^^ الـــحـــنـــه بـألـوان مـخـتـلـفـه ^^

[* مـذهـلـه *]

:eh_s(8): مــــــرحــــــبـــــا يــــــا حـــــلـــــوات :eh_s(8): ​

بناء على طلب اختي عبير العبوره نزلت هالموضوع وجمعت فيه اكثر من طريقه لتلوين الشعر بالحنه و لا هانو باقي البنات الموضوع للكل حياكم الله ..​

اللون البني :​

10 ملاعق كبيرة حنا
عصير ليمونه
3 ملاعق من خل التفاح ( او الخل العادي)
3 ملاعق قشور باذنجان
ماي حسب العجن

نخلط جميع المقادير ما عدا عصير الليمون نخليها تتخمر يوم كامل او مو اقل من 4 ساعات و بعدين نضيف عليها الليمون ​

===============​

اللون البني المحمر:​

10 ملاعق كبيره حنا
عصير ليمونه
3 ملاعق من خل التفاح ( او الخل العادي)
ملعقتان من القهوه العربيه
ماي حسب العجن

نخلط جميع المقادير ما عدا عصير الليمون نخليها تتخمر يوم كامل او مو اقل من 4 ساعات و بعدين نضيف عليها الليمون ​

===============​

لون الشوكولاته :​

10 ملاعق كبيره حنا
عصير ليمونه
3 ملاعق من خل التفاح ( او الخل العادي)
5 ملاعق من بودرة الكاكاو
ماي حسب العجن

نخلط جميع المقادير ما عدا عصير الليمون نخليها تتخمر يوم كامل او مو اقل من 4 ساعات و بعدين نضيف عليها الليمون​

===============​

اللون الكستنائي :​

10 ملاعق كبيره حنا
عصير ليمونه
3 ملاعق من خل التفاح ( او الخل العادي)
كوب من مغلي البابونج
ماي حسب العجن

نخلط جميع المقادير ما عدا عصير الليمون نخليها تتخمر يوم كامل او مو اقل من 4 ساعات و بعدين نضيف عليها الليمون​

===============​

اللون الاحمر :​

10 ملاعق كبيرة حنا
عصير ليمونه
كوب من مغلي الكركديه
ماي للعجن
3 ملاعق من قشر الرمان
كوب من خل التفاح ( او الخل العادي)

نخلط جميع المقادير ما عدا عصير الليمون نخليها تتخمر يوم كامل او مو اقل من 4 ساعات و بعدين نضيف عليها الليمون​

===============​

لون دم الغزال :​

10 ملاعق كبيرة حنا
عصير ليمونه
كوبين من محلول دم الغزال ( ملعقة كبيرة من بودرة دم الغزال في كل كوب ماي )
ماي للعجن
كوب من خل التفاح ( او الخل العادي)

نخلط جميع المقادير ما عدا عصير الليمون نخليها تتخمر يوم كامل او مو اقل من 4 ساعات و بعدين نضيف عليها الليمون​

===============​

اللون الاشقر :​

10 ملاعق كبيره حنا
2 عصير ليمونتين
3 ملاعق كركم
ماي للعجن
ملعقة كبيرة من خل التفاح ( او الخل العادي)

نخلط جميع المقادير ما عدا عصير الليمون نخليها تتخمر يوم كامل او مو اقل من 4 ساعات و بعدين نضيف عليها الليمون​

===============​

مـــــلاحــــــظــــــات :​

* مقدار الماي على حسب عجن الحنه بالنظر

* اذا كان شعرج جاف قللي كمية الخل و خليه ملعقه وحده بس و ضيفي عليه 3 ملاعق من زيت الزيتون او زيت عافيه او دلال

* غسلي الحنا بالماي فقط و ثاني يوم غسليه بالشامبو

* اذا كان شعرج غامج و ما يصبغ بسرعه مع الحنه فتحي شعرج بالليمون بعد غسيل الشعر شطفي شعرج بالليمون و خليه ليما يجف و بعدين غسليه بالماي سوي هالطريقه بكل سبوح عشان تعطيج نتايج حلوه مع لون الحنه


اختاري اللون اللي يناسبج و كرريه في كل مره راح تلاحظين لون شعرج يكون غامج مره عن مره

​

و بالنسبه لتنعيم الحنه و كثرتها انا منزله موضوع عن خلطه حنه روعه تكثر الشعر و تخليه ناعم حرير و يلمع الطريقه حيل روعه على هالرابط
http://www.q8yat.net/showthread.php?t=52253​

:eh_s(21): دعــــــواتــــــكــــــم لــــــي :eh_s(21): ​

 

[}{داشـه عرض}{]

ماقصرتي يا مذهله يعطيكِ العافيه...

بس بغيت أسأل ما في شي ينحط مع الحنه، يخلى الشعر يصبغ أسود؟؟​

 

[* مـذهـلـه *]

ماقصرتي يا مذهله يعطيكِ العافيه...

بس بغيت أسأل ما في شي ينحط مع الحنه، يخلى الشعر يصبغ أسود؟؟​

الله يعافيج يا عمري

تقدرين تضيفين للحنه مرميه نفس مقادير الحنه اللي انا حاطتها بس ضيفي معاها مرميه ..

او عند الحواج تلاقين عشبة العفص تحطينها مع الحنه تعطيج لون اسود بس انا ما جربتها ..

حياج الله ​

 

[عبير العبورة]

تسلمين مذهلة على تلبية طلبي

وما قصرتي

بس بغيت اسالج بودرة الكاكاو اي نوع اقدر استخدم نسكويك ولا في غيرة

 

[الاسطورية]

يعني البني و الشوكلاته
مايطلع فيه نسبه حمار كلششششش؟

 

[^ليلاس^]

انا جربت طريقتج بالحنه وشعري صار بني لونه وايد حلو الكل يسألني عنه أحلى من الصبغات

تسلمين حبوبة

 

[* مـذهـلـه *]

تسلمين مذهلة على تلبية طلبي

وما قصرتي

بس بغيت اسالج بودرة الكاكاو اي نوع اقدر استخدم نسكويك ولا في غيرة

الله يسلمج حبيبتي من عيوني الثنتين تامرين امر ما سويت شي :eh_s(6):

و الله يا عمري انا كنت استخدم بودرة ككاو تكون على كادبوري كيفج اللي يعجبج حطيه المهم انها تكون بودره ككاو

حياج الله يا عمري ​

 

[* مـذهـلـه *]

يعني البني و الشوكلاته
مايطلع فيه نسبه حمار كلششششش؟

لا حبيبتي ما تطلع ان شاء الله انا جربت احط مع الحنه بودرة ككاو و نسكافيه يعطيني لون بني و بكل مره يغمج فيها اللون

حياج الله ​

 

[* مـذهـلـه *]

انا جربت طريقتج بالحنه وشعري صار بني لونه وايد حلو الكل يسألني عنه أحلى من الصبغات

تسلمين حبوبة

عليج بالف عافيه يا عمري

الله يسلمج يا قلبي حياج الله ​

 

[(بنت النور)]

الصراحه مذهله انا بدون خلطاتج اضيييع
يا حلوج ويا حلو خلطاتج ومستحيل انسى خلطة الحنه اللي عطيتيني اياها صار شعري احمر غامج يونسسسسس محد مصدق ان الحنه اهيا اللي مسويه جذي.....
تؤبريني يا عسل​

 

[Harmony]

مشكورة على خلطات الالوان

 

[* مـذهـلـه *]

الصراحه مذهله انا بدون خلطاتج اضيييع
يا حلوج ويا حلو خلطاتج ومستحيل انسى خلطة الحنه اللي عطيتيني اياها صار شعري احمر غامج يونسسسسس محد مصدق ان الحنه اهيا اللي مسويه جذي.....
تؤبريني يا عسل​

حبيبت قلبي ان شاء الله ما تضيعين

تسلمين يا عمري حلت دنياج و سنينج يارب عليج بألف و مليون عافيه

حياج الله يا النور كله ​

 

[* مـذهـلـه *]

مشكورة على خلطات الالوان

العفووو حياج الله ​

 

[عبير العبورة]

مذهلة ابي طريقة الحنة مالت بنت النور

 

[reem1234]

مشكوووووووورة حبيبتى مذهلة على الخلطات الحلوة ماقصرتى ياقلبى:eh_s(17):
و فعلا انا جربت احط مع الحنة بودرة كاكاو هذا بالاضافة الى وصفتج الى ذكرتيها قبل و صج عطت شعرى لون وووووووووووووعة ماشاءالله و نعومة و لمعة حلوة
مشكورة مرة ثانية

 

[* مـذهـلـه *]

مذهلة ابي طريقة الحنة مالت بنت النور

هلا يا عمري ضيفي على الحنه كركديه + دم الغزال تلاقينه عن الحواج و شكله مثل البودره و لونه لون البيدجان حيل غامج

حياج الله

​

 

[* مـذهـلـه *]

مشكوووووووورة حبيبتى مذهلة على الخلطات الحلوة ماقصرتى ياقلبى:eh_s(17):
و فعلا انا جربت احط مع الحنة بودرة كاكاو هذا بالاضافة الى وصفتج الى ذكرتيها قبل و صج عطت شعرى لون وووووووووووووعة ماشاءالله و نعومة و لمعة حلوة
مشكورة مرة ثانية

العفووو يا عمري و حلت دنياج

و عليج بالف عافيه تستاهلون كل خير

شرفتي و نورتي بمرورج يا الغاليه

​

 

[عبير العبورة]

اختي مذهلة قشور الباذنجان اجيب باذنجانة طازجة واخذ قشورها ولازم اطحن القشور صح

زين مذهلة انا شعري جاف والبيض زين لشعر الجاف

ولو ابي احط وية الحنة شي عطي لمعة لشعر شنو اقدر احط

وافضل زيت احطة وية الحنة شنو زيت زيتون ولا دلال ولا عافية

ومشكورة ويعطيج الف عافية

 

[عبير العبورة]

زين اختي لما اشطف شعري ما اغسلة بشامبو يصير اغسلة ببلسم ولا بدون شي لانة انا راح احط ليمون على شعري

 

[* مـذهـلـه *]

اختي مذهلة قشور الباذنجان اجيب باذنجانة طازجة واخذ قشورها ولازم اطحن القشور صح

زين مذهلة انا شعري جاف والبيض زين لشعر الجاف

ولو ابي احط وية الحنة شي عطي لمعة لشعر شنو اقدر احط

وافضل زيت احطة وية الحنة شنو زيت زيتون ولا دلال ولا عافية

ومشكورة ويعطيج الف عافية

لا يا عمري اخذي قشور البيدجان و نقعيهم بماي حار و خليه ليما تشوفين لون الماي خذا لون البيدجان

يا عمري الخلطه اللي انا حاطتها مالت الحنه اهيا تعطي لمعه للشعر و تعطيه نعومه و لمعته حيل حلوه وانا افضل زيت الزيتون لانه حيل يعطي لمعه مع الحنه

العفو يا قلبي حياج الله
​