[ الــعنايـــه بالاظـافـــر ] .. نفيد ونستفيد ؛)

[Tutti-Frutti]

8
8
8

مال بودي شوب كان عندي اياه
بس مادري يوم استخدمته ما حسيته نفع وياي !
شكلي بجربه مره ثانيه

زين والـ ecrinal زين؟
ومن وين؟

انا شفت منهم بس احترت اخذ ولا لا :\

 

[روان المطيري]

اي صج بنات
الحين يايبين شغلات مقويه حق الاظافر تصير مثل الصبغ الشفاف بس اهو مقوي مو صبغ
وتصبغين فيه اظافرج
شفت منه بجمعيه الشاميه
بس ما شريته مادري خفت اشتريه ويطلع ما منه فايده

اللي جربته او سمعت عنه خـ تفيدنا

انا استخدمته باليوم مرتين تحطينه ما شفت منه فايده كلشش

 

[دبي العز]

هممممم عن نفسي شهرياً اقصهم واقصرهم لاني ما احب الظفور الطويله لانها تقرفني وساعات تطول ظفوري ما اطيق اشوفها حتى

واحط الي يشيل الجلد الميت ماخذتنه من كارفور

وابرد ظفوري ......ألخ يعني

عقب ماخذه في كشك في اغلب المولات عندنا في دبي يبيعون جييه مجموعة للعناية بالاظافر ما ادري اذا عندكم موجود

هذا المربع الي يكون بــ 4 اوجه << اهم شي اوجه
واخر شي المعهم

وبعدين مع المجموعة فييه زييت خاص للظفور احطه على ظفوري

ويطلعون مرتبات ونظاف وفيه لمعة صحية حلوه

استخدم كريمات يعني ومنها فازلين للايد والاظافر وغيرها من الكريمات

وبس =)

كل الشكر

 

[*مــــســــك*]

انا اعترف مقصره بحق اظافري تدرين شنو عنايتي اصبغهم وقت الدوره وبعدها اقصهم لللحم لووول

وناطرين خلطة الملاك وواعجبتني خلطتج بس ياربي اانا والحليب مو ربع كلشششش

ومرسي اوووي على الموووضووووووووووووووع ياقمرررررررررررر

 

[Tutti-Frutti]

8
8
8

احلى شي بالدنيا الحلييييييييييييييييييييب ادمان
اذا ما شربته الصبح اشربه بالليل قبل لا انام
امي تقولي شنو انتي تعوضين؟ اذا ما شربتي الصبح تشربين بالليل؟ لوووول

 

[Jumanah sad]

أنا وايد احب اظافري وكل اربع اسابيع اسويلهم بدي كير منيكير

ما استخدم وايد زيوت بس كل اسبوع انقعهم بماي وملح >> لاني سمعت أن الاظافر بحاجة للاملاح
ومراكز التجميل العالمية تستخدم الماي والملح للعناية بالاظافر قبل الترطيب

استخدم لهم
(1) زيت الزيتون + الليمون ... بين كل فترة وفترة
(2) ملعقة ليمون + سكر ... تقريبا كل ثلاثة ايام

وهي من اجمل الخلطات اللي تعطيني لون وردي واظافر قوية وصحية >>> وشوفي اللمعة
وع فكرة هالخلطة زينة للايدي وتقشيرهم وتعطي الجلد لمعة وطراوة
وتغذيه

لاني احبكم في الله

انصحكم هالنصيحة

لا تعتمدين على المقويات اللي في السوق لانها كلها كيماويات
بالبيت ومتى ما دخلتي المطبخ
تقدرين تسوين كل شي لاظافرك

بس يبيلها طولة بال وارادة

 

[UNICORNA]

هلا توتي فروووتي

وين الغيبه ياقمر. عسي المانع خير ان شالله

شوفي بالنسبه لي أنا ماعندي اظافر كلش بس حيل اهتم فيهم من سنين

يعني عندي معدات البيديكير تقريبا كلها

مثل فراشي الأظافر حق الرجول واليد. الحجر العادي والخفاف

قصافات. مقراضات. مبارد صحن المآي حق اليد للبديكير وصحن الرجول

ومناشف وغيرهم

وماعندي وقت محدد اسوي فيه بديكير. يعني

أنظف لنفسي بشكل دوري

اهم شي ان لمن يكون عندي زوائد زياده او مشاكل بجلد الظفر ازيلها علي طول

عندي اهم شي المقراضه اللي تشابه الكماشه هذي أساسيه بحياتي

والمبرد العادي والمبرد الكبير العريض هذا رووعه لأي تعرجات تحصل بالظفر نفسه يخليه كله متساوي

هالاثين حيل مهمين لاني أنظف فيهم اظافر رجولي بعد اول باول

وطبعا ضروري الكريمات المرطبه لليد واستخدم اي نوع عندي

اما الرجول استخدم لها كريم معين فوق اللممتاز روووووعه

وبس هذا اللي اتذكره الحين

وموضوعة كثير حلو لانه جديد ومافي احد يتكلم فيه بالقسم رغم اهميته وضروريته للجميع

ولألأتها يوقف ياحلووه

 

[Unusual]

مافي غيير البديكير اللي اعمله كل شهر ..

واحرص أي لوشن أشتريه ليدي يكون للعناية بايدين والأظافر ..

أوقات أفرك يدي بليمون .. تقوي الأظافر وتعطيهم لمعة مع الإستمرار وبنفس الوقت تفتح اليد بشكل عام ، بس أنا والله مو مستمرة عليه ..

وووووبس .. شكرااا

 

[paraka]

انا يومياً أدهن ايدي واظافري بكريم سيباميد للايدي والاظافر يعني (2-3) مرات باليوم
وكنت استخدم مقوي شريته من الصيدلية نفس الصورة الي فوق ecrinalاستخدمته لمدة شهرين مرتين باليوم حسيت انه في تحسن بأظافري بس خفت استمر عليه لاني قريت ان المقويات كثرة استخدامها تأثر على طبقات الظفر وتفكك الروابط الي بينهم
والحين استخدم خلطة انا اسويها ( زيت زيتون - زيت اللوز الحلو - ليمون ) ادهن فيها ايدي بليل قبل لا انام وادهن اظافري مع التدليك واخلي الدهن عليه للصبح .
وبين فترة وثانية اسوي صنفرة لايدي وأظافري مالت نيفيا وبعدين ادهنها بالخلطة الي ذكرتها
وطبعاً مو مطولة اظافري وايد بس شي بسيط عشان ما يتكسرون.
وللتنظيف على طول أمرر عود الاسنان من داخل الظفر عشان أضمن مافي وسخ داخل الظفر وبعدين أغسلهم بالفرشة الخاصة بالاظافر بصابون الايد السائل وبعد ما أغسل أضافري أدهنهم بكريم سيباميد على طول

وسلامتكم