[ الــدّريـــشَـــهْ ] .. مُلتقانآ هِنآ .. لآضآقت بنآ الأربعة جدرآن !!

[!! الواصليّـــــة !!]

سلسبيل دزيلي رابط سيدات الكويت عالخاص

وجزاج الله خير غلاي
.

ام علي ابشري يالغلا

.



يلى بنات في امان الله .

 

[سلسبيل 2008]

مع السلامه كان ودي اسهر بس شابكه بوصلت اختي وتبي وصلتها بعد صلاه الفجر :eh_s(13):

عندي سوالف شكثر من زمان ما سولفت بالنت :27d66a9c24b146327bf

بس ما اقول الي حكم القوي علي الضعيف

الي اللقاء ان شاء الله باجر اشبك واسهر معاكم لي الصبح

 

[ام مصعب السلفي]

بنات انا جيييييييييييييييييييييييييييييييييييييت شكلكم رحتوا يالله اتسلى بقراءة ردودكم

 

[خطاي اني وفييت]

صباح الانوار ام مصعب مدري في ولا خرجتي

 

[خطاي اني وفييت]

سمعت من احد الدعاة ان الرسول صلى الله عليه وسلم كان يبدا دعائه في الليل
يقول عليه الصلاة والسلام

اللهم لك الحمد انت نور السموات والارض ولك الحمد انت بديع السموات والارض ولك الحمد انت قيم السموات والارض

تاثرت حيييييييييييييييييييييل با الدعاء وهو ثناء على الله عزوجل

بنات حبيباتي تعديل على الدعاء يلي كتبته اكتشفت اني كتبته غير عن يلي قاله الشيخ هي بس اختلاف بسيط بس لازم اعدل لكم لانه عن الرسول صلى الله عليه وسلم فا لازم التثبت قبل ما اكتب عن الرسول صلى الله عليه وسلم

الدعاء هو
اللهم لك الحمد انت نور السموات والارض ولك الحمد انت رب السموات والارض ولك الحمد انت قيم السموات والارض

 

[ام مصعب السلفي]

هلا خطاي صباح الطاعه والسعاده وينك لنا فتره فاقدينك

 

[ام مصعب السلفي]

صباح العسل ياعسوووولات .
وشلونتسن ؟




.


انا صارلي ساعه جالسه افكر ؟؟؟
فكرن معاي

.

الحين دعاء المطر وعرفناه والريح والرياح عرفناه
بس الغبار شنو ؟
ماورد حديث يوضح هالشي ؟؟؟؟؟؟

.

غلى قلبي .... ليش مصعبتها وهي يسبره

الغبار عباره عن ريح قويه تحرك التراب اللي بالارض

فيصير غبار يعني سببها الريح دعاءها دعاء الريح <<< ترى افتت من عندها






-

 

[خطاي اني وفييت]

هلا حبيبتي ام مصعب فرحت اني لقيتك عبالي نمتي

اي والله غبت عنكم لضروف الله ييسر امري دعواتك لاختك

متى تنامي اخاف اقعد ابربر لوحدي وانتي مو في

 

[ام مصعب السلفي]

والله انا مااعرف متى انام اطقطق بالنت واذا جتني النومه بقولك

عسى الله ييسر لك كل عسير ويفرج همك ويكفيك مااهمك

خطاي انت سعوديه صح

 

[خطاي اني وفييت]

اي سعوديه من مكه

ام مصعب ودي اعرف كم عمرك

 

[ام مصعب السلفي]

الله ياحلو مكه وانا اقول ليش حبيتك بسرعه

شكلي شميت ريحتها معاك

انا ياطويلة العمر عمري 28 سنه

وانت كم عمرك وشلون مكه ياشوقي لها

 

[خطاي اني وفييت]

يا حياتي يا ام مصعب وانا حبيتك من يوم ما سجلت بها المنتدى مدري ليه

سبحان الله نفس عمرك

مكه ابد ما اقدر استغنى عنها ولا احب اطلع منها حتى والله يوم نروح نتمشى الجنوب او الطايف نطول تقريبا اسبوع اجنن اهلي لين يردون لحبيبتي مكه احس فيها با الراحه فيهااااااااااا روحاااااااااااااااانيه رهيبه

يارب قريب تعتمرين واشوفك مثل ما شافتك ام عمر <<<<<<بدت الغيره الله يعينك

ام مصعب شنو تخصصك بدراستك كني زودتها اليوم با الاسئله هههههههه اذا فيها احراج بلاش

 

[ام مصعب السلفي]

انا ادرس القران وعلومه اتخرج مدرسة قران وتجويد وتفسير

الله يجمعنا يارب ونتلاقى بالدنيا وبالاخره اخوانا على سرر متقابلين

اكيد تبينها احد يعيش بمكه ويرضى بغيرها الله يسعدك ويشرح صدرك يارب

 

[خطاي اني وفييت]

آآآآآآآآآآآآآآآآآآآمين
جزاك الله خير على دعواتك الطيبه

الله لايحرمني من اخواتكم سبحان الله رغم المسافه البعيده بيني وبينكم هنا الا ان لكم معزه بقلبي كبييييييييير حييييييييييييييييييييييييييل

حتى في الايام يلي مضت ما كنت ادخل بس كنت مشتاقه لكم

الله يوفقك في دراستك يارب ويجعلنا واياك من الدعاة اليه با الحكمه والموعضه الحسنه

لجلسه معك ما تنمل وما شبعت منك بس ودي انام عشان اخاف تخذني النومه عن الصلاه

لاتنسيني من دعواتك في ساعه الاجابه اليوم
استودعك الله الذي لا تضيع ودائعه

 

[ام مصعب السلفي]

خطاي والله ودي اقعد معك اكثر والله اني استانست على سوالفك

بس بحاول انام علشان اقعد زوجي لصلاة الجمعه



في امان الله مع كل حب لك غاليتي

احبك في الله واعشق الحرم فزاد الحب لك

 

[ام مصعب السلفي]

نوووووووووووووووووووووم العواااااااااااااااااااااااااااااااااافي غلاي

 

[نور-الكويت]

الله كأن عطر وريحة مكه موجوده بالمنتدى
يا حيا الله اهل مكه
ياشوووووووووووووووووووقي لها

 

[جوريksa]

السلام عليكم

وشلونكم حبايبي اشتقتلكم كلكم

جنو وينك انتي وروح خير وش هاالغطه

غلاوي خلصتي اختباربات والا

ام مصعب كيف الاختبارات معك خلصتي والا توك االله يوفق كل من عليها اختبار ويعينكم

 

[نور-الكويت]

السلام عليكم كيف حالك جوري

 

[ام مصعب السلفي]

السلام عليكم

وشلونكم حبايبي اشتقتلكم كلكم

جنو وينك انتي وروح خير وش هاالغطه

غلاوي خلصتي اختباربات والا

ام مصعب كيف الاختبارات معك خلصتي والا توك االله يوفق كل من عليها اختبار ويعينكم

هلا هلا هلا بالغاليه وين هالغيبه عسى المانع خير

انا امتحن الاشهر وامتحاناتي الفينل مابدت للحين

والله ييسر اللي فيه خير ويسهل امرك ويكفيك مااهمك

ويشرح صدرك وينور قلبك اشتقنالك :flower: