[ الــدّريـــشَـــهْ ] .. مُلتقانآ هِنآ .. لآضآقت بنآ الأربعة جدرآن !!

[جنى q8]

السلاااام عليكم ورحمه الله وبركااااااااااااته

اولا
اهني حبيبه قلبي ام مصعب من اعماااق اعمااااق اعماااق قلبي على حفظهاللقرءان الكريم واسأل الله العظيم ان يجعله حجه لها لا عليها
وان ينير دربها بالقرءان الكريم
ويرزقهاااا جباااااااااال جباااااااال من الحسنات بكل حرف قرأته اضعااف مضاعفه
وان يقال لها بجنات النعيم اقرئي يا ام مصعب ورتلي كما كنتي ترتلي في الدنيا
وان يرزقنا مارزقكي يالغااااليه

احبك في الله


ثانيا
احب اسلم على خواتي الحبيبات
غلااااووووووووي <<< مشتاااااقه لج شوووق الدنيا
من زماااان عنج يالحبيبه
جوووريتي <<وينج يااابعد قلبي فقدتج من غير شر
وصااالي << محبوبه الجماهير يااابختج في شوفه ام مصعب وفي حبها لج
اسأل الله العظيم رب العرش العظيم ان يسر اموورج ويرزقج ما تتمنين ويفرحنا فيج ويفرح قلبج بالي يهنيج ويدللج
بالي قلبه معلق بالمسااجد
نهووووووووووي حبيبه قلبي <<< احس ان لي دهر بعيده عنج
خياله <<شخبارج يالحبيبه
الجوهره عروستنا <<<بالتوفيق ياااارب
ميني دوناات << وينج وين دوناتج اشتاقنا لج
خطاي <<هلا ومرحبا بالغالين
اوبرا <<<حياج الله اما سوالفج عجيييييبه اضحك الله سنك واسعدج ربي بالدارين ورزقج بالزووج الصالح الفالح التقي النقي ياارب وكل بنات المسلمين
وكل بنات الدريشه اقولكم احبكم وعسى ربي يسعدكم

 

[جنى q8]

السلام عليكم ورحمة الله وبركاته


انا اول مره اشارك بهالتجمع المبارك
وعندي احساس انه هالتجمع راح يفيدني حيل لانه البنات الي فيه باين عليهم خوش بنات
وياخذون بيد الوحده الي مثل حلاتي ضايعه ومو عارفه شنو اسوي

ابيكم تنصحوني وتعلموني وتاخذون بيدي
والله اني ابي اتغير وابي اصير احسن وحده باخلاقي وتصرفاتي
ساعدوووني صبايا

ابي احفظ القران ابي اكفر عن ذنوبي ابي احس بلذة الطاعه والعبادة
ابي صديقات وخوات مثلكم وشرواكم

حياااج ربي يالحبيبه
افا عليج احنا نعين ونعاون ان شااء الله
وانا بعد ابي اسوي لنفسي ريفريش
واعاده تشغيل << ويندوز مو جنى لوووووول
المهم انا بعد من اليوم ناااويه ان شااء الله اني اجدد الايمان واجدد التوبه واجدد كل شي بعلاقتي مع رب العبااااد
والله المستعاان

 

[!! الواصليّـــــة !!]

السلآم عليكم ورحمة الله وبركاته

./

أولاً أحب اشكر الله تعالى لأن جعلني ألتقي بحبيبة قلبي وخليلتي [ ام مصعب ] وأساله ان يُقرّب لقائنا فما عليه بعسير ..
ولآندري .؟! لعلَّ الله يحدثُ بعد ذلكَ امرا .}

.

ثانياً أنا بذكر لكم النقاط اللي استطعت سمعها وتثبيتها اما البعض فلم استطع لأمرين ؟!!

الاول : التقائي بغاليتي ام مصعب وبالعامي ّ كذا اخذتني السوالف معاها ونسيت الجبير ابكبره :eh_s(3):
الثاني : وهو سرحاني في بعض الناس بعد ذهابهم وتفكيري باللقاء الذي حصل ههههههههههه

لآ حظوا انّي اتكلّم معاكم بالفُصحى بس مالكم شغل .. هذا لأنّي داخله جو
.


نجي للمحاضره، واللّي انوّه لكم اني انقلها لكم بتصرّف أي ليست حرفيه ونصا كما نطقها الجبير حفظه الله .

،


تكلم الشيخ خالد الجبير في آخر محاضره عن كيفية حمايتنا لأنفسنا من الغفله .. وعرف لنا التوبه النصوح .. واخر ماتحدث عنه الأسباب التي تؤدي الى التوبه النصوح ..

طبعا اهو ذكرها بإلتفصيل الغير ممل ولكنّي اختصرتها ..

/

* النقطه الاولى وهي كيف ان نحمي انفسنا من الغفله ؟
رح احمي نفسي من الغفله لمّا أحط في بالي هدف واحد ألا هو الجنه واعلى مراتب الجنه ..!
وهنا الشيخ ضرب مثال جدا جدا خش راسي وتمشى فيه :eh_s(3):

اذا الطالب حط في باله انه ينجح ومايرضى بنسبه الا 100% .. ف هنا رح يجاهد اكيد ويجتهد بالدرس واقل اقل شي ان ماجاب ال100% رح يجيب 99 والا خنقول 90 % !
اما الطالب اللي حط في راسه انه ينجح وبس ويقولكم يبه مقبول راضي فيه المهم انجح ..!؟ فهذا اما ينجح والاحتمال الاكبر الرسوب ..!

وكذا بالضبط رح نتعامل مع نفسنا ونعوّدها ع الجد والاجتهاد للنيل من الهدف السامي بإذن الله .. واننا لازم نحط في بالنا ونطمح للمرتبه العليا من الجنه .. مربوط ذلك بحسن الظن بالله تعالى .


**نجي للنقطه الثانيه وهي [ تعريف التوبه النصوح ] :
انا بالنسبه لي من كنت بالمتوسطه وراسخ في ذهني ان التوبه النصوح هي ترك الذنب والعزم ع عدم العوده اليه ..
اما شيخي الفاضل فأجمل مافيه انه يعلم ببساطة المتلقي وكبر سن اغلب الحضور فكانت سلاسته الشئ الذي أسر القلب وأثّر فيه .. فعرف التوبه بـ: اني اتوب واثبت ع توبتي واموت عليها ..!


*** نجي للنقطه الثالثه واللي شرحها الشيخ بإسهاااااب حتى انها اخذت ثلاث ارباع وقت المحاضره الكامل . وهي :
[الاسباب التي تؤدي الى التوبه النصوح ]واذكر لكم منها


1- تأديب النفس :
والنقطه هذي جد جد أثّرت فيني وحسيتها مرتبطه بنظرية العلاقه بين العقل الباطن والعقل الواعي << ميخالف دخلتكم بعلم النفس

المهم ..

+ تأديب النفس يكون بعقابها ولكن عقابنا هالمره شي جميل وشعور لذيذ:eh_s(21): وهي انّي كل ماعملت ذنب والا زليت في اي شي في حق الهي .. ع طول اتوضى واصلي ركعتين واستغفر ..

من كذا بذكر لكم قصه صاحب السجائر << الزقاير هههه
يقول الشيخ :
جاءني رجل مدخن وقال لي : ياشيخ انا مافيني طب كل شي سويته ولابه فايده .
قاله : وش فيك ؟
قال : انا ادخن باليوم 6 باكيتات يعني 120 زقاره
فرد عليه الجبير : علاجك هنا ..
قال: وشوووو ؟
قاله الشيخ : توعدني تعمل اللي اقولك عليه ؟
قال : اوعدك
فقاله الجبير: اذن بعد كل زقارة تشربها قم توضى وصل ركعتين
اندهش الرجال وقال : يووووووو اجل تبيني اصلي باليوم 240 ركعه !
رد الشيخ : هذا اللي عندي وغيره ماعندي لك حل
وسبحان الله ... اتبع الرجال كلام الشيخ وجاله بعد مدة يبشر بأنه ترك الزقاير ولاعاد يحب حتى ريحتها


2- صيانة النفس :

صيانة النفس يكون بالطاعه وهي خنس طاعات اعلاها الصلآه وذكر منها الصيام .

3- التوكل ع الله :

وذكر ان التوكل ع الله مرتبط جدا جدا بالدعاء << وين الخياله تقولكم عن سر اعجابي بالدعاء وتعلقي فيه

الشيخ قال ان كثير الدعاء = كثير التوكل ..

يعني ماتدعين الله تعالى وتخضعين له فهذا يدل ع انك تعلمين وانك ع يقين ان الله تعالى هو مالعطي وهو المانع ..
فلا معطي لما منع ولامانع لما اعطى ..

[ يا الله ياربي تجيرنا من عذاب النار وترزقنا الجنه .. وتكتبلنا عيشَ السُعدآء ] << هذا فاصل اعلاني :eh_s(3):

4- المكان :

بإختصار لما ابي اصون نفسي من لغط وذنب وووو موجود في مكان فإني اقوم واغير مكاني الى مكان يرضاه الله

وبالنقطه هذي ذكر لنا قصة رجل كان ملتزم وملتحي
واتخذ تجارة في [ المستلزمات النسائيه ] وكان ه واللي يبيع وسبحان الله ابتدى ذنبه في لمس النساء فوسوس له الشيطان [ ياخي انت وراك معفي اللحيه احلقها وارتاح وخذ راحتك مع الحريم ] << ترى هذا اسلوب الجبير هههههه
فحلق الرجال لحيته والنتجيه انه اصبح زاني !!!! << عورني قلبي من هالقصه
هذا يبين شدة تأثير المكان ع النفس .


///


انتهت المحاضره بس باقي قصه جدا اعجبتني يقول الشيخ :
قال لي احدهم .. كنت مصورا وتمت دعوتي لتصوير احدى ندواتك في الحرم ويذكر لنا الرجل انه عمره ماصلي رغم انه متواجد كثيرا بالحرم .. يقول فجيت وصورت وانا جالس اصورك زهقت ومليت وثبت الكاميرا ورحت اتمشى ونادوني ارجع اثبت الكاميرا .. يولما جيت لقيتك تدعي والناس خلفك كلها تؤمّن .. فرفعت يديني لأول مره .. وكأن الشيطان بدأ بتحبطي ليقول : انت لك وجه ترفه يدك وانت عمرك ماطلبت ربك ولاصليت ؟
يقول استحيت ونزلت يدي ..
فرجعت انت ياشيخ خالد وجلست تدعي بصوت اعلى واشد تأثير من اللي قبله ...
فرعت يديني وانا ابكي واعزم ع اعفاء لحيتي والالتزام ..

الرجال يقول ومن التزمت ياشيخ والله كل اموري انحلّت ..
قبل كنت مصور ومعاشي جدا جدا قليل والحين معاشي اقوى من قوي
قبل كنت مصور والحين انا مندوب مبيعات وكنت مديون بمبلغ 70 الف والحين باقيلي بس 13 الف .

سبحان الله !


...


بنات ترى تعبت وانا اكتب فرجاءً تقرون الكلام لأنه والله العظيم بيفيدكم وانا ع يقين :jbdwjbd:<<ياحظّي بالأجر اللي باخذه هههههه
ودعوا ان ربي يثبت الشيخ خالد وانه يجي الكويت كل يوم << ما اغشمر ههه


.

 

[!! الواصليّـــــة !!]

الجوهره .. حبيبتي انتي
ان شاء الله نلتقي عن قريب

.

وداعيه

غلاي ارحبي المكان واصحاب المكان يفرحون بانضمامك ..
واقري ردي عن محاضرة الجبير جدا جدا جابي في وقته وكأنه يهديه لك


.


جنوي

فديت ذا الخشه ياناس ..
انتي وينك مندعسه صارلك مدة ..
يابنت لايكون تزوجتي ههههه
يارب يارب يارب لك بالمثل وعسى ربي يعطيك ع قدر نيتك الطيبه ياجنى ..
من جد انتي انسانه قلبها اكبير وياحظ اللي قريب لك .

.

 

[نور-الكويت]

السلام عليكم ورحمة الله وبركاته
كيف حالكم خواتي
من زمان عنكم
في احد حامل مثلي في هالتجمع ؟؟

 

[!! الواصليّـــــة !!]

نور ان شاء( الله نتزوج وانحمل ههههههههههههه)
.

مامرت علي وحده حامل .؟؟؟
جان ام مصعب بس ماتبي اتعلم << تتحرش

 

[نور-الكويت]

السلام عليكم


شخباركم يا خواتي

عساكم بخير



طمنوني عنكم

ام عمر الغاليه
الخياله
ام مصعب فديت قلبها الكبير
جنوي
غلاوي
الجوهره
خطاي
روحي حبيبي
ذبحني صمتي(ام عمر2)
شواقه
نور الكويت
بدوية هيبه
بدويه ماتهاب

يا الله هذي الاسماء مستحيل تغيب عن بالي

تدرون شكثر احبكم


>>هالكثـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــر<<


عسى ربي يوفقكم ويسعدكم دنيا وآخره



اقول

لو طلبتكم بشي رح تردوني؟؟؟؟؟؟؟؟؟

حبيبتي اسعدني كثيرا هالرد احبك الله الذي احببتيني فيه اسأل الله ان يجمعنا في الدنيا على طاعته وفي الاخره مع امهات المؤمنين رضي الله عنهم

 

[جنى q8]

جنوي

فديت ذا الخشه ياناس ..
انتي وينك مندعسه صارلك مدة ..
يابنت لايكون تزوجتي ههههه
يارب يارب يارب لك بالمثل وعسى ربي يعطيك ع قدر نيتك الطيبه ياجنى ..
من جد انتي انسانه قلبها اكبير وياحظ اللي قريب لك .

.

بعد عمري وصاالي
انا هني بس كنت تعبااانه ولله الحمد والمنه عشان اكفر ذنووبي
والحمدلله اليوم بس صحصحت بس للحين الكلينكس يمي والوجه والخشم ممطوووطين لوووووووووول

تزوجت

انا تزوجت يااااليت << ماتستحي
والله عيب
اتوقع الحين تطردوني من الدريشه

ياحياتي ياوصالي تسلمين على الكلام الطيب :eh_s(22):

ترا استحي :eh_s(22):

 

[نور-الكويت]

هلا فيك يالواصليه كيف حالك افكر كثير في معنى اسمك ؟؟

 

[نور-الكويت]

ياليت يا بنات اغلى تجمع نحن قدوه لغيرنا ولا بد التغير يأتي منا اولا فمن كانت تضع صوره بها نساء عاريات فياريت تحترم مشاعرنا وتتركها لله لأن فيها معصيه كيف نحن ندعو البنات بعدم وضع صور النساء وفي تجمعنا يوجد الكثير
اتركوووووووووووووها لله يررررررررررررررزقكم خيرا
وانا لكم ناصحه ولست ناقده
احبكم في الله

 

[!! الواصليّـــــة !!]

جنى
هههههههههههه فديت قلبك لا فضفضي ماعليتس وانا اختس ماهنا غريب
ولاباس طهور

.


نور الكويت هلابك غلاي
اسمي يرجع لقبيلتي [ امطير ] انا من فخذ بني واصل . والواصليه نسبه الى واصل .
وجزاك الله خير ع التنبيه .. بخصوص الصور .. بس احنا نحاول نرغب البنات في تجمعنا وبإذن الله من ارادتهن تتغير فيهن اشيا كثير .
.

 

[جنى q8]

ياليت يا بنات اغلى تجمع نحن قدوه لغيرنا ولا بد التغير يأتي منا اولا فمن كانت تضع صوره بها نساء عاريات فياريت تحترم مشاعرنا وتتركها لله لأن فيها معصيه كيف نحن ندعو البنات بعدم وضع صور النساء وفي تجمعنا يوجد الكثير
اتركوووووووووووووها لله يررررررررررررررزقكم خيرا
وانا لكم ناصحه ولست ناقده
احبكم في الله

اختي نور انا اعتذر عن الصوره لج
واعتذر لكل البنات
بس الله مو بيدي
هذا التجمع للريجيم
اهما فارضين علينا هالصوره

من قوانين التجمع ان نحط هالصوره
ولا لو كان علي انا جان ابد ما احط هالصور لا نساء كاسيات ولا عاريات <<انا شكو احط صوره مره

 

[نور-الكويت]

ونعم بأهل مطير
لابد بالامر بالمعروف والترغيب يكون بما جاء في الكتاب والسنه ولانحب المجامله في الدين
عاد الله يعينكم علي دائما لا اعرف ان ارى منكرا ولا ارده

 

[نور-الكويت]

السلام عليكم


شخباركم يا خواتي

عساكم بخير



طمنوني عنكم

ام عمر الغاليه
الخياله
ام مصعب فديت قلبها الكبير
جنوي
غلاوي
الجوهره
خطاي
روحي حبيبي
ذبحني صمتي(ام عمر2)
شواقه
نور الكويت
بدوية هيبه
بدويه ماتهاب

يا الله هذي الاسماء مستحيل تغيب عن بالي

تدرون شكثر احبكم


>>هالكثـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــر<<


عسى ربي يوفقكم ويسعدكم دنيا وآخره



اقول

لو طلبتكم بشي رح تردوني؟؟؟؟؟؟؟؟؟

اختي نور انا اعتذر عن الصوره لج
واعتذر لكل البنات
بس الله مو بيدي
هذا التجمع للريجيم
اهما فارضين علينا هالصوره

من قوانين التجمع ان نحط هالصوره
ولا لو كان علي انا جان ابد ما احط هالصور لا نساء كاسيات ولا عاريات <<انا شكو احط صوره مره

بارك الله فيك واسأل الله ان يجعلنا ممن نخشى ونخاف عقابه ومن المتقين الذين اعد الله لهم جنات النعيم

 

[مشتاق اشوفك]

[size="4[color="royalblue"]"]تتجلى عظمة الخالق...


قال سبحانه وتعالى:[/color]
( يا ابن آدم جعلتك في بطن أمك. وغشيت وجهك بغشاء لئلا تنفر من الرحم ..



و جعلت وجهك إلى ظهر أمك لئلا تؤذيك رائحة الطعام ..



و جعلت لك متكأ عن يمينك و متكأ عن شمالك


فأما الذي عن يمينك فالكبد.. و أما الذي عن شمالك فالطحال ..



و علمتك القيام و القعود في بطن أمك .. فهل يقدر على ذلك غيري ؟؟


فلما أن تمّت مدتك.


وأوحيت إلى الملك بالأرحام أن يخرجك فأخرجك على ريشة من جناحه.



لا لك سن تقطع ... و لا يد تبطش....


و لا قدم تسعى .. فأنبعث لك عرقين رقيقين في صدر أمك يجريان لبنا خالصا.


حار في الشتاء و باردا في الصيف . و ألقيت محبتك في قلب أبويك.

فلا يشبعان حتى تشبع ... و لا يرقدان حتى ترقد ....


فلما قوي ظهرك و أشتد أزرك ..

بارزتني بالمعاصي في خلواتك ..

و لم تستحي مني . و مع هذا إن دعوتني أجبتك)
(و إن سألتني أعطيتك.. و إن تبت إليّ قبلتك)
************




أنا عن نفسي قرأته فأدمعت عيني واستحيت من ربى






راقِبْ أفكارَكَ لأنها ستُصبِحُ أفعَالاً



راقِبْ أفعالَكَ لأنها ستُصبِحُ عادات



راقِبْ عاداتَكَ لأنها ستُصبِحُ طِباعاً



راقِبْ طِباعَكَ لأنها ستُحدِّدُ مصِيرَك [/size]

 

[!! الواصليّـــــة !!]

نور الكويت ليش الله يعينا عليج ؟
بالعكس هالشي يحببنا فيج اكثر .. انا عن نفسي .. حبيييييييييييتج

.

جنوي

توني انتبه للي بتوقيعج والله !
من صجج تقولين [ فارضين علينا ] .!!!!
هالكلمه ما اعجبتني ابد جنوووي غلاي محد يقدر يفرض علينا شي .. الا ان كنا احنا قابلين هالفرض ..
<< ام اعناد هذي عاد .
طيب لو نفرض عليج احنا انج يا اما تشيلين الصورة ويا اما ماتصيرين من تجمعنا ؟
وش ردة فعلتس ؟ << اهب جت بالصميم
امزح يالغلا احنا لو شنو مانهدج ولانستنغنى عنج حتى لو ما اعترفتي بتجمعنا ولاحطيتي شعاره وهذا ان دل يدل ع ان تجمعنا هدفه المقصود واضح .. وليس طلب شهره للتجمع !

.


مشتاق اشوفك

الله يجزاك خير يالغلااااا
اضافه طيبه

 

[...الجوهرهـ...]

عسى ربي يوفقكم بناااااااااات ..=يعطيكم على قد نيتكم واكثر..يااااااااااااااااااااااارب..

 

[@الخياله@]

في ناس اسمهم الواصليه يبيلهم نوقف الدعا لهم .! >> ادري هالنقطه ضعفها ههههه

يختي عبرينا شوي )=

تراني من اليوم ادعيلكم .!


فديت قلب ام صعوبي اللي تقدر .!



>> ولا من لقى احبابه نسى اصحابه "_"

 

[جنى q8]

في ناس اسمهم الواصليه يبيلهم نوقف الدعا لهم .! >> ادري هالنقطه ضعفها ههههه

يختي عبرينا شوي )=

تراني من اليوم ادعيلكم .!


فديت قلب ام صعوبي اللي تقدر .!



>> ولا من لقى احبابه نسى اصحابه "_"

افا بس ليش ماتعبريني انا اول

كل ما اقول خلاص بزعل قلبي ما يطاوعني
يمكن من بدا التجمع هذا وانا اسلم عليج ماتردين علي
ليش ؟؟؟؟

 

[!! الواصليّـــــة !!]

في ناس اسمهم الواصليه يبيلهم نوقف الدعا لهم .! >> ادري هالنقطه ضعفها ههههه

"_"

:flower:

عصبي علي طقيني هزئيني بطّي عيوني اقطعي ئيدي ولا تقولين توقفين دعاء لي لو من باب المزح تراني انسانه شديدة وسريعة التأثر والحين احس ودي اشوفج مو عشان شي الا عشان افظخ قلبج وامرج عقلج واطقج
.عيديها مرة ثانيه وتشوفين ان مارشحت نفسي بمنطقتج ولانجحت اول شي اسويه اسحب جنسيتج واقول انج مزدوجه :eh_s(13):ههههههههههههههههههههههههه

.