~ الـكـويـت لـمـن أحـبـهـا ..!

[وحشني شوف الكويت]

{ السلام عليكم ورحمة الله وبركاته }

تحت رعاية وحضور حضرة صاحب السمو أمير البلاد الشيخ صباح الأحمد الجابر الصباح حفظه الله ورعاه أقيم صباح اليوم الاوبريت الوطني
( الكويت لمن أحبها )

..

وقد شهد الحفل سمو ولي العهد الشيخ نواف الأحمد الجابر الصباح ومعالي رئيس مجلس الأمة جاسم محمد الخرافي ومعالي كبار الشيوخ والوزراء والضيوف من القيادات السياسية

..

وبدأ الحفل بالنشيد الوطني ثم تلاوة آيات من الذكر الحكيم بعد ذلك بدأ الاوبريت الوطني حيث قامت مجموعات من طلبة وطالبات المراحل الدراسية المختلفة فى مدارس وزارة التربية بتقديم لوحات فنية مختلفة التي عكست روح الولاء والانتماء لهذا الوطن وجسدت تلاحم ابنائه فى مختلف الظروف

..



* أخليكم مع الاوبريت

http://www.youtube.com/watch?v=KCqS3KTmofE


http://www.youtube.com/watch?v=NjN2RB8CaBQ


http://www.youtube.com/watch?v=y06pRMJShO4


http://www.youtube.com/watch?v=Cy2VT4TZYyM


http://www.youtube.com/watch?v=7uR3Oud8kzY

 

[كويتيه رزتها ملكيه]

وعليكم الســـــلام

يااالبى قلبج يااامسز كيرلى اااحيـــــــــــج على هالمشاااعر الكريمه تجاه بلدج الثانى الكويت 00وربى انج كويتيه اكثر من بعض الكويتين 00وتستاهلين تكونين مواطنه كويتيه مع مرتبه الفخر :aha:
من كثر مانى متشوقه اشوف الاوبريت لانى سمعت عنه بس ماشفته 00بس ماقصرتى حبيبتى حطيته المقاطع الحلوه منه:e3:

حيااااااااج الله بيننا فى وطنج الكويت وتنورين هالديره الطيبه وتعطرينها يريح المسك والعود الاصيل00ويالبى قلبك الله يحفظج ياارب

 

[.:!:. ونس .:!:.]

مشكوره فديـــــــــتج
عاد قاعده ادوره باليوتيوب مالقيته من كثرماعجبني بشوفه مره ومرتين الف
جد ابداع هالابرويت غير غير عن كل سنه حيل تحسين مدخلين التكنلوجيا بالذات بفقرة اهل البحر شلون السمج وراهم
واول فقره اكيد اللي ياهل الكويت فجو الروادو
وطبعا الشباب والجهال ماقصرو بدعو برقصاتهم بالذات اول فقرتين حيل ضبطو العرضه
والبنات بدعو بدعو يهبلون
وفقرة حولي تهبل بعد
تبين الصج كل فقره احلى من الثانيه يجنن بمعنى الكلمه حتى الملابس روعه حيل عجبني
شفته امس الصبح انا وامي

 

[.:!:. ونس .:!:.]

اي و نسيت بعد شغله
احلى شي لما بالختام جات بنيه تهبل ماتشوف الله يشفيها
واهدت لبابا صباح رسمه كاتبه فيه الكويت الله يحفظ البنيه بس شكلها حيل مستحيه

عسى دوم افراح الكويت
والله لايفرقنا عن بعض
ثانكيو اقين

 

[• MuFFiN •]

ميرسي عاد كنت ابيه بنت اخوي واختي فيه وطالعين وقلت بنزل الفقره مالتهم


وانتي ماقصرتي لبى عمررررج ..


بنات ترى صج بذلوا جهد مو طبيعي كانوا ياخذون بناتنا من 6 الصبح لي 9 بالليل بقصر بيان والشيخه امثال ماقصرررت ,,

بس اشوى التعب ماراح ع الفاضي فدييييييت الكويت والله


ميرسي اقييين مسووو

 

[ملواكي]

مشكوره ويعطيج العافيه

 

[PinkY Dreams]

واااااااااااااااااااايد حلو الاوبريييييييت

بس انا حدييي انصدمت

أول مابدا الاوبريت توا بادي حطوا الكاميرا على الشيخه امثال تبوس الشيخ محمد الصباح خد؟
انا استغربت خخخخ قلت بقلبي ليش اهم شيصيرون حق بعض ؟ انا قلت يمكن اخته برضاعه او شي جذي ولا مايصير تبوسه خد يعتبر ولد عمها او ولد خالها خخخ

و اخر الاوبريت بنات برابعه متوسط كبار كل وحده بالغه امبين وكل وحده اطول من الشيخ صباح و يبوسون الشيخ صباح خد مادري انا كشيت تخيلت نفسي استحيت خخخ

وبعضهم كاشتين بشيخ نواف ماأنتبهوا من اللويه لوول


بس لبسسسسسسسهم عجييييييييييب

وخاصتن في بنات بأحد الفقرات لبسهم مو صج وايد حلو عجبني

الي لابسين دراعه خضره وايد حلو لبسهم وجان زين حطوا اسامي المدارس وكل مدرسه ومنو مصمم ملابسهم

واحلى فقره الصبيان بالعرضه بفقرة البدوي الي يدق ربابه هههههههه يهبلوووون الصبيان واهم يرقصون يحلييلهم هههه


عموما الاوبريت وااااااااايد حلووو

بس اغلطوووووووووا و ماحطوا كل فقره واسم المدرسه وياليت كانوا كاتبين اسامي المصممين والمدارس والي ماعجبني لبس احد المدارس البنات الي لابسين اصفر ووردي بصراحه مو حلووووو شسم هالمدرسه ماعندهم ذوق شنو بنطرون وردي و قميص اصفر بصراحه مو حلو لبسهم خخخخخ المفروض يخلون لبسهم حلو علشان البنات بعدين يستفيدون منه بحزة القرقيعان دامهم دافعين فلوس حق اللبس خخخخخ

 

[كويتيه والنعم]

^^
اعقب على كلام اختي اللي فووقي
البناات اللي سلموو على الشيخ صباح يبينون صغاار ويهم صغير ماعليه اذا كاانت طويله بس بعد اهيا صغيره والمتوسط ترى يهال موو كبار
وموو مبين عليهم انهم بـ 4 متوسط مبين عليهم اصغر لان ملامحهم صغيره والنهايه الشيخ صباح ابوونا كلنااا وكل من يتمنى يسلم عليه

والصراحه الاوبريت حده عجيب

وبالنسبه حق ملابس الاوبريت ترى كل الملابس من تصميم المصممه نهى المنصوور اهيا صممت الاوبريت اللي فاات وهالاوبريت كل الملابس من تصميمها ماشاء الله واايد حلووين

 

[دلوعة*ريلي]

وبصراحه الاوبريت كان واايد حلو
عاد ولد اخوي واخوي الثاني كانو مشاركين بفقرات الاوبريت

 

[PinkY Dreams]

^^
اعقب على كلام اختي اللي فووقي
البناات اللي سلموو على الشيخ صباح يبينون صغاار ويهم صغير ماعليه اذا كاانت طويله بس بعد اهيا صغيره والمتوسط ترى يهال موو كبار
وموو مبين عليهم انهم بـ 4 متوسط مبين عليهم اصغر لان ملامحهم صغيره والنهايه الشيخ صباح ابوونا كلنااا وكل من يتمنى يسلم عليه

والصراحه الاوبريت حده عجيب

وبالنسبه حق ملابس الاوبريت ترى كل الملابس من تصميم المصممه نهى المنصوور اهيا صممت الاوبريت اللي فاات وهالاوبريت كل الملابس من تصميمها ماشاء الله واايد حلووين

صح كلامج بس امبين انهم بنات ثالثه متوسط ورابعه متوسط امبين من اجسامهم كبار امبين بالغين كل وحده صدرها شكبره واطول من الشيخ صباح الظاهر تدودهو ههههه بس والله فشله ولو حتى لو شيخنا حبيبنا ابونا كلنا الله يحفظه بس يعتبر ريال غريب حتى لو كبير بالعمر مو محلل لنا وعلى هالبنات الي باسووه :eh_s(10): انا اتوقع تدودهو ماألومهم هههههههه

بس انا ابي اعرف الشيخه امثال شتصير حق الشيخ محمد الصباح ؟ قاعده اسوي سيرج بقوقل ماكو شغل هههههه

اهاااا نهى المنصور مشكوووووره خيتووووو خنسوي سيرج نشوف تصاميمها

 

[• MuFFiN •]

لوووووووول لا ترى مو دافعين ولا شي البنووتات وصاجه بناتنا بيستغلووون اللبس مالهم حق القرقيعان امس يقولون خخخخ اشوى ان لبسهم حلووو كانوا الفقره الثانيه ..

وصاجه المصممه نهى المنصووور اهيا صممت كل الاوبرييييت بس الشيخه امثال كانت تعطي رايها بالالوان

 

[PinkY Dreams]

لوووووووول لا ترى مو دافعين ولا شي البنووتات وصاجه بناتنا بيستغلووون اللبس مالهم حق القرقيعان امس يقولون خخخخ اشوى ان لبسهم حلووو كانوا الفقره الثانيه ..

وصاجه المصممه نهى المنصووور اهيا صممت كل الاوبرييييت بس الشيخه امثال كانت تعطي رايها بالالوان

لووووووول خلف الله علي قبل انا بمدرستي كنا ندفع حق الابله حق اللبس 15 دينار كل وحده خخخخخ وعاد لبسهم لوعه

 

[كويتيه رزتها ملكيه]

الشيخه امثال الصباح اخت شيخنا المغفور له جابر الاحمد الصباح يعنى اخت الشيخ صباح بس مو الشقيقه صح؟ اذا معلوماتى غلط السموحه و جان زين وحده تصححها

 

[اختي نحيسه]

الاوبريييت يهبببببببببل بمعنى الكلمه..رووووووعهـ
واحلى لوحه هي الثانيه اللي فيها البنات يقلون بـ اخرها
لا قبلها ولا بعدها أحلى ديره كل عمرها..البناااااااات زووغه واللبس يهبل
صج رآقي..
فدييتهم كلهم

 

[qa6wa_q8]

الشيخ محمد الصباح تكون امثال الاحمد عمته


هو الولد الرابع لأمير دولة الكويت الثاني عشر صباح السالم الصباح من زوجته الشيخة نورية أحمد الجابر الصباح.


واهي عمة الشيخ ناصر المحمد بعد

:balo:

 

[qa6wa_q8]

سووري تكون خالته امثاال

 

[وحشني شوف الكويت]

وعليكم الســـــلام

يااالبى قلبج يااامسز كيرلى اااحيـــــــــــج على هالمشاااعر الكريمه تجاه بلدج الثانى الكويت 00وربى انج كويتيه اكثر من بعض الكويتين 00وتستاهلين تكونين مواطنه كويتيه مع مرتبه الفخر :aha:
من كثر مانى متشوقه اشوف الاوبريت لانى سمعت عنه بس ماشفته 00بس ماقصرتى حبيبتى حطيته المقاطع الحلوه منه:e3:

حيااااااااج الله بيننا فى وطنج الكويت وتنورين هالديره الطيبه وتعطرينها يريح المسك والعود الاصيل00ويالبى قلبك الله يحفظج ياارب

حياك الله اختي كويتيه رزتها ملكيه ، اول شي مشكوره يا عسل ع الكلام الحلو و نورتي الموضوع عزيزتي =)
اممم لا شك ان الكويت لها مكانه كبيره بقلبي ويعلم الله اشكثر غلاها عندي ،، والكويت طبعن ماتحتاج بعد لنور يكفي يالغاليه نور اهلها الطبيبين والعزيزين على قلبي :*
الله يخليكِ يارب ويحفظك ويحفظ الكويت ويحميها من كل شر 3>

 

[وحشني شوف الكويت]

تسلمون جميعن ع ردودكم العطره و مره شوكرن ع مروركم الكريم ;*

بالنسبه للاوبريت ، انا صراحه مررررره عجبني وحبيته كثيييييير "يكفي انه عن الكويت $:"

جد ماشاء الله تبارك الرحمن كان اوبريت رائع من جميع النواحي ، سواء من اختيار الاغاني / ملابس الاطفال / الأداء ... الخ

لدرجة والله اني شفته اكثر من مره p;

والبنات والاولاد الصغار ياحبيلهم كانو يهبلون اسم الله عليهم أبدعو ربي يحفظهم =)

مني كل الشكر والتقدير للقائمين على هالاوبريت الناجح ويعطيهم العافيه على كل مابذلوه من جهد عظيم .. تقديري و احترامي

 

[&& دعاء &&]

فعلا كان الاوبريت مميز ورائع
يعطيهم العافيه شغل متعوب عليه وواللوحات قمه بالروعه والتناسق
والله يطول بعمر شيخنا صباح
ويدوم علينا الافراح

 

[يمة يادلبي]

الاوبريت يهبل صج متعوب عليه
بس انصدمت بآخر شي المدرسات قعدوا يصافحون الشيخ وجنه العيد حتى لو شيخ وأمير ديرتنا يبقى ريال غريب