الـــحــــــــــرمـــــــــــلـــك

[JANAA]

بنات بقولكم سالفة على موضوع راتب الزوجه

مره يت قضية حق مكتب محامي كبير تفاصيلها شنو :
الزوجة تشتغل مدرسه وراتبها كبييييير والزوج كان يشتغل وقعد بالبيت المهم البنت ملتزمه وايد عباية وحجاب كامل واهي تشتغل مدرسه وتدرون شنو شغل المدرسات من تصحيح وتحضير ... الخ المهم صار الاخ اشوي اشوي يخليها اتيب كل شي بالبيت من ماجلةالبيت حتى مصروفه الشخصي وسجايره اهي تيبهم ... بعدين صار يقولها ابيكي تعطيني راتبك كامل كل اخر شهر وانا اصرف وانا اعطيكي مصروفك وحاول انو ياخذ ذهبا قامت واعطت ذهبها حق امها ومره بلييل الساعه 3 الفجر تهاوش معاها على الراتب وطردها من البيت الساعه 3 الفجر بقميش النوم ورفض يفتح لها الباب البنت من سكان منطقة الفروانية مشت بقميص النوم لحد ما وصلت بيت اهلها بخيطان طبعا ابوها مطوع لما فتح الباب وشاف بنته بقميص النوم انصدم وثاني يوم رفع قضيه على الزوج

بنات ايش رايكم

 

[JANAA]

انا اول وحده اشارك
الصراحه اذا في سفره لازم اتشااارك مع ريلي اعطيه المقسوووم بس مو الراتب كله
وبالنسبه للمشترياات العاديه اهو يعطيني بس اذا قصر عليه يعني باااقي علي نزله المعاش اسبووع وماعنده اساعده مو دااايما
ولازم الريااال مايتعود يااخذ من المراااااا واذا تعود تصير مشكله لان الريال بطبعه اتكاااالي ومع الاسف في بعض البنات وانا منهم العيب فينا احنااااا عودناااهم علي جذيه والحمدالله تغيرت صرت الاحسن صج والله يابنات لايتعود يااخذ منج

حبيبتي نور والله صاجه كلامك 100% بس شنو انسوي تربينا على السنع وشوفنا امهاتنا وسبحان الله الوحده فينا ما اتحب اتشوف اي قاصر على بيتها او اعيالها

انا نفسك نور طبعا ايجار البيت عليه مصاريف المدارس عليه ( مدارس خاصه احنا ) بس انا اساعده بمتطلبات المدارس اموري الشخصية علي اكون بالسوق اشوف ملابس حق اعيالي اشتريهم ... وهكذا وتستمر الرحا في الدوران

 

[نور78]

سوسو لاتردين علي البنااات اللي يحطووون مواااضيع سخيفه تري يوقفون عضويتج
مو ناقصين مشااكل معاااااهم
استغفر الله من الصبح موااااضيع ترفع الضغط

 

[مهاوي البحرين]

هلا بنات شهباركم

حبيت اشارك معاكم

معاكم مهاوي من البحرين

 

[Spoildish]

ادري نور بس صج صج تفاااهة و يرفعون الضغط مانخلص من هالاشكال احنا
مادري ليي متى يعني جذي الحاله
وبالنسبه حق الموضوع اليوم انا 100% ضد انه الزوج يجيس فلس من معاش زوجته
الزوجه تقط من معاشها وتساعده مني مناك في مصاريف البيت اوكي بس انه ياخذ معاشها بصراحه هذا مو ريا و البنت نفسها ما عندها سالفه تعطيه كرتها اصلا

 

[opera]

اوووو


فتحتو موضوع وانا مادري عنه



جنى ليش ما وقفتي بالطابور معاهم لووووووووول

 

[opera]

انا معاكم


الزوج اهو المسؤول عن المصاريف

بس في حالات الريال يكون معاشه قليل ومايكفي خصوصا اذا كان عندهم التزامات وايده


فلازم المره تعاون ريلها


ااما اذا معاش الريال يسد احتياجاتهم .. حلو المره تساعده شوي يعني
انا شخصيا مصاريفي اللي ريلي مو ملزوم فيها انا ادفعها من معاشي

مثل المواجيب
اذا وحده تزوجت ولا ولدت ولا ناس انزلو بيت يديد
او هدايا حق رفيجاتي مني مناك

انا اشتريها من معاشي
ما اطلب منه لانه اهو مو ملزوم بهالشي

 

[نور النهار]

وانا بعد معااااااااكم

ضد انه الزوج يجيس شي من معاش زوجته

إلا اذا من خاطرها حطت على بيتها او عيالها

واكيد مافي مانع الزوجة تساعد زوجهاا بالسفر او بأي شي

وأحلا شي التفاهم بين الزوجين موووتصير علاقة مصالح وس

 

[opera]

جنى هذا مو ريال اللي يقعد بالبيت وياخذ معاش مرته اللي قاعده تكرف

مع انه في وايد جذي ياخذون المره عشان معاشها

لوووووووول

خصوصا المدرسات

يتزوجونهم الرياييل مو عشان شي عشان معاشها





انزين انا سؤالي العكس


اشرايكم بالمره اللي تاخذ معاش ريلها ؟؟

 

[نور النهار]

لوووووووووووووووووول

كلنا افكارنا متقاربة

 

[نور النهار]

ابووورة

تاخذة من ناحية شنووو يعني ؟؟

 

[Spoildish]

اوبرا شلون يعني المرا تاخذ معاش ريلها؟ يعني المصروف مال البيت ولا معاشه كله؟

 

[opera]

اقصد يعني من ينزل المعاش يحطه بيدها عشان تصرف على كيفها وتصرف عالبيت وتعطيه مصروفه

او يكون كرت البنك عندها مال ريلها

 

[opera]

يعني اهي اللي تصير ماسكه الفلوس مو الريال

 

[نور78]

ابوووووره الريال اقصد الزوج واجب عليه النفقه ان شالله دينااار واحد لازم يعطيهااااااااا حتي لو كان راتبها قليل بس ان يعطيهااااا راتب كامل فوق معاااشهاااا اسمحيلي هذا مو ريااااال
اعرف ناااس مع الاسف حريمهم بخله يخشووون فلوسهم ويااخذون من الريل 4/3 الراتب والزوج ساكت ماينطق هذا اللي يسمونه سكانه مرته الله لا يبلانا

 

[opera]

اي

انا معاج ماحب اشوف الريال يحط معاشه عند مرته سواء كانت تشتغل او بطاليه

حلو يصرف عالبيت بس يعطيها مصروف بسيط مو يقط المعاش كله بحضنها ويقول لها انتي المسؤوله عن المصاريف

لا واهي اللي تعطيه مصرووفه بعد

او تاخذ كرت البنك منه واهي تسحب وقت اللي تبي

 

[Spoildish]

هممم والله اذا عطاها كرته تصرف منه حق مصاريف البيت و تشتري الي تبيه و ترده خوش ريال اما الي الي مرته بالغصب تاخذ كرته و وتعطيه مصروف هذا سكانه مرته وشخصيتها قويه واايد واتوقع مرده الريال راح يدورله وحده ثانية تحسسه برجولته
انا عندي الريال عليه انه يصرف عالبيت وبس والله الحريم ما يبون اي شي ثاني و اغلبنا جذي معاشها حقها تصرف منه الضروري حق البيت

 

[نور النهار]

موو حلوو جذي

مع انة اعرف وحدة وكبيرة بالعمر يعني يدة

تاخذ معاش ريلها من او ماتزوجو وتقول اهو عودني على جذي لانة مايعرف شلوون يتصرف بمعاشة اذا معاشة قعد عندة يصرفة

اما اذا عندي احافظ علية اعرف المصاريف عدل للبيت والعيال والخدم

مع انة الكل ناقد عليها يقولون حشى اهيا الريال واهو المرا اي شي ؟؟

بصراحة انا ضد الفكرة هاااذي

حلات الريال ريال والمرة مرة

 

[JANAA]

حلو انو يكون فيه مشاركه وتعاون بين الزوجين

طبعا الزوج اهو الملزوم بكل شي ومافبها شي انه يعطي مرته مصروف حق البيت واليهال لأن تدرون في طلبات حق اليهال والمدارس فالزوجه اهي الي اتروح اتيبهم بحكم زوجها مشغول فطبعا لازم يكون بايد الزوجه مصروف

لكن يعطي مرته معاشه او اهي تفرض شخصيتها عليه وتاخذ منه الراتب وتعطيه مصروفه لا اعتبره ريال ولا اطالعه بعين الاحترام

 

[opera]

الريال ريال والمرة مرة

عجبتني وايد


ههههههههههه


انزين الحين السوال الصعب


هههههههههه


كل وحده تعترف

تعرفون جم معاشات رياييلكم ؟؟؟؟؟؟؟؟؟