الـــرؤى والاحــــــــــــلام المتحـــــــــــقـ/////ــــــــقة بـــعد تفســيرهـــــا

woow qat

New member
إنضم
28 أبريل 2011
المشاركات
194
مستوى التفاعل
0
النقاط
0
الإقامة
في ارض الله
انا حلمت من زمان بجدتي وجدي( من طرف الاب) الله يرحمهم .. ويسكنهم الجنه ..حلمت ان جدتي شايله مولود ذكر وكانت مستاااااااااااااانسه حدهااااااااااا وشايلته وتبوس فيه وتحطه على رجولها وتشيله وتبوسه مره ثانيه .. وجدي قاعد بعيد شوي عنها وقاعد يناظرها ويتبسم ..والمفسره قالت بيجيكم ولد بس ما حددت من الي بتجيب
وتحقق الحلم بعد شهرين ان بنت عمي كانت حامل في ولد ..(وهي اول وحده تزوجت من بنات عمومتي جابت ولد )

سبحان الله كأنه الاحلام تقول لنا ايش الي يصير في المستقبل ..

عندي حلم واحد وان شاء الله يتحقق يا رب ..
 

Dalo0o3a Cute

New member
إنضم
11 سبتمبر 2010
المشاركات
1,874
مستوى التفاعل
4
النقاط
0
"تحلمت ان ابلتي العربي اهدتني تليفون يهبلللل ويديد ذهب صجي وفيه احمر "

وصج وقتها ايام نتايج الثانويه ويبت نسبه حيل حلوه ما توقعت اييبها لاني باخير سنه بالثانويه كنت مريضه


"تحلمت اني لبست قميص نوم لونه وردي واني بغرفه تهبل بس اختي قالتلي قطيه واسع عليج وصج شفته واسع بالحلم علي "
تفسر ان واحد خطبني وما كان مناسب لي .

" تحلمت اني رحت السوق وشريت عبايه يديده بس بعدين صار شكلها مو حلو وقلت ابي ارجعها "

تفسر اني انخطبت بس ما عجبني وما تم .

وبس هذا اللي حاظرني الحين
 
إنضم
8 نوفمبر 2010
المشاركات
277
مستوى التفاعل
0
النقاط
0
أنا حلمت وفسرت لي مفسرة الأحلام أني حامل بولد. بس السونار يقول بنيه بعد شهر ان شاء الله بقولكم منو صح السونار ولا مفسرة
 
التعديل الأخير:

تعب!

New member
إنضم
12 نوفمبر 2011
المشاركات
75
مستوى التفاعل
0
النقاط
0
الإقامة
بـآلقصـــيـم ~ ,
الموقع الالكتروني
www.vb.eqla3.com
انا بعدّ < يـآكثري :D

قبل ماقولكم الحلم الذي وقع , قبل ماكنت اهتم بالأحلام ولا افسرهااا ,,
بس الآن لا صرت اهتم لاني خلااص عرفت ان الاحلام اشاارات للمستقبل سواء كانت مبشرة او محذررة !


حلمت حلم قبل فتره وقبل 3 اسابيع فسرته لي مفسرة اعرفهـآآ وامس ووووووووقع
قالت لي بالحلم اني راح اسمع خبر راح يثللج صدري ويفرحنيي , وجد امس بكيييييييييييت ممن الفررررررحه :eh_s(16):


يارب تجعل ايامي وأيامكم سعااااااااااااااادة
 

Lode

New member
إنضم
16 نوفمبر 2011
المشاركات
406
مستوى التفاعل
0
النقاط
0
الإقامة
K.S.A~
..

اختي مفسره الاحلام قبل شهرين تقريييبا

فسرت لي حلم ( مال يستمر عندك لفترة طويله )

..وكنت وقتهاا مقدمه ع حــآآفز (اعانه اذا سمعتوو عنها )

والحمـــــــــد للـــه .. تمممت
 

فتون777

New member
إنضم
25 يونيو 2011
المشاركات
1,960
مستوى التفاعل
0
النقاط
0
انا فسرتلي دلع العتبان حلمي
وقاتلي الله بيرزقك بالذريه
وصج كلامها ماشفت الدوره وحملت بس اجهضت والحمدلله
 

رعشة خفوق

New member
إنضم
24 أغسطس 2009
المشاركات
835
مستوى التفاعل
0
النقاط
0
الإقامة
علـى كف القـدرٍ امشـي .
مره اختي تحلمت وفسرته عند دلع وقالت بتجيب بنت
واختي جابت بنت


مع ان في السونار الكل والاغلبيه يقول ولد .. يعني سبحان الله تحققت الرؤيه جابنت بنت
 
إنضم
2 فبراير 2011
المشاركات
7,727
مستوى التفاعل
0
النقاط
0
الإقامة
روح وقلب حبيب عمري
قبل الزواج حلمت بزوجي
كان شعري مبلل وناديته عشان يجيبلي الفوطه

وما كنت مخطوبه له

وقبل فتره حلمت اني امشي في ممر ضيق انا وزوجي وفجاة طلعنا ولقينا بستان
وتفسيره ان راح نجتمع انا وياه
وفعلا نفس الشهر دق علي وبشرني انه بيجي

وفي حلم يبشر بس ما قلته بس هم يبشر بلخير
 
إنضم
24 يوليو 2009
المشاركات
225
مستوى التفاعل
0
النقاط
0
اول شي مشكوورين دلع وعبير على تفسير احلامنا وانكم تعطوونا من وقتكم واشكر اصحاب المنتدى والاخت بنت الكويت

انا حلمت ببنت خالي المتزوجه جنها لابسه ثوب عروس ابيض وزافينها لصالة العرس وخواتها يرقصون مافسرته عند احد فسرته بيني وبين نفسي انها راح تتطلق وفعلا بعد حلمي بفترة قصيره اتصلت زوجة خالي وبلغتنا ان بنتها تطلقت لان المعروف ان المره المتزوجه ويحلم فيها تلبس ثوب عروس ابيض ياتكوون بمشااكل كثيره او راح تتطلق
 

ام بعيجان

New member
إنضم
30 نوفمبر 2010
المشاركات
39
مستوى التفاعل
0
النقاط
0
انا بعد تحقق لي حلم ..
فسرته لي عبير ..
كان حلمي اني البس نعل عطتنياه بنت عمي وماعجبني ورديت لبست نعلي

...
وعبير قالت لي خطبه ستنتهي ...

وصدق جاتني خطبه وانا رفضت الخاطب عشان ماكان مناسب لي وبنت هي اللي قالت لي عن معلومات الخاطب
 

طفولة ورد

New member
إنضم
12 يوليو 2010
المشاركات
527
مستوى التفاعل
0
النقاط
0
الله يجزاكم خير يا دلع وعبير
انا فسرت حلمي عند دلع العتبان وفسرته على ان عندي هموم ومشاكل وهذا صحيح
الله يفرجها علي وعلى كل مسلم
 
إنضم
9 أكتوبر 2011
المشاركات
42
مستوى التفاعل
0
النقاط
0
العمر
31
صباح الخير موضوعكم رووووووعه و ع موودي انا الحمد لله رؤياي غالبا تصدق وتقع بحذافيرها
كثير اللي وقعت بعد تفسير المفسرين لها مثل مره حلمت بحية كبيرة لونها بيج تتلوى علي وقرصتني ورميتها وخلصت نفسي منها وكان في وحريم اسلم عليهم ويطالعون فيني باعجاب بعدين شفت اخوي المطوع والله ناسيه شسوي بالضبط بس انه ساعدني وفسرت الحلم قال الشيخ ان امراه حاسده يمكن تضرك احذري منها وحذرني منها حيل وان في حريم يعجبون فيني وان اخوي هذا يقدم لي خدمة كثير فكرت بالحلم ومتى يصير وش الخدمة اللي بيقدمها تخيلوا ان الحلم تحقق بعد سنه ونص او سنتين بحذافيره جتني عين حسد من الامراه هذي للاسف من قريباتي تعبت من العين هذي واخوي جاب لي مطوع يقرا علي والحمد لله كان سبب في شفائي بعد الله يعني هذي الخدمة اللي قدمها لي اخوي
ومره حلمت ان ولد عمي داق على امي ويبشرها انه توظف وهو ماعنده وظيفه صحيت الصبح اضحك واسولف اقول تخيلوا حلمت بفلان داق ع امي يبشرها انه توظف وربي صدمتني امي تقول هو فعلا توظف قبل امس وانا ماادري قبل الحلم انه توظف تفاجئت اسرع حلم تحقق
وفي احلام كثيره فسروها لي المشايخه بس للحين ماتحققت ان شاء الله تحقق
 
إنضم
25 يوليو 2011
المشاركات
990
مستوى التفاعل
0
النقاط
0
خوووش مووضووع مشكؤؤؤؤرة عبووورة

شفت منام وانتي فسرتيه قبل شوي ووقع بالضبط نفس ما فسرتيه
قلتي اني معيونه واحاول اغطي عيون النااس عني وحصل هالشي وصابتني العين
الحمدلله انااا محافظة من الناحيه الدينية مثل ما قلتي .... والظااهر العين يت بدرااستي هالكورس كله ما اشتهي افتح كتااب
تخيلي متى افتحه قبل الامتحان ب 3 او 4 ساعات:eh_s(1): اختبار فايناال<<< عفيه دراااسه وحيل كنت مستنكره هالشي والنتيجه الحمدلله اجتزت كم مقرر ورسبت ب 2 انا شاطرة موهذاا مستوااي الحمدلله على كل حااال ...حسيت انه تقصير مني لأنه حالتي كاانت كليش مالي خلق ادرس نهااائياااا وانا ما اعترض على حكمة ربي راضية بالقدر الحمدلله << وهالمقررين رااح يأخروني كورس كامل:eh_s(2):
اختي تشوفني ما اددرس كليش تزفني انااا اقولهااا تكفين خليني انا ادرى بمصلحتي :eh_s(11): اهي مستغربه تقول عليج قلب ماشاء الله امتحانج بعد شوي واناا عادي ولا هامني ...امبيييه :eh_s(4):ستوب من متى صرت اقول هالكلاااام ...

و كنت كله احس بضيق واقعد ابجي قبل ماا انام واقوم اصلي ركعتين واذكر الله وبعدهااا ارتاااح شوي ولاااا اشتهي ادرس وكله متوترة ومالي خلق احد في بيتنااا ودي اعيش برووحي ووايد اقعد بغرفتي بروحتي على اساس اني ادرس << بس كنت افكر وابجي احط راسي واناام ..... وكل مافكيت الكتاب ابي ادرس احس انني في نوومة مع اني توني قاااعده حتى كنت اقول حق صديقتي بالكليه مادري شفيني هالكوورس...

وفي حلم هم بعد فسرتيه لي يزاج الله خير إن انا واختي بنتخرج مع بعض ... << ما اعتقد بس يمكن ليش لااا كل شي جايز يمكن اهي تتخرج قبلي هالمقررين بيأخروني كوورس <<< يمكن تسير نفس سالفتج بالتخرج الله اعلم <<< ومبرؤؤؤك حبيبتي التخرج اذااا تخرجنا مع بعض لي عودة بقولج واذااا لا هم بقوول ......

انااا اقولج ليش صابتني العين يمكن لأني صرت اجتماعية اكثر من اول واحب اساعد طالبات معاي بالكليه واتمنى للكل الخير << ياربي يمكن اهم ما تمنوا لي الخير الله اعلم ماا ابي اظن ظن سووء ... اااوو يمكن لأن العطله اللي فاتت كان عندناا عروس وحفلات وكنت اكشخ وكل من يخوزر فيني << بس كنت اتحصن بالاذكاار <<< العين صارت فيني الله اعلم

الحين ان شاء الله بكثر من الرقية ويااارب اترووح عني العين بفضل الله آمين


ودلع فسرتلي حلم بعد ووااايد استاانست منه <<< ان شاء الله يتحقق واذا تحقق راح اذكره هني ...

موفقين ي الغوآآآآلي
 
التعديل الأخير:

LuLiTa

New member
إنضم
9 أبريل 2008
المشاركات
10,976
مستوى التفاعل
2
النقاط
0
الإقامة
HoMe
مشكورين على هالموضوع الحلو ... و انا احلامي اغلبها اتكون عن شغلات قاعدة اعيشها بالوقت الحاضر باختصار تصف حالتي الحين ... و يعني ماكو احلام تتحجى عن شغلات مستقبلية ..
 
إنضم
22 يوليو 2011
المشاركات
1,220
مستوى التفاعل
0
النقاط
0
الله يوفقنا وياكم يابنات ويحقق لنا كل الرؤيانا وامانينا الحلوه والسعيده اللهم امين
 
إنضم
22 يوليو 2011
المشاركات
1,220
مستوى التفاعل
0
النقاط
0
انا اهلي ومعارفي يدرون اني افسر احلام


وما اخبي عليكم انا اكرررررره افسر لاهلي وحبايبي :O_SHH_:

لاني اخاااااااااااف يتضحلي شي وخاصه فى احلامهم
وبعد اوقات ممكن احلامهم تتكلم عن شخص يكن لهم عداوه او مشكله مع شخص اخر هو بعد يقرب لي الشخص الاخر وثم اتورط انا :bbbiu:

اخاف اقول كل شي يتضحلي من المنام واكبر القلوب على بعض اوالمشكله بينهم واخر شي تطيح براسي و اطلع انا الشريره:27d66a9c24b146327bf

صرت خلاص اسال المنام فيه شخص او احد قريب

وخلاص اعرفهم عاد الى الحريم الى بينهم تتشات ما افسر لهم ادري حلومها كلها عن عدوتها الى هي بعد قريبتي وكلهم انا ما ارضى عليهم احد يتكلم عليهم لو كان تفسير حلم:friends:

صرت اعتذر عن التفسير اذا اتضحلي شي

واذا لم يتضحلي صرت اقول لم اجد له تفسيرا

ومن الاحلام المتحققه هذى لوحده عزيزه على قلبي

تقول رئيت ان عندي جوالي وصلتني رساله وسائط فتحتها لقيتها من صديقتي منال واختها رسميه تقول رساله الوسائط عجيبه كانها هدايا مرسلينها على رسائل الوسائط وهالهدايا كريمات ومكياج وعدسات واشياء حلوه وانها من محل عندنا اسمه( سامره) تقول بعدها قمت اصلي العصر وانا مبسوطه وقمت من النوم انتهت الرؤيا

فسرته لها انها بيجيها مال من الدوله وهو (حافز) وانه قريب بتنال هالمال وبصفه رسميه والبشارة بتجيها بالجوال

والرموز هنا اسم منال ورسميه سبحان الله وقلت لها اول مكان بتصرفين فيه الفلوس هو فى محل سامره بتشترين كريمات وعدسات وبتستانسين هذا التفسير فقط

بعدها باسبوع تقولي ياعبير وقع سبحان الله فعلا وصلت لي رساله من بنت خالتي تقولي روحي شيكي انتي نجحتي او لا فى حافز تقول فعلا على طول رحت اشيك الا وانا الحمدالله مؤهله وبعد اسبوع نزلت الاعانه وتقول والله ياعبير انه وقع وبدون تخطيط اني نزلت السوق اول مره ودخلت محل سامره وفعلا شريت كريمات وعدسات واشياء واجد للعنايه بالبشرة تقول سبحان الله

عاد ارجع واقول صدق الرؤيا من صدق صاحب الرؤيا ولا انا مالي دخل انا مجرد فسرت على ماوفقني الله اليه
 
إنضم
2 ديسمبر 2010
المشاركات
1,238
مستوى التفاعل
0
النقاط
0
الإقامة
الله أكبر
انآ حلمت بحلم قبل لاتطلع نتآيج الكوورس آلثآني
ولما طلعت درجاتي كانت ناااااازله :(
بس فسرتلي الحلم مفسرة احلام ان نجآح كبير في الدرآسسه !

إن شآءالله يتحقق الكوورس الثاني :)