الفاظ زوجي ما تعجبني !

[Miss McDonald]

رد : الفاظ زوجي ما تعجبني !

.



بيت أهلج عآد @@ !
جان طلبتي الطلاق مرة وحده !

 

[شقرديـه عالطل]

مشكلتج تنحل بالتفاهم
وروحتج لبيت اهلج مالها داعي

 

[ضايعة بدنيتي]

من جدك راايحة بيت اهلك وزعلانة عشاانة يتكلم بهاللاسلوب ؟؟ لاا اااانتي ااصلا باايتة في بيت اهلك ومطـنشته يعني زعلانة منه ؟؟؟

في االحاالتين .. غلطـتي .. قومي يبه شيلي قشك وروحي بيت رجلك ولاتصغرين عقلك ترى الي انتي فيه ولا شي. والفاظه تقدرين تغيرينهاا مع الوقت وهو متعود على هالألفاااظ مع ربعه عشان كذا تشوفينه يقولهاا لك .. وعن كلامه عن االممثلات نصحيه من باب الخوف من االله وذكريه بالاستغفاار ومع االوقت راح يركد

ربي يهديكم

 

[مزيونة الاداب]

تطلقي

 

[اسمي بين الاسامي]

امبيه شنو المشكله علشان تروحين بيت اهلج

ترا هذي احنا نسميها يالبدو نفيييييييييسه

واااااي ياكثر الطوط ابيتي يامعوده ردي ردي لرجلج جعلها اكبر المشاكل ان شاءالله

 

[غــلآ]

رد : الفاظ زوجي ما تعجبني !

السلام عليكم

ماعرف مقدمات بس ببدا على طول

زوجي متمادي يابنات يقول لي الفاظ ما احبها :eh_s(14):

مثل يا حيوانه على ظحك ولمى اقوله لاتقول جذي يقول اضحك ويرد يعيدها انتي حيوانه

او امس قلتله ابي قلاص ماي كان قريب عنده قال مابي مالي خلق وانا زعلت ولفيت وقالي انقلعي عقلج صغير

واذا شاف فنانه يقول هاذي طوط .... اقوله انت شكو لا تحط بذمتك الله يبليك مثلهم ويرد يتكلم ويقرهني ومايحسب لي حسان اني مرته والمفروض يحترمني


بنات شلون اوقفه عند حده ؟

انا زعلانه بيت اهلي واهو مايدري عني ما كلف نفسه يقولي ليش مادقيتي علي

لووووووووووووول بيت اهلج مرة وحده عشان قالج مالي خلق ؟؟ او عشان قالج ياحيوانه !!

شوفي حبيبتي

اكو طبع اغلبنا يجهلونه بالرياييل

الريال اذا صرتي انتي عنتر عليه يعاندج



يعني مثلا يوم قالج ياحيوانه يوم شافج عصبتي وزعلتي ورحتي بيت اهلج النتيجه كانت انه ( طنشــج )

المســأله كلها حلها سهل ترى ومايحتاي تكبرينها جذي عيل لو متزوج عليج شبتسوين ههههههههههههههههه

حبيبتي

اخذي الامور ببرود وطوله بال وهدوء
ليش العصبيه العصبيه ماتحل شي بالعكس تزيد الامور وتشربكها اكثر

ثاني مرة لاقالج ياحيوانه

بكل دلع وضحكه شطانــه قولي له اكيد قصدك قطوه صح ؟؟ وطبعا تلزقي فيه

اذا قالج مالي خلق ضحكي بكل برود ( مو ضحكه استفزاز ديري بالج ) ضحكه بريئه وقولي اصير لك خلق

اذا قال الممثله الفلانيه طوط ماله داعي تعطينه محاضره شطولها
ضحكي وسكتي
او قولي اكيد دام انا عندك كل الناس بعينك طوط

اخذي الامور ببرود ترى الوضع مايستاهل والريال حاب يقط الميانه معاج لا اكثر !

وحبيبتي ترى الرياييل بهالمواقف اللي يتوقعون منج رده فعل عصبيه وانتي تعطينهم العكس يعني ردج يكون بكل برود ودلع يحبون الايحاءات الجنسيه والاغراء البرئ معاه

شووفيه يقولج حيوانه مرة ثانيه ؟؟

او يقول فلانه طوط ؟

او يقول مالي خلق ؟؟

وحتى لو قال ردي قولي له نفس الرد وغيري ايحاءاتج

النتيجه بالاخر

ان بيشيل فكره العناد من راسه ( اللي يطلع عناد لاشعوري منه على فكره )


انا ماقولج ان الفكره بتصيب من بدايتها وطبعا انتي وشطارتج

بس اضمن لج ان بالنهايه لو بعد 100 محاوله راح تنجح

بس ديري بالج تصيرين عليه عنتر زمانج وتصرخين وتحاولين تفرضين رايج لان النتيجه بتكون عصبيه وهواش ومحد طايق الثاني وبالتالي تفقدين انوثتج بعينه

فبدل ماتخسرين كل شي

كسبي كل شي وفوقهم اسلوب حلو منه ​

 

[! بــدويه وآآيــد !]

،


امبيييه بنات شنو عادي ؟؟ عادي زوجها مايحترمها ويمصخرها ويسبها @@


اول شي لاتبينين له انج زعلانه في بيت اهلج ردي بيتج عادي وقعدي عادي واذا قال ياحيوانه قولي ليش حيوانه شايفني جلبه والا حماره ؟ انا اذكر مره كنا نتغدى سمج وحطيت لبن قال شوف الحماره لبن وسمج مو زين والله انا هني انصصصدمت وقلت له مايكلم الحماره الا الحمار وانا مو حماره وقمت عن غداي وزعلت بس انا قطيت هالكلام لان واثقه زوجي مو عصبي ولايصرخ علي لكن انتي ادرى باسلوب زوجج وبعدها ماعادها ولا قال شي وتاسف وقال والله انج تاج ع الراس وقص لساني بس انتي مو كل ربعي وناسي وتعاملت معاج بميانه وخايف عليج قلت له مابي اسمع هالكلام مره ثانيه انتي لاتسكتين هالكلام يقهر شنو عادي لا حبيبتي لاتصدقين الي يقول عادي انتي انسانه وتشاركينه حياته مو حيوانه عنده ديري بالج تسكتين ردي بيتج واذا قالها زعلي زعله في بيتج مو بيت اهلج ولبسي وكشخي وارتزي جدام التلفزيون ولاتردين عليه قولي له ليش تكلم حماره ؟ ليش تكلم حيوانه يشرفك !! وتفاهمي معاه والله يهديه هذا اسلوبهم زفرر

 

[اميره1980]

حبيبتي ترا ريلج شباب و للحين مو مستوعب انج مرته لان اغلب الشباب بينهم و بين بعض عندهم عادي السب
قعدي وياه بروحج و تفاهمو و وضحيله ان هالشي حاز بخاطرج و انج ما تحبين احد يقولج جذي بس بهدوء و شوفي بينج و بينه مو جدام اهلج و لا اهله
الله يسخركم لبعض يا رب