الغيرة بالصداقة عادي ولا لاء

[حرم القيصركمودس]

اهلين بنات :tek:
شلونكم بخير ان شاء الله

بشكل مباشر
انا عمري ماتخيلت احط موضوع بهالقسم عن هالموضوع

شوفو
وحدة تعرفت عليها ونيسة وتهبل وروعه اطلع معاها تيي عندي البيت واحبها مووووووت وتحبني
خلى نسميها ( الحلوة 1)
الحلوة 1 قصيرة و مو بيضة عيونها سود
ملاحظة : تحط مكياج
شكو هالملاحظة انا اقولكم

انا مااحط مكياج ولما اقولها تعيب علي حق العرس احط بس خفيف وتعيب علي
هالبنت انا عكسها انا طنطل تعيب على طولي على شكلي
اول عبالي طنازة بس شكلها جد
فهل عادي هالشي يعني بين الصديقات ؟
يعني انا مو زعلانة منها عادي تمون بس عادي يعني صديقاتكم يسوون جذي
------------------------------------------------------

الحين نيي حق وحدة هم احبها مو اقل من الحلوة 1
نسميها الحلوة 2
كله تقارن طولها بطولي اهية قصيرة بس حلوة
وتبيني بس حقها يعني كله تبي تخرب بيني وبين صديقاتي الباجي تحتر لما اقولها تعرفت على وحدة
:jumpon: مرة بالمسن شبكتها مع الحلوة 1 زعلت منها وتهاوشت معاها
ومرة صار شي مو صج شبكتها مع وحده غير الحلوة 1 تهاوشت هوشى كبيرة حييييييييييييييييييييييييييييييييييل
ماتتحمل غشمرة بنات تدور الهوشة احيانا تقولي شبكيني مع احد ماله وانا ادري انها راح تتهاوش معاها بس كنت اشبكها ماادري ليش

يعني شسوي فيها
لحد يقولي هديها ولا وخري عنها احبها وااايد
اهية والحلوة 2

 

[سمبتيك]

انا برايي المتواضع اقولج عادي الحلوه1 والحلوه 2 ايتمون صديقاتج بزينهم وشينهم
صراحه انا ابعد عن اللي قلبي مايرتاحلها اما عن الغيره شي طبيعي عالاقل اهيا مو قاعد تقولج عكس اللي تحس فيه يعني اهي واضحه وياج
ماقاعد تقولج حجي وبداخلها حجي ثاني
انا عندي اثنينا رفيجاتي ديج وديايه كله اقولهم بقطع نفسي اثنين واعطي كل وحده فيكم قطعه وافتك
والحياه ماشيه عادي

اللي بوصله يعني لا اتحطين ابالج الا اذا انتي من داخلج حسيتي بانذار الخطر بهاللحظه دير بالج وبعدي..

good luck

 

[Tulips]

رد : الغيرة بالصداقة عادي ولا لاء

والله مادري اذا هالشي غيره ولا لا

بس ليش ماتصارحينها بطبعها هذا

 

[RmRom]

بالنسبة لرفيجتج الاولى .. الحلو فيها مثل ما قالت أختي سمبتيك أنها واضحه .. يعني لو كانت تسكت عندج ومن وراج تقول هالكلام جان قلت لج هذي لها راي ثاني

والحل : أنج تقولين لها يا فلانه ترا كلامج يحز بخاطري .. وصدقيني إذا تعزج راح تغير أسلوبها وياج *_^

وبالنسبه لرفيجتج الحلوه 2 مدري أحس أنها الطبع اللي فيها عادي .. الحل لا تسولفين عن رفيجاتج عندها ولا تشبكينها مع أحد

والأمور تصير بخير

 

[Om_HaTaN]

ما ادري احس وضع الثانيه مو طبيعي وسوالف يهال..

مو حلو جذيه شنو حبيبتها انتي؟

 

[سمبتيكا ~]

سبحان الله جنج تتكلمين عني ، آنا مثلج جذي بس بإستنثاء الحلوه 1 ما آعاني منها
مشكلتي آنهم الـ2 يغارون من بعض .. بس ولامره واجهتهم بهالشي ولا لمحت لهم
كل إللي سويته آني فصلتهم عن بعض ، صارت علاقتي شخصيه بـ كل وحده
بس مرات لما آغلط وآطري آسم وحده فيهم بالغلط جدام الثانيه ، آشم ريحة الغيره
وآحسها تنرفزززز ليش آغلط بإسمها وآناديها بإسم الثانيه *_*
آنا آحبهم عشان جذي قاعده آفصلهم وآعطي كل وحده جوها إللي يناسبها ..

عادي حبيبتي ، الناس آجناس لازم تفرقين بـ معاملتج حق كل وحده
خصوصاً الحلوه نمبر تو هذي لازم تراعينها ولا بتزعل عليييج
آمسكي

​

 

[اصيله بنت البدو]

رد : الغيرة بالصداقة عادي ولا لاء

كل صديقه فيها ايجابيات وسلبيات لكن من ناحيه صديقاتك اذا شفتي منهم صفة حسد وتتمنى زول النعمه منك
هذي الف وحده بداله اما عن غيره بنات كلن يغير وعموما هالصفه موجوده بكل شخص طبيعي اما
اذا هم يتمنوللك الخير ومايرضون احد يقذفك او يسبك نحطهم عالعين والراس
وعموما هذي سلبيه فيهم الاول اتضح لي عنده هالمقارنه تقارن فيك وفيها
اما الثانيه حب التمللك يعني تبي للك وحدها ماتبي وحدها ثانيه تشاركها والدليل تفتعل مشاكل مع اصحابك
للتفرقها لكن انتي دوري حل مع الشخصيه الثانيه او طريقة التعامل معها والاول اذا انتي تتحسي من كلامها
كلميها بالحرف الوحد اوعيبي عليها

 

[حرم القيصركمودس]

رد : رد: الغيرة بالصداقة عادي ولا لاء

ما ادري احس وضع الثانيه مو طبيعي وسوالف يهال..

مو حلو جذيه شنو حبيبتها انتي؟

اهية تحب جذي

بس وربي احبهم اثنيناتهم
يعني يمكن الحلوة2 فيها اطباع مو حلوة غير هالشي بس اهية خوش وحدة

 

[حرم القيصركمودس]

رد : الغيرة بالصداقة عادي ولا لاء

نسيت اقولكم شي بخصوص الحلوة2 مرة قتلها ليش انتي تعامليني جذي يعني
قالتلي انا جذي بعدين انا اعاملج احسن معامله
بس ترى على الي تقولة ادري تحبني وتموت فيني