الفايده يا بنات جزاكم الله خير

[bnt_kwt]

السلام عليكم خواتي
اشلونكم كلكم وعساكم بخير وطيبين انشالله
عندي اقتراح وفكره واتمنى الكل يتجاوب معاي
علشان تعم الفايده على الكل

يا بنات كلكم تعرفون انه مواعيد اطفال الانابيب بالحكومه خياليه وطبعا منو منا راح تنطر 4 او 5 سنين بس علشان تسويها بالحكومه

بهالموضوع ابي اطلب من كل وحده سوت عمليه طفل انبوب او تلقيح صناعي
تتكرم وتجاوبنا على هالاسئله علشان الفايده تعم علينا كلنا والله يكتب لنا اللي فيه الخير

1 - وين سويتي العمليه انابيب \ تلقيح ؟

2 - جم كلفتج ؟

3 - بعد جم محاوله انجحت معاج العمليه ؟

واكون شاكره لكل وحده تحب الخير حق غيرها وتتجاوب معانا

يالله انطر ردودكم

 

[bnt_kwt]

هلا إختي .. والله انا ما عندي فكرة...أنا متزوجه من 5 سنين وللحين ماعندي ياهل. واحتمال أسوي تلقيح صناعي أو طفل أنابيب بس بعد جم شهر. فيايت اللي سوت تفيدنا والله يرزقج ويرزقني ويرزق كل محرومة ... آمين يا رب العالمين

مشكوره حبيبتي على مداخلتج وانشالله ربي يرزقج ويرزقنا بالقريب القريب العاجل

 

[bnt q8 in usa]

عسي الله يرزقكم يارب الذريه الصالحه اللهم امين

 

[أغصان]

هلا اختي

1 - وين سويتي العمليه انابيب \ تلقيح ؟
سويت عملية انابيب (الحقن المجهري ) لأن المشكله من زوجي وهو ضعف وبطء حركه
عند الدكتور منصور الصليلي بالجهراء

2 - جم كلفتج ؟
1500 دينار العمليه + العلاج
واذا كررتيها عنده مره ثانيه ينقص 100 دينار من قيمة العمليه

3 - بعد جم محاوله انجحت معاج العمليه ؟
للأسف سويتها مرتين عنده ومانجحت
ويمكن اكررها عنده مره ثالثه ان شاءالله

واي استفسار انا حاضره

 

[bnt_kwt]

قلب الحب
حبيبتي الله يكتبها لج بالمره الثالثه يااااااااااارب
وعلى قولتهم الثالثه ثابته ياااااااااارب وتفرحين وتفرحينا معاج يا قلبي
بخبر حملج قولي امين

 

[bnt_kwt]

*me*
الحمدلله على كل حال حبيبتي والله يعطينا ويرزقنا مثل ما رزق غيرنا

وحياج انشالله معانا


ابنيتنا بأمريكا حبيبتي ربي يوفقج دنيا واخره وما تتصورين اشكثر يريحني دعاائج لنا يا قلبي الله يخليلج عيالج ويخليج لهم والله يجزاج خير

 

[جكورة]

عسى الله يرزقكم بالذريه الصالحه أجمعيــــن...


بنات سؤال بره الموضوع شنو الفرق بين التلقيح والأنابيب .... أسفه بنت الكويت على الإضافه بس عشان توضح الامور عندي

 

[bnt_kwt]

هلا جكوره حبيبتي لا عادي افا عليج انتي عزيزه وغاليه وسؤالج حلو بالعكس في وايد ناس ما يدرون شنو الفرق

انا اقولج باختصار

التلقيح الصناعي اهو اخذ عينه من السائل المنوي للزوج وتقويه الحيوانات وتنقيتهم وحقنهم بواسطه ابره ضعيفه ( انبوب ) في رحم الزوجه مباشره يعني الزوجه بس تاخذ المنشطات والابر التفجيريه والحقن بالسائل المنوي
ونسبه نجاح العمليه من 25 %الى 30 % وكله بيد رب العالمين ووايد ناس انجحت معاهم من اول مره

واطفال الانابيب اهو نفس خطوات العلاج بالنسبه للزوجه بس بعدين يتم سحب بويضات من الزوجه وتلقيحهم بالسائل المنوي للزوج اللي يكون طبعا محضر خارج الرحم ويتم استرجاع البويضات الى الرحم ونسبه نجاح اطفال الانابيب طبعا اكبر من التلقيح الصناعي
مع العلم انه النتيجه مو من اول مره يعني في ناس ممكن من اول عمليه طفل انبوب تنجح معاهم وفي ناس لا بعد محاوله او ثنتين او ثلاث او او او يعني كله بعلم الغيب سالفه نجاح او فشل كلا العملتين

وانشالله تكون معلوماتي صحيحه مع خبرتي البسيطه بس من كثر ما قريت وسألت قمت اعرف

وانا جربت التلقيح الصناعي مره والله ما كتب لي وانشالله بكررها بعد

 

[bnt q8 in usa]

حياتي هذا واجبنا اتجاهكم انه ندعي لكم بالذريه الصالحه
ورحمة واسعه ياقلبي وكل شي عنده بمقدار اهم شي اليقين انه الله سبحانه بيعطيج بأذن الله

 

[-Bello-]

بنت الكويت مسويه حركات بروحج هني وانا ويني عنج جان ناديتيني اسويلج جو شويه لووووول سوري داشه عرض يالله عسى ربي يرزقنا ويرزق كل من تمنى قووولي امين حجيه خخخ

 

[جكورة]

يعطيـــج العافيه بنت الكويــــت على التوضيـح وإن شاء الله تسوينها وتنجح وتجيبين تؤام بإذن الله بس لاتيأسين من رحمة ربــج...

 

[bnt_kwt]

بنوتتنا بامريكا الحمدلله انه الله يحبنا ومسخر لنا ناس يدعون لنا وانتي منهم يا قلبي

البنوته ههههههههههههههه ما تحتاجين عزيمه بالموضوع علشان اللي تنوي تسوى العمليات بره مو بالحكومه تستفيد من تجارب غيرها

جكوره حبيبتي مشكوره على دعوتج اللي تهبل وانشالله املنا كبير برب العالمين وسواء في يهال ولا مافي الف الحمدلله والشكر

 

[ألوي الكويت]

أنا سويت تلقيح صناعي
عند دكتوره ماجده اليتامي بدار البراء كلينك
تكلفة التلقيح 300 الي 315 دينار تقريبا
شامله المراجعات والسونار والأدويه والتلقيح مع الاعاده
سويتها مرتين
النتيجه ما حملت والحمدالله علي كل حال
انا الحين مريحه صارلي شهرين
والمره اليايه اما اسوي تلقيح للمره الثالثه او اتجه للأطفال الانابيب
ملاحظه مع العلاج يصير في بويضات وتكبر والحيوانات المنويه زينه
بس الله ما كتب
اللهم لا تذرني فردا وانت خير الوارثين

 

[-Bello-]

ألوي الكويت ..الله يعوضج خير يارب ومن غير لاتحتاجين لاي علاج

 

[bnt_kwt]

الله يعوضج خير يا الوى الكويت
ويرزقج ويرزقنا بالذريه

 

[bnt_kwt]

صح انا بعد اللي اعرفه انه ما يكلف هالكثر

 

[رماديه]

آنا سويت تلقيح صناعي 6 مرات وما نجح

سويت 3 محاولات عند د فوزيه القطان و3 محاولات ابمركز طفل الانابيب بالصباح

تكفة التلقيح الصناعي عند د. فوزيه القطان 100 دك تقريبا والله ماني ذاكره بالضبط.

ان شاء الله ربي يكتبلي الحمل ابطفل الانابيب لأني يأست من التلقيح الصناعي اللي المفروض انه يكون بس محاولتين او ثلاثه لأن نسبة نجاحه قليله.

وشي ثاني حرام كل هالابر والمنشطات على تلقيح صناعي وآخر معلومه سمعتها ان هالبويضات اللي قاعده اتروح منا كلها من رصيدنا وفي ناس وصلوا لسن اليأس بعمر 35 سنه بسبب هالمنشطات، وما ادري اذا كان هذا الكلام صحيح والا لأ بس وحده قالتلي اياه وخرعتني ابصراحه.

 

[رماديه]

*me*
اختي ليش يأستي وتعبتي شكلج دكتورتج وايد امطوله معاج العلاج.

قوليلي شنو المنشطات اللي اخذتيها وجم مره كررتي استخدام المنشطات لأنها مرحله قصيره بعدها يبدأ التلقيح الصناعي ، وطبعا كل شي بيد رب العالمين ومثل ما في ناس قاعده تحمل طبيعي في ناس تحمل عن طريق المنشطات وفي ناس ما تنفعها المنشطات تتجه للتلقيح الصناعي وفي ناس ما ينفعها التلقيح الصناعي تتجه لطفل الانابيب وحتى طفل الانابيب أو الحقن المجهري نجاحه مو مظمون يعني 40% والا 50% وتختلف النسبه على حسب المركز.

ونرجع وانعيد ان كل هذه العلاجات وقبل كل شي إرادة رب العالمين تفوق كل ما توصل له الطب ، وهذي الاشياء ماهي الا مجرد وسيلة سخرها الله لنا و وضعها عل وعسى يكون لنا فيها تفريج لهمومنا و ان شاء الله نتوصل للشي اللي احنا نبيه.

قبل لا تيئسين توكلي على الله واحسني الظن بالله لأنه قادر على كل شيء وقادر على ان يرزقك من غير علاج فقط عليك بالدعاء والالحاح فيه وان شاء الله اتحملين طبيعي من غير علاج لأن في ناس وايد حالتهم ميئوس منها واحملوا لما تركوا العلاج وتوكلوا على الله.

وحتى العلاج وسيله مثل ما قلتلج وعليج ببذل الاسباب لأن علاج العقم يحتاج لصبر ومثابره لأنه مو بكل مره راح ينجح العلاج.

 

[رماديه]

اختي انتي سويتي اشعة الصبغه؟؟

جربتي الرقيه الشرعيه؟؟؟

قريتي سورة البقره يوميا لمده سبع ايام انتي وزوجج؟

ترى خمس سنوات مو اشويه تقعدين بس على منشطات ليش ما اتسوين تلقيح صناعي حتى لو ما فيكم شي آنا اعرف ناس ما فيهم شي والحين قاعدين يسوون طفل انابيب لأن في ناس مثل حالتكم ينفع معاهم طفل الانابيب.

آنا اقول روحي حق دكتور حازم الرميح ابمركز الشعب التخصصي والا روحي مستشفى لندن صج انه غالي بس زين.

الله يرزقج ان شاء الله يارب وماشاء الله عليج شكلج صبوره اللي قعدتي كل هالمده من غير لا تلقيح ولا انابيب.

 

[kankona]

هاي بنات
انا اعرف كذا وحدة امسوية طفل انابيب في مستشفى لندن عند دكتور اسمى باتريك بس علاجهم غالي التلقيح الصناعي ب 85 و طفل الانابيب ب 875 بدون علاج
انا بروحلى الشهر الياي ان شاء الله واقولكم كل شي يصير معاي
وربي يرزقنى و يرزق كل محروم بالذرية الصالحة يا رب