الــمــصــاصــــات و تــــأثيرها على البيبي ؟!

[بـاسي قــوي]

رد : رد: الــمــصــاصــــات و تــــأثيرها على البيبي ؟!

انا ولدي للحين ما كمل شهر

واعطيه مصاصه بليل ولما اغير حفاظته عشان ما يبجي

بس اللي لاحظته ان مو قادر يرضع مني



بالضبط نفس الكلام اللي كتبتيه قاعد يصير معاي

الحين قاعده احاول ما اعطيه المصاصه وايد والله كريم

حبيبتي نصيحه دام ترضعينه طبيعي بعدي المصاصه عنه ,, الرضاعه والله شي ثمين محدد يعرف قدره الا اللي عندهم ظروف مايقدرون يرضعون او مرضى او مافيهم حليب ,, و لما تغيرين له لا تعطينه مصاصه ميخالف خليه يبجي شوي امي دايما تقولي خلي البيبي يبجي مو تمثال كلا تبينه ساااكت لووول ,, و كل ماشفتيه يبي مصاصه حطيه على صدرج خليه يتعود عليج و على ريحتج ترا باجر لا كبر راح يحن عليج و يحس فيج صدقيني ,, و دام انه ماكمل شهر توه سهل عليج تقطعينهااا و الله يحفظه لج ياارب :*

 

[بـاسي قــوي]

رد : الــمــصــاصــــات و تــــأثيرها على البيبي ؟!

وآآآي آنـآ عبـآلي بـس بنتـي تمـص آيدهـآآآ .. لوووول

يختــــــي فددددديتهـآ آيدينهـآ عنننوووننييين و تمصــهم بعصبيــه بعـد :/

..

آنـآ آللـه يسلمــج مـآ عطيـت بنتـي مســآسه ..

بس لمـآ كـنت بآلنفـآس كـــآنت تكسر خـآطري بآلليــل لمـآ تتعصـر من بطنهـآ ..

و عطيتهـآ مرتيـن بس و مـآخليتهـآ بحلجهـآ خمس دقـآيق << شكو معطتهـآ ..

لآ جـد آحس تعـور لوزهــآآ .. فـ عشـآن جـذي مـــآ آفكـر آعطيهـــآآ كـــلش ​

هههه يختي عليها ربي يحفظهاا لاتعودينها عالمصاصه و لا على مص الأصبع اثنينهم مضرين

:blueSmCLR:​

 

[إخت أخوها]

رد : الــمــصــاصــــات و تــــأثيرها على البيبي ؟!

يسلموووو على هالموضوع والله صاجه هالكلام دايم أنصح إختى لأنها تعطي ولدها المصاصه حرام راح تخرب أسنانه وبالكلام يتأتأ وتسبب إرتخأ الحلق ينزل منه(سعابيل) عفو بهالكلمه....














أبشركم يا بنات وصل الكرسي للأطفال الإسفنجي على شكل الغنفه شكله حلو حيل يصلح من أربع شهو ل 9شهور شي صراحه وألون حلو هذا رقم المندوب 66428695 يوصل كل المناطق دنايريين ما عدا الجهراء والمنطقه العاشره 3 دنانير دقو على المندوب ويرسل لكم الصور ...

 

[بـاسي قــوي]

رد : رد: الــمــصــاصــــات و تــــأثيرها على البيبي ؟!

انا قبل اولد كنت اقول مستحيل اعطيه مصاصه
بس طبعا من وهو بالنفاس قمت اعطيه ههههههههههه
لما يبجي ولما يجي ينام
اذا ساكت او نام اشيلها عنه
طبعا ودي اقطعها بس اقول لما يكبر شوي ان شاء الله
لانه 24 ساعه اصابعه بفمه
البسه دسوس لكن هما يمص ماكو فايده
جبت له عضاضات لكن للحين ما يعرف يمسكهم عدل
جبت له عضاضة الفواكه من سنتر بوينت لكن مو الحين اعطيه

ويييه ياحبيبتي كلناااا جذي بس لما نشوف الصجيه نعطيهم عشان نفتك من صيااحهم:eh_s(16): فديتهم خلينا نتحمل هالصياح كلا جم شهر بس على مايشدون حيلهم و يبدون يتكلموون عالاقل تعرفين شلون تصرفين معاه .. و صدقيني دام انه صغير قطعيها من الحين قبل لا يكبر و يستعسر ماراح يهدهاا ,, مره شفت بالسوق بنوته الله يخليها فيها 5 سنين و المصاصه بحلجهاا :eh_s(12): ياربي احس صعبه مابقى شي و تدخل الابتدائي شلون واهيا متعوده عالمصاصه !!

و دام انه وليدج بعده مايعرف يمسك العضاضه اشتريله الفوطه الصغيره اللي معاها دب تكون ناعمه يبيعونها في ماماز اند باباز و مذركير ,,خاصه يمسكها البيبي و يعظهاا و سعابيله كلا تروح عليها عشان مايرطب هدوومه ههههه الله يخليه لج

 

[بـاسي قــوي]

رد : الــمــصــاصــــات و تــــأثيرها على البيبي ؟!

يبت لكم بعض البدائل خاصة حق اول الاشهر ووقت التسنين شوفو معااي
7
7
7
قطعه ناعمه و على حوافها عظاظات موجوده في اغلب محلات الاطفال




قلاده مصنوعه من مواد عضويه تحطين البيبي بحظنج و يعظظ فيهاا ههههه و موجوده في جلي بينز




لعبه مطاطيه للتعظظ لوول شكلها بس يشوق




كفرات منها تغطين البيبي لا بغى ينام و منها يمسكها يعظظ بدال المصاصه




صدريه تمسك السعابيل و نفس الوقت عظاظه شفتها بمذر كير




لعبه مصنوعة من خام يمسكها البيبي خاصه للي بعدهم صغار مايقدروون يمسكون اشياء صلبه و موجوده في بريناتال و مذركير و سنتر بوينت و ايكيا الخ




كتاب للعظ منها البيبي يتصفح و يعظه لقيت منه في ايكيااا





و اذا لقيت بعد اكثر بحط لكم و اللي عندهااا شي لا تبخل علينااااا :eh_s(21): :eh_s(21):

 

[بـاسي قــوي]

رد : الــمــصــاصــــات و تــــأثيرها على البيبي ؟!

"باسي قوي" :eh_s(7): مشكووورة وااايد عالنصايح المفيدة يا عسل

و يعطيج الف عافية

و الله يقدرني واقطع عنها المصاصة يا رب​

العفو ياقلبي

 

[بـاسي قــوي]

رد : رد: الــمــصــاصــــات و تــــأثيرها على البيبي ؟!

انا بنتي بس تبيها وقت النوم قبل كانت اربع وعشرين ساعة الحمدلله..

حبيبتي الحين حاولي حتى وقت النوم تبعدينها عنها و ربي يخليها لج

 

[بـاسي قــوي]

رد : رد: رد : الــمــصــاصــــات و تــــأثيرها على البيبي ؟!

بنتج نفس بنتي بالضبط اسم الله عليها .. ذبحتنا مساسه ومساسه حتى وهي نايمه تقوم من نص نومها تدورها وتحطها بحلجها وتنام و ضروسها من جدام مفججه بعد بس الحمدلله قطعتها منها وايد كنت أحاتي شلون بقطعها بس كنت أدور مصاصاتها وما لقيت ولا وحده جان أقول أحسن بجرب بدون مصاصه تعبت معاها 3 ايام بعدين عادي لمن تقولي مساسه اقولها كلتها القطوه واسولفلها عن القطوه وتلهى

ماشالله عليج اول شي صج تعب بس بعدين خلاص يقطونها مايبونهاا و على قوليتج مره سولفيلها عن القطوه و مره عن ارنب و الفي لهااا قصص لين تكرهاا من قلب ههههه

 

[بـاسي قــوي]

رد : رد: الــمــصــاصــــات و تــــأثيرها على البيبي ؟!

أمبيه كلنا نعاني ...

انا توها بنتي بالاربعين وطايحتله مص بأصابعها ... وكل ما سوت جذي قمت ورضعتها لدرجة قامت بس تشرب وتستفرغ ... وما تنام من بطنها ..

امي قالت لا اترضعينها بس ... جربي لها المصاصه ..

وانا ما كنت أبيها كلش ..

بس لاحظت بنتي تبي اتمص شي وتنام .. وعقب اتقطها ..

وبحاول ما اعودها عليها ...

ههه يوعتيني ابي فلافل و بطااط لووول :eh_s(3): فلفووله نصيحه لا ترضعينهااا كل مابجت انا كنت اسوي بولدي جذي لاني توني بجر و مادري شسالفه تخيلي صار فيه ارتجااع و قلبي قام يعورني علييه و قالي الدكتور خففي جرعات الحليب له و على فترات متباعده ,, و لا تعطينها مصاصه شيليهاا هديهاا و سولفي معاها غنيلهااا بتتعبين معاها فتره بس بتشوفين نتيجه مريحه بعدين و على فكره كل اليهاال يبون يمصون شي قبل النووم لانه هذي فطره من ربج من يوم كانوا ببطونا و اهما يمصوون عشان اول مايطلعون يمصون من صدر الام سبحان الله .. ربي يخليها لج و تشوفينها عرووس :eh_s(17): :eh_s(17):

 

[بـاسي قــوي]

رد : الــمــصــاصــــات و تــــأثيرها على البيبي ؟!

the-one

قطعيها عنه حبيبتي لا يأذيج لا كبر

جبنة بيضة

الله يعين حبيبتي

 

[بـاسي قــوي]

رد : الــمــصــاصــــات و تــــأثيرها على البيبي ؟!

يسلموووو على هالموضوع والله صاجه هالكلام دايم أنصح إختى لأنها تعطي ولدها المصاصه حرام راح تخرب أسنانه وبالكلام يتأتأ وتسبب إرتخأ الحلق ينزل منه(سعابيل) عفو بهالكلمه....


صح كلامج حبيبتيي خليها تعوضه بشي ثاني غير المصاصه و بس تستخدمها بوقت الحاجه مثل مواعيد الطبيب للتطعيم