الغلط مني ولا من بنتي ولا من ؟؟؟؟؟؟!!!!!!!

[كويتيه ذربه]

الله يعينج والله
مسكينه هالبنيه المشكله انهم يهال صغار ومايفهمون لو شنو تقولين لها ماتعرف تاخذ حقها
وهم ولد اخوج ياهل مايفهم بس اكيد بيشوف انهم يدافعون عنه اخاف يستقوى عليها

انا اقول دقي على امج وتفاهمي معاها بالتلفون وقوليلها انتي تعرفين وضع بنتي وشنو ظروفها واكيد قلبها بيحن
بس نصيحه كلما اشتقتي لها دقي عليها بس خففي الزيارات شوي
واذا رحتي حاولي ماتطلوين
واذا حست في شي قوليلها ان بنتي بس ترد متضايقه تتعب وانا اخاف عليها ومن هالحجي والله يهديها ياااااااااااااارب
ويحفظلج بنتج ويخليها لج وان شاءالله تشوفينها عروس ياااااااااااااااارب
بس اهم شي لاتبينين شي حق ريلج

 

[رضاهم جنه]

مالج الا تكسبين ولد اخوج

انا كانت بنت اخوي تكفخ بولدي الصغير والمسكين ما يقدر لها وكل زواره على هالحاله لما شريت لها هديه وقلت هذي هديه علشان يصير فلان رفيجج وكل مره بجيب لج شي والحمدلله صلرت هي تدافع عنه اذا تجمعنا

انتي سوي نفسي اشتري كراسات والوان وخليهم يلونون مع بعض او اي شي ثاني علشان يحب بنتج وتفتكين من المشاكل

 

[*ملامح يوسفيه*]

بنات اليوم دقيت على وشفت أخبارها ( ما اقدر اصبر عليها دقيقه وحده) وقالت كلهم نايمين وما عندي احد عاد ترددة وبعدين قالتلي حتى ولد اخوج نايم تدري انه يغثني. وبعدين قلتلها خلاص انا جايتج وقالت جيبي بنتج معاج تستانس اهي تحبها لأن طبايعها حلوه ورحتلهم ولقيته قدامي انا قلت بخاطري اشوي وبرد البيت بس على شان خاطرها طبعا انا ما جبت ألعاب معاي بس بنتي خذتلها لعبه صغيرة اهي تحب ألعابها بس خدامته طلعت ألعابه وكبتهم عالارض وتري ثلاترباعها لبنتي بس انا ما اقول شي علشان امي واخوي فديته اللي مايرضى بالغلط امه ماتشتري شي لولدها معنها موظفه انا عاطله عن العمل بس احب اشتريلها ما احب اخلي شي بخاطرها عاد تحاورنا عن البر واهلي بخيمون قالت امي عن طرق ضحكه إذا بتجيبين ألعاب لبنتج جيبيله ألعاب انا قلت ألحين انا ما اشتغل وامه موظفه واغلب الالعاب لها بس ماقلنا شي. وبنتي حزتها تلعب بألعابه واهو يبكي جيبوا العابي بس مح قال شي متعود على الدلع انا عندي العاب حلوه حق البر وابوها ماقصر شاريلها بقي شحن واهو عنده بقي بس بيت اهل امه. شرايكم اخلي بنتي بدون العاب علشان اهو مايحب الالعاب !

 

[اخت فايز]

رد : الغلط مني ولا من بنتي ولا من ؟؟؟؟؟؟!!!!!!!

بعد عمري والله لاتضايقين ولاتزعلين نفسج

انا حاااااااااااااااااسه فيج


عسى الله يخليلج بنتج ويشافيها ويعافيها وتفرحين بشوفتها من اشطر واحلى البنات يااااااااارب


انا عن نفسي اشوف ان البعد هو اللي يغلي يعني خلك بعيد تبقى غالي

والله صج ليش كل يومين والثالث رايحه لاهلي ماله داعي وبعضهم كل يوم عند اهلها اهي وعيالها شدعوه الاوادم مايبون يرتاحون ابيتهم مايبون يحسون انهم بروحهم مره وحده

انا ما اتكلم عليج بس والله جد اعرف بنات كل يوم عند اهاليهم وهذا غلط


نعم امي وابوي لهم حق علي اكلمهم واوجبهم واهديلهم وادعيلهم بكل صلاة ولااااازم كل يوم ادق ع امي واكلمها لكن ما اروح لها الا مره بالاسبوع وزياره ماتطول يعني من المغرب لي الساعه 9 او 10


والله جد حتى اهم يشتاقون لعيالي ويدقون وكله يقولون متى تجونا

وانا ابصراحه عاجبني هلوضع احس اريح خصوصا ان عند امي بنت اختي المطلقه مربيتها امي وحيييييييييييييل دلوعه وانا من النوع ماااااااتحمل احد يطق عيالي او ياذيهم وبنفس الوقت ماحب ازعل امي لانها عندي بالدنيا كلها


وبجذي والله مرتااااااااااااااااااحه



انتي جربي لاتروحين لهم الا الجمعه ولا تطولين وجمعه اخذي بنتج وجمعه خليها مع ابوها


صدقيني بترتاحين



وماقول غير ياربي ياكريم ياعليم ياقادر انك تشافي بنتها وتعافيها وتخليها لها يارب

 

[*ملامح يوسفيه*]

مشكورين بنات ماتقصرون ربي إنشاءالله يحققلكم امانيكم يا كريم اخت فايز والبنات انا بسوي اللي قلتوه بقلل جيه لبيت اهلي علشان ارتاح وريح بنتي حبيبتي ( والله يحز بالخاطر لما يكون البيت اللي عشت فيه والناس اللي أحبهم من كل قلبي اكون ضيفه عندهم ويستثقلون جيتي ) نار زوجي ولا جنة اهلي.

 

[ام المزيووون]

حبيبتي انتي ليش دايم تجيبين طاري الموت اسم الله عليج الله يعطيج طولت العمر وتربين بنتج احسن تربيه خلي عنج هالحساسيه الزايده ولا تتشائمين انشالله بنتج ما فيها الا العافيه التشنج يصيب وايد يهال ولما كبروا راح منهم واذا مضايقتج هالتصرفات كلمي اخوج اللي اهو ابوه قوليله خوفج على بنتج وقوليله بوقت زيارتج يطلع الولد او خلي زوجج يطلعها بوقت زيارتج يمكن تحس امج شوي والله يهون عليج يارب0000

 

[om al ghaleen]

ماآقدر اقول الا الله يعنيج فعلا شي يقهر
واذا احد مد ايده على بنتج غير آمج << لانها تمون
كلمي ووقفي عند حده
ترا الياهل ماتصير عنده شخصيه اذا على طوٌل تهزآ او انطق
لاني مجربه في بناتي والله مايخذون حقهم حتى لو يمي
وينطقون طق وبالاخر مايتكلمون وآنقهر آقولهم ليش
يقولون احنا مانحب نفتن !!




\\

 

[جوري الكويت]

رد : الغلط مني ولا من بنتي ولا من ؟؟؟؟؟؟!!!!!!!

انا علشان جذي ما احب اودي لبنتي العاب في الزواره

علشان لا تصير مشاكل بين اليهال

 

[*ملامح يوسفيه*]

مشكورين بنات ماتقصرون وجزاكم الله ألف خيير. وبطبق اللي قلتوه.

 

[ام زاكي]

عادي ترا اغلب البيوت جذي
انتي قطعي بيت اهلج واذا قالت امج مانشوفج قولي لها الي بخاطرج
هاذي امج اذا ماشتكيتي لها حق منو تشتكين

 

[miss-chocolate]

لوووووووووول


ذكرتيني في بنتي وبنت اخوي

بنتي مسكينه اكبر من بنت اخوي بس بعدها ما تمشي

عاد بنت اخوي النحيسه تاخذ منها اللعبه وتنحاش عشان ما تطولها

ابوي الله يحفظه يشتريلهم نفس اللعبه بس بنت اخوي تبيهم كلهم طماعه

 

[حبيبي مالكني]

رد : الغلط مني ولا من بنتي ولا من ؟؟؟؟؟؟!!!!!!!

حبيبتي لا تدخلين بهوشة اليهال
مارهم بيتصالحون
انا لو اشوف ولد اختي يطق بنتي ما تدخل عشان لا اخسر اختي والعكس صحيح بالنسبة لاختي
ما رهم بكبرون ويعقلون

 

[ادارية]

رد : الغلط مني ولا من بنتي ولا من ؟؟؟؟؟؟!!!!!!!

الله يخلي لج بنتج ويحفظها من كل شر والله يعينج صراحة اذا تحجيتي بيقولون عقلج صغير واذا سكتي بتنقهرين على بنتج قوليها على غشمرة ماما اللي يطقج طقيه جدام امه يمكن تستوعب ..

 

[ام ناصر 2009]

رد : الغلط مني ولا من بنتي ولا من ؟؟؟؟؟؟!!!!!!!

عندنااا وعندج خير

 

[*ملامح يوسفيه*]

والله بنات بنات خالتي اهم الداخلات وعيالهم وحريمهم ام الطالعين لي درجة بنات خالتي لهم غرف خاصه عند اهلهم.

المفروض احنا نرتاح بيت اهلنا مو يحسسونا ااننا ضيوف اليوم رحت لبيت اهلي طبعاً بعد انقطاع ولقيت ولد أخوي معاه ألعابه
وشنطته وبنتي لما طلعنا من البيت راحت تاخذ شنطة ألعابها وطرتها وحز بخاطرها والله بنات حز بخاطري انا أكثر منها ولما رحت لبيت أهلي بس تبكي ضايق خلقها وتضايقت علشانها ورديت البيت بنتي فيها عصبيه والشي هذي غصب عليها ويحرني.

 

[ريتااجي]

رد : الغلط مني ولا من بنتي ولا من ؟؟؟؟؟؟!!!!!!!

حبيبتي لاتحرين نفسج

كلمي أمه قولي لها موحلوة كل مابنتي يابت لعبة او شي ولدج خذاها من عندها

ولو قالت لج ياهل قولي لها هم بنتي ياهل

انا ألعاب ولدي ماارضى احد يلمسهم مو لشي لاني ماشريتهم له علشان أحد ياخذهم من عنده

وهوه ينكسر او يتضايق يعني لما اروح اشتري لولدي لعبة احسب حساب أولاد أختي اثنيناتهم

بس طبعا موكل مرة اروح اشتري لولدي اشتري اليهم يعني انا ولدي مايرضى على اغراضه

وولد أختي يسحب من عند اليهال العابهم ويكسرهم ولدي وقتها ينقهر فصرت اقول لهم امسكوا

يهالكم ماهي حالة هذي أنا ولدي مااخليه يلمس العاب اولادكم في الماقابل اولادكم يهال يعني مايفهمون

انتوا مسكوهم أختي ردت علي وقالت لي شسوي هذا ياهل مايفهم ويزعل اذا خذيت منه اللعبة

قلت لها انتي معلمته اي شي يبيه حتى لو مو حقه تعطيه اياه وبكرة بتجي تشتكين منه

فاللي صاير الحين ماحد منهم يقرب ألعاب ولدي إلا لما هوه يناديهم يلعبون معاه

 

[*Little**Angel*]

زوري امج مع بنت وقت زوارت مرت اخوج لاهلها
وافتكي اذاهم بالبيت لا طوليين
ولا كلش كلش قعدي بنتج بحظنج طول الوقت
امرج لله بعد

رايي من رايها

 

[مرهونه]

عادي عندنا وعندج خير اغلب العوايل جذي كبري عقلج​

 

[*ملامح يوسفيه*]

انا برضى بالواقع اللي ما تخيلته قاسي لي هالدرجه. امري لله

مشكورين بنات وجزاكم الله الف حير.

 

[eman12]

الصراحه ماحب التفرقه بين عيال البنت وعيال الولد وعندنا وعندج خير
خليها تقعد يمج وحاولى تودين حق الياهل نفس اللي عند بنتج حتى يطخ عنها