الفايده يا بنات جزاكم الله خير

[ألوي الكويت]

ألوي الكويت...

تلقيح صناعي كلفج هالكثر؟؟ أنا سامعه إنه ب 60 دينار!!!!!

يا الله حسبي معاي

كلوميد + أبر منشطه Puregon يعني أقل شي بتعطيك 7 أبر والأبره 18 دينار بس هي مسويتا خصم 14 دينار المجموع 98
ضيفي الكلوميد يمكن 2.500 يعني المجموع 100.500 دينار

الأبره تقزينهه عندهم بدينار وعند الهادي بنص دينار
أنا ما أقزها بالمستوصف لأن السسترات ما يعرفون
7 دنانير بس قزت الأبر اذا عند الدكتوره واذا بالهادي 3 ونص

مراجعه ثاني يوم الدوره 20 دينار + سونار 20 دينار يعني 40 دينار

مراجعه ثامن يوم الدوره14 دينار
وهي مسويه متابعة التبويض عليه خصم 3 سونارات 30 دينار
14+30 المجموع 44 دينار
بعد لا تنسون ابرة التفجير تطلع تقريبا 6 دنانير 1 بودر+2 ماي
التلقيح الصناعي 70 بدون فلتر 80 مع فلتر
الاعاده ثاني يوم 10 بدون فلتر 20 مع فلتر
ملاحظه خميس وجمعه التلقيح يزيد 10 دنانير لأن يعتبر يوم خفاره

الحين خلصتي التلقيح تعطيك مثبت علبتين duphaston سعر العلبه الوحده
5.780 ضربيهم بعلبتين المجموع11.560 دينار

المجموع النهائي
100.500 أبر وكلوميد
6 دنانير ابرة التفجير
4 دنانير قز ابر من باب النازل اذا الابره بنص دينار
11.560 مثنت
المراجعه ثاني يوم الدوره 40 دينار
المراجعه ثامن يوم الدوره 44 دينار
التلقيح مع فلتر 80 + الاعاده مع فلتر20 المجموع 100 دينار

يعني المجموووووووووع
305 دينار
طبعا قبل العلاج تقولك تحليل هرمونات وال اخره يعني الواحد لازم يعمل احسابه

اللهم لا تذرني فردا وانت خير الوارثين

 

[bnt_kwt]

الله يعوضنا بالخير والصحه ياااااااااااارب
والفلوس تروح وترد بش شوفه الضنا حيييييييييل غاليه

الله كريم انشالله وما يقصر والصبر زين يا بنات

me
لاتخلين اليأس يدش بقلبج وحياتج ترا كل شي راح تحسينه ضدج اذا يأستي عادي الناس ياما بتشوفين منهم

ما عليج الا انج تسعين بالعلاج

وتهتمين بنفسج وبريلج وابيت

وما عليج من احد والله اذا بيرزقج صدقيني راح يرزقج بس لا تيئسين من رحمته وكرمه وعفوه علينا

 

[bnt_kwt]

حياج المكان مكانج وعزيزه وغاليه

 

[رماديه]

بنات مو مهم الفلوس ، الفلوس اتيي واتروح ، والله لما الله يرزقكم واتشوفون اعيالكم جدامكم والله را تنسون الدنيا باللي فيها.

عيل مستشفى لندن طفل الانابيب فيه مع العلاجات اللي قبله تكلفتها 2400 دينار بما فيه اول ما اتروحين التحاليل اب 100 واشوي عمليه منظار بطن ومنظار رحم اب 650 و المنظار هذا لازم اتسوينه لأن الدكتور ما يرضى يسوي طفل الانابيب الا لما يتأكد ان كل شي سليم وما عليه اذا كنتي قبل امسويه منظار ابمستشفى ثاني ولازم اهو يسويلج وفي ناس يسويلهم منظار بس عالرحم على حسب الحاله ويكلفهم المنظار 380 والأبر تكلفتها توصل 380 تقريبا والعمليه اتكلف 870 والمراجعات لازم كل مراجعه فيها تحليل دم وسونار يعني كل مراجعه تدفعين 38 دينار وتجميد الأجنة اب250 لمدة سنه كامله والغرفه اللي ترتاحين فيها بعد العمليه اب 160، يعني اللي يبي يروح مستشفى لندن لازم يكون عامل احسابه وحاطله افلوس راهيه حق العلاج.

وابصراحه اعرف وااااايد ناس متسلفين و رايحين يعالجون بعد شيسوون إذا مستشفى الصباح يقولون موعدكم ما إيي إلا بعد سنتين أو ثلاث وفي ناس قايلينلهم اكثر.

الله يعين الجميع ان شاء الله يارب.

 

[bnt_kwt]

الله كريم يا رماديه
والله يكتب لنا اللي فيه الخير

 

[طوق البنفسج]

الله يرزقكم الذريه الصالحه .. و يقر عيونكم بشوفت عيالكم

 

[رماديه]

طوق البنفسج

تسلمين يا عمري على هالدعوه الحلوه ويزاج الله خير وكثر الله من امثالج.

 

[bnt_kwt]

مشكوره طوق حبيبتي وما قصرتي

 

[جارة القمر]

bnt_kwt


الله يرزقج حبيبتي

علي قد نيتج يا قلبي

 

[bnt_kwt]

جارونه ويرزقج معاي يا عمري قولي امين

 

[جروح تبتسم]

السلام عليكم بنات ... بنت الكويت حبيبتي ان شالله ربي يرزقج يارب ويفرح قلبج قريب
لاتخافين يالغاليه كل شده تزول ومافيه شي يتم على حاله .. بهالزمن مافي شي اسمه عقم .. الطب تطور
انا دخلت اليوم القسم بقولكم سالفه حماتي ... تزوجت 3 سنوات مايابت عيال .. سوو فحوصات قالو بويضاتج مايكبرون مادري ضعاف المهم .. قالت بجرب سوره البقره وغسلت من الدوره .. من ثالث يوم لين قبل موعد دورتها تخيلوووووووو كل يوم تقراها والله العظيم والله حتن يوم اليمعه لمن انزل تحت زواره ماتقعد يمنا تقعد بدارها وتقرا .. اقولها تعالي تغدي .. يقول مافيه وقت توني بديت ادعي لها واطلع
والله العظيم حملت نفس الشهر ...
والله على مااقول شهيد ... اللي تقول مافيني شي لا انا ولا زوجي جربو اقرو سوره البقره ترى لها سحر عجيب...