% الـسـر الـلـي غـيـر بـشـرتـي (360) درجـه تـعـالـو اقولكم عليه %

[bnt q8 in usa]

انزين عفوا:هالخلطه بعد ماتحطينها وتتركينها ماترد مثل ماكان ويهج او ماياثر علي البشره

انزين الكريم ترعصينه كله بالعلبه الفاضيه
والي عندهم دوام :شلون نحطه بليل والصبح تقصدين نغسل ويهنا ونحط كريم مرطب وحمايه؟؟
انزين وجم شهر نستعمله؟؟

اذيتج سوري

 

[* مـذهـلـه *]

bnt q8 in usa : افا عليج بس اخذي راحتج اسألي مليون سؤال الموضوع موضوعج حبيبتي ..

​

انزين عفوا:هالخلطه بعد ماتحطينها وتتركينها ماترد مثل ماكان ويهج او ماياثر علي البشره

لا ما ترد و هذا الحلووو بالخلطه انها طبيه و مضمونه و حتى لو تركتيها ما ترجع بشرتج مثل ما كانت ..​

انزين الكريم ترعصينه كله بالعلبه الفاضيه

اي كل الكريمات ترعصينهم كلهم بعلبه فاضيه واهم شي تكون نظيفه عدل و الاهم انها تبقى بالثلاجه ما تطلعينها الا وقت ما تحطين وترجعينها مره ثانيه ..​

والي عندهم دوام :شلون نحطه بليل والصبح تقصدين نغسل ويهنا ونحط كريم مرطب وحمايه؟؟
انزين وجم شهر نستعمله؟؟

انتي تحطينها بالليل بس قبل تغسلين وجهج بصابونه طبيه مهم انها تكون طبيه و اول ما تقومين الصبح تغسلين بعد بصابونه طبيه و لما تطلعين تحطين واقي بس الصراحه انا لما استعملتها ما كنت اطلع كلش الصبح لانه سمعت انه مفعول واقي الشمس بس يتم 4 ساعات على الوجه و لازم كل اربع ساعات تردين تحطين مره ثانيه ..

يا طويلة العمر الخلطه اتمين عليها 3 شهور و بعد الثلاث شهور تقطعينها بالتدريج يعني لما تخلصين الثلاث شهور تبتدين تحطينها بالاسبوع ثلاث مرات وبعدين بالاسبوع مرتين و هكذا ..

و اي سؤال ثاني يا قلبي انا حاضره ..​

 

[bnt q8 in usa]

مشكوره حبيبه ماقصرتي ولا خلا ولاعدم وانالله ارد الديره بالسلامه واجربها

 

[احلى عيون]

مذهله هقوتج الحبوب السود الصغار تطلع مع الخلطه ؟!!
مضايقتني هالحبوب ودي اسوي تنظيف بشره واحس ان خلطتج حلوه
ودي اسويها بس عندي دوام وخايفه يتقشر وجهي
ممكن تقوليلنا جم اسعار الكريمات ولا عليج امر ؟؟

 

[* مـذهـلـه *]

bnt q8 in usa : العفوو يا عمري شرفتي بمرورج ..​

 

[* مـذهـلـه *]

احلى عيون : اهيا الخلطه حلوه حيل ما شاء الله بس اذا بشرتج مو محتاجه وفيها شي بسيط استخدمي لها المره نقعيها بماي و امسحيها بقطنه على وجهج احسن بس اذا بشرتج تحسين انها مو متوحد لونها و فيها اثار لحبوب و حبوب مو مشكله استخدمي هالخلطه لانها صج روعه ..

و الله يا عمري ما اتذكر بالضبط سعر كل كريم فيهم بس الكريمات كلهم مع بعض يطلعون لج بـ 13 دينار و شي .. ​

 

[احلى عيون]

الله يعطيج العافيه ما قصرتي ياقلبي
وان شاء الله بروح امر الصيدليه واخذهم
وبجربهم وما يهم الصراحه اذا تقشر وجهي والا لا
المهم عندي اني اشوف نتيجه ترضيني
الله يوفقج حبوبه

 

[* مـذهـلـه *]

احلى عيون : الله يعافيج يا بعد عمري اجمعين يارب .. حياج الله ..​

 

[june_m00n]

السلام عليكم ورحمة الله وبركاته

مشكوره وايد مذهله على جهودج والله انج ما تقصرين

بس حبيت اسألج حبيبتي
انا لما رجعت للرابط اللي كنتي حاطته من قبل مكتوب انج ما تخلطينهم مع بعض كل واحد لحاله

(بس ترى لكريمات ما تخلطينهم بعلبه لااااااااا لما تجين تحطينها تاخذين من كل مرهم شويه وبالتساوي و تدهنين فيها وجهج ..)

ولما ييت حق موضوعج هذا مكتوب انج تخلطينهم بعلبه مادري يعني هذي غير عن هذيج؟

وبعد في شغله ثانيه اهناك في كريم يلكوم مو ذاكرته بخلطتج اللي اهني ومستبدلته في كريم بيردر كريم فأيهي الأضبط بعد قلبي تعبناج ويانا وعسا مو احد ثاني سألج نفس السؤال ومجاوبته وانا ما انتبهت
صاير انا ويهي صافي الحمدلله بس صوب الحلج شويه لونه غير عن الباجي غير ان عندي بقايا حبوب قديمه مكانها شويه مبين

مشكوره وجزاج الله خير والله يجعله في ميزان اعمالج

 

[أميرة الورد]

مذهله مشكورة على الاجابه بس امس قاعدة أسولف مع خالتي خرعتني تقولي انا مسويه yellow beeling عند قنال الصايغ واننصلخ ويهها تقولي هالتقشير ما يفيد خرعتني الصراحه ألحين أنتي شنو وضعج مع الكريمات اوكي والا لأ؟

 

[* مـذهـلـه *]

june_m00n : و عليكم السلام و الرحمه ..

العفووو يا عمري حياج الله ..​

انا لما رجعت للرابط اللي كنتي حاطته من قبل مكتوب انج ما تخلطينهم مع بعض كل واحد لحاله

(بس ترى لكريمات ما تخلطينهم بعلبه لااااااااا لما تجين تحطينها تاخذين من كل مرهم شويه وبالتساوي و تدهنين فيها وجهج ..)

ولما ييت حق موضوعج هذا مكتوب انج تخلطينهم بعلبه مادري يعني هذي غير عن هذيج؟

لا حبيبتي اهيا كلها وحده بس بالبدايه سمعت انه ما اخلطهم مع بعض و كنت اسوي هالطريقه كل ما جيت احطها احط من كل كريم شويه بعدين طقت جبدي يعني انا ما اعرف اوازي عدل بين الكميه و لما رحت سألت الصيدلي قالي عادي و يستحسن انج تخلطينهم كلهم مع بعض و تحطينهم بالثلاجه عشان الكريمات ما تتأكسد ..​

وبعد في شغله ثانيه اهناك في كريم يلكوم مو ذاكرته بخلطتج اللي اهني ومستبدلته في كريم بيردر كريم فأيهي الأضبط بعد قلبي تعبناج ويانا وعسا مو احد ثاني سألج نفس السؤال ومجاوبته وانا ما انتبهت
صاير انا ويهي صافي الحمدلله بس صوب الحلج شويه لونه غير عن الباجي غير ان عندي بقايا حبوب قديمه مكانها شويه مبين

يا عمري اهيا الخلطه فيها يلكوم بس لما رحت الصيدلي ما يسير يعطيني هالكريم الا بوصفه طبيه لانه فيها نسبه كرتزون فاستبدله لي بكريم بيردر كريم للحساسيه وكله واحد سواء هذا او هذا نفس الشي ..

شوفي يا عمري هالخلطه بتقشر وجهج يعني اي اثار حبوب موجوده فيج راح تروح باذن الله مثلي انا كان عندي اثار حبوب و الحمدالله راحت ..
​

 

[احلى عيون]

مذهله
رحت شريت الكريمات بس ما حصلت كريم
* كريم الدوكين فور ( يوحد لون البشره )
* Eldoquin Forte 4% Cream

بصيدليتنا ادوره باجر ان شاء الله ..
ومن ابتدي فيه بعلمج وان شاء الله استمر عليه لمدة 3 شهور وابعلمج بكل اللي التطورات اللي تصير معاي بالثلاث اشهر ..

طيب تنصحيني اخلطهم والا احط من كل كريم اشوي على ايدي وادهن وجهي ؟؟؟

 

[* مـذهـلـه *]

أميرة الورد : لا الحمدالله تمام بس بالبدايه راح ينصلخ وجهج بس عاد مو حيل بدرجه كبيره لأ لانه معاه كريمات ثانيه بتخفف هالشي و خصوصا كريم الحساسيه راح يخفف حيل الاحمرار و التقشير .. بس على فكره الريتن اي لما تستخدمينه بروحه حيل قوي بس لما يكون معاه كريمات ثانيه و خصوصا الدوكين فور بخفف حيل .. حياج الله حبيبتي ..​

 

[* مـذهـلـه *]

احلى عيون : ضروري يا عمري الدوكين فور لا تخلطينهم الا و معاهم الدوكين فور .. شوفي يا قلبي تاخذيلج علبه و تكون نظيفه عدل و تخلطين كل الكريمات مع بعض و تخلينهم بالثلاجه ما تطلعينهم من الثلاجه الا اذا بغيتي تحطين منها و ترجعينها بالثلاجه ..

قبل لا تحطين الخلطه تغسلين وجهج بصابونه طبيه و بعدين تبتدين تدهنين وجهج فيها و تنامين .. او اذا ما تبين تحطينها قبل النوم حطيها باي وقت بس خليها تاخذ مفعولها خمس ساعات او اربع ساعات ..

طبعا الواقي ضروري قبل لا تطلعين تحطين واقي الشمس و النار لا تقربين صوبها اقصد المطبخ و الجوله ..

و بلغيني اول باول بكل شي يصير معاج و حبيبتي اي شي يصير لا تخافين هذي اشياء عاديه تصير من الخلطه مثل الاحمرار و القشور ..​

 

[احلى عيون]

الله يجزاج خير
ان شاء الله بحطها لمن انام احسن وقت عندي ..
بس ما عندج فكره عن صابون طبي ؟؟
عشان بالمره لمن اشتري الكريم اشتري الصابونه بعد
وبالنسبه للاحمرار والقشور بقاوم وبعد قالوها من بغى الدح ما قال أح :eh_s(15):

 

[* مـذهـلـه *]

الله يوفقج حبيبتي ..

انا استعمل صابونة سيباميد و مرطب سيباميد ما شاء الله حلوين ..

و اي شي حبيبتي تبينه لا يردج الا لسانج ​

 

[احلى عيون]

يبيــــــــــــــله سيباميد >>> قاعده اتسجل بورقه هههههه :eh_s(6):

الله يوفقج يامذهله وعسانا ما نخلا منج :eh_s(17): :eh_s(17):

 

[* مـذهـلـه *]

يا عمري تسلمين و حياج الله الموضوع موضوعج .. شرفتي يا الغلا ..​

 

[* مـذهـلـه *]

يبيــــــــــــــله سيباميد >>> قاعده اتسجل بورقه هههههه :eh_s(6):

الله يوفقج يامذهله وعسانا ما نخلا منج :eh_s(17): :eh_s(17):

يا عمري تسلمين و حياج الله الموضوع موضوعج .. شرفتي يا الغلا ..​

 

[شموخ]

اتوقع عبده غنها فيك ولك

قصدها إن محمد عبدو غنى ( مذهله ) لك و فيك : )

حتى أنا بالبدايهـ ما فهمتها

.
.
.

و مشكوووووووووره يا قلبي ع التجربهـ الحلوه
و الله شجعتيني من قلب ..
بس بغيت أسأل شنو نوع حمايتج ؟

و يصير أستخدم الخلطه لجسمي بعد ما أشوف نتايجها ع وجهي

لأني أخاف يطلع وجهي أبيض من جسمي ..

أنا إن شاء الله بستخدمها بالشتا


و ميرسي حبيبتي

و إنتي من أي صيدلية مآخذه الكريمات ؟


بس أنا سامعه قبل إن بنات بعد ما استخدمووها مدحوووها حيل
بعدين بعد ما هدوها تدمرت بشرتتتتتهم من قلب

هذا اللي سمعته

لأني أول ما شفت تجربتهم تشجعت بعدين تحطمت عقب ما شفت النتيجه العكسيهـ