~| .. .. الــقـيـصـريه .. .. |~ ((قيصريات دشو ))

[STILL G L A M ~]

السلااااام عليكم ..​

بنات انا والده قيصريه وبال40 توني :eh_s(16):
وماآ عرف عن لقيصريه شي​

...​

1- متى طلعتو من الاربعين ؟؟​

2- متى يتلج اخت النفاس ؟؟ يقولون وااايد حيل وتخرع صج ؟؟:eh_s(2):​

3- متى اقدر اطلع لسوق ؟؟​

4- متى لبستو الكورسيه ؟؟​

5- انا اول ماطلعت من العملييه يتني الدوره عادي بعدين وقفت وفيني افراز اصفر ومرات بني
هالشي طبيعي ولا شنو ؟؟؟؟​

6-متى اقدر اروح شقتي وانظفها من الغبار :rgewrg::eh_s(11): وعادي اشتغل مثل اخم وارتب وامسح واغسل ولاا ممنوع ؟؟​

7-صعدت الدرج تاثر ولا عادي .؟​

8- عادي اسوي حمام مغربي ولا اتفرك بالبيت وخلاص ؟؟​

9- ريحت المشقر الاكسجين قوويه عادي اشقر ولا يشم الجرح خخخخ ؟​

10-الجماع بعد القيصريه يعور يعني اخاف الجرح الي داخل يتاثر ولا مايتاثر ؟؟​

11- منو ولدت بعد القيصريه وهل الجرح يتاثر كل ماكبر البطن وا عادي ماتحسين بشي ولا اييني عوار وهل ممكن اولد طبيعي خصوصا ان كل شي كان طبيعي ؟؟؟​

12- الجرح اذا ياله صابون من التسبح وجذي ياثر عليه ؟؟ ومتى استخدم الوشنات ولمسك ولعطور واتبخر بالعود ؟؟ لايكون ممنوع :eh_s(10):​

واخير شي ابي نصااايح من ذهب للي مجربه القيصريه بجر وماعرف شي وخايفه ونفسيتي مو شي

وادري مسختها بسس ماعندي احد اساله الا انتوو فديتكم وسامحوني اذا ازعجتكم :eh_s(22):​

 

[auoma]

ااب
انا نفسج من قبل ولاداتي طبيعي بس هالمره انفصلت المشيمه بالولاده وصار نزيف و ولدوني قيصري الحمدلله على كل حال
ادري انها تعب وموت وعذاب بس كل شي بأجره
انا تسبحت عقب ٥ ايام وباليوم ١٠ بعد تسبحت استخدمت لزقه ضد الماي حطينها على الجرح لأني خوافه وبعد ١٠ ايام كنت اتسبح عادي بدون لزقه بس لاتطولين وتفركين تسبحي على السريع واول ماتطلعين تشفي الجرح بشاش وبعدها حطي بخاخ بيتادين معقم للجرح
العطور واللوشنات استخدمتهم من ٢٠ يوم اهم شي لاتيين صوب الجرح انا ماي صوب البطن بكبره
والصابون مايحرق اذا حاش الجرح بس انتي لاتفركينه ولاتين صوب البطن
بالنسبه للدرج من اسبوعين تقدرين تصعدين بس خطوه خطوه ومره وحده باليوم مو تصعدين وتنزلين الف مره ومن تكملين شهر عادي صعدي
بالنسبه للكورسيه لازم تشوفين دكتورج واهو يقرر اذا تقدرين ولا لَا لا تلبسين من نفسج موزين
الأوكسجين المشقر حطيه عادي بس لاتقربين صوب الجرح والأفضل قطيه بلزقه من الصيدليه اذا خايفه يحوشه شي
بالنسبه للحمل ان شاءالله تولدين طبيعي وايد ناس ولدوا طبيعي عقب قيصريه بس بشرط
مايكون الحوض صغير
او فيج ضغط او سكر لاسمح الله
واهو الجرح الداخلي يلتئم خلال٦ اشهر لازم تحافظين لاتدزين شي ثقيل ولاتشيلين شي ثقيل ترى ينفتح من داخل ديري بالج
ولاتحملين على طول نطري سنه او سنتين
اتمنى اكون افدتج
*

 

[STILL G L A M ~]

ااب
انا نفسج من قبل ولاداتي طبيعي بس هالمره انفصلت المشيمه بالولاده وصار نزيف و ولدوني قيصري الحمدلله على كل حال
ادري انها تعب وموت وعذاب بس كل شي بأجره
انا تسبحت عقب ٥ ايام وباليوم ١٠ بعد تسبحت استخدمت لزقه ضد الماي حطينها على الجرح لأني خوافه وبعد ١٠ ايام كنت اتسبح عادي بدون لزقه بس لاتطولين وتفركين تسبحي على السريع واول ماتطلعين تشفي الجرح بشاش وبعدها حطي بخاخ بيتادين معقم للجرح
العطور واللوشنات استخدمتهم من ٢٠ يوم اهم شي لاتيين صوب الجرح انا ماي صوب البطن بكبره
والصابون مايحرق اذا حاش الجرح بس انتي لاتفركينه ولاتين صوب البطن
بالنسبه للدرج من اسبوعين تقدرين تصعدين بس خطوه خطوه ومره وحده باليوم مو تصعدين وتنزلين الف مره ومن تكملين شهر عادي صعدي
بالنسبه للكورسيه لازم تشوفين دكتورج واهو يقرر اذا تقدرين ولا لَا لا تلبسين من نفسج موزين
الأوكسجين المشقر حطيه عادي بس لاتقربين صوب الجرح والأفضل قطيه بلزقه من الصيدليه اذا خايفه يحوشه شي
بالنسبه للحمل ان شاءالله تولدين طبيعي وايد ناس ولدوا طبيعي عقب قيصريه بس بشرط
مايكون الحوض صغير
او فيج ضغط او سكر لاسمح الله
واهو الجرح الداخلي يلتئم خلال٦ اشهر لازم تحافظين لاتدزين شي ثقيل ولاتشيلين شي ثقيل ترى ينفتح من داخل ديري بالج
ولاتحملين على طول نطري سنه او سنتين
اتمنى اكون افدتج
*

حياتي مشكووره ع الافاده :eh_s(22):
بسس ماقلتيلي متى اقدر اطلع لسوق ؟

 

[auoma]

من تحسين روحج زينه طلعي يعني بعد اسبوعين تقريباً
اهو دكتوري من عقب١٠ ايام زفني وقالي عيشي حياتج طبيعيه لاتفكرين وايد
بس انا خوافه حييييييل ههههههههه
انتي متى ماحسيتي نفسج زينه وتمشين عدل ومايعورج الجرح طلعي
اهم شي وانتي بالبيت لاتقعدين٢٤ ساعه امشي كل ماتمشين يلتئم الجرح بسرعه ومايعورج


بسألج انتي جم يوم لج والده؟؟؟*

 

[STILL G L A M ~]

صارلي 3 اسابيع والجرح صاير يعورني وهم بنتي ماتقعد الا باليل ومخربه نومتي وتعبانه من التفكير

واذا انسدحت مااقدر اقعد لازم اتمسك بشي علشان اقوم الله يعين بس مادري متى راح اقعد من السرير بدون
لا اتمسك بشي

 

[معاالي]

اهم شي لازم تتحركين طول الوقت

واستخدمي الكريمات اللي عطاج الدكتور والمطهر

ونصيحه لاتروحين السوق الا بعد ٢٥ يوم ولا تشيلين شي ثقيل ولادزين شي ثقيل لمدة سنه

وترا المسك والعطور اللي فيها مسك تفتح الجرح فحذري منها

وحمدالله ع سلامتج

ومبروك البنوته

 

[STILL G L A M ~]

الله يسلمج حبيبتي
والله يبارك فيج

حسااافه عاد اموت بالمسك مااقدر استغنى عنه

 

[şα3β αηšαķ]

ماشاء الله البنات ماقصرو
ماعندي خبره

 

[STILL G L A M ~]

بنات شدعوا فيدوناآ

 

[حرم_الغلا]

متى طلعت من الاربعين؟
-ع اربعين يوم خخخخ بالظبط


2- متى يتلج اخت النفاس ؟؟ يقولون وااايد حيل وتخرع صج ؟؟
-اكلت مانع ع ٣٥ يوم

3- متى اقدر اطلع لسوق ؟؟
-طلعت ع ١٠ايام افصل بدلة الاستقبال<<متهووره
4- متى لبستو الكورسيه ؟؟
-لبسته لما صار عمري ولدي سنه بالظبط<<بعيد ميلاااده فديته


5- انا اول ماطلعت من العملييه يتني الدوره عادي بعدين وقفت وفيني افراز اصفر ومرات بني
هالشي طبيعي ولا شنو ؟؟؟؟
- ماعندي فكره ماصارت معاي سالي دكتورتج

6-متى اقدر اروح شقتي وانظفها من الغبار وعادي اشتغل مثل اخم وارتب وامسح واغسل ولاا ممنوع ؟؟
عاادي انا ع ٣٥ يوم رحت ورتبت ونضفت بس طبعا الخدامه معااي بس ما اشيل شي ثقيييل بس ترتيب اما شيل وحط الخدامه وبع ٦شهور رد الوضع عاادي قمت اشيل واشتغل عااااادي


7-صعدت الدرج تاثر ولا عادي .؟
عااادي انا ساكنه بالدور الثالث ماله شغل بس تركدي

8- عادي اسوي حمام مغربي ولا اتفرك بالبيت وخلاص ؟؟
عااادي انا سويته اللي باجر طلعتي بس ماخليتهاا تفرك مكاانهااااا

9- ريحت المشقر الاكسجين قوويه عادي اشقر ولا يشم الجرح خخخخ ؟
راااح تنصدمين انا اخر عشر ايام كل ٣ايام اسوي تقشييير وطااح السواد كله عااادي بس لاتحطين عليهاا ولا علي اللي حواليهاا


10-الجماع بعد القيصريه يعور يعني اخاف الجرح الي داخل يتاثر ولا مايتاثر ؟؟
صاار بطلعة الاربعين عاااي وماله شغل بمكان الجرح مراح تحسين عاادي


11- منو ولدت بعد القيصريه وهل الجرح يتاثر كل ماكبر البطن وا عادي ماتحسين بشي ولا اييني عوار وهل ممكن اولد طبيعي خصوصا ان كل شي كان طبيعي ؟؟؟
عمتي ولدت ثلاث مرات طبيعي بعد القيصريه


12- الجرح اذا ياله صابون من التسبح وجذي ياثر عليه ؟؟ ومتى استخدم الوشنات ولمسك ولعطور واتبخر بالعود ؟؟ لايكون ممنوع
عاااادي بالعكس لازم تنضفينهاا بس ديري بالج مو تنضفينها بصابون معطر ولاتحطين عليهاا لوشن وعادي تبخري بالعود اصلا العود مايشم

وتقومين بالسلامه اي استفسار انا جااهزه واسفه اذا فيه بدليات شابكه من الايباد مو متعوده عليه

 

[STILL G L A M ~]

حرم الغلا يما فديييتج لا ماقصرتي حياتي واااي ريحتيني

عسى الله يريح بالج مثل ماريحتيني وااايد احاتي وخايفه ولدرجه ماانام من التفكير

 

[عطاء أنثى]

اتوقع البنات فادوج


كورسيه مااايصير اسألي دكتورتج لان غالباً يقولون بعد ٦ شهور

 

[STILL G L A M ~]

عفيا ابي ردود بعد فيدووني

 

[STILL G L A M ~]

اب

اب

اب

 

[ام الحلوااات]

اااااااااااااااااااب

 

[STILL G L A M ~]

up up up


,

 

[STILL G L A M ~]

1- متى يتلج اخت النفاس ؟؟ يقولون وااايد حيل وتخرع صج ؟؟

2-الدوره واايد خفيفه هالشي طبيعي ولا شنو ومتى تخلص ؟؟؟؟

عفيا فيدوني..

 

[حرم_الغلا]

حبيتي اذا قصدج دم النفاس عزكم الله عادي القيصريه غير الطبيعي القيصريه ينظفونج عدل من الدم عادي لاتحاتين

 

[STILL G L A M ~]

اخت النفاس متى راح تيي !!

 

[April 29]

وعليكم السلام

انا والده قيصريه قبل 6 اشهر
وبرد على اسئلتج

1- متى طلعتو من الاربعين ؟؟
انا خذيت اسبوع بعد الاربعين بعدين طلعت
لان يتلي اخت النفاس بيوم 37 وطولت معاي تقريبا 15 يوم


2- متى يتلج اخت النفاس ؟؟ يقولون وااايد حيل وتخرع صج ؟؟:eh_s(2):
لا شكو تخرع لووول
عادي دوره نفسها بالضبظ بس يكون الدم شوي اكثر


3- متى اقدر اطلع لسوق ؟؟
متى ماشلتي الخياط اللي ببطنج وقدرتي تمشين وتحسين بعافيه طلعي عادي !!
انا رحت مع ريلي اشيل الخياط وعقب ماطلعت من المستشفى رحت السوق خذيت لي جم شغله بنفس اليوم لوول
عادي سهاله ترى لا تخترعين شدخل الخياط والعمليه بالسوق ؟


4- متى لبستو الكورسيه ؟؟
شلت الخياط يوم 19-9
ولبست الكورسيه والحزام يوم 20-9
لوول بالضبط عقبها بيوم
دكتورتي تهبل قالت لي انا خيطتج تجميلي ومافيج الا العافيه تبين تنامين على بطنج نامي
تبين تلبسين كورسيه لبسي
لحد يخربط فوق راسج ويخرعج


5- انا اول ماطلعت من العملييه يتني الدوره عادي بعدين وقفت وفيني افراز اصفر ومرات بني هل الشي طبيعي ولا شنو ؟؟؟؟
اييي عادي حيل طبيعي
اول شي عقب العمليه راح ينزل دم
وعقبها شي بني
وعقبها شي وردي
وعقبها اصفر
وراح يضل ينزل معاج شي اصفر لما تيي لج اخت النفاس
انا هذا اللي صار معاي
ومن خلصت اخت النفاس خلاص نظفت ومافيني الا العافيه


6-متى اقدر اروح شقتي وانظفها من الغبار وعادي اشتغل مثل اخم وارتب وامسح واغسل ولاا ممنوع ؟؟
اي عادي روحي نظفي واخذي جم خدامه وياج علشان يساعدونج وتخلصين بسرعه


7-صعدت الدرج تاثر ولا عادي .؟
بالعكس ماتأثر ولا شي وايد زينه
كل ماتحركتي كل ما يبرا الجرح اسرع


8- عادي اسوي حمام مغربي ولا اتفرك بالبيت وخلاص ؟؟
انا عقب اليوم 20 قمت اسوي مغربي كل اسبوع علشان يطلع الوصاخه كلها
كانت مالت الصالون تفرك كل مكان ماعدا الخياط ماتجيسه وعادي
خل تفرك بطنج بس اذا ضغطت حيل او حسييتي بعوار قوليلها توخر عن المكان


9- ريحت المشقر الاكسجين قوويه عادي اشقر ولا يشم الجرح خخخخ ؟
لا صدقيني الجرح ماراح يشم ولا راح يصير فيه شي انشالله بس لا توسوين وايد
ولا تشقرين فوق الجرح لان المشقر شوي حااااار
شقري كل مكان الا مكان الخياط


10-الجماع بعد القيصريه يعور يعني اخاف الجرح الي داخل يتاثر ولا مايتاثر ؟؟
كلش كلش كلش ماله شغل وبعيد مكان الجماع عن مكان العمليه لوول



11- منو ولدت بعد القيصريه وهل الجرح يتاثر كل ماكبر البطن وا عادي ماتحسين بشي ولا اييني عوار وهل ممكن اولد طبيعي خصوصا ان كل شي كان طبيعي ؟؟؟
انشالله لي حملت مره ثانيه اقولج


12- الجرح اذا ياله صابون من التسبح وجذي ياثر عليه ؟؟ ومتى استخدم الوشنات ولمسك ولعطور واتبخر بالعود ؟؟ لايكون ممنوع ؟؟
انا من شلت الخياط عادي اتسبح والمس الجرح واحط له كريم واغسله
عادي عادي جدا
ترى الدكتوره مخيطتج اكيييييد خياط تجميلي ببطنج
يعني مستحيل راح يدش صابون ولا شي داخل الجرح
خلاص انتي من تشيلين الخياط معناته الجرح التئم ( انا اتكلم عن طبقه الجلد الاولى الظاهره )
عيشي حياتج طبيعي حيييييييييييييييل



واخير شي ابي نصااايح من ذهب للي مجربه القيصريه بجر وماعرف شي وخايفه ونفسيتي مو شي

اممممم
شربي عصير تفاح وايد لانه يخلي الجرح يلتئم اسرع

تحركي كثر ماتقدرين

لا تجندسين حيل جنج بتاخذين شي من الارض كلش مو زين راح يتعب ظهرج وراح يبين عليج بعد جم شهر مو بوقته

قبل لا تطلعين من النفاس بإسبوع تقريبا استخدمي تحاميل بيتادين و تحميله جيو دكتارين
تحميله بيتادين استخدميها يوم 32 و 34 و 36
و تحميله دكتارين ( اللي تنباع تحميله وحده بعلبه قوتها 1000 ) استخدميها يوم 38
لازم تستخدمين تحميله جيو دكتارين قبل لا تطلعين بيومين او 3 لان افرزاتها تطلع على شكل كريمي مو سائل
ف كل يوم تنزل شوي

وبس راح تنظفين انشالله وتصيرين عروسه من يد ويديد :*
وسلامتج​