( الفتاة الهاربة ) قصة واقعيه عن بنت كويتية هربت من الدنيا الى الشارع

[baby johnson]

دانه الله يرد اهلج بالسلامه يارب ويشافي اختج

ريري لاتطوليييييييين صار المغرب
لوووول وايد نحن عليح ها

 

[NaB'9 QaLBi]

hello
ana twni garya q9tch
ambiiiih 7adHA 3JEEEBAA
wallla etyneeeeen
mn ams o ana mjablt'ha
7dha etshed alwa7ed ena ygraha
3li al9ra7a ena ryaal o mnaar t3wer alqalb o 3alya 7raam laish y9eer feha shay ehya malha thanb
o fahd hatha 9iij ma yst7ii bdal la yshker 3li ena star e5ta chthe yswii
MASHKOOOOORAAA 7BIIIBTIII
o waiting u ;*****8

 

[ReRez]

هلا ريريرى ليش ماتردين على سوالى ليش منار بنت موزينه ماجوبتى بنات امانه ادعو حق اختى الوحيده وصغير عمره22 ان تشفى بسم الله عليكم فيها سرطان براس من عيون الناس وانا احس انى وحيده بدون امى واختى بالعطله دايم احس انى بروحى لان لما اروح بيت اهلى فاضى وانتو تعرفون شباب مايقعدون بالبيت وقعد مع عيالى2 وخدامات بروحى ادوعو انهم يرجعون بسرعه لانى احس بوحده :0bee2e8d89:

متى قلت ان منار بنت موزينه ؟؟؟ تقصدين يوم قلت ان اخواانها عبالهم انها موزينه لأن شافوها مع اثنين مره مع احمد
ومره مع علي ..
واذا كنتي تقصدين يوم قلت ان البنت الصجيه اللي اعرفها الحين موزينه اقصد حالتها من انحاشت من بيت اهلها
صارت حالتها من سيء الى اسوء ..
-----

والله يشافي اختج يارب ويرجعها البيت سالمه
اسأل الله العظيم رب العرش العظيم أن يشفيك
اسأل الله العظيم رب العرش العظيم أن يشفيك
اسأل الله العظيم رب العرش العظيم أن يشفيك
اسأل الله العظيم رب العرش العظيم أن يشفيك
اسأل الله العظيم رب العرش العظيم أن يشفيك
اسأل الله العظيم رب العرش العظيم أن يشفيك
اسأل الله العظيم رب العرش العظيم أن يشفيك
( بنات كلكم رددو هالدعاء 7 مرات ويارب ترجع مافيها الا العافيه )
واذا متضايقه ييبي اعيالج وحياج بيان عندي تره والله اموت باليهال وكله بطاليه وماعندي اي شي :tek:

 

[الليدي ديانا]

ماشالله عليج ابدعتي

القصه اعجبتني حيل

امس طول الليل قاعده اقراها

keep going

 

[ReRez]

** البارت الثامن والعشرون **
// ما احلل اي احد ينقل قصتي ومايذكر اسمي ReRez من منتدى كويتيات واي احد ينقلها من غير اسمي ربي ماراح يوفقه واهو يبوق تعب وافكار غيره //

علي : ( يبتسم ) ابوي قال ان لازم نسكن عندهم بالشقه اللي فوق
منار : ( ابتسمت وماقالت شي )
علي : منور تضايقتي ؟؟ تره والله ابوي قلبه طيب لاتحاتين ومع الايام بيحبونج .. واحسلج عشان لا تقعدين بروحج اذا طلعت
منار : اللي تشوفه
علي : لا .. اللي انشوفه اثنينه .. وابي رايج الحين
منار : ( تبتسم ) معاك حق لازم نروح وبخليهم يحبوني غصب
علي : كفوو .. هذي مرتي العسل
------
( علي ومنار راحو البيت واقعدو يشيلون اغراضهم بجناط سفر كبار ومنار مبين عليها انها وايد خايفه من حياتها اليديده في بيت اهل علي )
علي : ( مسك منار ولمها ) حياتي لاتخافين والله اعرف اهلي بس عطيهم وقت وصدقيني بيحبونج مثل مايحبون عالية
منار : ( واهي حاطه راسها على صدره ) يارب يكون كلامك صح والله اني فاقده حنان الأهل
علي : راح تحسين فيه .. بس عطيهم وقت
منار : ( كملت ترتيب الملابس بالجناط ) متى انروح لهم ؟
علي : متى ماحبيتي
----
ادخلو البيت الساعه 9 بالليل وام علي رحبت فيهم ولمت ولدها وباسته وسلمت على منار سلام عادي ( خد بخد )
علي : يمه وين ابوي ؟
ام علي : مو اهني طالع .. حياكم
راحو اقعدو بالصاله وام علي قالت حق الخدم يصعدون جناطهم الدور الثالث
ام علي : اشلونك يمه شمسوي ؟
علي : الحمدلله بخير ومستانس بزواجي
( منار استحت واقعدت اتطالع علي واهي منحرجه من امه )
ام علي : تستاهل كل خير
علي : عيل وين الباجي ؟
ام علي : عثمان مسافر وعمور نايم و عالية تدرس باجر عندها امتحان اناديها ؟
علي : لا لا خليها تدرس .. وعثمان حتى ماكلف نفسه يرفع السماعه ويقولي ان مسافر ؟
ام علي : آنا زين دريت كل شي صار بسرعه ابوك طرشه عالشركه بلبنان
( منار ساكته اتطالعهم وحاسه انها تعبانه )
ام علي : وانتي منار اشلونج ؟
منار : الحمدلله بخير
علي : ( لاحظ انها تعبانه ) يمه احنا بنصعد نرتاح
ام علي : اي حبيبي اخذو راحتكم باجر قعدو تريقو معانه
علي : ( يظحك ) يمه الله يهداج شيقعدنا الساعه 7 الصبح .. تريقو انتو احنا ريوقنا الساعه 9
ام علي : وليش ماتداوم مع ابوك ؟ بعد صار عندك بيت لازم تشتغل
علي : انا ناوي اشتغل بعد العطله ان شاءالله .. ويللا تصبحين على خير
---
اصعدو فوق و اقعدت منار اتطالع المكان فيه صاله وحمام وغرفة نوم .. كانت اصغر من شقتهم بس اثاثها احلى
علي : ها ؟ ان شاءالله اعجبتج ؟
منار : ( تبتسم ) اي وايد حلوه ولو اني راح اشتاق حق شقتنا
علي : ( يبوس ايدها ) ولا يهمج لو تبين نقعد اسبوع اهني واسبوع اهناك
منار : ( تبتسم ) لا بس الويك اند نقعد اهناك
علي : ( يظحك ) حشى مخيم مو شقه
----
عالية : خلاص فهد والله جذي تحرجني
فهد : و ارد اقولها احبج واحبج وهم احبج وناطرج اتقولينها لي
عالية : ماراح اقول شي خلاص عاد
فهد : اليوم بسكت عنج بس راح تقولينها لي مع الأيام .. ولا تره انتحر
عالية : ( تظحك ) وانت كله تبي تنتحر ؟
فهد : اي اذا عالية ماتحبني مثل ما احبها بعد ماله داعي اعيش
عالية : ( انحرجت ) زين فهد انا لازم اودي التلفون حق امي وبنام لأن باجر عندي امتحان اول حصه
فهد : اوكي حبيبتي نوم العوافي شدي حيلج باجر الصبح بتلقيني عند باب المدرسه عشان تشوفيني وتحلين الامتحان عدل
عالية : ( تظحك ) اوكي يللا مع السلامه
فهد : مع السلامه
-----
- الصبح على الريوق -
ابو علي : المعاريس للحين نايمين ؟
ام علي : اي .. يقومون الساعه 9
ابو علي : ليش بيتنا فندق ؟
عالية : ( تاكل وتطالعهم ) يللا يبه تأخرت وراي امتحان
ابو علي : ( يتحلطم وقام طلع )
عالية : ( باست امها واطلعت )
ام علي : عموري حبيبي .. اليوم ماراح تروح الحضانه
عمر : ( يشرب عصير ) ليش ؟
ام علي : عشان بعد شوي راح انشوف علي
عمر : ( وقف وقعد يناقز ) علييي
ام علي : اي اهو الحين نايم فوق اذا قام راح ينزل وتشوفه
عمر : ابي اروح حق علي ( يركض بيصعد فوق )
ام علي : لا اقعد اهو يقوم بروحه بعد شوي
عمر : ( يبجي الا يبي يصعد )
ام علي نادت الخدامه عشان تودي عمر فوق حق شقة علي
عمر صعد معاها واول ما اوصلو الشقه قعد يطق الباب وينادي
( علي نايم حاط راسه على جتف منار )
منار : ( بطلت عينها و اهي خايفه ودزت علي عنها ) علي قووم
علي : ها منو شنو فيه ؟
منار : الباب
علي : ( قام طلع من الغرفه واهو يصارخ ) منو واشفيكم جذي اتطقون الباب
( منار البست الروب واقعدت عالسرير )
( علي بطل الباب جان عمر يقط نفسه عليه ويلم ريوله )
علي : ( ظحك وشاله ) اهليين بالبطل اللي مقعدني من الصبح
( راح لي الغرفه وطق الباب )
علي : منور معاي ريال قوي بيدش يسلم عليج اوكي ؟
منار : ( اظحكت درت ان هذا عمر ) اي اي حياكم
( علي قعد يمها عالسرير وعمر قاعد بحضنه واهو يطالع منار وساكت مايتكلم .. جان تسولف معاه مده لين خذا عالوضع وقعد يقرق )
علي : الحين انسي يخليج تنامين
منار : ( تظحك ) يهبل الله يحفظه
علي : ( يبتسم ويطالعهم ) حبيبتي بتردين تنامين ؟
منار : لا
علي : عيل انا بدش اسبح وبنزل اقعد مع امي اتيين ؟؟
منار : اي انا بعد بسبح وبعدين الحقك
علي : ( يبتسم ) اشرايج نختصر الوقت واندش نسبح وننزل نقعد مع امي ؟
منار : ( ويهها صار احمر وانحرجت و أشرت على عمر )
علي : ( يظحك ) هذا زين يفهم شنو يعني نسبح
عمر : ( يطالعهم ) ماما سبحتني شم شعري ( حط راسه بويه علي )
منار : ( اظحكت ) واتقول مايفهم اسم الله عليه يعرف كل شي ولا تتكلم جدامه مره ثانيه
علي : ان شاءالله .. ويللا يا اخ عمر روح حق ماما وانا بعد شوي انزل
---
ابو علي نزل عالية عند باب المدرسه ومشى .. بس اهي مادشت .. واقعدت تتلفت لين شافت فهد قاعد بسيارته ابتسم وأشر لها عشان اتدش المدرسه .. جان تبتسم له و راحت داخل ..
----
علي ومنار دشو الصاله لقو ام علي قاعده وعمر يشوف كرتون بالتلفزيون
علي باس راس امه ومنار سلمت عليها واقعدو يمها
ام علي : صباح الخير ان شاءالله نمتو عدل ؟
علي : ( يطالع منار ويبتسم ) اي الحمدلله
ام علي : يمه انا مفكره اسوي لكم حفله بالبيت ونعزم فيها معارفنا وتكون مثل عرس صغير اشرايكم ؟
علي : اي انا بعد مفكر بهالشي بس مو الحين .. لأن نبي نسافر شهر عسل ( يطالع منار ويبتسم ) واذا رجعنا انسويها ان شاءالله
ام علي : ( اقعدت تطالع منار ) ... على راحتكم
( تم علي يسولف مع امه .. ومنار اكثر شي ساكته او تسولف مع عمور )
----
بالليل يالهم عمهم بوسالم مع اعياله وعشان يتعشون عندهم وبالمره يشوفون منار
ساره : ( تساسر غلا ) ركزي عليها مو جنه عندها كرش ؟؟
غلا : مادري مايبين
ساره : بلا يبين .. مادري علي شنو شايف فيها
( عالية وندى قاعدين يسولفون مع منار )
منار : اي والله الثنوية احلى من الكلية بوايد
ندى : لا مادري انا مليت ودي بسرعه اروح الجامعه
منار : اي اذا رحتي بتفقدين ايام الثنوية وبذكرج
ساره : اللي يسمعج يقول الحين انتي كلش خلصتي الجامعه
منار : راح أكمل الكورس الياي ان شاءالله
ساره : وليش قعدتي فتره بالبيت ؟
منار : ظروف
ساره : قوليلنا ظروفج بالله .. ماورانا شي قاعدين
منار : لا ظروفي بحتفظ فيها حق نفسي
ندى : عالية اتقول انكم حجزتو وبتسافرون وين بتروحون ؟
منار : ايطاليا
ندى : متى تردون ؟
منار : مادري بس اتوقع بعد راس السنه بيومين
ندى : وناسه يعني تقريبا 3 اسابيع بتقعدون اهناك
ساره : ( تكلم غلا بصوت واطي ) وااي باطه جبدي ودي اروح اعطيها كف جدامهم
غلا : ( تظحك ) اشتبين فيها
ساره : مادري احس اني كارهتها وسوالفها مليقه قطيعه يعني تسوي روحها فاهمه بكل شي
----
مر جم يوم علي طلع سيارته من الوكاله وعثمان رجع من السفر وابو علي علاقته بارده مع منار ومايسولف معاها وعالية للحين كل يوم تكلم فهد مرتين مره العصر ومره بالليل قبل النوم .. صار وقت سفرة علي ومنار
ام علي : يمه ديرو بالكم ودقو اول ماتوصلون
علي : لاتحاتين اول ما اوصل راح اكلمكم
عثمان : يللا مافي وقت وراي شغل بقطكم وبمشي
ابو علي : توصلون بالسلامه ان شاءالله
علي : ( يبوس راسه ) الله يسلمك يبه
عالية : مو تنسوني كل شي حلو تشوفونه بطريجكم اشتروه لي
منار : ( تظحك ) ان شاءالله
علي : بييبلج شي واحد وكافي عليج
عالية : لا والله ليش يعني ؟
علي : ( ظحك و باس عمور ) وانت اييبك ايطاليا بكبرها .. ويللا كل عام وانتو بخير مقدما مع السلامه ( اطلعو راحو المطار مع عثمان )
----
عالية : اخوي ومرته سافرو اليوم
فهد : وين راحو ؟
عالية : ايطاليا .. يحظهم وناسه
فهد : انا اذا خذيتج راح اوديج أي دولة تخطر في بالج
عالية : صج ؟
فهد : اي اكيد صج .. زين عمري متى اشوفج ؟ والله ودي اقعد معاج ونتكلم بكل شي
عالية : نتكلم بالتلفون احسن .. ماقدر اطلع معاك
فهد : اي ليش يعني ؟؟ والله ودي اشوفج ولهت عليج وفترة دقيقه قبل الدوام ودقيقه بالهده ماترضيني .. انا ابي اقعد معاج على راحتي
عالية : ( ساكته )
فهد : حبيبتي عالأقل براس السنه ودي اكون معاج
عالية : متى يعني راس السنه تقصد بالليل ؟؟
فهد : ( يظحك ) لا وين قاعدين اكيد مو بالليل .. بس يعني بتاريخ 1 عالسنه اليديده ابي اقعد معاج حتى لو دقايق.. بس بعطيج هدية راس السنه
عالية : لا مابي هدية مولازم
فهد : بلى لازم وبعطيج احلى هدية بعد
عالية : واذا اسألتني امي من وين هالهدية شقول ؟
فهد : قولي من رفيجتي اصلا حتى اهلج راح يستانسون عالهدية .. ويللا الحين نامي حبيبتي وانا بعد بنام تصبحين على خير
عالية : وانت من اهله مع السلامه

 

[NaB'9 QaLBi]

weeeeh hathaa shnu bswi ib 3alya
@@!
alpart 7da yshweeg
allah y36ech al3afya o thanx 7bibtii ;*****8

 

[ReRez]

تسلمييين يا نبض قلبي والله انتي اللي تشوقين ^_^ وان شاءالله باقي بارتين وتنتهي القصه خليج معانا
ثااانكس

 

[cute princess]

wei wei wei wei hatha shybi eysawi feeha :| la troo7 el mynoona
nice part tati tslmeen ;*

 

[ma3boocha]

تسلم ايييدج حبيبتي على البارت الحلو....

همممممممممممم.... الاحداث بدت تبرد... البارت الياي عطينا فيه شوي أكشن

يالله حبيبتي see you sooon في بارت يدييييييييييييييييد

 

[MC ANFAL]

uuuuppppp

 

[دانه الاكوله]

بعد عمرى ريريرى ماقصرتى يعنى انتو قريب منا بس والله لوتشوفين عيالى توم جيرى تنحشين من بيدكم ويطلعون اهلج من بيتهم حيل مزعجين واسالتهم ماتخلص مشكوره على دعاء يشفى مرضانا ومرضا المسلمين اجمعين ريريرى البنت صج تزوجت على وستر عليه وعاليه قصته صج ممكن توضحين شنوالوقع وشنو الخيال وبس ماشااالله عليج شاطره الله: يحفظج من كل مكروه :balo::balo:

 

[XxSaruxX]

wiii leiish matsweinaaa part wa7iiiid w t5ali9 !!!! ;p yne 5alai partein fe wa7iid plllz wallah mayeta 3la ilqe9aa !!! w ilweek ilyay kila emti7anaaaaaaat !! w magdar ashbiiik kiliiish 7daa thayeg 5lge abeee t5ali9 ilqe9a eb halweekend plllz plllz 7awlaai wallah magdar ashbik la ilesbou3 ilyay wla ely waraah bag3ad adriiis !! allah y5aleiiich 7awlai 3shan 5a6re

 

[XxSaruxX]

ambeeih :S nseeit agoulich mashkouuraa 3la ilqe9a il3ajeibaaaaaaa il9ra7a a7la qe9a !! gareit'ha !! THANKU:*

 

[katko0o0ta99]

يسلمووووووووووووو ريرررى

بس هالبارت عادى ماكو فية احداااث ولا اكشناااااااااااااااات

ومسود الويه فهد الهدية الى بعطيهياة اكيد بياخذ شرفها قطيعة تقطعة

 

[ماسيتي]

انا بصراحه تابعت القصه صارلي 3 ايام وبصراحه مممممممممممممممممممممممممبدعه يعطيج العافيه قلبي

 

[ReRez]

اي بنات هالبارت مافيه احداث لأن خلاص القصه بتخلص قريب و اذا تبون مثل ماقالت ساروونه
اخلي البارتين باجر سوا سوا يعني بارت واحد واخلصها احسن مووو؟؟؟

 

[**بحة الشوق**]

اي بليييييييييييييييييييز خلصيهم بسرعه لانه عندي الاحد امتحانات المدترم بتبدى ..

بليز لا تتأخريين علينا ..

فديتج ما تقصرين ..

 

[ونة الم]

روووعه بصراااحة
يلا بنتظـــــــــــــــــــــــــــرج بكره ان شاءالله
عاد مانبيها تخلص بس يلا ان شاءالله بعد بتنزلين لنا قصه حلوه نفســــــــــــــج

 

[ReRez]

تسلمون حياااتووو .. اول ما انزل قصة غيرها طيران اقووولكم ^_^

 

[مـ سهله ـو]

الللللللللللله يستر امبيييييييييييييه