الــلي تعـــرف في أســـواق الخبــر تفيدي لله يوفقهــا ياااااارب

[الكادي 1981]

الســـلام عليــكم


بنــات اللي تعــرف وتــدل بالخــبر أفــادها لله ,,,, أبي أعـــرف وين صــاير زهــــور الريـــف ؟؟؟؟؟؟؟؟؟


وويــن يبيعون الفســـاتين للعــروس الجــاهزه ؟؟؟؟؟ بـــي شي راااقي ...... وأبـــي مجمع أروح له آنــا


وعيــالي يعني فيه ألعــاب ومطـــاعم حلوة وهـــم تســـوق ...... وين محـــلات العبــي الراقيـــة


(( ولا تقولولي شــارع السويكت حددووو وين بالضبــط منه)) واللي تعلمني لله يوفقهاااا ويعطيييها ألف


عافية ويخليلها زوجهــا وعيااالهااا ياااارب العالمين :eh_s(8):

 

[الجود طبعي]

حتى آنا أنضم لج وأبي سوق المواعين السنعة تدرون جاينا رمضان وابي محلات الساعات الحلوة والرخيصة

 

[كلي تفاؤل]

هلا والله حبيبتي ..ياااي ع الخبر واسواقها تهبل ..

المجمعات ما شاء الله متروسة هناك ..بس انا بأنصحج ,,,بمجمع فينيسيا ..روووعه خاصة الجواتي والجناط فوووق الدور الثاني ..وفيه محلات حلووة للأعراس للأمانه ما دشيتهم بس من برا كان الخام راقي ..

وعندج سووق الراشد اتوقع تلقين فيه زهور الريف ..وتراه فاتح عندنا بالجهراء

وعندج الخبر مووول لازم تمرينه ..للخاااام ..يمدحوووووونه ..

وعندج مجمع المارينا ...بالدمام ..هم يمدحووونه

وعندج الظهران موووول ...مجمع كبييييييييير نفس الافنيوز ...

وعندج شارع السويكت حبيبتي هذا كله عبايات في الغالى وفي الرخيص ...بس انصحج بدون جهال لانها بوسط شارع ولويه فخلوا احد عند الجهال بالشقة وتسووقوا ...

وبالنسبة للجهال لا تحاتينيهم كل مجمع فيه العاب ...

ولا تنسون تأكلون من مطعم اصفهاني اللى بالراشد فيه كباااين ..اكل ايراني عجيييييب ..

ورحله موفقه ...

 

[الكادي 1981]

يعطييييج العافييييه لله يوفقج دنيا وآخـــره

 

[جكورة]

زهور الريف بالظهران مووول
العبي يمدحون محل شمس بسويكــت..

ألعاب الجهال تقريبا بكل مجمــــع

ورحلـــــة موفقـــــة

 

[OM-FAtMa]

حبيبتى انا تونى راده من الخبر الصراحه فضيعه البضاعه عجيبه عندج مجمع الراشد والظهران هذا الى اعرفهم

 

[الفدعة]

انا مثلج ابي احد يفيدني

 

[*ام ديم*]

هلا بنات انا من الخبر

عندكم الخبر مول للأقمشه افضل سوق اقمشه واقمشته بدون مبالغه تنافس كل اسواق الاقمشه وشي راقي
فساتين سهره عندكم مجمع الجمعه ستي سنتر رقم واحد وراااقي واحلى حتى من الرياض
ورقم ثنين فينيسيا مول نفس الشي فساتين سهره وارخص من الجمعه سنتر
زهور الريف موجود بفينيسيا مول - وموجود بالخبر بلازا اول ماتدخلينه عاليمين-وموجود بالظهران مول اذا مو غلطانه بوابه 3 -وفيه بالراشد -يعني زهور الريف لا تشيلين همه موجود فروعه بكل مكان لا وازيدج موجود ببن خلدون بلازا بالدمام وموجود باماكن وااايد
وتبين مكان تتمشين فيه انتي وعيالج احلى شي
1-
فينيسيا مول فوق قسم العاب تهبل ويه مطاعم وجلسات طاولات وكراسي
وفينيسيا هذا يديد ويفتح النفس لأنه توه ماصار له سنه يعني مو مكروف مثل الاسواق الي من سنين
وعندج بعد للألعاب
2- الظهران موووووول رهيييب وكششخه وقسم كبييير للألعاب وفيه صاله للتزلج والعابه حقت كبااار يعني طبي والعبي انتي وزوجج انا رحت مره ويا خواتي المتزوجات طبينا ولعبنا ونااااااااسه العاب محترمه حق كبار وتخووووف وفيه حق يهال طبعا والمطاعم احلى من فينيسيا عندج كانتون -تاكو هت-ومطاعم اشكال والوااان
والمجمع هذا كبييير وكله ماركات
وعبايات عندج السويكت نفس شارع الخبر بلازا

 

[ربي أسألك الجنه]

انا مثلج ابي احد يفيدني

 

[نوراا السعودية]

اولا حياك الله بالخبر
ثانيا ماطلبتي شي من عيوني بالنسبة للاسواق البنات ما قصرو ا
فية عندك زيادة على اللي قالو فية على شارع الكورنيش فية محل فساتين سهرة يجنن اسمة لمسات طيبة
وفية الجمعه سنتر محلات فساتين سهرة وجزم تجنن تقليد ماركات ومن هالنوعيات
اما بالنسبة للساعات مالك غيييير الدهااااااااااااااام روعه تلقينة بالراشدوزهور الريف بالرااشد والظهران مول لايطوفك يجنن والاحلى من عطوراتة فواحاتة تجنن وهم بعد بودرة الخدود فضيعة والارواج اللي زي ميك اب فور ايفر اللي بالفرشااة تجنن
وبعد فية محل فسااتين سهرة مقابل الميريديان بالخبر اسمة مي موزا حلو ورااقي بس غاالي شوي
وبالنسبة للاطفال وديهم مدينة الملك فهد الترفيهية تجنن وبعد بالراشد مطااعم والعاب وفية محل الدونات الشهير كريسبي كريم تلقينة مقابل كار فور بالراشد
وبعد اممممممممممم والله ما ادري ان ذكرت شي رديت ​

 

[نوراا السعودية]

ومحلات العبي فية بالراشد حلوة وهم بسويكت ومري على بوكنان (طبعا سويكت فية الحلو والشين ) يعني لاتحكمين من اول محل

وادخلي مجمع الخبر بلازا هذا بسويكت واسالي عن محل نورة للاحذية
مراات يجيب اشيااء تهبل

 

[ام محمد123]

ممكن مساعدة أنا بعد يوميين بروح للخبر والدمام
سمعت عن محل مونسوون للأطفال بس حبيت اعرف في أي مجمع موجود
و كم الاسعار عندهم للملابس:tek::33_1185028183:

 

[شوفواشموخي]

في عضوه اسمها ريم الخبر حاطه موضوع شال عن الخبر اسواق وفنادق وكل شي