez]

مدامج شابكة تكفيييييييين كملي حتى لو سطريييييييييييين!!!!!!!

والله اني كنت مفكره انزل كل يوم الصبح بارت واحد لأني ماخلصت القصه واخاف اذا نزلت اكثر من بارت باليوم
اتوهق واخليكم تنطرون وايد عبال ما اكتب بس والله عشانكم بنزل بعد بارت وبعدها خلاص كل يوم صبح واحد كافي :eh_s(14):
هههه اتغشمر لاتخافون انا ما اعصب :ggdw:

 

[رفاعية19]

ههههههههههههههههههههههههههههههههههههه


عيل يلا ناطرينج...

 

[LO0O0LY EL- q8]

القصة بدايتها حلللللللللوة وتشوووق ..
بلييييييييز كملي.؟؟؟؟؟؟؟؟؟؟؟؟؟؟؟